ຜົນວິໄຈຊີ້ວ່າ ການລົງໂທດດ້ວຍ “ການຕີ” ສົ່ງຜົນໃຫ້ເດັກຍິ່ງດື້ດ້ານ

ຜົນວິໄຈຊີ້ວ່າ ການລົງໂທດດ້ວຍ “ການຕີ” ສົ່ງຜົນໃຫ້ເດັກຍິ່ງດື້ດ້ານ - UPDATE 20202 10 - ຜົນວິໄຈຊີ້ວ່າ ການລົງໂທດດ້ວຍ “ການຕີ” ສົ່ງຜົນໃຫ້ເດັກຍິ່ງດື້ດ້ານ
ຜົນວິໄຈຊີ້ວ່າ ການລົງໂທດດ້ວຍ “ການຕີ” ສົ່ງຜົນໃຫ້ເດັກຍິ່ງດື້ດ້ານ - Untitled design - ຜົນວິໄຈຊີ້ວ່າ ການລົງໂທດດ້ວຍ “ການຕີ” ສົ່ງຜົນໃຫ້ເດັກຍິ່ງດື້ດ້ານ

ສຳນັກ​ຂ່າວ​ຊິນ​ຮົວ ລາຍ​ງານ​ວ່າ: ການ​ສຶກສາ​ຈາກ​ມະຫາວິທະຍາ​ໄລມິ​ຊິ​ແກນ (UM) ຂອງ​ອາ​ເມ​ລິ​ກາ ບົ່ງ​ຊີ້​ຫລັກ​ຖານ​ວ່າ: ວິທີ​ລົງ​ໂທດ​ດ້ວຍ “ການ​ຕີ” ​ແລະ “ການ​ມີ​ປະສົບ​ການ​ຮຸນ​ແຮງ​ໃນ​ໄວ​ເດັກ” (ACE) ສົ່ງ​ຜົນ​ກະທົບ​ຕໍ່​ບັນຫາ​ພຶດຕິ​ກຳ​ການສະ​ແດງ​ອອກ​ທີ່​ດື້ດ້ານ, ຂາດ​ການ​ຄວບ​ຄຸມ (EB) ​ໃນ​ເດັກ​ອາຍຸ​ບໍ່​ເກີນ 6 ປີ.

ການ​ມີ​ປະສົບ​ການ​ຮຸນ​ແຮງ​ໃນ​ໄວ​ເດັກ, ຄວບ​ຄຸມ​ການ​ທຳຮ້າຍ​ທາງ​ຮ່າງກາຍ ​ແລະ ຈິດ​ໃຈ, ການ​ເມີນ​ເສີຍ​ລະ​ເລີຍ, ການ​ໃຊ້​ຄວາມ​ຮຸນ​ແຮງ​ໃນ​ຄູ່​ຮັກ (IPV), ບັນຫາ​ສຸຂະພາບ​ຈິດ​ຂອງ​ພໍ່​ແມ່, ການ​ໃຊ້​ສານ​ເສບ​ຕິດ​ຂອງ​ພໍ່​ແມ່, ກໍລະນີ​ພໍ່​ແມ່​ຖືກ​ໂທດ​ຕິດ​ຄຸກ ​ແລະ ກໍລະນີ​ພໍ່​ແມ່​ເສຍ​ຊີວິດ.

ຄະນະ​ນັກວິ​ໄຈ​ວິ​ເຄາະ​ຂໍ້​ມູນ​ຈາກ 2.380 ຄອບຄົວ​ຂອງ​ການ​ສຶກສາ​ຄອບຄົວ​ບອບ​ບາງ ​ແລະ ການ​ເປັນ​ຢູ່​ທີ່ດີ​ຂອງ​ເດັກ (Fragile Families and Child Wellbeing Study) ​ໂດຍ​ກຸ່ມ​ແມ່​ລາຍ​ງານ​ບັນຫາ​ພຶດຕິ​ກຳ​ດື້ດ້ານ ​ແລະ ພຶດຕິ​ກຳ​ເກັບ​ກົດ​ໃນ​ເດັກ​ອາຍຸ 5 ປີ ​ແລະ ການ​ມີ​ປະສົບ​ການ​ຮຸນ​ແຮງ ​ແລະ ການ​ຖືກ​ຕີ​ໃນ​ເດັກ​ອາຍຸ 3 ປີ.

ການ​ສຶກສາ​ພົບ​ວ່າ: ​ເດັກ​ອາຍຸ 3 ປີ​ທີ່​ມີ​ປະສົບ​ການ​ຮຸນ​ແຮງ ​ແລະ ຖືກ​ລົງ​ໂທດ​ດ້ວຍ​ການ​ຕີ​ສ່ຽງ​ຈະ​ມີ​ບັນຫາ​ພຶດຕິ​ກຳ​ການສະ​ແດງ​ອອກ​ທີ່​ດື້ດ້ານ, ຂາດ​ການ​ຄວບ​ຄຸມ​ເພີ່ມ​ຂຶ້ນ​ເມື່ອ​ອາຍຸ 5 ປີ ​ໂດຍ​ຜົນ​ການ​ສຶກສາ​ນີ້​ສະໜັບສະໜູນ​ຂໍ້​ຮຽກຮ້ອງ​ພິຈາລະນາ​ການ​ລົງ​ໂທດ​ທາງ​ຮ່າງກາຍ ​ເປັນ​ໜຶ່ງ​ໃນ​ການ​ມີ​ປະສົບ​ການ​ຮຸນ​ແຮງ​ໃນ​ໄວ​ເດັກ.

ຜົນວິໄຈຊີ້ວ່າ ການລົງໂທດດ້ວຍ “ການຕີ” ສົ່ງຜົນໃຫ້ເດັກຍິ່ງດື້ດ້ານ - Wave100S AD to Website 2020 0 - ຜົນວິໄຈຊີ້ວ່າ ການລົງໂທດດ້ວຍ “ການຕີ” ສົ່ງຜົນໃຫ້ເດັກຍິ່ງດື້ດ້ານ

ຈູ​ເລີຍ ມາ ຜູ້​ຂຽນ​ຫລັກ​ຂອງ​ງານ​ວິ​ໄຈ ​ແລະ ​ເປັນ​ຜູ້​ຊ່ວຍ​ສາ​ສະ​ດາ​ຈານ​ດ້ານ​ສັງຄົມ​ສົງ​ເຄາະ ປະຈຳ​ມະຫາວິທະຍາ​ໄລ​ມິ​ຊິ​ແກນ​ໃນ​ເມື​ອງຟລິນ ລັດ​ມິ​ຊິ​ແກນ ກ່າວ​ວ່າ: ຜົນ​ການ​ສຶກສາ​ບົ່ງ​ຊີ້​ວ່າ: ການ​ຕີ ​ແລະ ການ​ມີ​ປະສົບ​ການ​ຮຸນ​ແຮງ​ໃນ​ໄວ​ເດັກ ມີ​ທ່າ​ອ່ຽງສົ່ງ​ຜົນ​ກະທົບ​ທາງ​ລົບ​ທີ່​ເປັນ​ອັນຕະລາຍ​ຄື​ກັນ.

ຜົນ​ການ​ສຶກສາ​ຖືກ​ເຜີຍ​ແຜ່​ໃນ​ເວັບ​ໄຊ​ມະຫາວິທະຍາ​ໄລ​ດັ່ງກ່າວ ​ເມື່ອ​ວັນ​ທີ 11 ກຸມພາ​ຜ່ານ​ມາ ​ແລະ ຕີ​ພິມ​ລົງ​ໃນ​ວາລະສານ​ Journal of Pediatrics.

ຜົນວິໄຈຊີ້ວ່າ ການລົງໂທດດ້ວຍ “ການຕີ” ສົ່ງຜົນໃຫ້ເດັກຍິ່ງດື້ດ້ານ - WhatsApp Image 2020 05 27 at 5 - ຜົນວິໄຈຊີ້ວ່າ ການລົງໂທດດ້ວຍ “ການຕີ” ສົ່ງຜົນໃຫ້ເດັກຍິ່ງດື້ດ້ານ
ຜົນວິໄຈຊີ້ວ່າ ການລົງໂທດດ້ວຍ “ການຕີ” ສົ່ງຜົນໃຫ້ເດັກຍິ່ງດື້ດ້ານ - WhatsApp Image 2020 05 27 at 5 - ຜົນວິໄຈຊີ້ວ່າ ການລົງໂທດດ້ວຍ “ການຕີ” ສົ່ງຜົນໃຫ້ເດັກຍິ່ງດື້ດ້ານ
error: Alert: ເນື້ອຫາຂ່າວມີລິຂະສິດ !!