ບໍລິຄຳໄຊກຽມຈັດສອງກິດຈະກຳເພື່ອສົ່ງເສີມລາວທ່ຽວລາວ

ບໍລິຄຳໄຊກຽມຈັດສອງກິດຈະກຳເພື່ອສົ່ງເສີມລາວທ່ຽວລາວ - image 907 - ບໍລິຄຳໄຊກຽມຈັດສອງກິດຈະກຳເພື່ອສົ່ງເສີມລາວທ່ຽວລາວ
ບໍລິຄຳໄຊກຽມຈັດສອງກິດຈະກຳເພື່ອສົ່ງເສີມລາວທ່ຽວລາວ - Untitled design - ບໍລິຄຳໄຊກຽມຈັດສອງກິດຈະກຳເພື່ອສົ່ງເສີມລາວທ່ຽວລາວ

ແຂວງບໍລິຄຳໄຊ ຈະຮ່ວມກັບບັນດາຫົວໜ່ວຍທຸລະກິດທີ່ກ່ຽວຂ້ອງພາຍໃນແຂວງຈັດ 2 ກິດຈະກໍາສໍາຄັນກ່ອນລະດູຝົນປີນີ້ ເພື່ອແນໃສ່ສົ່ງເສີມລາວທ່ຽວລາວ ກໍຄືການດຶງດູດນັກທ່ອງທ່ຽວພາຍໃນປະເທດເຂົ້າໄປທ່ອງທ່ຽວພາຍໃນແຂວງບໍລິຄຳໄຊໃນປີນີ້ໃຫ້ບັນລຸ 105.000 ຄົນ ຕາມທີ່ວາງຄາດໝາຍເອົາໄວ້.

ບໍລິຄຳໄຊກຽມຈັດສອງກິດຈະກຳເພື່ອສົ່ງເສີມລາວທ່ຽວລາວ - 153837045 2741430182834192 9061684040362888056 n 300x258 - ບໍລິຄຳໄຊກຽມຈັດສອງກິດຈະກຳເພື່ອສົ່ງເສີມລາວທ່ຽວລາວ

ຫົວໜ້າພະແນກຖະແຫລງຂ່າວ, ວັດທະນະທຳ ແລະ ທ່ອງທ່ອງແຂວງບໍລິຄຳໄຊ ໃຫ້ຮູ້ວ່າ: 2 ກິດຈະກໍາທີ່ຈະຈັດຂຶ້ນໃນຄັ້ງນີ້ ລວມມີການຈັດງານເທດສະການອາຫານຢູ່ເມືອງຄຳເກີດ ໂດຍການເຊີນເອົາຜູ້ປະກອບການດ້ານອາຫານຈາກແຕ່ລະເມືອງນຳເອົາອາຫານທີ່ເປັນເອກະລັກຂອງຕົນມາວາງສະແດງຂາຍ, ເຂົ້າຮ່ວມການປະກວດອາຫານ ແລະ ອື່ນໆ. ສ່ວນອີກ 1 ກິດຈະກໍາແມ່ນການຈັດຂະບວນຄາລາວານສື່ມວນຊົນພາຍໃນແຂວງ ເພື່ອຢ້ຽມຊົມບັນດາສະຖານທີ່ທ່ອງທ່ຽວ ແລ້ວນໍາເອົາຂໍ້ມູນທີ່ໄດ້ມາຂຽນເປັນຂ່າວ, ບົດ, ສ້າງວິດີໂອ ແລະ ອື່ນໆ ໂຄສະນາຜ່ານສື່ຂອງຕົນໃຫ້ສັງຄົມຮັບຮູ້ກ່ຽວກັບສະຖານທີ່ທ່ອງທ່ຽວຢູ່ແຂວງບໍລິຄຳໄຊໃຫ້ກວ້າງຂວາງກວ່າເກົ່າ. ທັງສອງກິດຈະກຳດັ່ງກ່າວຈະຈັດຂຶ້ນໂດຍຕິດພັນກັບມາດຕະການປ້ອງກັນພະຍາດໂຄວິດ-19 ຢ່າງເຂັ້ມງວດ ເພື່ອໃຫ້ຜູ້ເຂົ້າຮ່ວມກິດຈະກຳມີຄວາມເບີກບານມ່ວນຊື່ນ ແລະ ຮັບປະກັນບໍ່ໃຫ້ມີການຕິດເຊື້ອພະຍາດໂຄວິດ-19.

ທ່ານໃຫ້ຮູ້ຕື່ມວ່າ: ປັດຈຸບັນ ແຂວງບໍລິຄຳໄຊມີສະຖານທີ່ທ່ອງທ່ຽວທັງໝົດ 117 ແຫ່ງ, ໃນນີ້ ເປັນສະຖານທີ່ທ່ອງທ່ຽວທໍາມະຊາດ 89 ແຫ່ງ, ວັດທະນະທໍາ 28 ແຫ່ງ ແລະ ສະຖານທີ່ທ່ອງທ່ຽວທາງປະຫວັດສາດ 3 ແຫ່ງ. ສະເພາະປີ 2020 ຜ່ານມານີ້ ມີນັກທ່ອງທ່ຽວເຂົ້າໄປທ່ອງທ່ຽວຢູ່ແຂວງບໍລິຄຳໄຊ 1 ແສນກວ່າຄົນ ຫລື ເທົ່າກັບປະມານ 40% ຈາກທີ່ວາງຄາດໝາຍໄວ້ 3 ແສນຄົນ, ນັກທ່ອງທ່ຽວທີ່ເຂົ້າໄປທ່ອງທ່ຽວເກືອບທັງໝົດແມ່ນນັກທ່ອງທ່ຽວພາຍໃນປະເທດ ຍ້ອນໄດ້ຮັບຜົນກະທົບຈາກການລະບາດຂອງພະຍາດໂຄວິດ-19 ເຮັດໃຫ້ນັກທ່ອງທ່ຽວຕ່າງປະເທດບໍ່ສາມາດເດີນທາງເຂົ້າມາທ່ອງທ່ຽວພາຍໃນແຂວງໄດ້. ສ່ວນປີ 2021 ນີ້ ເບື້ອງຕົ້ນແຂວງບໍລິຄຳໄຊວາງຄາດໝາຍດຶງດູດນັກທ່ອງທ່ຽວໃຫ້ໄດ້ປະ ມານ 2 ແສນຄົນ ແຕ່ຍ້ອນການລະບາດຂອງພະຍາດໂຄວິດ-19 ເຮັດໃຫ້ຕ້ອງໄດ້ປັບຕົວເລກດຶງດູດນັກທ່ອງທ່ຽວລົງໃຫ້ໄດ້ປະມານ 105.000 ຄົນ.

ບໍລິຄຳໄຊກຽມຈັດສອງກິດຈະກຳເພື່ອສົ່ງເສີມລາວທ່ຽວລາວ - Wave100S AD to Website 2020 0 - ບໍລິຄຳໄຊກຽມຈັດສອງກິດຈະກຳເພື່ອສົ່ງເສີມລາວທ່ຽວລາວ
ບໍລິຄຳໄຊກຽມຈັດສອງກິດຈະກຳເພື່ອສົ່ງເສີມລາວທ່ຽວລາວ - WhatsApp Image 2020 05 27 at 5 - ບໍລິຄຳໄຊກຽມຈັດສອງກິດຈະກຳເພື່ອສົ່ງເສີມລາວທ່ຽວລາວ
ບໍລິຄຳໄຊກຽມຈັດສອງກິດຈະກຳເພື່ອສົ່ງເສີມລາວທ່ຽວລາວ - WhatsApp Image 2020 05 27 at 5 - ບໍລິຄຳໄຊກຽມຈັດສອງກິດຈະກຳເພື່ອສົ່ງເສີມລາວທ່ຽວລາວ
error: Alert: ເນື້ອຫາຂ່າວມີລິຂະສິດ !!