ຟີລິບປິນອະນຸມັດວັກຊີນຊິໂນແວັກ ແຕ່ຫລີກລ່ຽງໃຊ້ກັບບຸກຄະລາກອນການແພດ

- download 4 - ຟີລິບປິນອະນຸມັດວັກຊີນຊິໂນແວັກ ແຕ່ຫລີກລ່ຽງໃຊ້ກັບບຸກຄະລາກອນການແພດ
- Untitled design - ຟີລິບປິນອະນຸມັດວັກຊີນຊິໂນແວັກ ແຕ່ຫລີກລ່ຽງໃຊ້ກັບບຸກຄະລາກອນການແພດ

ອົງການ​ອາຫານ ​ແລະ ຢາ​ຂອງ​ຟີ​ລິບ​ປິນຈະ​ໄດ້​ວັກ​ຊີ​ນຈາກ​ຈີນ​ພາຍ​ໃນ​ເດືອນ​ນີ້ ​ໂດຍ​ຈະ​ຍັງ​ບໍ່​ໃຊ້​ກັບ​ບຸກຄະລາ​ກອນ​ທາງ​ການ​ແພດ ​ເນື່ອງ​ຈາກ​ມີ​ຄວາມ​ກັງວົນ​ເຖິງ​ຜົນ​ການ​ທົດ​ລອງ​ຢູ່​ບຣາຊິ​ລ.

ວັນ​ທີ 22 ກຸມພາ 2021, ສຳນັກ​ຂ່າວ Bloomberg ລາຍ​ງານ​ວ່າ: ອົງການ​ອາຫານ ​ແລະ ຢາ​ຂອງ​ຟີ​ລິບ​ປິນຕັດສິນ​ໃຈ​ອະນຸມັດ​ໃຫ້​ໃຊ້​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ຂອງ Sinovac ​ເປັນ​ກໍລະນີ​ສຸກ​ເສີນ​ແລ້ວ ຄາດ​ວ່າ​ຈະ​ໄດ້​ຮັບ​ວັກ​ຊີ​ນຈາກ​ຈີນ ຈຳນວນ 600.000 ​ໂດ​ສ ​ໃນ​ມໍ່ໆ​ນີ້.

​ເຖິງ​ຢ່າງ​ໃດ​ກໍ​ຕາມ, ​ເຖິງ​ວ່າ​ວັກ​ຊີ​ນຊະນິດ​ນີ້​ຈະ​ໄດ້​ຮັບ​ການ​ຮັບຮອງ​ວ່າ​ສາມາດ​ປ້ອງ​ກັນ​ພະຍາດ​ໂຄ​ວິດ-19 ​ໄດ້ ​ແລະ ​ແນະນຳ​ໃຫ້​ໃຊ້​ໃນ​ຜູ້​ທີ່​ມີ​ອາຍຸ​ລະຫວ່າງ 18-59 ປີ, ​ແຕ່​ຕົວ​ເລກ​ປະສິດທິພາບ 50,4% ​ໃນ​ການ​ທົດ​ລອງ​ຢູ່​ບຣາຊິ​ລ ​ເຮັດ​ໃຫ້ ​ເອຣິກ ​ໂດ​ມິ​ງ​ໂກ ຜູ້ອຳນວຍການ​ອົງການ​ອາຫານ ​ແລະ ຢາ​ຂອງ​ຟີ​ລິບ​ປິນ ​ເຜີຍ​ວ່າ: ຍັງ​ບໍ່​​ແນະນຳ​ໃຫ້​ໃຊ້​ກັບ​ບຸກຄະລາ​ກອນ​ທາງ​ການ​ແພດ ​ເຊິ່ງມີ​ຄວາມ​ສ່ຽງ​ຈະ​ສຳຜັດ​ກັບ​ຜູ້​ຕິດ​ເຊື້ອສູງ.

ມີ​ການ​ຄາດ​ຄະ​ເນ​ວ່າ: ວັກ​ຊີ​ນຊີ​ໂນ​ແວັກ​ຊຸດ​ທຳ​ອິດ​ນີ້ ຈະ​​ເອົາ​ໄປ​ສັກ​ໃຫ້​ທະຫານ ​ແລະ ບຸກຄະລາ​ກອນ​ແນວ​ໜ້າ​ທີ່​ບໍ່​ແມ່ນ​ແພດ​ເຊັ່ນ: ພະນັກງານ​ປະຈຳ​ຊຸບ​​ເປີ​ມາ​ເກັດ ລວມທັງ​ຄູ ​ແລະ ອາຈານ ທີ່​ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ຈະ​ອະນຸຍາດ​ໃຫ້​ກັບ​ໄປ​ສອນ​​ໃນ​ໂຮງຮຽນ​ກໍ​ຕໍ່​ເມື່ອ​ໄດ້​ຮັບ​ວັກ​ຊີ​ນ​ແລ້ວ​ເທົ່າ​ນັ້ນ.

- Wave100S AD to Website 2020 0 - ຟີລິບປິນອະນຸມັດວັກຊີນຊິໂນແວັກ ແຕ່ຫລີກລ່ຽງໃຊ້ກັບບຸກຄະລາກອນການແພດ

ການ​ອະນຸມັດ​ຄັ້ງນີ້​ເກີດ​ຂຶ້ນຫລັງ​ຈາກ​ສະມາຊິກ​ວຸດ​ທິສະພາ​ໄດ້​ຕັ້ງຄຳ​ຖາມ​ກັບ​ລັດຖະບານ​ຂອງ​ທ່ານ ດູ​​ເຕີ​ເຕ ວ່າ​ເຫດ​ໃດ​ຈຶ່ງ​ໃຫ້​ຄວາມ​ສຳຄັນ​ຕໍ່​ວັກ​ຊີ​ນຈາກ​ຈີນ​ຫລາຍ​ເປັນ​ພິ​ເສດ ​ໂດຍ​ເບິ່ງ​ວ່າ​ເປັນ​ວັກ​ຊີ​ນທີ່​ມີ​ລາຄາ​ສູງ ​ແລະ ປະສິດທິພາບ​ຕໍ່າ​ເມື່ອ​ທຽບ​ໃສ່​ຕົວ​ເລືອກ​ອື່ນໆ.

ວັກ​ຊີ​ນຂອງ​ຊີ​ໂນ​ແວັກ​ຖື​ເປັນ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ຊະນິດ​ທີ 3 ທີ່​ໄດ້​ຮັບ​ອະນຸມັດ​ໃຫ້​ນຳ​ໃຊ້​ຢູ່​ຟີ​ລິບ​ປິນ ຫລັງ​ຈາກ​ວັກ​ຊີ​ນຂອງ Pfizer ​ແລະ AstraZeneca ຜ່ານ​ການ​ພິຈາລະນາ​ໄປ​ແລ້ວ.

- WhatsApp Image 2020 05 27 at 5 - ຟີລິບປິນອະນຸມັດວັກຊີນຊິໂນແວັກ ແຕ່ຫລີກລ່ຽງໃຊ້ກັບບຸກຄະລາກອນການແພດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!