ອິນໂດເນເຊຍຈະລົງໂທດຜູ້ປະຕິເສດວັກຊີນ ອາດເສຍຄ່າປັບໄໝຖ້າບໍ່ຮ່ວມມື

ອິນໂດເນເຊຍຈະລົງໂທດຜູ້ປະຕິເສດວັກຊີນ ອາດເສຍຄ່າປັບໄໝຖ້າບໍ່ຮ່ວມມື - 4ae4c58b 6ea8 441d aad9 3a6907743806 - ອິນໂດເນເຊຍຈະລົງໂທດຜູ້ປະຕິເສດວັກຊີນ ອາດເສຍຄ່າປັບໄໝຖ້າບໍ່ຮ່ວມມື
ອິນໂດເນເຊຍຈະລົງໂທດຜູ້ປະຕິເສດວັກຊີນ ອາດເສຍຄ່າປັບໄໝຖ້າບໍ່ຮ່ວມມື - Untitled design - ອິນໂດເນເຊຍຈະລົງໂທດຜູ້ປະຕິເສດວັກຊີນ ອາດເສຍຄ່າປັບໄໝຖ້າບໍ່ຮ່ວມມື

ຊາວ​ອິນ​ໂດ​ເນ​ເຊຍທີ່​ຜ່ານ​ເກນ​ເຂົ້າຮັບ​ວັກ​ຊີ​ນ​ໂຄ​ວິດ-19 ອາດ​ຖືກ​ລົງ​ໂທດ​ຖ້າ​ບໍ່​ຍອມ​ປະຕິບັດ​ຕາມ.

ວັນ​ທີ 18 ກຸມພາ 2021, ສຳນັກ​ຂ່າວ Bloomberg ລາຍ​ງານ​ວ່າ: ອິນ​ໂດ​ເນ​​ເຊຍ​ກຳນົດ​ໃຫ້​ຜູ້​ທີ່​ມີ​ຄຸນສົມບັດ​ຜ່ານ​ເກນ​ຕ້ອງ​ເຂົ້າຮັບ​ການ​ສັກ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ທີ່​ລັດຖະບານ​ຈັດ​ສັນ​ໃຫ້ ​ເພື່ອ​ເຮັ່ງ​ຢຸດ​ຢັ້ງການລະບາດ​​ໂດຍ​ດ່ວນ.

ຕາມ​ລາຍ​ງານ​ລະບຸ​ວ່າ: ລັດຖະບານ​ສາມາດ​ລົງ​ໂທດ​ຜູ້​ທີ່​ປະຕິ​ເສດ​ວັກ​ຊີ​ນ​ໄດ້ ​ໂດຍ​ອາດ​ຢຸດ ຫລື ​ໂຈະ​ການ​ຊ່ວຍ​ເຫລືອ​ໃນ​ໂຄງການ​ຕ່າງໆ, ບໍລິການ​ຂອງ​ລັດ ລວມທັງ​ຖືກ​ປັບ​ໄໝ, ສ່ວນ​ອັດຕາ​ໂທດ​ນັ້ນຈະ​ໃຫ້​ໜ່ວຍ​ງານ​ທ້ອງ​ຖິ່ນ​ໃນ​ແຕ່​ລະພື້ນທີ່​ເປັນ​ຜູ້​ກຳນົດ​ເອງ.

ສ່ວນ​ຫລາຍ​ແຕ່ລະ​ປະ​ເທດ​ທີ່​ເລີ່​ມສັກ​ວັກ​ຊີ​ນ​ໄປ​ແລ້ວ​ຈະ​ໃຊ້​ລະບົບ​ສະໝັກ​ໃຈ, ມີ​ການ​ປຸກລະດົມ ​ແລະ ​ໃຫ້​ຄວາມ​ຮູ້​ກ່ຽວ​ກັບ​ວັກ​ຊີ​ນ​ແທນ, ​ແຕ່​ຈະ​ບໍ່​ມີ​ການ​ບັງຄັບ​ໃຫ້​ຕ້ອງ​ສັກ​ວັກ​ຊີ​ນ​ໂຄ​ວິດ-19 ​ເຊິ່ງຖື​ເປັນ​ວັກ​ຊີ​ນທີ່​ໃຊ້​ເວລາ​ພັດທະນາ​ແບບ​ຮີບ​ດ່ວນ ​ແລະ ​ໃຊ້​ເວລາ​ສັ້ນກວ່າ​ການ​ພັດທະນາ​ວັກ​ຊີ​ນທົ່ວ​ໄປ.

ຈາກ​ການ​ສຳ​ຫລວດ​ໃນ​ເດືອນ​ກັນຍາ 2020 ພົບ​ວ່າ: ປະຊາກອນ​ຂອງ​ອິນ​ໂດ​ເນ​ເຊຍ​ປະມານ 65% ຕ້ອງການ​ຈະ​ເຂົ້າຮັບ​ວັກ​ຊີ​ນ, ສ່ວນ​ທີ່​ເຫລືອ​ຍັງ​ມີ​ຄວາມ​ກັງວົນ​​ເຖິງ​ຄ່າ​ໃຊ້​ຈ່າຍ, ຄວາມ​ສ່ຽງ​ຕໍ່​ສຸຂະພາບ ​ແລະ ສົງ​ໄສ​ໃນ​ມາດຕະຖານ​ຂອງ​ວັກ​ຊີ​ນ. ຫລັງ​ຈາກ​ນັ້ນ ລັດຖະບານ​ໄດ້​ປະກາດ​ວ່າ​ທຸກ​ຄົນ​ສາມາດ​ເຂົ້າຮັບ​ວັກ​ຊີ​ນ​ໄດ້​ໂດຍ​ບໍ່​ຕ້ອງ​ເສຍ​ຄ່າ​ໃຊ້​ຈ່າຍ.

ອິນໂດເນເຊຍຈະລົງໂທດຜູ້ປະຕິເສດວັກຊີນ ອາດເສຍຄ່າປັບໄໝຖ້າບໍ່ຮ່ວມມື - Wave100S AD to Website 2020 0 - ອິນໂດເນເຊຍຈະລົງໂທດຜູ້ປະຕິເສດວັກຊີນ ອາດເສຍຄ່າປັບໄໝຖ້າບໍ່ຮ່ວມມື

ປັດຈຸບັນ ອິນ​ໂດ​ເນ​ເຊຍ​ສັກ​ວັກ​ຊີ​ນ​ໃຫ້​ປະຊາກອນ​ແລ້ວ​ຫລາຍ​ກວ່າ 1,7 ລ້ານ​ໂດ​ສ ​ໂດຍ​ໃຊ້​ວັກ​ຊີ​ນຂອງ Sinovac ​ແລະ ຈະ​ໄດ້​ຮັບ​ວັກ​ຊີ​ນຂອງ AstraZeneca ຜ່ານ​ໂຄງການ Covax ຈຳນວນ 13,7-23,1 ລ້ານ​ໂດ​ສ ​ໃນ​ເດືອນ​ມີນາ.

ນອກຈາກ​ນັ້ນ, ລັດຖະບານ​ອິນ​ໂດ​ເນ​ເຊຍ​ຍັງ​ໄດ້​ເຮັດ​ສັນຍາ​ສັ່ງ​ຈອງ​ໂດຍ​ກົງ​ກັບ AstraZeneca ອີກ​ຊຸດ​ໜຶ່ງ ​ໂດຍ​ຂໍ້​ມູນ​ທີ່ Bloomberg ອັບ​ເດດ​ໄວ້​ເມື່ອ​ວັນ​ທີ 9 ກຸມພາ ລະບຸ​ວ່າ: ຈະ​ໄດ້​ຮັບ​ຢ່າງ​ໄວ​ທີ່​ສຸດ​ໃນ​ເດືອນ​ເມສາ.

ອິນໂດເນເຊຍຈະລົງໂທດຜູ້ປະຕິເສດວັກຊີນ ອາດເສຍຄ່າປັບໄໝຖ້າບໍ່ຮ່ວມມື - WhatsApp Image 2020 05 27 at 5 - ອິນໂດເນເຊຍຈະລົງໂທດຜູ້ປະຕິເສດວັກຊີນ ອາດເສຍຄ່າປັບໄໝຖ້າບໍ່ຮ່ວມມື
ອິນໂດເນເຊຍຈະລົງໂທດຜູ້ປະຕິເສດວັກຊີນ ອາດເສຍຄ່າປັບໄໝຖ້າບໍ່ຮ່ວມມື - WhatsApp Image 2020 05 27 at 5 - ອິນໂດເນເຊຍຈະລົງໂທດຜູ້ປະຕິເສດວັກຊີນ ອາດເສຍຄ່າປັບໄໝຖ້າບໍ່ຮ່ວມມື
error: Alert: ເນື້ອຫາຂ່າວມີລິຂະສິດ !!