ລາວມີຄວາມພ້ອມຮອບດ້ານໃຫ້ແກ່ບັ້ນເລືອກຕັ້ງ ສສຊ ແລະ ສສຂ

ລາວມີຄວາມພ້ອມຮອບດ້ານໃຫ້ແກ່ບັ້ນເລືອກຕັ້ງ ສສຊ ແລະ ສສຂ - XAY 0270 scaled - ລາວມີຄວາມພ້ອມຮອບດ້ານໃຫ້ແກ່ບັ້ນເລືອກຕັ້ງ ສສຊ ແລະ ສສຂ
ລາວມີຄວາມພ້ອມຮອບດ້ານໃຫ້ແກ່ບັ້ນເລືອກຕັ້ງ ສສຊ ແລະ ສສຂ - Untitled design - ລາວມີຄວາມພ້ອມຮອບດ້ານໃຫ້ແກ່ບັ້ນເລືອກຕັ້ງ ສສຊ ແລະ ສສຂ

ທ່ານ ສົມພູ ດວງສະຫວັນ ຄະນະປະຈໍາສະພາແຫ່ງຊາດ, ກໍາມະການອະນຸກໍາມະການເລຂານຸການ, ໂຄສົກຂອງຄະນະກໍາມະການເລືອກຕັ້ງລະດັບຊາດ ໄດ້ຖະແຫລງຂ່າວ​ຕໍ່​ສື່​ມວນ​ຊົນໃນວັນທີ 18 ກຸມພາ 2021 ນີ້​ວ່າ: ມາຮອດປັດຈຸບັນ, ການກະກຽມໃຫ້ແກ່ບັ້ນເລືອກຕັ້ງ ສະມາຊິກສະພາແຫ່ງຊາດ (ສສຊ) ຊຸດທີ IX ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ II ແມ່ນໄດ້ດຳເນີນມາດ້ວຍຄວາມຮັບຜິດຊອບການເມືອງ, ຄວາມເປັນເຈົ້າການ ແລະ ເຕັມໄປດ້ວຍບັນຍາກາດອັນຟົດຟື້ນຂອງທົ່ວພັກ-ລັດ, ທົ່ວປວງຊົນລາວໃນຂອບເຂດທົ່ວປະເທດ ແລະ ມີຄວາມພ້ອມຢ່າງຮອບດ້ານເພື່ອຮັບປະກັນໃຫ້ແກ່ການດຳເນີນການປ່ອນບັດເລືອກຕັ້ງ ສາມາດດຳເນີນໄປຕາມແຜນການ ແລະ ກຳນົດເວລາທີ່ວາງໄວ້.

ການເລືອກຕັ້ງ ສສຊ ຊຸດທີ IX ແລະ ສສຂ ຊຸດທີ II ແມ່ນການປະຕິບັດໜ້າທີ່ການເມືອງ ແລະ ສິດປະຊາທິປະໄຕຂອງພົນລະເມືອງລາວ ໃນການເລືອກຕັ້ງເອົາບຸກຄົນທີ່ມີມາດຖານເງື່ອນໄຂຄົບຖ້ວນ ເຂົ້າໃນສະພາແຫ່ງຊາດ ແລະ ສະພາປະຊາຊົນແຂວງ ເພື່ອເປັນຕົວແທນປະຕິບັດສິດ, ອຳນາດຂອງປະຊາຊົນລາວບັນດາເຜົ່າ. ການເລືອກຕັ້ງນີ້ ມີຄວາມສຳຄັນເປັນຢ່າງຍິ່ງ ເພາະເປັນການສືບຕໍ່ສ້າງ ແລະ ບູລະນະລະບອບປະຊາທິປະໄຕປະຊາຊົນ ໂດຍສະເພາະແມ່ນການບູລະນະສະພາແຫ່ງຊາດ ແລະ ສະ ພາປະຊາຊົນແຂວງ, ສະນັ້ນ ມັນເປັນໜ້າທີ່ ແລະ ຄວາມຮັບຜິດຊອບຂອງທົ່ວພັກ, ທົ່ວລັດ, ທົ່ວກອງທັບ ແລະ ທົ່ວປວງຊົນລາວທັງຊາດ ແລະ ມາຮອດປັດຈຸບັນ, ເຫັນວ່າມີຄວາມພ້ອມຮອບດ້ານແລ້ວສໍາລັບການເລືອກຕັ້ງທີ່ສໍາຄັນນີ້, ໂດຍກໍານົດເອົາວັນອາທິດທີ 21 ກຸມພາ 2021 ເປັນມື້ເລືອກຕັ້ງພ້ອມກັນໃນຂອບເຂດທົ່ວປະເທດ. ໃນນັ້ນ, ຜູ້ສະໝັກເປັນສະມາຊິກສະພາແຫ່ງຊາດ ມີ 224 ທ່ານ (ຍິງ 49 ທ່ານ) ເລືອກເອົາ 164 ທ່ານ ແລະ ສະມາຊິກສະພາປະຊາຊົນຂັ້ນແຂວງ ມີ 789 ທ່ານ (ຍິງ 227 ທ່ານ) ເລືອກເອົາ 492 ທ່ານ, ​ເຊິ່ງຜູ້ສະໝັກຮັບເລືອກຕັ້ງເປັນ ສສຊ ແລະ ສສຂ ໃນແຕ່ລະເຂດເລືອກຕັ້ງ ພວມຂຸ້ນຂ້ຽວລົງພົບປະຜູ້ມີສິດເລືອກຕັ້ງ ເພື່ອໂຄສະນາຫາສຽງບົນພື້ນຖານການເຄົາລົບ ແລະ ປະຕິບັດຕາມກົດໝາຍ, ລະບຽບການຂອງການໂຄສະນາຫາສຽງຢ່າງເຂັ້ມງວດ.

ໃນບັ້ນເລືອກຕັ້ງຄັ້ງນີ້, ຈໍານວນຜູ້ມີສິດປ່ອນບັດເລືອກຕັ້ງແຕ່ລະເຂດເລືອກຕັ້ງໃນທົ່ວປະເທດ ມີທັງໝົດ 4.279.243 ຄົນ, ຍິງ 2.128.167 ຄົນ, ມີໜ່ວຍປ່ອນບັດເລືອກຕັ້ງທັງໝົດ 7.217 ໜ່ວຍໃນທົ່ວປະເທດ. ໃນນີ້ ມີ 40 ໜ່ວຍເລືອກຕັ້ງທີ່ປະຈໍາຢູ່ຕ່າງປະເທດ, ມີພົນລະເມືອງລາວອາ​​ໄສ​ຢູ່​ຕ່າງປະ​ເທດ ມີສິດປ່ອນບັດເລືອກຕັ້ງຈຳນວນ 13.404 ຄົນ, ຍິງ 5.493 ຄົນ.

ລາວມີຄວາມພ້ອມຮອບດ້ານໃຫ້ແກ່ບັ້ນເລືອກຕັ້ງ ສສຊ ແລະ ສສຂ - Wave100S AD to Website 2020 0 - ລາວມີຄວາມພ້ອມຮອບດ້ານໃຫ້ແກ່ບັ້ນເລືອກຕັ້ງ ສສຊ ແລະ ສສຂ

ໃນໂອກາດນີ້, ທ່ານ ສົມພູ ດວງສະຫວັນ ​ໄດ້ຕາງໜ້າໃຫ້ແກ່ຄະນະກຳມະການເລືອກຕັ້ງລະດັບຊາດ, ຮຽກຮ້ອງ ແລະ ເຊີນຊວນມາຍັງປະຊາຊົນລາວບັນດາເຜົ່າ ໂດຍສະເພາະຜູ້ມີສິດປ່ອນບັດເລືອກຕັ້ງໃນຂອບເຂດທົ່ວປະເທດ ຈົ່ງໄດ້ເຊີດຊູນໍ້າໃຈຮັກຊາດ, ນໍາໃຊ້ສິດປະຊາທິປະໄຕ ແລະ ປະຕິບັດພັນທະຂອງຕົນໄປປ່ອນບັດເລືອກຕັ້ງເອົາບຸກຄົນທີ່ມີມາດຖານ ເງື່ອນໄຂຄົບຖ້ວນ ເພື່ອເປັນຕົວແທນປະຕິບັດສິດ ແລະ ອຳນາດຂອງປະຊາຊົນລາວບັນດາເຜົ່າຢູ່ໃນສະພາແຫ່ງຊາດ ແລະ ສະພາປະຊາຊົນແຂວງ. ພ້ອມທັງສະເໜີໃຫ້ຄະນະກຳມະການເລືອກຕັ້ງແຕ່ລະຂັ້ນ ກໍຄື ປວງຊົນລາວທັງຊາດຈົ່ງສືບຕໍ່ເອົາໃຈໃສ່ໃນການກະກຽມຄວາມພ້ອມດ້ານຕ່າງໆ ເພື່ອເຮັດໃຫ້ບັ້ນເລືອກຕັ້ງທົ່ວປະເທດ ທີ່ຈະດໍາເນີນຂຶ້ນໃນວັນອາທິດທີ 21 ກຸມພາ 2021 ນີ້, ໃຫ້ກາຍເປັນປາງບຸນໃຫຍ່ຂອງຊາດ, ດໍາເນີນໄປດ້ວຍບັນຍາກາດມ່ວນຊຶື່ນ, ມີປະຊາທິປະໄຕ, ຖຶືກຕ້ອງຕາມກົດໝາຍ, ປະຫຍັດ ແລະ ປະຕິບັດໃຫ້ໄດ້ 3 ຄາດໝາຍຄື: ຜູ້ມີສິດປ່ອນບັດເລືອກຕື່ນຕົວສະໝັກໃຈ ໄປໃຊ້ສິດເລືອກຕັ້ງໃຫ້ໄດ້ຮ້ອຍສ່ວນຮ້ອຍ, ຮັບປະກັນບໍ່ໃຫ້ມີບັດຕາຍຮ້ອຍສ່ວນຮ້ອຍ, ແຕ່ລະໜ່ວຍປ່ອນບັດ ແລະ ເຂດເລືອກຕັ້ງ ຕ້ອງຮັບປະກັນໃຫ້ມີຄວາມສະຫງົບປອດໄພ ໃນວັນເລືອກຕັ້ງຮ້ອຍສ່ວນຮ້ອຍ.

ລາວມີຄວາມພ້ອມຮອບດ້ານໃຫ້ແກ່ບັ້ນເລືອກຕັ້ງ ສສຊ ແລະ ສສຂ - WhatsApp Image 2020 05 27 at 5 - ລາວມີຄວາມພ້ອມຮອບດ້ານໃຫ້ແກ່ບັ້ນເລືອກຕັ້ງ ສສຊ ແລະ ສສຂ
ລາວມີຄວາມພ້ອມຮອບດ້ານໃຫ້ແກ່ບັ້ນເລືອກຕັ້ງ ສສຊ ແລະ ສສຂ - WhatsApp Image 2020 05 27 at 5 - ລາວມີຄວາມພ້ອມຮອບດ້ານໃຫ້ແກ່ບັ້ນເລືອກຕັ້ງ ສສຊ ແລະ ສສຂ
error: Alert: ເນື້ອຫາຂ່າວມີລິຂະສິດ !!