ເຈົ້າໜ້າທີ່ດ່ານສາກົນນ້ຳກັ່ນຢຶດສານຜະລິດຢາເສບຕິດຫລາຍເກືອບ 2 ໂຕນ

- advert banner 728 90 728x90 - ເຈົ້າໜ້າທີ່ດ່ານສາກົນນ້ຳກັ່ນຢຶດສານຜະລິດຢາເສບຕິດຫລາຍເກືອບ 2 ໂຕນ

ເມື່ອທ້າຍອາທິດຜ່ານມານີ້, ເຈົ້າໜ້າທີ່ພາສີສົມທັບກັບເຈົ້່າໜ້າທີ່ກວດຄົນເຂົ້າເມືອງປະຈຳດ່ານສາກົນນ້ຳກັ່ນແຂວງຊຽງຂວາງ, ໄດ້ກັກລົດບັນທຸກໝາຍເລກທະບຽນ 37c08677 (ຫວຽດນາມ) ທີ່ລັກລອບຂົນສານຕັ້ງຕົ້ນຜະລິດຢາເສບຕິດຈໍານວນ 75 ເປົາ, ນໍ້າໜັກຫລາຍກວ່າ 1.800 ກິໂລ, ພ້ອມກັກຕົວຜູ້ຂັບລົດຊື່ທ້າວ ຫງຽນກົງມິງ ສັນຊາດຫວຽດນາມ ມາສືບສວນ-ສອບສວນ ແລະ ດໍາເນີນຄະດີຕາມລະບຽບກົດໝາຍ.

- new3 - ເຈົ້າໜ້າທີ່ດ່ານສາກົນນ້ຳກັ່ນຢຶດສານຜະລິດຢາເສບຕິດຫລາຍເກືອບ 2 ໂຕນ

ເຈົ້າໜ້າທີ່ໃຫ້ຮູ້ວ່າ:ເວລາປະມານ 9:00 ໂມງຂອງວັນທີ 4 ກໍລະກົດຜ່ານມາ, ໄດ້ມີລົດບັນທຸກໝາຍເລກທະບຽນ 37c 08677 ຂະໜາດບັນທຸກ 15 ໂຕນ, ຂັບຂີ່ໂດຍທ້າວ ຫງຽນກົງມິງ ຖືປື້ມໜັງສືແຜນເລກທີ B8363957 ໄດ້ ແຈ້ງເອກະສານລົດຕໍ່ເຈົ້າໜ້າທີ່ພາສີປະຈຳດ່ານເພື່ອເຂົ້າມາ ສປປ ລາວ, ພາຍຫລັງປະກອບເອກະສານຄົບຖ້ວນແລ້ວຜູ້ກ່ຽວໄດ້ເອົາເອກະສານລົດ ແລະ ໜັງສືແຈ້ງຜ່ານແດນຕໍ່ຈຸງານກວດກາສິນຄ້າເພື່ອກວດກາລົດຄັນດັ່ງກ່າວ, ຜ່ານການກວດກາຕົວຈິງເຫັນວ່າລົດບໍ່ໄດ້ບັນທຸກສິນຄ້າ, ແຕ່ສັງເກດເຫັນພື້ນລົດມີຄວາມໜ້າຜິດຜິດປົກກະຕິຄືມີການດັດແປງເປັນລັກສະນະພື້ນສອງຊັ້ນ, ເຈົ້າໜ້າທີ່ພາສີຈຶ່ງບອກໃຫ້ຜູ້ຂັບລົດເປີດໃຫ້ເບິ່ງແຕ່ຜູ້ກ່ຽວປະຕິເສດບໍ່ມີຫຍັງ ແລະ ເປີດບໍ່ໄດ້, ເມື່ອບອກໃຫ້ເປີດຫລາຍຄັ້ງຜູ້ກ່ຽວບໍ່ໃຫ້ຄວາມຮ່ວມມືເຈົ້າໜ້າທີ່ພາສີຈຶ່ງໄດ້ສົມທົບກັບເຈົ້າໜ້າທີ່ກວດຄົນເຂົ້າເມືອງປະຈຳດ່ານດໍາເນີນການກັກລົດ ແລະ ເຈົ້າຂອງລົດໄວ້, ມາຮອດເວລາ 15:10 ໂມງຂອງວັນດຽວກັນ, ເຈົ້າໜ້າທີ່ໄດ້ແກະພື້ນລົດດັ່ງກ່າວໄດ້ ແລະ ພົບເຫັນມີເປົາສິນຄ້າຊຸກເຊື່ອງຢູ່ພື້ນລົດ ແລະ ກວດລະອຽດຈຶ່ງພົບວ່າເປັນຝຸ່ນສານເຄມີຕັ້ງຕົ້ນຜະລິດຢາເສບຕິດຈຳນວນ 75 ເປົ້າ, ລວມມີນ້ຳໜັກ 1.875 ກິໂລ, ຈາກນັ້ນຈຶ່ງໄດ້ເອົາຕົວຄົນຂັບລົດ ແລະ ຂອງກາງດັ່ງກ່າວໃຫ້ເຈົ້າໜ້າທີ່ ປກສ ແຂວງຊຽງຂວາງ ເອົາໄປດໍາເນີນຄະດີຕາມລະບຽບກົດໝາຍ.

ນີ້ຖືເປັນການຢຶດສິນຄ້າຜິດກົດໝາຍຄັ້ງທີ 2 ໃນຮອບ 2 ເດືອນທີ່ກຸ່ມຄົນ ບໍ່ດີລັກລອບນໍ້າເຂົ້າຜ່ານດ່ານແຫ່ງນີ້, ຊຶ່ງກ່ອນໜ້ານີ້ກໍສາມາດກວດພົບເຫັນໄມ້ປະມານ 9 ພັນກວ່າກິໂລຊຸກເຊື່ອງຢູ່ລົດຕູ້ຄອນເທັນເນີ້ບັນທຸກສາລີເມັດເພື່ອສົ່ງອອກໄປປະເທດຫວຽດນາມ.

- lattana 1 - ເຈົ້າໜ້າທີ່ດ່ານສາກົນນ້ຳກັ່ນຢຶດສານຜະລິດຢາເສບຕິດຫລາຍເກືອບ 2 ໂຕນ
error: Content is protected !!