ການສັກວັກຊີນຕ້ານໂຄວິດ-19 ໃນອາຊຽນ ໃຜເລີ່ມສັກແລ້ວແດ່

ການສັກວັກຊີນຕ້ານໂຄວິດ-19 ໃນອາຊຽນ ໃຜເລີ່ມສັກແລ້ວແດ່ - Latest situation COVID 19 vaccination in ASEAN - ການສັກວັກຊີນຕ້ານໂຄວິດ-19 ໃນອາຊຽນ ໃຜເລີ່ມສັກແລ້ວແດ່
ການສັກວັກຊີນຕ້ານໂຄວິດ-19 ໃນອາຊຽນ ໃຜເລີ່ມສັກແລ້ວແດ່ - Untitled design - ການສັກວັກຊີນຕ້ານໂຄວິດ-19 ໃນອາຊຽນ ໃຜເລີ່ມສັກແລ້ວແດ່

ນີ້​ຄື​ພາບ​ລວມສະຖານະ​ການ​ຫລ້າ​ສຸດ​ຂອງ​ການ​ສັກ​ວັກ​ຊີ​ນຕ້ານ​ໂຄ​ວິດ-19 ​ໃນ​ອາ​ຊຽນ ທີ່​ຫລາຍ​ປະ​ເທດ​ເລີ່​ມສັກ​ວັກ​ຊີ​ນ​ໃຫ້​ກຸ່ມ​ສ່ຽງ​ພາຍ​ໃນ​ປະ​ເທດ​ຂອງ​ຕົນ​ແລ້ວ ​ໂດຍ​ສິງກະ​ໂປ​ເປັນ​ປະ​ເທດ​ທຳ​ອິດ​ໃນ​ອາ​ຊຽນທີ່​ເລີ່​ມສັກ​ວັກ​ຊີ​ນຢ່າງ​ເປັນ​ທາງ​ການ ນັບ​ແຕ່​ທ້າຍ​ປີ 2020 ຜ່ານ​ມາ ກ່ອນ​ອີກ​ຫລາຍ​ປະ​ເທດ​ຈະ​ທະຍອຍ​ເລີ່​ມຕົ້ນສັກ​ວັກ​ຊີ​ນ​ໃນ​ໄຕ​ມາດ​ທຳ​ອິດ​ຂອງ​ປີ 2021 ນີ້ ​ໂດຍ 9 ​ໃນ 10 ປະ​ເທດ​ສະມາຊິກ​ອາ​ຊຽນ ຍົກ​ເວັ້ນ​ໄທ ຈະ​ໄດ້​ຮັບ​ວັກ​ຊີ​ນຕ້ານ​ໂຄ​ວິດ-19 ຈາກ​ໂຄງການ Covax ຂອງ​ອົງການ​ອະນາ​ໄມ​ໂລກ (WHO) ​ແລະ ພັນທະ​ມິດ​ແນ່ນອນ​ແລ້ວ ​ເຊິ່ງ​ເປັນ​ໂຄງການ​ທີ່​ຈະ​ຊ່ວຍ​ສະໜັບສະໜູນ​ໃຫ້​ທຸກ​ປະ​ເທດ​ເຂົ້າ​ເຖິງ​ວັກ​ຊີ​ນຕ້ານ​ໂຄ​ວິດ-19 ຢ່າງ​ເທົ່າ​ທຽມ.

​ໂດຍ​ຫລາຍ​ປະ​ເທດ​ເລີ່​ມທະ​ຍອຍ​ຮັບຮອງ​ການ​ໃຊ້​ວັກ​ຊີ​ນຕ້ານ​ໂຄ​ວິດ-19 ​ເປັນ​ກໍລະນີ​ສຸກ​ເສີນ ​ເພື່ອ​ຮັບ​ມື​ສະຖານະ​ການ​ການ​ແຜ່​ລະບາດ​ຂອງ​ພະຍາດ​ພາຍ​ໃນ​ປະ​ເທດ, ​ເຖິງ​ວ່າ​ວັກ​ຊີ​ນ​ເຫລົ່ານັ້ນຈະ​ຍັງ​ບໍ່​ສຳ​ເລັດ​ສົມບູນ ​ແລະ ຍັງ​ຢູ່​ໃນ​ໄລຍະ​ທົດ​ສອບ​ໄລຍະ​ທີ 3 ກໍ​ຕາມ ​ແລະ ​ເພື່ອ​ສ້າງ​ຄວາມ​ເຊື່ອ​ໝັ້ນ​ໃຫ້​ປະຊາຊົນ​ໃນ​ປະ​ເທດ​ວ່າ​ວັກ​ຊີ​ນທີ່​ທາງ​ລັດຖະບານ​ຈັດ​ຫາ​ນີ້​ມີ​ປະສິດທິພາບ​ຕ້ານ​ໂຄ​ວິດ-19 ​ແລະ ມີ​ຄວາມ​ປອດ​ໄພ​ສູງ, ຜູ້ນຳ​ລັດຖະບານ​ສ່ວນ​ຫລາຍ ບໍ່​ວ່າ​ຈະ​ເປັນ​ນາຍົກລັດຖະມົນຕີ ຫລື ປະທານາທິບໍດີ ມັກ​ຈະ​ເປັນ​ອາສາ​ສະໝັກ​ເຂົ້າຮັບ​ວັກ​ຊີ​ນ​ໂຄ​ວິດ-19 ​ເປັນ​ຄົນ​ທຳ​ອິດ​ຂອງ​ປະ​ເທດ.

ຜ່ານ​ມາ ຕາມ​ສື່​ຕ່າງປະ​ເທດ​ລາຍ​ງານ​ວ່າ​ມີ​ຜູ້ນຳ​ໃນ​ອາ​ຊຽນຢ່າງ​ໜ້ອຍ 3 ທ່ານ​ທີ່​ເຂົ້າຮັບ​ການ​ສັກ​ວັກ​ຊີ​ນຕ້ານ​ໂຄ​ວິດ-19 ​ແລ້ວ ບໍ່​ວ່າ​ຈະ​ເປັນ​ທ່ານ ລີ​ຊຽນລຸງ ນາຍົກລັດຖະມົນຕີສິງກະ​ໂປ, ທ່ານ ​ໂຈ​ໂກ ວິ​ໂດ​ໂດ ປະທານາທິບໍດີ​ອິນ​ໂດ​ເນ​ເຊຍ ລວມທັງ​ນາງ ອອງຊານ ຊູ​ຈີ ທີ່​ປຶກສາ​ປະ​ເທດ​ມຽນມາ. ຂະນະ​ທີ່​ຜູ້ນຳ​ປະ​ເທດ​ອີກ​ສອງ​ທ່ານ​ອາສາ​ເຂົ້າຮັບ​ວັກ​ຊີ​ນຕໍ່ໜ້າ​ສາທາລະນະ​ຊົນ ​ເພື່ອ​ສ້າງ​ຄວາມ​ເຊື່ອ​ໝັ້ນ ​ແລະ ​ເປັນ​ຕົວຢ່າງ​ໃຫ້​ປະຊາຊົນ ​ໄດ້​ແກ່​ທ່ານ ມິ​ຍິດດິນ ຍັສຊິນ ນາຍົກລັດຖະມົນຕີມາ​ເລ​ເຊຍ ​ແລະ ທ່ານ ​ໂຣດຣິ​ໂກ ດູ​ເຕີ​ເຕ ປະທານາທິບໍດີ​ຟີ​ລິບ​ປິນ.

ການສັກວັກຊີນຕ້ານໂຄວິດ-19 ໃນອາຊຽນ ໃຜເລີ່ມສັກແລ້ວແດ່ - Wave100S AD to Website 2020 0 - ການສັກວັກຊີນຕ້ານໂຄວິດ-19 ໃນອາຊຽນ ໃຜເລີ່ມສັກແລ້ວແດ່

ສ່ວນ​ທ່ານ ຮຸນ​ເຊ​ນ ນາຍົກລັດຖະມົນຕີກຳປູ​ເຈຍ ທີ່​ເຄີຍ​ອອກ​ມາ​ປະກາດ​ວ່າ​ຈະ​ເຂົ້າຮັບ​ວັກ​ຊີ​ນຕ້ານ​ໂຄ​ວິດ-19 ​ເປັນ​ຄົນ​ທຳ​ອິດຂອງ​ກຳປູ​ເຈຍ, ​ແຕ່​ໃນ​ມື້​ເລີ່​ມຕົ້ນການ​ສັກ​ວັກ​ຊີ​ນ​ແທ້​ພັດ​ເປັນ​ລູກ​ຊາຍ​ທັງ​ສາມ​ຄົນ​ທີ່​ເຂົ້າຮັບ​ວັກ​ຊີ​ນ​ເປັນ​ກຸ່ມ​ທຳ​ອິດ​ແທນ ​ໂດຍ​ທາງ​ການ​ໄທ​ຄາດ​ວ່າ​ຈະ​ຮັບຮອງ​ການ​ໃຊ້​ວັກ​ຊີ​ນຕ້ານ​ໂຄ​ວິດ-19 ຈາກ Sinovac ​ເປັນ​ກໍລະນີ​ສຸກ​ເສີນ​ພາຍ​ໃນ​ເດືອ​ນກຸມພາ​ນີ້ ກ່ອນ​ຈະ​ສັກ​ວັກ​ຊີ​ນ​ເຂັມ​ທຳ​ອິດ​ໃນ​ວັນ​ທີ 27 ກຸມພາ​ນີ້.

ການສັກວັກຊີນຕ້ານໂຄວິດ-19 ໃນອາຊຽນ ໃຜເລີ່ມສັກແລ້ວແດ່ - WhatsApp Image 2020 05 27 at 5 - ການສັກວັກຊີນຕ້ານໂຄວິດ-19 ໃນອາຊຽນ ໃຜເລີ່ມສັກແລ້ວແດ່
ການສັກວັກຊີນຕ້ານໂຄວິດ-19 ໃນອາຊຽນ ໃຜເລີ່ມສັກແລ້ວແດ່ - WhatsApp Image 2020 05 27 at 5 - ການສັກວັກຊີນຕ້ານໂຄວິດ-19 ໃນອາຊຽນ ໃຜເລີ່ມສັກແລ້ວແດ່
error: Alert: ເນື້ອຫາຂ່າວມີລິຂະສິດ !!