ສາເຫດຈູງໃຈນຳໄປສູ່ການຄາຕະກຳ ຍ້ອນຜິດກັນຍ້ອນເລື່ອງໄຮ່ ແລະ ຖືກທ້າຄວາມເປັນລູກຜູ້ຊາຍ

ສາເຫດຈູງໃຈນຳໄປສູ່ການຄາຕະກຳ ຍ້ອນຜິດກັນຍ້ອນເລື່ອງໄຮ່ ແລະ ຖືກທ້າຄວາມເປັນລູກຜູ້ຊາຍ - 150210724 1358214387872624 3626623799546758349 n - ສາເຫດຈູງໃຈນຳໄປສູ່ການຄາຕະກຳ ຍ້ອນຜິດກັນຍ້ອນເລື່ອງໄຮ່ ແລະ ຖືກທ້າຄວາມເປັນລູກຜູ້ຊາຍ
ສາເຫດຈູງໃຈນຳໄປສູ່ການຄາຕະກຳ ຍ້ອນຜິດກັນຍ້ອນເລື່ອງໄຮ່ ແລະ ຖືກທ້າຄວາມເປັນລູກຜູ້ຊາຍ - Untitled design - ສາເຫດຈູງໃຈນຳໄປສູ່ການຄາຕະກຳ ຍ້ອນຜິດກັນຍ້ອນເລື່ອງໄຮ່ ແລະ ຖືກທ້າຄວາມເປັນລູກຜູ້ຊາຍ

ເຈົ້າໜ້າທີ່ ປກສ ແຂວງອຸດົມໄຊ ກ່ຽວກັບ ເຫດການເຫດຍິງກັນເສຍຊີວິດຢ່າງປ່າເຖື່ອນຢູ່ກາງໄຮ່ ເຂດບ້ານພູສະຫວັນ ເມືອງໄຊ ແຂວງອຸດົມໄຊ ໃນວັນ 13 ກຸມພາ 2021ດັ່ງນີ້:

ຜູ້ກໍ່ເຫດ ທ້າວ ສີພອນ ດີ ຫຼື ບໍ່ຈາລີ ອາຍຸ 41 ປີ ອາຊີບ ເຮັດສວນ ຢູ່ບ້ານພູສະຫວັນ ເມືອງໄຊ ແຂວງອຸດົມໄຊ. ພາຍຫຼັງກໍ່ເຫດ, ເຈົ້າໜ້າທີ່ໄດ້ກັກຕົວຜູ້ກ່ຽວມາດໍາເນີນການສອບສວນ ເຊິ່ງໄດ້ໃຫ້ການວ່າ: ໄລຍະຜ່ານມາ, ຄອບຄົວຂອງຕົນເອງກັບຄອບຄົວ ທ້າວ ສົມເພັດ ຫຼື ຈົງຮິຢາ ອາຍຸ 40 ປີ ຄົນບ້ານດຽວກັນ (ຜູ້ເສຍຊີວິດ) ບໍ່ເຄີຍມີເລື່ອງຜິດຖຽງກັນມາກ່ອນ, ມາຮອດ ໄລຍະເດືອນ 12 ປີ 2020, ທັງສອງຄອບຄົວໄດ້ພາກັນໄປເຮັດໄຮ່ຢູ່ເຂດບ້ານພູສະຫວັນ ເຊິ່ງເປັນດິນທີ່ທາງບ້ານຈັດສັນໃຫ້ເພື່ອທໍາການປູກຝັງໃນຂະນະທີ່ໄຮ່ຂອງສອງຄອບຄົວນີ້ມີແດນຕິດຈອດກັນ.

ມາຮອດວັນທີ 13 ກຸມພາ 2021 ເຊິ່ງເປັນມື້ເກີດເຫດ, ຄອບຄົວຂອງ ທ້າວ ສີພອນ ລີ ໄດ້ຖາງປ່າ ພ້ອມທັງຕັດເອົາໄມ້ນ້ອຍອອກຈາກໄຮ່ ໂດຍຮັກສາຕົ້ນໄມ້ໃຫຍ່ໄວ້, ແຕ່ວ່າ ທ້າວ ສົມເພັດ ຫຼື ຈົງຮີຢາ ຄົນ ບ້ານດຽວທີ່ເຮັດໄຮ່ຕິດກັນ ໄດ້ເອົາຈັກສະຕິນມາລັກຕັດເອົາຕົ້ນໄມ້ໃຫຍ່ຢູ່ເຂດດິນໄຮ່ຂອງຜູ້ກ່ຽວ. ເບື້ອງຕົ້ນ, ທ້າວ ສີພອນ ລີ ໄດ້ກ່າວຫ້າມແລ້ວ ແຕ່ ທ້າວສົມເພັດ ກໍຍັງບໍ່ຢຸດເຊົາ; ຈຶ່ງມີການຜິດຖຽງກັນຢ່າງແຮງ ແລະ ທ້າວ ສົມເພັດ ໄດ້ທ້າທາຍກັນວ່າ: “ມີປືນແກັບແຕ່ບໍ່ກ້າຍິງ, ຖ້າບໍ່ຍິງສະແດງວ່າ ບໍ່ແມ່ນລູກຜູ້ຊາຍ”.

ຈາກນັ້ນ, ທ້າວ ສີພອນ ລີ ຈຶ່ງໄດ້ມີແນວຄິດຄຽດແຄ້ນ ແລະໃນຂະນະນັ້ນ ຜູ້ກ່ຽວມີປືນແກັບ 2 ກະບອກ; ຈຶ່ງໄດ້ເອົາປືນແກັບກະບອກຍາວຍິງໃສ່ຄູ່ກໍລະນີ 1 ບາດ ຖືກບໍລິເວນໃບໜ້າ ແຕ່ຍັງບໍ່ເສຍຊີວິດເທື່ອ. ທັນທີທີ່ໄດ້ຍິນມີສຽງປືນແຕກ, ນາງ ເປົ່າວາ (ເມຍຜູ້ເສຍຊີວິດ) ໄດ້ເຂົ້າມາຫ້າມ ແລະ ອຸ້ມເອົາ ທ້າວ ສົມເພັດ ລຸກນັ່ງ. ຈາກນັ້ນ, ທ້າວ ສີພອນ ລີ ຈຶ່ງໄດ້ຍ່າງເຂົ້າໄປຫາແລ້ວສັ່ງໃຫ້ທຸກຄົນອອກໜີໄປໃຫ້ໄກ, ຖ້າບໍ່ໜີຈະຍິງໃຫ້ຕາຍໝົດ. ໃນຂະນະນັ້ນ, ທ້າວ ເຢັງລີ ລູກຊາຍຂອງ ທ້າວ ສີພອນ ລີ ຜູ້ທີ່ຢູ່ໃນເຫດການ ໄດ້ພະຍາຍາມດຶງເອົາ ນາງ ເປົ່າວາອອກ.

ສາເຫດຈູງໃຈນຳໄປສູ່ການຄາຕະກຳ ຍ້ອນຜິດກັນຍ້ອນເລື່ອງໄຮ່ ແລະ ຖືກທ້າຄວາມເປັນລູກຜູ້ຊາຍ - Wave100S AD to Website 2020 0 - ສາເຫດຈູງໃຈນຳໄປສູ່ການຄາຕະກຳ ຍ້ອນຜິດກັນຍ້ອນເລື່ອງໄຮ່ ແລະ ຖືກທ້າຄວາມເປັນລູກຜູ້ຊາຍ

ທ້າວ ສີພອນ ລີ ໃຫ້ການວ່າ: “ຕົນກໍໄດ້ສືບຕໍ່ໃຊ້ປືນແກັບກະບອກສັ້ນ ຍິງໃສ່ເອີກເບື້ອງຊ້າຍ [ຂອງ ທ້າວ ສົມເພັດ] ຕື່ມອີກ 1 ບາດ ເສຍຊີວິດຄາທີ່ ແລ້ວຂ້ຽວຍ່າງຫນີ. ຈາກນັ້ນ, ທ້າວ ເຢັ້ງລີ ໄດ້ເຂົ້າມາຍາດປືນແກັບໄປໄວ້ຢູ່ຖຽງໄຮ່ ກ່ອນທີ່ຈະຖືກຈັບຕົວເອົາໄວ້”,

ການເຮັດໃຫ້ຜູ້ອື່ນເສຍໃຈຊີວິດໂດຍເຈດຕະນາ ຖືເປັນຄວາມຜິດທາງອາຍາ ຂັ້ນຮ້າຍແຮງ. ປັດຈຸບັນ, ເຈົ້າໜ້າທີ່ ປກສ ແຂວງ ພວມສະຫຼຸບສໍານວນຄະດີ ເພື່ອສົ່ງໄອຍາການຟ້ອງສານ ຕັດສິນ. ສ່ວນວ່າການວາງໂທດໃສ່ ທ້າວ ສີພອນ ລີ, ລໍຖ້າເບິ່ງວ່ງສານຈະວິນິດໄສຄະດີດັ່ງກ່າວ ແລະ ວາງ ໂທດຕໍ່ຜູ້ກ່ຽວຄືແນວໃດ ແລະ ການດໍາເນີນຄະດີດັ່ງກ່າວ ດໍາເນີນໄປຕາມຂະບວນການຂອງກົດໝາຍ ຢ່າງເຂັ້ມງວດ.

 

ສາເຫດຈູງໃຈນຳໄປສູ່ການຄາຕະກຳ ຍ້ອນຜິດກັນຍ້ອນເລື່ອງໄຮ່ ແລະ ຖືກທ້າຄວາມເປັນລູກຜູ້ຊາຍ - WhatsApp Image 2020 05 27 at 5 - ສາເຫດຈູງໃຈນຳໄປສູ່ການຄາຕະກຳ ຍ້ອນຜິດກັນຍ້ອນເລື່ອງໄຮ່ ແລະ ຖືກທ້າຄວາມເປັນລູກຜູ້ຊາຍ
ສາເຫດຈູງໃຈນຳໄປສູ່ການຄາຕະກຳ ຍ້ອນຜິດກັນຍ້ອນເລື່ອງໄຮ່ ແລະ ຖືກທ້າຄວາມເປັນລູກຜູ້ຊາຍ - WhatsApp Image 2020 05 27 at 5 - ສາເຫດຈູງໃຈນຳໄປສູ່ການຄາຕະກຳ ຍ້ອນຜິດກັນຍ້ອນເລື່ອງໄຮ່ ແລະ ຖືກທ້າຄວາມເປັນລູກຜູ້ຊາຍ
error: Alert: ເນື້ອຫາຂ່າວມີລິຂະສິດ !!