ຊາວຫວຽດນາມ 1 ຄົນ ຖືກເຈົ້າໜ້າທີ່ຂອງລາວ ຈັບກຸມ ຂົນສົ່ງວັດຖຸຜິດກົດໝາຍ

ຊາວຫວຽດນາມ 1 ຄົນ ຖືກເຈົ້າໜ້າທີ່ຂອງລາວ ຈັບກຸມ ຂົນສົ່ງວັດຖຸຜິດກົດໝາຍ - 14 18 - ຊາວຫວຽດນາມ 1 ຄົນ ຖືກເຈົ້າໜ້າທີ່ຂອງລາວ ຈັບກຸມ ຂົນສົ່ງວັດຖຸຜິດກົດໝາຍ
ຊາວຫວຽດນາມ 1 ຄົນ ຖືກເຈົ້າໜ້າທີ່ຂອງລາວ ຈັບກຸມ ຂົນສົ່ງວັດຖຸຜິດກົດໝາຍ - Untitled design - ຊາວຫວຽດນາມ 1 ຄົນ ຖືກເຈົ້າໜ້າທີ່ຂອງລາວ ຈັບກຸມ ຂົນສົ່ງວັດຖຸຜິດກົດໝາຍ

ລາຍງານຂ່າວຈາກ ຫວຽດນາມ ເມື່ອວັນທີ 18 ກຸມພານີ້ ໃຫ້ຮູ້ວ່າ ສານປະຊາຊົນແຂວງ ອຸດົມໄຊ ໄດ້ຕັດສິນຈຳຄຸກຊາວຫວຽດນາມ ຄົນໜຶ່ງ, ຊື່ ທ້າວ ຮວ່າງວັນຈຸງ, ອາຍຸ 27 ປີ ຢູ່ເຕາແສງ ຢຽນທາບ, ເມືອງ ຢຽນເຈົາ, ແຂວງເຫງະອານ ເປັນເວລາ 2 ປີ ໃນຂໍ້ຫາຂົນສົ່ງວັດຖຸຜິດກົດໝາຍ, ໃນເມື່ອວັນທີ 29 ມັງກອນທີ່ຜ່ານມາ.

ອີງຕາມຄຳໃຫ້ການຂອງໂຈດຕໍ່ສານໃຫ້ຮູ້ວ່າ ທ້າວ ຈຸງ ພ້ອມກັບພວກອີກ 4 ຄົນຊຶ່ງເປັນຊາວຫວຽດນາມຄືກັນ ໃນລະຫວ່າງທ້າຍເດືອນ ຕຸລາ 2018, ໃນຂະນະທີ່ກຳລັງຂົນຍ້າຍ ກະສອບແປ້ງ 80 ກະສອບ, ລວມນໍ້າໜັກ 2 ໂຕນ ຢູ່ໃນລົດຄັນໜຶ່ງທີ່ມາຈາກ ແຂວງ ອຸດົມໄຊ ມຸ່ງໜ້າໄປແຂວງຫຼວງນໍ້ທາ ກໍຖືກເຈົ້າໜ້າທີ່ລາວຈັບກຸມ.

ທ້າວ ຈຸງ ໃຫ້ກາຕໍ່ເຈົ້າໜ້າທີ່ວ່າ ຕົນເອງເປັນ ແອັດລົດ ຂອງສະຫະກອນຂົນສົ່ງຂອງຫວຽດນາມ. ເຈົ້າຂອງສິນຄ້າດັ່ງກ່າວຊື່ນາງ ຫງວຽນຖິມາຍ ຊຶ່ງໄປພ້ອມກັບລົດຄັນດັ່ງກ່າວ. ກ່ອນໜ້ານີ້ ຈຸງ ກໍເຄີຍຂົນສົ່ງສິນຄ້າຈາກຫວຽດນາມເຂົ້າມາລາວ ໂດຍຜ່ານດ່ານຊາຍແດນໃນແຂວງ ຫົວພັນ, ໃນຂະນະທີ່ ນາງ ມາຍ ໃຫ້ຮູ້ວ່າ ສິນຄ້າທີ່ຢູ່ໃນກະສອບນັ້ນ ເປັນເຂົ້າສານ ແລະ ເຫຼັກເສດ. ພ້ອມດຽວກັນນັ້ນ ນາງ ມາຍ ໃຫ້ຄຳໝັ້ນສັນຍາກັບ ທ້າວ ຈູງວ່າ: ຖ້າສິນຄ້າຫາກລອດໄປຮອດ ຫວຽດນາມໄດ້, ນາງ ມາຍ ຈະໃຫ້ຄ່າລາງວັນເປັນ ລົດ, ດິນ, ເຮືອນ ແລະ ໃຫ້ເງິນອີກເປັນຈຳນວນຫຼາຍ. ໃນທີ່ສຸດສິນຄ້າດັ່ງກ່າວກໍຖືກເຈົ້າໜ້າທີ່ທາງການລາວຢຶດເອົາໄວ້ ແລະ ຖືກພິສູດວ່າ ເປັນ ຫົວເຊື້ອ ເພື່ອຜະລິດ ຢາບ້າ.

ໂດຍອີງຕາມຜົນຂອງການກວດສອບ, ສານປະຊາຊົນແຂວງ ອຸດົມໄຊ ໄດ້ຕັດສິນລົງໂທດ ອາຍາ ກັບ ທ້າວຈຸງ ຕາມກົດໝາຍ ອາຍາ ແລະ ກົດໝາຍ ຢາເສບຕິດ ພ້ອມດຽວກັນນັ້ນ ມີເຈດຕະນາ ປົກປ້ອງ ໂທດໃຫ້ກັບຄົນອື່ນ. ກ່ອນໜ້ານັ້ນ ຈຸງ ໄດ້ສະແດງຄວາມຮັບຜິດຊອບທັງໝົດຕໍ່ການຂົນສົ່ງດັ່ງກ່າວ, ສ່ວນ ນາງ ມາຍ ໄດ້ປະຕິເສດ ບໍ່ມີສ່ວນກ່ຽວຂ້ອງກັບບັຍຫາດັ່ງກ່າວ ຈຶ່ງຖືກເຈົ້າໜ້ທີ່ປ່ອຍຕົວໃນຕົ້ນປີ 2019 ເພາະບໍ່ມີຫຼັກຖານພຽງພໍທີ່ຈະເອົາຄວາມຜິດກັບເຂົາ.

ຊາວຫວຽດນາມ 1 ຄົນ ຖືກເຈົ້າໜ້າທີ່ຂອງລາວ ຈັບກຸມ ຂົນສົ່ງວັດຖຸຜິດກົດໝາຍ - Wave100S AD to Website 2020 0 - ຊາວຫວຽດນາມ 1 ຄົນ ຖືກເຈົ້າໜ້າທີ່ຂອງລາວ ຈັບກຸມ ຂົນສົ່ງວັດຖຸຜິດກົດໝາຍ

ຈຸງຖືກຕັດສິນຈຳຄຸກ 2 ປີ ແລະ ປັບໃໝ 2 ລ້ານກີບ. ສ່ວນ ສິນຄ້າ ດັ່ງກ່າວ ຖືກເຈົ້າໜ້າທີ່ຈູດທຳລາຍຖິ້ມ.

ຊາວຫວຽດນາມ 1 ຄົນ ຖືກເຈົ້າໜ້າທີ່ຂອງລາວ ຈັບກຸມ ຂົນສົ່ງວັດຖຸຜິດກົດໝາຍ - WhatsApp Image 2020 05 27 at 5 - ຊາວຫວຽດນາມ 1 ຄົນ ຖືກເຈົ້າໜ້າທີ່ຂອງລາວ ຈັບກຸມ ຂົນສົ່ງວັດຖຸຜິດກົດໝາຍ
ຊາວຫວຽດນາມ 1 ຄົນ ຖືກເຈົ້າໜ້າທີ່ຂອງລາວ ຈັບກຸມ ຂົນສົ່ງວັດຖຸຜິດກົດໝາຍ - WhatsApp Image 2020 05 27 at 5 - ຊາວຫວຽດນາມ 1 ຄົນ ຖືກເຈົ້າໜ້າທີ່ຂອງລາວ ຈັບກຸມ ຂົນສົ່ງວັດຖຸຜິດກົດໝາຍ
error: Alert: ເນື້ອຫາຂ່າວມີລິຂະສິດ !!