ອັງກິດທົດລອງໃຫ້ຄົນຕິດເຊື້ອໄວຣັສເພື່ອງານວິໄຈ

ອັງກິດທົດລອງໃຫ້ຄົນຕິດເຊື້ອໄວຣັສເພື່ອງານວິໄຈ - 5000 - ອັງກິດທົດລອງໃຫ້ຄົນຕິດເຊື້ອໄວຣັສເພື່ອງານວິໄຈ
ອັງກິດທົດລອງໃຫ້ຄົນຕິດເຊື້ອໄວຣັສເພື່ອງານວິໄຈ - Untitled design - ອັງກິດທົດລອງໃຫ້ຄົນຕິດເຊື້ອໄວຣັສເພື່ອງານວິໄຈ

ອັງກິດ​ຈະ​ເປັນ​ປະ​ເທດ​ທຳ​ອິດ​ຂອງ​ໂລກ​ທີ່​ໃຫ້​ອາສາ​ສະໝັກ​ຕິດ​ເຊື້ອ​ໄວຣັສ​ໂຄ​ວິດ-19 ​ເພື່ອ​ຄວາມ​ຄືບ​ໜ້າ​ໃນ​ງານ​ວິ​ໄຈ​ທາງ​ການ​ແພດ.

ສຳນັກ​ຂ່າວຣອຍ​ເຕີ​ລາຍ​ງານ​ໃນ​ວັນ​ທີ 17 ກຸມພາ 2021 ວ່າ: ລັດຖະບານ​ອັງກິດ​ຖະ​ແຫລ​ງວ່າ: ອັງກິດ​ຈະ​ເປັນ​ປະ​ເທດ​ທຳ​ອິດ​ຂອງ​ໂລກ​ທີ່​ໃຫ້​ອາສາ​ສະໝັກ​ທົດ​ລອງ​ຕິດ​ເຊື້ອ​ໄວຣັສ​ໂຄ​ວິດ-19 ​ເພື່ອ​ຄວາມ​ຄືບ​ໜ້າ​ໃນ​ການ​ວິ​ໄຈ​ທາງ​ການ​ແພດ ​ໂດຍ​ການ​ທົດ​ລອງ​ຈະ​ມີ​ຂຶ້ນ​ໃນ​ໜຶ່ງ​ເດືອນ​ນີ້ ​ໃຊ້​ອາສາ​ສະໝັກ​ທົດ​ລອງ​ຈຳນວນ 90 ຄົນ​ທີ່​ມີ​ສຸຂະພາບ​ດີ ອາຍຸ​ລະຫວ່າງ 18-30 ປີ ຕິດ​ເຊື້ອ​ໂຄ​ວິດ-19 ​ໃນ​ສະພາບ​ແວດ​ລ້ອມ​ທີ່​ປອດ​ໄພ ​ແລະ ຄວບ​ຄຸມ​ໄດ້ ​ເພື່ອ​ເພີ່ມ​ຄວາມ​ເຂົ້າ​ໃຈ​ຫລາຍ​ຂຶ້ນ​ເຖິງ​ວິທີ​ການ​ທີ່​ເຊື້ອ​ໄວຣັສມີ​ຜົນ​ກັບ​ຄົນ ​ແລະ ​ເພື່ອ​ໃຫ້ການ​ທົດ​ລອງ​ມີ​ຄວາມ​ປອດ​ໄພ​ຍິ່ງ​ຂຶ້ນ. ​ເຊື້ອ​ໄວຣັສສາຍ​ພັນ​ທີ່​ລະບາດ​ຢູ່​ອັງກິດ​ມາ​ແຕ່​ເດືອນ​ມີນາ​ປີຜ່ານມາ ຈະ​ຖືກ​ນຳ​ມາ​ໃຊ້​ທົດ​ລອງ ​ແທນ​ທີ່​ຈະ​ເປັນ​ໄວຣັສສາຍ​ພັນ​ໃໝ່.

ການ​ທົດ​ລອງ​ຈະ​ເລີ່​ມນຳ​ເອົາ​ເຊື້ອ​ໄວຣັສຈຳນວນ​ນ້ອຍ​ທີ່​ສຸດ​ສັກ​ເຂົ້າ​ໄປ​ໃນ​ຄົນ ​ເພື່ອ​ໃຫ້​ເກີດ​ການ​ຕິດ​ເຊື້ອ. ດັ່ງນັ້ນ ອາສາ​ສະໝັກ​ຈະ​ຕ້ອງ​ໄດ້​ຮັບ​ວັກ​ຊີ​ນກ່ອນ​ການ​ທົດ​ລອງ​ຕິດ​ເຊື້ອ. ນອກຈາກ​ນັ້ນ ອາສາ​ສະໝັກ​ຍັງ​ຈະ​ໄດ້​ຮັບ​ເງິນ​ຊົດ​ເຊີຍ​ສຳລັບ​ການ​ທົດ​ລອງ​ວິ​ໄຈ​ຄັ້ງນີ້​ນຳ.

ອັງກິດທົດລອງໃຫ້ຄົນຕິດເຊື້ອໄວຣັສເພື່ອງານວິໄຈ - Wave100S AD to Website 2020 0 - ອັງກິດທົດລອງໃຫ້ຄົນຕິດເຊື້ອໄວຣັສເພື່ອງານວິໄຈ

ລັດຖະມົນຕີ​ສາທາລະນະ​ສຸກ​ຂອງ​ອັງກິດ ກ່າວ​ວ່າ: ການ​ທົດ​ລອງ​ຈະ​ຊ່ວຍ​ໃຫ້ຫາ​ວັກ​ຊີ​ນດີ​ທີ່​ສຸດ ​ແລະ ມີ​ປະສິດທິພາບ​ຫລາຍ​ທີ່​ສຸດ​ສຳລັບ​ໃຊ້​​ໃນ​ໄລຍະ​ຍາວ.

ໜ່ວຍ​ງານ​ສະ​ເພາະ​ກິດ​ດ້ານ​ວັກ​ຊີ​ນຂອງ​ລັດຖະບານ​ອັງກິດ, ອິມພີຣຽວ ຄໍ​ເລັກ ລອນ​ດອນ, ​ເດິ ຣໍ​ໂຢ ຟຣີ ລອນ​ດອນ ​ເອັນ​ເອຊ​ເອັສ ຟາ​ວ​ເດ​ຊັນ ທຣັສ ​ແລະ ບໍລິສັດ hVIVO ​ໄດ້​ຮ່ວມ​ກັນ​ເຮັດ​ໂຄງການ​ທົດ​ລອງ​ເພື່ອ​ການ​ວິ​ໄຈ​ຄັ້ງນີ້.

ອັງກິດທົດລອງໃຫ້ຄົນຕິດເຊື້ອໄວຣັສເພື່ອງານວິໄຈ - WhatsApp Image 2020 05 27 at 5 - ອັງກິດທົດລອງໃຫ້ຄົນຕິດເຊື້ອໄວຣັສເພື່ອງານວິໄຈ
ອັງກິດທົດລອງໃຫ້ຄົນຕິດເຊື້ອໄວຣັສເພື່ອງານວິໄຈ - WhatsApp Image 2020 05 27 at 5 - ອັງກິດທົດລອງໃຫ້ຄົນຕິດເຊື້ອໄວຣັສເພື່ອງານວິໄຈ
error: Alert: ເນື້ອຫາຂ່າວມີລິຂະສິດ !!