ຍີ່ປຸ່ນເລີ່ມສັກວັກຊີນໂຄວິດ-19 ໃຫ້ບຸກຄະລາກອນແພດກຸ່ມທຳອິດ ຕັ້ງເປົ້າກະຈາຍສູ່ປະຊາຊົນອາຍຸສູງເດືອນເມສາ

ຍີ່ປຸ່ນເລີ່ມສັກວັກຊີນໂຄວິດ-19 ໃຫ້ບຸກຄະລາກອນແພດກຸ່ມທຳອິດ ຕັ້ງເປົ້າກະຈາຍສູ່ປະຊາຊົນອາຍຸສູງເດືອນເມສາ - COVER WEB 8 5 - ຍີ່ປຸ່ນເລີ່ມສັກວັກຊີນໂຄວິດ-19 ໃຫ້ບຸກຄະລາກອນແພດກຸ່ມທຳອິດ ຕັ້ງເປົ້າກະຈາຍສູ່ປະຊາຊົນອາຍຸສູງເດືອນເມສາ
ຍີ່ປຸ່ນເລີ່ມສັກວັກຊີນໂຄວິດ-19 ໃຫ້ບຸກຄະລາກອນແພດກຸ່ມທຳອິດ ຕັ້ງເປົ້າກະຈາຍສູ່ປະຊາຊົນອາຍຸສູງເດືອນເມສາ - Untitled design - ຍີ່ປຸ່ນເລີ່ມສັກວັກຊີນໂຄວິດ-19 ໃຫ້ບຸກຄະລາກອນແພດກຸ່ມທຳອິດ ຕັ້ງເປົ້າກະຈາຍສູ່ປະຊາຊົນອາຍຸສູງເດືອນເມສາ

ວັນ​ທີ 17 ​ກຸມພາ 2021, ຍີ່ປຸ່ນ​ເລີ່​ມ​ແຈກ​ຢາຍ​ວັກ​ຊີ​ນ​ໂຄ​ວິດ-19 ທີ່​ໄດ້​ຮັບ​ມອບ​ຈາກ​ບໍລິສັດ Pfizer ​ໄປ​ທົ່ວ​ປະ​ເທດ ​ໂດຍ​ຈະ​ເລີ່​ມສັກ​ໃຫ້​ບຸກຄະລາ​ກອນ​ການ​ແພດ ​ແລະ ສາທາລະນະ​ສຸກ​ຈຳນວນ 40.000 ຄົນ​ຕາມ​ໂຮງໝໍ​ຕ່າງໆ ກ່ອນ​ຈະ​ກະຈາຍ​ໄປ​ກຸ່ມ​ສ່ຽງ​ອື່ນໆ ​ໄດ້​ແກ່ກຸ່ມ​ຜູ້​ອາຍຸ​ສູງ ​ແລະ ຄົນ​ທີ່​ມີ​ພະຍາດ​ປະຈຳ​ຕົວ​ກ່ອນ.

ການ​ສັກ​ວັກ​ຊີ​ນ​ຢູ່​ຍີ່ປຸ່ນ​ເລີ່​ມຕົ້ນຂຶ້ນຢູ່​ສູນ​ການ​ແພດ​ໂຕ​ດຽວ ​ໂດຍ​ຫລັງ​ຈາກ​ນີ້ ຍີ່ປຸ່ນ​ມີ​ແຜນ​ຈັດ​ສົ່ງ​ວັກ​ຊີ​ນ​ໄປ​ໂຮງໝໍ 100 ​ແຫ່ງ​ທົ່ວ​ປະ​ເທດ​ພາຍ​ໃນ​ອາທິດ​ໜ້າ.

ກ່ອນ​ໜ້າ​ນີ້ ລັດຖະບານ​ຖືກ​ວິຈານ​ວ່າ​ຈັດ​ຫາ​ວັກ​ຊີ​ນຊັກ​ຊ້າ​ເມື່ອ​ທຽບ​ໃສ່​ຢ່າງ​ໜ້ອຍ 70 ປະ​ເທດ. ຂະນະ​ທີ່​ຕົວ​ເລກ​ຜູ້​ຕິດ​ເຊື້ອຍັງ​ເພີ່ມ​ສູງ​ຂຶ້ນ​ເລື້ອຍໆ ຈາກ​ການລະບາດ​ຂອງ​ໄວຣັສຫລາຍ​ຮອບ.

ການ​ສັກ​ວັກ​ຊີ​ນ​ເລີ່​ມຕົ້ນຂຶ້ນ​ໃນ​ຊ່ວງ​ທີ່​ເຫລືອ​ເວລາ​ບໍ່​ເຖິງ 6 ​ເດືອນ​ກ່ອນ​ຈະ​ເຖິງກຳນົດ​ການ​ແຂ່ງຂັນ​ມະຫະກຳ​ກິລາ​ໂອ​ລິ​ມປິກ ​ແລະ ພາຣາລິ​ມປິກ​ທີ່​ໂຕ​ກຽວ​ເປັນ​ເຈົ້າພາບ. ຂະນະ​ທີ່​ປະຊາຊົນ​ຈຳນວນ​ຫລາຍ​ເຫັນ​ຄວນ​ໃຫ້​ຍົກ​ເລີກ​ການ​ແຂ່ງຂັນ ​ໂດຍ​ສຽງ​ວິພາກ​ວິຈານ​ລັດຖະບານ​ມີ​ເພີ່ມ​ຂຶ້ນ​ເລື້ອຍໆ​ຈາກ​ຄວາມ​ຊັກ​ຊ້າ​ໃນ​ການ​ຕອບ​ສະໜອງ​ຕໍ່​ພະຍາດ​ລະບາດ. ຂະນະ​ທີ່​ຄະ​ແນນ​ນິຍົມ​ທ່ານ​ນາຍົກລັດຖະມົນຕີ ​ໂຍຊິ​ຮິ​ເດະ ຊູ​ງະ ຫລຸດ​ລົງ​ຢ່າງ​ຕໍ່​ເນື່ອງ​ເຊັ່ນ​ກັນ.

The Japan Times ລາຍ​ງານ​ວ່າ: ກຸ່ມ​ບຸກຄະລາ​ກອນ​ສາທາລະນະ​ສຸກ​ທີ່​ຮັບ​ວັກ​ຊີ​ນ​ເປັນ​ກຸ່ມ​ທຳ​ອິດ​ນັ້ນຈະ​ມີ​ຈຳນວນ 20.000 ຄົນ​ທີ່​ເຂົ້າຮ່ວມ​ການ​ສຶກສາ ​ເພື່ອ​ຕິດຕາມ​ຜົນ​ຂ້າງຄຽງ​ທີ່​ອາດ​ເກີດ​ຈາກ​ການ​ສັກ​ວັກ​ຊີ​ນ ​ໂດຍ​ພວກ​ເຂົາ​ຈະ​ຖືກ​ຖາມ​ອາການ​ເພື່ອ​ລົງ​ບັນທຶກ​ທຸກ​ວັນ​ເປັນ​ເວລາ 7 ອາທິດ ຫລັງ​ຈາກ​ໄດ້​ຮັບ​ວັກ​ຊີ​ນ​ໂດ​ສທຳ​ອິດ​ຈາກ​ທັງ​ໝົດ 2 ​ໂດ​ສ ​ເຊິ່ງ​ໄລຍະ​ເວລາ​ໃນ​ການ​ສັກ​ວັກ​ຊີ​ນ 2 ​ເຂັມນັ້ນຈະ​ຫ່າງ​ກັນ 3 ອາທິດ.

ຍີ່ປຸ່ນເລີ່ມສັກວັກຊີນໂຄວິດ-19 ໃຫ້ບຸກຄະລາກອນແພດກຸ່ມທຳອິດ ຕັ້ງເປົ້າກະຈາຍສູ່ປະຊາຊົນອາຍຸສູງເດືອນເມສາ - Wave100S AD to Website 2020 0 - ຍີ່ປຸ່ນເລີ່ມສັກວັກຊີນໂຄວິດ-19 ໃຫ້ບຸກຄະລາກອນແພດກຸ່ມທຳອິດ ຕັ້ງເປົ້າກະຈາຍສູ່ປະຊາຊົນອາຍຸສູງເດືອນເມສາ

ສຳລັບ​ວັກ​ຊີ​ນ Pfizer ທີ່​ພັດທະນາ​ຮ່ວມ​ກັບ BioNTech ບໍລິສັດ​ເຕັກ​ໂນ​ໂລ​ຊີ​ຊີວະ​ພາບ​ຈາກ​ເຢຍລະ​ມັນ​ນັ້ນ ຈະ​ຕ້ອງ​ເກັບ​ຮັກສາ​ໃນ​ຕູ້​ແຊ່​ພິ​ເສດ​ອຸນຫະພູມ -75 ອົງສາ ​ແລະ ​ເມື່ອ​ນຳ​ອອກ​ມາ​ແລ້ວ​ຈະ​ຕ້ອງ​ແຊ່​ເຢັນ​ອີກ ​ແລະ ​ໃຊ້​ພາຍ​ໃນ 5 ວັນ.

ທັງ​ນີ້, ຄາດ​ວ່າ​ບຸກຄະລາ​ກອນ​ສາທາລະນະ​ສຸກ​ໃນ​ດ່ານ​ໜ້າ​ອີກ 3,7 ລ້ານ​ຄົນ ຈະ​ເລີ່​ມ​ໄດ້​ຮັບ​ວັກ​ຊີ​ນ​ໃນ​ເດືອນ​ມີນາ ຕໍ່​ດ້ວຍ​ປະຊາຊົນ​ອາຍຸ 65 ປີ​ຂຶ້ນ​ໄປ ຈຳນວນ 36 ລ້ານ​ຄົນ​ໃນ​ເດືອນ​ເມສາ. ຈາກ​ນັ້ນຈະ​ເປັນ​ຄິວ​ຂອງ​ປະຊາຊົນ​ທີ່​ມີ​ພະຍາດ​ປະຈຳ​ຕົວ​ເຊັ່ນ: ​ເບົາຫວານ, ພະຍາດຫົວ​ໃຈ ​ແລະ ຜູ້​ທີ່​ເຮັດ​ວຽກ​ໃນ​ສະຖານ​ເບິ່ງ​ແຍງ​ຜູ້​ອາຍຸ​ສູງ ​ແລະ ທ້າຍ​ສຸດຈະ​ເປັນ​ກຸ່ມ​ປະຊາຊົນ​ທົ່ວ​ໄປ.

ຍີ່ປຸ່ນເລີ່ມສັກວັກຊີນໂຄວິດ-19 ໃຫ້ບຸກຄະລາກອນແພດກຸ່ມທຳອິດ ຕັ້ງເປົ້າກະຈາຍສູ່ປະຊາຊົນອາຍຸສູງເດືອນເມສາ - WhatsApp Image 2020 05 27 at 5 - ຍີ່ປຸ່ນເລີ່ມສັກວັກຊີນໂຄວິດ-19 ໃຫ້ບຸກຄະລາກອນແພດກຸ່ມທຳອິດ ຕັ້ງເປົ້າກະຈາຍສູ່ປະຊາຊົນອາຍຸສູງເດືອນເມສາ
ຍີ່ປຸ່ນເລີ່ມສັກວັກຊີນໂຄວິດ-19 ໃຫ້ບຸກຄະລາກອນແພດກຸ່ມທຳອິດ ຕັ້ງເປົ້າກະຈາຍສູ່ປະຊາຊົນອາຍຸສູງເດືອນເມສາ - WhatsApp Image 2020 05 27 at 5 - ຍີ່ປຸ່ນເລີ່ມສັກວັກຊີນໂຄວິດ-19 ໃຫ້ບຸກຄະລາກອນແພດກຸ່ມທຳອິດ ຕັ້ງເປົ້າກະຈາຍສູ່ປະຊາຊົນອາຍຸສູງເດືອນເມສາ
error: Alert: ເນື້ອຫາຂ່າວມີລິຂະສິດ !!