ຊຸກຍູ້ສົ່ງເສີມຄວາມປອດໄພ ແລະ ສຸຂະພາບແຮງງານຢູ່ລາວ

ຊຸກຍູ້ສົ່ງເສີມຄວາມປອດໄພ ແລະ ສຸຂະພາບແຮງງານຢູ່ລາວ - 7001 - ຊຸກຍູ້ສົ່ງເສີມຄວາມປອດໄພ ແລະ ສຸຂະພາບແຮງງານຢູ່ລາວ
ຊຸກຍູ້ສົ່ງເສີມຄວາມປອດໄພ ແລະ ສຸຂະພາບແຮງງານຢູ່ລາວ - Untitled design - ຊຸກຍູ້ສົ່ງເສີມຄວາມປອດໄພ ແລະ ສຸຂະພາບແຮງງານຢູ່ລາວ

ໃນວັນທີ 16 ກຸມພາ 2021 ທີ່ນະຄອນຫລວງວຽງຈັນ ໄດ້ມີກອງປະຊຸມ ຄະນະຊີ້ນໍາໂຄງການຄວາມປອດໄພ ແລະ ສຸຂະພາບແຮງງານ ໃນຕ່ອງໂສ້ການຜະລິດ ຢູ່ ສປປ ລາວ ພາຍໃຕ້ໂຄງການກອງທຶນເພື່ອສົ່ງເສີມຄວາມປອດໄພ ແລະ ສຸຂະພາບແຮງງານ ໂດຍການເປັນປະທານ ຂອງ ທ່ານ ຄຳແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ, ມີ ທ່ານ ວິໄລ ວົງຂະເສີມ ຮອງປະທານສູນກາງສະຫະພັນກໍາມະບານລາວ ແລະ ທ່ານ ນາງ ສຸໄພວັນ ທ່ຽງຈັນໄຊ ຄະນະບໍລິຫານສະພາການຄ້າ ແລະ ອຸດສາຫະກໍາແຫ່ງຊາດລາວ, ມີບັນດາຜູ້ປະສານງານອົງການແຮງງານສາກົນປະຈໍາ ລາວ ແລະ ພາກສ່ວນກ່ຽວຂ້ອງເຂົ້າຮ່ວມ. ເພື່ອຮັບຟັງການລາຍງານຜົນຂອງການ ຈັດຕັ້ງປະຕິບັດກິດຈະກໍາຂອງໂຄງການ ໃນໄລຍະທີ່ຜ່ານມາ ແລະ ໄດ້ພ້ອມກັນປຶກສາຫາລື ຄົ້ນຄວ້າ, ປະກອບຄໍາເຫັນເຂົ້າໃສ່ບັນດາກິດຈະກໍາ ໃຫ້ກວ້າງຂວາງ, ເລິກເຊິ່ງ ແລະ ດ້ວຍຄວາມຮັບຜິດຊອບສູງຮ່ວມກັນ ເພື່ອຊອກຫາວິທີທີ່ຈະຫາແຫລ່ງຊັບພະຍາກອນຈາກໃສມາສະໜັບສະໜູນ ຫລື ຈະເຮັດໃຫ້ວຽກງານດ້ານນີ້ ກາຍເປັນວັດທະນະທຳຂອງຂະແໜງການການຜະລິດໄດ້ແນວໃດ ເພື່ອຫລຸດຜ່ອນ ຫລື ຕັດຮອນງົບປະມານທີ່ມີຢູ່ຢ່າງຈຳກັດ ຂອງລັດຖະບານເຮົາ ໂດຍສະເພາະໄລຍະວິກິດການທີ່ເກີດຈາກ ການລະບາດຂອງພະຍາດໂຄວິດ-19 ຄືທຸກມື້ນີ້.

ຊຸກຍູ້ສົ່ງເສີມຄວາມປອດໄພ ແລະ ສຸຂະພາບແຮງງານຢູ່ລາວ - 7000 300x233 - ຊຸກຍູ້ສົ່ງເສີມຄວາມປອດໄພ ແລະ ສຸຂະພາບແຮງງານຢູ່ລາວ

ໂຄງການດັ່ງກ່າວ, ຖືວ່າເປັນໂຄງການທຳອິດຂອງອົງການຈັດຕັ້ງສາມຝ່າຍ ເຊິ່ງປະກອບມີ ກະຊວງແຮງງານ ແລະ ສະຫວັດດີການສັງຄົມ, ສູນກາງສະຫະພັນກໍາມະບານລາວ ແລະ ສະພາການຄ້າ ແລະ ອຸດສາຫະກຳ ໄດ້ຮ່ວມກັນປະຕິບັດ ໂດຍເລັ່ງໃສ່ເພື່ອຊຸກຍູ້ ແລະ ສົ່ງເສີມວຽກງານຄວາມປອດໄພ ແລະ ສຸຂະພາບແຮງງານຢູ່ປະເທດເຮົາ ໂດຍສະເພາະຂະແໜງການຜະລິດທີ່ເປັນຕ່ອງໂສ້ ຫລື ຂະແໜງ ການທີ່ຜະລິດສິນຄ້າສົ່ງອອກຕ່າງປະເທດ, ເຊິ່ງໄດ້ຖືກຈັດຕັ້ງປະຕິບັດ ເປັນເວລາ 2 ປີ ແລະ ໄດ້ຮັບການສະໝັບສະໝູນດ້ານງົບປະມານຈາກສະຫະພາບເອີຣົບ ຜ່ານໂຄງການກອງທຶນວິຊັນເຊໂລຟັ້ນ (Vision Zero Fund Project) ຂອງອົງການແຮງງານສາກົນ. ການຈັດຕັ້ງປະຕິບັດຢູ່ ສປປ ລາວ ແມ່ນໄດ້ເລືອກເອົາຂະແໜງອຸດສາຫະກໍາຕັດຫຍິບ ແລະ ຂະແໜງກາເຟ ເຊິ່ງເປັນ 1 ໃນ 7 ປະເທດໃນທົ່ວໂລກ ທີ່ໄດ້ຮັບການສະໜັບສະໜູນທຶນຈາກກອງທຶນດັ່ງກ່າວ.

ຊຸກຍູ້ສົ່ງເສີມຄວາມປອດໄພ ແລະ ສຸຂະພາບແຮງງານຢູ່ລາວ - Wave100S AD to Website 2020 0 - ຊຸກຍູ້ສົ່ງເສີມຄວາມປອດໄພ ແລະ ສຸຂະພາບແຮງງານຢູ່ລາວ

ທ່ານ ຄຳແພງ ໄຊສົແພງ ໄດ້ກ່າວຕໍ່ກອງປະຊຸມຄັ້ງນີ້ວ່າ: ຕໍ່ຜົນສຳເລັດໃນແຕ່ລະກິດຈະກຳຂອງໂຄງການດັ່ງກ່າວ ໄດ້ເຮັດໃຫ້ວຽກງານຄວາມປອດໄພ ແລະ ສຸຂະພາບແຮງງານ ຢູ່ປະເທດພວກເຮົາເປັນທີ່ຮັບຮູ້, ເຂົ້າໃຈ ແລະ ໃຫ້ຄວາມສຳຄັນຫລາຍຂຶ້ນ ຈາກທຸກພາກສ່ວນຂອງສັງຄົມ ໂດຍສະເພາະແມ່ນຜູ້ລົງທຶນໃນສອງຂະແໜງການດັ່ງກ່າວ. ພ້ອມດຽວກັນນີ້ ໂຄງການດັ່ງກ່າວ ຍັງໄດ້ສ້າງໃຫ້ພະນັກງານວິຊາການຂອງສາມຝ່າຍພວກເຮົາ ມີຄວາມເຂັ້ມແຂງເພີ່ມຂຶ້ນ ໃນການເຮັດຫລ້ອນໜ້າທີ່ວຽກງານໃນດ້ານນີ້ ທັງໃນລະດັບສູນກາງ, ທ້ອງຖິ່ນ ແລະ ໃນບັນດາຫົວໜ່ວຍແຮງງານທີ່ເຂົ້າຮ່ວມໂຄງການພວກເຮົາ.

ຊຸກຍູ້ສົ່ງເສີມຄວາມປອດໄພ ແລະ ສຸຂະພາບແຮງງານຢູ່ລາວ - WhatsApp Image 2020 05 27 at 5 - ຊຸກຍູ້ສົ່ງເສີມຄວາມປອດໄພ ແລະ ສຸຂະພາບແຮງງານຢູ່ລາວ
ຊຸກຍູ້ສົ່ງເສີມຄວາມປອດໄພ ແລະ ສຸຂະພາບແຮງງານຢູ່ລາວ - WhatsApp Image 2020 05 27 at 5 - ຊຸກຍູ້ສົ່ງເສີມຄວາມປອດໄພ ແລະ ສຸຂະພາບແຮງງານຢູ່ລາວ
error: Alert: ເນື້ອຫາຂ່າວມີລິຂະສິດ !!