ລູກນອນຕຽງດຽວກັບພໍ່ແມ່ສ່ຽງເສຍຊີວິດຫລາຍຂຶ້ນ

- advert banner 728 90 728x90 - ລູກນອນຕຽງດຽວກັບພໍ່ແມ່ສ່ຽງເສຍຊີວິດຫລາຍຂຶ້ນ

- 2204 300x200 - ລູກນອນຕຽງດຽວກັບພໍ່ແມ່ສ່ຽງເສຍຊີວິດຫລາຍຂຶ້ນ

- new3 - ລູກນອນຕຽງດຽວກັບພໍ່ແມ່ສ່ຽງເສຍຊີວິດຫລາຍຂຶ້ນ

ຫາກໍຈະຜ່ານມາບໍ່ດົນປານໃດທີ່ໄດ້ເຫັນວ່າມີຂ່າວເດັກນ້ອຍເສຍຊີວິດຄາຕຽງຫລັງແມ່ນອນໃຫ້ລູກດູດນົມແລ້ວເຜີຫລັບໄປ ຟັງເບິ່ງແລ້ວຊ່າງເປັນຂ່າວໜ້າເສົ້າສະຫລົດຫລາຍສຳລັບພໍ່ແມ່ທຸກຄົນທີ່ມີລູກນ້ອຍ ໂດຍສະເພາະອາຍຸຍັງບໍ່ຮອດ 1 ປີ ເຊິ່ງເດັກນ້ອຍທີ່ນອນຮ່ວມຕຽງດຽວກັບພໍ່ແມ່ມີໂອກາດສ່ຽງເສຍຊີວິດຂະນະທີ່ນອນຫລັບຫລາຍກ່ວາເດັກນ້ອຍທີ່ນອນແຍກຕຽງເຖິງ 5 ເທົ່າ.

ຈາກການສຶກສາກ່ຽວກັບກໍລະນີເດັກນ້ອຍເສຍຊີວິດຂະນະນອນຫລັບກ່ວາ 1.500 ກໍລະນີຂອງ ອະລິສັນ ເອັດວາດ ອາຈານປະຈຳ ມະຫາວິທະຍາໄລເບີມິງແຮມຊິຕີ ຢູນິເວີຊິຕີ ປະເທດອັງກິດ ບວກ ກັບການປຽບທຽບຜົນງານສືກສາ ກ່ຽວກັບການເສຍຊີວິດຂອງເດັກນ້ອຍຂະນະນອນຫລັບ ຫລື SIDS (Sudden Infant Death Syndrome) ອີກ 5 ຜົນງານພົບວ່າ : 88% ຂອງຄວາມສູນເສຍທີ່ເກີດຂຶ້ນຈະຫລີກເວັ້ນໄດ້ຫາກພໍ່ແມ່ບໍ່ເອົາລູກນອນຮ່ວມຕຽງດຽວກັນ.

ສາເຫດຕົ້ນຕໍທີ່ແມ່ຫລາຍຄົນໃນອັງກິດຫັນມານິຍົມວິທີການພາລູກນອນຮ່ວມຕຽງດຽວນຳນັ້ນ ອັນດັບທຳອິດກໍແມ່ນສະດວກໃນການໃຫ້ລູກກິນນົມ ເພາະນ້ຳນົມແມ່ຍ່ອຍງ່າຍກ່ວານົມຝຸ່ນ ເດັກນ້ອຍຈຶ່ງຫິວໄວ ເຮັດໃຫ້ມັກຕື່ນຕອນກາງຄືນ ແລະ ຮ້ອງໄຫ້ກິນ ນົມເລື້ອຍໆ, ແຕ່ຫາກລູກໄດ້ນອນຮ່ວມຕຽງດຽວກັບແມ່ແລ້ວ ລູກຕື່ນມາຍາມໃດກໍສາມາດຄຳຫາເຕົ້ານົມດູດກິນໄດ້ເລີຍ ໂດຍທີ່ແມ່ບໍ່ຕ້ອງລຸກໄປອູ້ມມາດູດກາງເດິກ. ສ່ວນເຫດຜົນທີສອງແມ່ນຄວາມນິຍົມໃນການລ້ຽງລູກແບບຜູກພັນ  (Attachment Parenting) ຄືຢູ່ກັບລູກບໍ່ຫ່າງເກືອບຕະຫລອດເວລາ ບໍ່ເວັ້ນແຕ່ຍາມນອນ.

ກຸ່ມຜູ້ສະໜັບສະໜູນການໃຫ້ລູກນອນຮ່ວມຕຽງກັບແມ່ໄດ້ໃຫ້ເຫດຜົນວ່າ : ຍ້ອນສັນຊາດຕະຍານຄວາມເປັນແມ່ຈະລະມັດລະ ວັງທ່ານອນຂອງຕົນເອງຫລາຍຂຶ້ນໂດຍອັດຕະໂນມັດ ບໍ່ມີທາງທີ່ຈະນອນທັບລູກໄດ້ (ໂດຍສັນຊາດຕະຍານປະການນີ້ພົບໃນໂຕ ຂອງຜູ້ເປັນແມ່ສູງກ່ວາຜູ້ເປັນພໍ່ຫລາຍ) ແຕ່ເມື່ອເບິ່ງໃນດ້ານກົງກັນຂ້າມ ເຖິງສາເຫດການເສຍຊີວິດໂດຍສ່ວນຫລາຍຂອງເດັກ ນ້ອຍຈາກອາການ SIDS ກໍໄດ້ພົບວ່າບໍ່ໄດ້ເກີດຈາກການທີ່ລູກຖືກນອນທັບ, ແຕ່ເປັນຍ້ອນຖືກພໍ່ແມ່ນອນບຽດແຫຍ້ ຫລື ລູກດີ້ນ ຈົນຜ້າຫົ່ມປົກທັບ ເຮັດໃຫ້ອຸນຫະພູມໃນໂຕສູງຂຶ້ນ ແລະ ຫາຍໃຈບໍ່ອອກ ເຮັດໃຫ້ເສຍຊີວິດໃນທີ່ສຸດ.

ສະນັ້ນ ທາງທີ່ດີທີ່ສຸດແມ່ນການໃຫ້ລູກນອນໃນຕຽງສຳລັບເດັກນ້ອຍທີ່ແຍກໄວ້ຕ່າງຫາກ ແລະ ອາດວາງໄວ້ໃນຫ້ອງນອນ ດຽວກັບພໍ່ແມ່ກໍໄດ້ ເມື່ອໃຫຍ່ຂຶ້ນແລ້ວຈຶ່ງແຍກຫ້ອງນອນສ່ວນໂຕໃຫ້ລູກ ເຊິ່ງສອດຄ່ອງກັບກົມອະນາໄມຂອງປະເທດອັງກິດທີ່ແນະນຳໃຫ້ແມ່ເອົາລູກນອນແຍກຕຽງຈົນເຖິງອາຍຸ 6 ເດືອນເປັນຢ່າງໜ້ອຍ ໂດຍວິທີນີ້ນອກຈາກຈະຊ່ວຍຫລຸດຄວາມສ່ຽງຈາກການເສຍຊີວິດຂອງລູກຂະນະຫລັບໄດ້ແລ້ວ ຍັງຖືວ່າດີຕໍ່ຄວາມສຳພັນເທິງຕຽງຂອງພໍ່ແມ່ນຳອີກ ເພາະໃນໄລຍະທີ່ລູກຍັງນ້ອຍແບບນີ້ ພໍ່ແມ່ຫລາຍຄົນກໍອົດຮູ້ສຶກບໍ່ໄດ້ວ່າອ່າວຈະຫ່າງເຫີນກັນໄປ ເນື່ອງຈາກຝ່າຍໜຶ່ງຕ້ອງທຸ້ມເທໃຫ້ກັບການລ້ຽງລູກທີ່ຍັງນ້ອຍຢູ່ ແລະ ລູກກໍອ່າວຕິດແມ່ຫລາຍ.

error: Content is protected !!