ປວງຊົນລາວທັງຊາດ ຝາກຄວາມຫວັງນຳ ສະມາຊິກສະພາ

ປວງຊົນລາວທັງຊາດ ຝາກຄວາມຫວັງນຳ ສະມາຊິກສະພາ - 150739609 1563960993807675 426654547988856964 o - ປວງຊົນລາວທັງຊາດ ຝາກຄວາມຫວັງນຳ ສະມາຊິກສະພາ
ປວງຊົນລາວທັງຊາດ ຝາກຄວາມຫວັງນຳ ສະມາຊິກສະພາ - Untitled design - ປວງຊົນລາວທັງຊາດ ຝາກຄວາມຫວັງນຳ ສະມາຊິກສະພາ

ໂດຍ: ມຶກບໍ່ແຫ້ງ

ການບ່ອນບັດເລືອກຕັ້ງ ເອົາສະມາຊິກສະພາ ທີ່ຈະເປັນຕົວແທນແກ່ປະຊາຊົນທົ່ວປະເທດ ໃນ 5 ປີ ຂ້າງນັ້ນ ແມ່ນຄວາມຫວັງຂອງປວງຊົນ ທີ່ຈະເຫັນການປ່ຽນແປງທີ່ແທ້ຈິງເກີດຂຶ້ນ.

ການໄປຮ່ວມປ່ອນບັດ ຄັດເລືອກເອົາສະມາຊິກສະພາ ແມ່ນເຫດການທາງການເມືອງ ທີ່ສຳຄັນທີ່ສຸດຂອງປະເທດ ທີ່ປະຊາຊົນ ຈະຕ້ອງນຳໃຊ້ສິດຂອງຕົນ ໃນການຄັດເລືອກເອົາ ຜູ້ທີ່ສັງຄົມ ຮຽກຮ້ອງຕ້ອງການ, ຜູ້ທີ່ມີຄວາມສາມາດ ແລະ ເດັດດ່ຽວ ໃນການເປັນກະບອກສຽງຂອງປະຊາຊົນ ເພື່ອການຊຸກສູ້ ສົ່ງເສີມ ການປ່ຽນແປງທີ່ດີຂຶ້ນ ຮອບດ້ານ ຂອງການພັດທະນາເສດຖະກິດ-ສັງຄົມຂອງປະເທດເຮົາ.

ການຄັດເລືອກເອົາສະມາຊິກສະພາແຫ່ງຊາດຊຸດທີ IX ນີ້ ແມ່ນພ້ອມໆກັບການກະກຽມ ການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມ ແຫ່ງຊາດຄັ້ງທີ IX ທີ່ ເຕັມໄປດ້ວຍໂອກາດ ແລະ ສິ່ງທ້າທາຍຕ່າງໆ. ສປປລາວ ທີ່ເປັນປະເທດ ທີ່ມີລຳດັບການພັດທະນາແລະ ຊີວິດການເປັນຢູ່ຂອງປະຊາຊົນ ໃນລຳດັບທ້າຍໆຂອງພາກພື້ນນັ້ນ ແມ່ນເປັນສິ່ງທີ່ ສະມາຊິດສະພາແຫ່ງຊາດຊຸດນີ້ ຄວນປະກອບສ່ວນ ຢ່າງເດັດດ່ຽວ ແລະ ຫ້າວຫັນເຂົ້າໃນການ ພັກດັນ, ຕິດຕາມກວດກາ ແລະ ເປັນກະບອກສຽງ ແລະຕົວແທນ ທີ່ສຳຄັນຂອງປະຊາຊົນ.

ການປ່ອນບັດ ຄັດເລືອກເອົາສະມາຊິກສະພາ ແຫ່ງຊາດຊຸດທີ IX ທ່າມກາງການລະບາດຂອງພະຍາດໂຄວິດ 19 ທີ່ເສດຖະກິດຂອງປະເທດເຮົາ ແລະ ໂລກກຳລັງຕົກໃນສະພາບການທີ່ຫຍຸ້ງຍາກ ຟືດເຄືອງ, ຄ່າຄອງຊີບໃນປະເທດ ຖີບຕົວສູງຂຶ້ນ ແຕ່ປະຊາຊົນຍັງມີລາຍຕໍ່າ ແລະ ເງິນກີບອ່ອນຄ່າ, ການບົກແຫ້ງຂອງ ແມ່ນໍ້າ ແລະ ການເສື່ອມໂຊມ ຂອງຊັບພະຍາກອນທຳມະຊາດ ບໍ່ວ່າ ດິນ, ປ່າໄມ້ ແລະ ອື່ນໆ, ການຜະລິດ ພາຍໃນຍັງອ່ອນນ້ອຍ ອາໄສການນຳເຂົ້າເປັນສ່ວນໃຫຍ່ ເຮັດໃຫ້ ລາຍໄດ້ ໜ້ອຍກວ່າລາຍຮັບ ຈົນໄປເຖິງ ອັດຕາສ່ວນຜູ້ເສຍຊີວິດຈາກ ອຸບັດຕິເຫດເທີງທ້ອງຖະໜົນນັບມື້ນັບສູງ, ການເພີ່ມຂຶ້ນຂອງ ອາຊະຍາກຳຕ່າງໆ ແລະ ອື່ນໆ ເຊິ່ງຈະກາຍເປັນສິ່ງ ຈະທົດສອບ ຄວາມອາດສາມາດທີ່ແທ້ຈິງ ຂອງສະມາຊິກສະພາ ກໍຄືຄະນະລັດຖະບານ ຊຸດໃໝ່ພວກເຮົາ.

 

ປວງຊົນລາວທັງຊາດ ຝາກຄວາມຫວັງນຳ ສະມາຊິກສະພາ - Wave100S AD to Website 2020 0 - ປວງຊົນລາວທັງຊາດ ຝາກຄວາມຫວັງນຳ ສະມາຊິກສະພາ

ແນ່ນອນ ການເປັນສະມາຊິກສະພານັ້ນ ບໍ່ພຽງແຕ່ແມ່ນຄວາມພາກພູມໃຈຂອງຜູ້ລົງສະໝັກ ແລະ ຜູ້ຖືກຄັດເລືອກ ແຕ່ ຍັງແມ່ນ ຜູ້ທີ່ມີຄວາມຮັບຜິດຊອບສູງ, ປະຕິບັດໃຫ້ໄດ້ ໜ້າທີ່ອັນຕົ້ນຕໍຂອງ ສະພາແຫ່ງຊາດ ຄື ການຕິດຕາມກວດກາ, ການຄົ້ນຄວ້າບັນຫາສຳຄັນຂອງຊາດ, ການເປັນຕົວແທນຂອງ ພໍ່ແມ່ປະຊາຊົນ ແລະ ການສ້າງນິຕິກຳ ທີ່ເປັນເຄື່ອງມືສຳຄັນ ໃນການຈັດຕັ້ງປະຕິບັດ ແລະຄຸ້ມຄອງວຽກງານ ຂະແໜງການຕ່າງໆ.

ພວກເຮົາປວງຊົນລາວ ຢາກເຫັນ ສະມາຊິກສະພາ ທີ່ມີວິໄສທັດກວ້າງໄກ, ມີຄວາມສາມາດ ແລະ ອາດຫານ ໃນການຕ້ານໄພຫຍໍ້ທໍ້ຂອງສັງຄົມ ກໍຄືໃນຖັນແຖວພະນັກງານ ລັດຖະກອນຂອງ ລັດ ໂດຍສະເພາະ ການສໍ້ລາດບັງຫຼວງ ແລະ ການເຄື່ອນໄຫວຕ່າງໆ ທີ່ເຮັດໃຫ້ ເປັນອຸປະສັກໃນການພັດທະນາເສດຖະກິດ-ສັງຄົມ ຂອງຊາດ ທີ່ຈະກ້າວໄປຕາມທິດທາງ ຍືນຍົງ-ສີຂຽວ.

ນອກນັ້ນ ສະມາຊິກສະພາ ກໍຕ້ອງກ້າເວົ້າຄວາມຈິງ ຜ່ານການຄົ້ນຄວ້າບັນຫາຢ່າງ ເລິກເຊິ່ງເຖິງຖອງ ເພື່ອນຳມາ ສະເໜີ ເພື່ອກ້າວສູ່ການປັບປຸງແກ້ໄຂຂອງລັດຖະບານ ຢ່າງທັນການ ແລະ ມີປະສິດທິພາບ, ປະເທດພວກເຮົາ ຕ້ອງການສະມາຊິກສະພາທີ່ເຂັ້ມແຂງ ເພື່ອກະຕຸກຊຸກຍູ້ໃຫ້ ການຈັດຕັ້ງປະຕິບັດ ບັນດາແຜນງານ ໂຄງການ ຂອງລັດຖະບານໃຫ້ໄດ້ຮັບຜົນຕາມວາດຫວັງໄວ້ ກ້າວໄປສູ່ ຊີວິດການເປັນຢູ່ຂອງປະຊາຊົນ ນັບມື້ນັບໄດ້ຮັບການປັບປຸງ, ປະຊາຊົນມີຄວາມຢູ່ດີກິນດີ ມີຄວາມຜາສຸກຍິ່ງຂຶ້ນ.

 

ປວງຊົນລາວທັງຊາດ ຝາກຄວາມຫວັງນຳ ສະມາຊິກສະພາ - WhatsApp Image 2020 05 27 at 5 - ປວງຊົນລາວທັງຊາດ ຝາກຄວາມຫວັງນຳ ສະມາຊິກສະພາ
ປວງຊົນລາວທັງຊາດ ຝາກຄວາມຫວັງນຳ ສະມາຊິກສະພາ - WhatsApp Image 2020 05 27 at 5 - ປວງຊົນລາວທັງຊາດ ຝາກຄວາມຫວັງນຳ ສະມາຊິກສະພາ
error: Alert: ເນື້ອຫາຂ່າວມີລິຂະສິດ !!