ຍີ່ປຸ່ນປະສົບບັນຫາສັກວັກຊີນໂຄວິດ ເພາະຂາດເຂັມສັກຢາພິເສດ

ຍີ່ປຸ່ນປະສົບບັນຫາສັກວັກຊີນໂຄວິດ ເພາະຂາດເຂັມສັກຢາພິເສດ - 4928 - ຍີ່ປຸ່ນປະສົບບັນຫາສັກວັກຊີນໂຄວິດ ເພາະຂາດເຂັມສັກຢາພິເສດ
ຍີ່ປຸ່ນປະສົບບັນຫາສັກວັກຊີນໂຄວິດ ເພາະຂາດເຂັມສັກຢາພິເສດ - Untitled design - ຍີ່ປຸ່ນປະສົບບັນຫາສັກວັກຊີນໂຄວິດ ເພາະຂາດເຂັມສັກຢາພິເສດ

ຍີ່ປຸ່ນ​ເລັ່ງຈັດ​ຊື້​ເຂັມ​ສັກ​ຢາ​ພິ​ເສດ ​ເພື່ອ​ເພີ່ມ​ຈຳນວນ​ຜູ້​ທີ່​ຈະ​ໄດ້​ຮັບ​ການ​ສັກ​ວັກ​ຊີ​ນປ້ອງ​ກັນ​ພະຍາດ​ຕິດ​ເຊື້ອ​ໄວຣັສ​ໂຄ​ໂຣນາ 2019 ຫລື ​ໂຄ​ວິດ-19, ​ແຕ່​ບໍລິສັດ​ຜູ້​ຜະລິດ​ເຂັມ​ສັກ​ຢາ​ພັດ​ປະສົບ​ບັນຫາ​ໃນ​ການ​ເລັ່ງຜະລິດ ​ເຊິ່ງ​ເຮັດ​ໃຫ້​ຫລາຍ​ຝ່າຍ​ກັງວົນ​ວ່າ: ວັກ​ຊີ​ນຫລາຍ​ລ້ານ​ໂດ​ສທີ່​ສັ່ງ​ຊື້ມາ​ອາດ​​ເສຍ​ລ້າ.

ຍີ່ປຸ່ນ ​ເຊິ່ງມີ​ປະຊາກອນ​ທັງ​ໝົດ 126 ລ້ານ​ຄົນ ​ໄດ້​ສັ່ງ​ຊື້ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ຈາກ​ Pfizer 144 ລ້ານ​ໂດ​ສ ​ເພື່ອ​ນຳ​ມາ​ສັກ​ໃຫ້​ປະຊາຊົນ 72 ລ້ານ​ຄົນ ​ແລະ ຈະ​ເລີ່​ມສັກ​ວັກ​ຊີ​ນ​ໃນ​ວັນ​ທີ 17 ກຸມພາ​ນີ້​ເປັນ​ມື້ທຳ​ອິດ. Pfizer ລະບຸ​ວ່າ: ຖ້າ​ໃຊ້​ເຂັມ​ສັກ​ຢາ​ພິ​ເສດ​ ວັກ​ຊີ​ນ 1 ​ແກ້ວຈະ​ສັກ​ໄດ້​ເຖິງ 6 ​ເຂັມ, ​ແຕ່​ຖ້າ​ໃຊ້​ເຂັມ​ສັກ​ຢາ​ແບບ​ມາດຕະຖານ ຈະ​ສັກ​ໄດ້​ພຽງ 5 ​ເຂັມ ວັກ​ຊີ​ນທີ່​ເຫລືອ​ຕ້ອງ​ຖິ້ມ ​ເຊິ່ງ​ເຮັດ​ໃຫ້​ລັດຖະບານ​ຍີ່ປຸ່ນ​ໄດ້​ກະກຽມ​ການ​ສັ່ງ​ຊື້​ເຂັມ​ສັກ​ຢາ​ພິ​ເສດ​ມາ​ໄລຍະ​ໜຶ່ງ​ແລ້ວ.

​ເຖິງ​ຢ່າງ​ໃດ​ກໍ​ດີ, ທ່ານ ຄັດ​ສິ​ໂນ​ບຸ ຄາ​ໂຕ ຫົວໜ້າ​ເລຂາທິການ​ຄະນະ​ລັດຖະບານ​ຍີ່ປຸ່ນ ກ່າວ​ເຖິງ​ບັນຫາ​ດັ່ງກ່າວ​ວ່າ: ທາງ​ການ​ຍັງ​ພະຍາຍາມ​ຈັດ​ຫາ​ເຂັມ​ສັກ​ຢາ​ພິ​ເສດ​ເຫລົ່າ​ນີ້​ຢູ່. ຂະນະ​ທີ່​ໂຄສົກ​ຍິງ​ຂອງ Pfizer ​ແລະ ​ເຈົ້າໜ້າ​ທີ່​ກະຊວງ​ສາທາລະນະ​ສຸກ​ຍີ່ປຸ່ນ​ປະຕິ​ເສດ​ຈະ​ໃຫ້​ຄວາມ​ເຫັນ​ກ່ຽວ​ກັບ​ຂໍ້​ຕົກລົງ​ຊື້ວັກ​ຊີ​ນ 144 ລ້ານ​ໂດ​ສວ່າ​ຂຶ້ນຢູ່​ກັບ​ການ​ສັກ​ວັກ​ຊີ​ນ 6 ​ເຂັມ​ຈາກ 1 ​ແກ້ວ​ ຫລື ບໍ່. ສ່ວນ​ ນິ​ໂປຣ ຄອບ ບໍລິສັດ​ຜະລິດ​ເຂັມ​ສັກ​ຢາ​ທີ່​ມີ​ໂຮງງານ​ຢູ່​ໄທ ​ແລະ ມີ​ກຳລັງ​ຜະລິດ​ເດືອນ​ລະ 500.000 ​ເຂັມ​ ລະບຸ​ວ່າ: ບໍລິສັດ​ໄດ້​ວາງ​ແຜນ​ເພີ່ມ​ກຳລັງ​ຜະລິດ​ຕໍ່​ເດືອນ​ເພີ່ມ​ຂຶ້ນຢູ່​ໃນ​ຫລັກ​ລ້ານ​ຕົ້ນໆ ​ແລະ ຈະ​ຕ້ອງ​ໃຊ້​ເວລາ​ເຖິງ 5 ​ເດືອນ​ຈຶ່ງ​ຈະ​ຜະລິດ​ຕາມ​ເປົ້າໝາຍ​ທີ່​ວາງ​ໄວ້​ໄດ້. ປັດຈຸບັນ ຍີ່ປຸ່ນ​ມີ​ຜູ້​ຕິດ​ເຊື້ອສະ​ສົມ​ປະມານ 418.000 ຄົນ ​ແລະ ຜູ້​ເສຍ​ຊີວິດຫລາຍ​ກວ່າ 7.040 ຄົນ.

ຍີ່ປຸ່ນປະສົບບັນຫາສັກວັກຊີນໂຄວິດ ເພາະຂາດເຂັມສັກຢາພິເສດ - Wave100S AD to Website 2020 0 - ຍີ່ປຸ່ນປະສົບບັນຫາສັກວັກຊີນໂຄວິດ ເພາະຂາດເຂັມສັກຢາພິເສດ
ຍີ່ປຸ່ນປະສົບບັນຫາສັກວັກຊີນໂຄວິດ ເພາະຂາດເຂັມສັກຢາພິເສດ - WhatsApp Image 2020 05 27 at 5 - ຍີ່ປຸ່ນປະສົບບັນຫາສັກວັກຊີນໂຄວິດ ເພາະຂາດເຂັມສັກຢາພິເສດ
ຍີ່ປຸ່ນປະສົບບັນຫາສັກວັກຊີນໂຄວິດ ເພາະຂາດເຂັມສັກຢາພິເສດ - WhatsApp Image 2020 05 27 at 5 - ຍີ່ປຸ່ນປະສົບບັນຫາສັກວັກຊີນໂຄວິດ ເພາະຂາດເຂັມສັກຢາພິເສດ
error: Alert: ເນື້ອຫາຂ່າວມີລິຂະສິດ !!