ຮອງນາຍົກລົງຊຸກຍູ້ວຽກງານຢູ່ດ່ານພາສີທ່ານາແລ້ງ

- 215A4872 - ຮອງນາຍົກລົງຊຸກຍູ້ວຽກງານຢູ່ດ່ານພາສີທ່ານາແລ້ງ
- AGL banner - ຮອງນາຍົກລົງຊຸກຍູ້ວຽກງານຢູ່ດ່ານພາສີທ່ານາແລ້ງ

ເມື່ອທ້າຍອາທິດຜ່ານມານີ້, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ສົມດີ ດວງດີ, ໄດ້ລົງຊຸກຍູ້ວຽກງານຢູ່ລັດວິສາຫະກິດລາວບໍລິການສິນຄ້າຜ່ານແດນ (ລລບສ) ແລະ ດ່ານພາສີສາງທ່ານາແລ້ງ, ເມືອງຫາດຊາຍ, ນະຄອນຫລວງວຽງຈັນ, ພ້ອມທັງໄດ້ຮັບຟັງລາຍງານສະພາບການເຄື່ອນໄຫວຂອງສອງພາກສ່ວນວ່າ: ປີ 2017 ລັດວິສາຫະກິດລາວບໍລິການສິນຄ້າຜ່ານແດນໄດ້ວາງເປົ້າເກັບລາຍຮັບໃຫ້ບັນລຸຫລາຍກວ່າ 40 ຕື້ກີບ, ແຕ່ຜ່ານການຈັດຕັ້ງປະຕິບັດຕົວຈິງໃນ 6 ເດືອນຜ່ານມາສາມາດເກັບລາຍຮັບໄດ້ປະມານ 23 ຕື້ກີບຖ້າທຽບໃສ່ 6 ເດືອນຕົ້ນປີ 2016 ຜ່ານມາເຫັນວ່າລາຍຮັບເພີ່ມຂຶ້ນປະມານ 30-40% ຍ້ອນວ່າ ລລບສ ໄດ້ປັບປຸງຂອດບໍລິການດີຂຶ້ນ, ຊຶ່ງລາຍຮັບທັງໝົດໄດ້ຈາກການບໍລິການຮັບຝາກສິນຄ້າ, ພາຫະນະ, ກົນຈັກໜັກ, ພ້ອມທັງມີສາງປິດ-ສາງເປີດໃຫ້ເຊົ່າ, ບໍລິການຍົກຍໍ-ຄ່ຽນຖ່າຍສິນຄ້າພາຍໃນ ແລະ ນອກສະຖານທີ່, ບໍລິການພິມໃບແຈ້ງພາສີເອເລັກໂຕຣນິກ, ແລ່ນເອກະສານສິນຄ້ານຳເຂົ້າ, ສົ່ງອອກ, ຜ່ານແດນ ແລະ ອື່ນໆ…ໂດຍສະເພາະແມ່ນການບໍລິການ ລລບສ ຢູ່ແຂວງຄຳມ່ວນເຫັນວ່າເພີ່ມຂຶ້ນທຸກເດືອນ, ສະເລ່ຍມີຕູ້ສິນຄ້າເຂົ້າມາປະມານ 2-3 ພັນຕູ້ ແລະ ສະເລ່ຍລາຍຮັບປະມານ 600 ລ້ານກີບຕໍ່ເດືອນ. ຄຽງຄູ່ກັນນີ້, ລລບສ ຍັງໄດ້ປະສານສົມກັບດ່ານພາສີທ່ານາແລ້ງໃນການຕິດຕາມກວດກາສິນຄ້າຜ່ານເຂົ້າມາ ແລະ ອື່ນໆເພື່ອໃຫ້ສອດຄ່ອງກັບສະພາບຕົວຈິງ. ມາຮອດປັດຈຸບັນ ລລບສ ໄດ້ຂະຫຍາຍກິດຈະການມີ 3 ສາຂາຄື: ແຂວງບໍ່ແກ້ວ, ຄຳມ່ວນ ແລະ ຈຳປາສັກ, ມີ 2 ໜ່ວຍບໍລິການຄື: ໜ່ວຍບໍລິການນາເພົ້າ, ໜ່ວຍບໍລິການເມືອງປາກຊັນ ແລະ ມີສອງເຂດບໍລິການໃຫຍ່ທີ່ຂຶ້ນກັບສຳນັກງານໃຫຍ່ຄື: ເຂດບໍລິການສາງທ່ານາແລ້ງ ແລະ ເຂດບໍລິການສາງຕູ້ຄອນເທນເນີສະຖານີລົດໄຟທ່ານາແລ້ງ, ນອກນີ້ຍັງມີລັດວິສາຫະກິດລາວບໍລິການທ່າເຮືອຫວຸງອ່າງເປັນບໍລິສັດລູກ ແລະ ມີຄູ່ຮ່ວມທຸລະກິດທັງພາຍໃນ ແລະ ຕ່າງປະເທດຄື: ຫວຽດນາມ, ໄທ ແລະ ບໍລິການພາຍໃນເຂົ້າຮ່ວມຢູ່ໜ່ວຍບໍລິການນາເພົ້າ.

ສ່ວນການຈັດຕັ້ງປະຕິບັດວຽກງານຂອງດ່ານພາສີສາງທ່ານາແລ້ງເຫັນວ່າ: ບັນຫາລົດຄ້າງສາງທີ່ຜູ້ປະກອບການ, ບໍລິສັດ, ບຸກຄົນທີ່ນໍາເຂົ້າ ມີຈຸດປະສົງເພື່ອສົ່ງອອກຕໍ່ ຫລື ຈໍາໜ່າຍພາຍໃນ, ມາຮອດປັດຈຸບັນຄະນະຮັບຜິດຊອບໄດ້ກວດກາຕົວຈິງ ແລະ ແຍກເປັນແຕ່ລະບໍລິສັດ ເຫັນວ່າ: ລົດທີ່ຍັງຄ້າງສາງມີຈໍານວນ 1.160 ຄັນ, ຊຶ່ງສ່ວນໃຫຍ່ຈະເປັນລົດໝູນວຽນທີ່ນຳເຂົ້າມາລໍຖ້າເສຍພາສີ, ສ່ວນລົດກາຍກຳນົດແມ່ນ 44 ຄັນ, ບັນຊີຄ້າງສາງກາຍ 4 ເດືອນມີຈໍານວນ 198 ຄັນ.

ໂອກາດນີ້, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ໄດ້ສະແດງຄວາມຊົມເຊີຍຕໍ່ຜົນງານທັງຂອງ ລລບສ ແລະ ດ່ານພາສີສາງທ່ານາແລ້ງທີ່ໄດ້ເອົາໃຈໃສ່ປັບປຸງຂອດບໍລິການເພື່ອໃຫ້ທ່ວງທັນເວລາ ແລະ ອຳນວຍຄວາມສະດວກສະບາຍຂອງຜູ້ມາໃຊ້ບໍລິການ, ພ້ອມທັງເນັ້ນໃຫ້ເອົາໃຈໃສ່ຕິດຕາມບັນຫາລົດຄ້າງສາງ, ການນໍາເຂົ້ານໍ້າມັນເຊື້ອໄຟ, ນໍາເຂົ້າສິນຄ້າ ແລະ ການລັກລອບສິນຄ້າໜີພາສີ, ເອົາໃຈໃສ່ຕິດຕາມອ້າຍນ້ອງພະນັກງານພາສີ ເພື່ອຫລີກລຽງຫາງສຽງດ້ານລົບຈາກສັງຄົມ, ຕິດຕາມຢ່າງໃກ້ສິດໃນການເກັບອາກອນມູນຄ່າເພີ່ມ 10% ຢູ່ດ້ານພາສີສາກົນຂົວມິດຕະພາບລາວ-ໄທແຫ່ງທີ 1 ແລະ ບັນຫາອື່ນໆ.

- Wave100S AD to Website 2020 0 - ຮອງນາຍົກລົງຊຸກຍູ້ວຽກງານຢູ່ດ່ານພາສີທ່ານາແລ້ງ
- WhatsApp Image 2020 05 27 at 5 - ຮອງນາຍົກລົງຊຸກຍູ້ວຽກງານຢູ່ດ່ານພາສີທ່ານາແລ້ງ
- WhatsApp Image 2020 05 27 at 5 - ຮອງນາຍົກລົງຊຸກຍູ້ວຽກງານຢູ່ດ່ານພາສີທ່ານາແລ້ງ
- WhatsApp Image 2020 05 27 at 5 - ຮອງນາຍົກລົງຊຸກຍູ້ວຽກງານຢູ່ດ່ານພາສີທ່ານາແລ້ງ
- WhatsApp Image 2020 05 27 at 5 - ຮອງນາຍົກລົງຊຸກຍູ້ວຽກງານຢູ່ດ່ານພາສີທ່ານາແລ້ງ
error: Alert: Content is protected !!