ລັດຖະມົນຕີກະຊວງກະສິກຳ ແລະ ປ່າໄມ້ ເຂົ້າຮ່ວມກອງປະຊຸມຄັ້ງທີ 40 ຂອງອົງການອາຫານ ແລະ ການກະເສດ (FAO)

- 6999 - ລັດຖະມົນຕີກະຊວງກະສິກຳ ແລະ ປ່າໄມ້ ເຂົ້າຮ່ວມກອງປະຊຸມຄັ້ງທີ 40 ຂອງອົງການອາຫານ ແລະ ການກະເສດ (FAO)
- AGL banner - ລັດຖະມົນຕີກະຊວງກະສິກຳ ແລະ ປ່າໄມ້ ເຂົ້າຮ່ວມກອງປະຊຸມຄັ້ງທີ 40 ຂອງອົງການອາຫານ ແລະ ການກະເສດ (FAO)

ໃນລະຫວ່າງວັນທີ 3-8 ກໍລະກົດນີ້, ທ່ານ ລຽນ ທິແກ້ວ ລັດຖະມົນຕີ ກະຊວງກະສິກຳ ແລະ ປ່າໄມ້ ພ້ອມຄະນະ, ໄດ້ເຂົ້າຮ່ວມກອງປະຊຸມໃຫຍ່ ຄັ້ງທີ 40 ຂອງອົງການອາຫານ ແລະ ການກະເສດແຫ່ງສະຫະປະຊາຊາດ (FAO) ທີ່ນະຄອນຫລວງໂຣມ, ປະເທດອີຕາລີ ເພື່ອປຶກສາຫາລື ກ່ຽວກັບສະພາບການຜະລິດສະບຽງອາຫານ ແລະ ການກະສິກຳ ເພື່ອຮັບປະກັນດ້ານການຄໍ້າປະກັນສະບຽງອາຫານ ແລະ ໂພຊະນາການໃຫ້ມີຄວາມຍືນຍົງ.

ໃນໂອກາດນີ້, ທ່ານ ລຽນ ທີແກ້ວ ໄດ້ຂຶ້ນກ່າວຄຳເຫັນຕໍ່ທີ່ປະຊຸມກ່ຽວກັບການລຶບລ້າງຄວາມອຶດຫີວຢ່າງສິ້ນເຊີງ ວ່າ: ເປົ້າໝາຍຂອງການລຶບລ້າງຄວາມອຶດຫິວຢ່າງສິ້ີ້ນເຊິ່ງ ແມ່ນການສ້າງກຳລັງແຮງສັງລວມໃນລະດັບສາກົນ, ພາກພື້ນ ແລະ ລະດັບຊາດ ເພື່ອບັນລຸເປົ້າໝາຍທີ 2 ຂອງການພັດທະນາແບບຍືນຍົງ, ເຊິ່ງໝາຍເຖິງການມີສ່ວນຮ່ວມຂອງທຸກພາກສ່ວນໃນໂລກເພື່ອລຶບລ້າງຄວາມອຶດຫີວ.

ສຳລັບ ສປປ ລາວ, ໄດ້ກຳນົດຍຸດທະສາດພັດທະນາກະສິກຳຮອດປີ 2025 ແລະ ວິໃສທັດ 2030, ຊຶ່ງກວມເອົາ 3 ເສົາຄໍ້າຄື: ກະສິກໍາ-ປ່າໄມ້ ແລະ ພັດທະນາຊົນນະບົດ ແລະ ລຶບລ້າງຄວາມທຸກຍາກເປັນແຜນງານຫລັກ, ພ້ອມທັງໄດ້ກຳນົດ 10 ແຜນດຳເນີນງານ ແລະ ໂຄງການຈໍານວນໜຶ່ງທີ່ເປັນຄາດໝາຍສູ້ຊົນບັນຈຸເຂົ້າໃນແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ VIII (2016-2020) ແລະ ການສຳຫລວດລາຍຈ່າຍ ແລະ ການບໍລິໂພດ (LECS 6), ໃນໂອກາດນີ້, ທ່ານ ລຽນ ທີແກ້ວ ໄດ້ຕາງໜ້າລັດຖະບານແຫ່ງ ສປປ ລາວ ສະແດງຄວາມຂອບໃຈຢ່າງຈິງໃຈ ແລະ ຕີລາຄາສູງຕໍ່ການສະໜັບສະໜູນຂອງອົງການຈັດຕັ້ງສາກົນຕ່າງໆທີ່ໄດ້ໃຫ້ການຊ່ວຍເຫລືອວຽກງານກະສິກໍາ ກໍຄືວຽກງານຄໍ້າປະກັນສະບຽງອາຫານ. ປັດຈຸບັນລັດຖະບານລາວ, ພວມປຸກລະດົມໃຫ້ປະຊາຊົນຢູ່ຊົນນະບົດມີການປ່ຽນແປງທັດສະນະ ແລະ ພຶດຕິກຳໃນການບໍລິໂພກອາຫານ ເພື່ອປັບປຸງໂພຊະນາການໃຫ້ດີຂຶ້ນ, ໂດຍການປະກອບສ່ວນຂອງຂະແໜງສາທາລະນະສຸກ, ກະສິກຳ, ການສຶກສາ ແລະ ຄູ່ຮ່ວມພັດທະນາຕ່າງໆ.

- Wave100S AD to Website 2020 0 - ລັດຖະມົນຕີກະຊວງກະສິກຳ ແລະ ປ່າໄມ້ ເຂົ້າຮ່ວມກອງປະຊຸມຄັ້ງທີ 40 ຂອງອົງການອາຫານ ແລະ ການກະເສດ (FAO)

ກອງປະຊຸມດັ່ງກ່າວໄດ້ຈັດຂຶ້ນທຸກໆສອງປີ, ໂດຍມີຜູ້ແທນຈາກ 190 ກວ່າປະເທດເຂົ້າຮ່ວມ.

- lattana 1 - ລັດຖະມົນຕີກະຊວງກະສິກຳ ແລະ ປ່າໄມ້ ເຂົ້າຮ່ວມກອງປະຊຸມຄັ້ງທີ 40 ຂອງອົງການອາຫານ ແລະ ການກະເສດ (FAO)
error: Alert: Content is protected !!