ແຂວງຫຼວງພະບາງໄດ້ເປັນຜູ້ບຸກເບີກ ໃນການຫັນເປັນດີຈີຕອນແຫ່ງຊາດ

ແຂວງຫຼວງພະບາງໄດ້ເປັນຜູ້ບຸກເບີກ ໃນການຫັນເປັນດີຈີຕອນແຫ່ງຊາດ - 5f77a83b f09e 4ecc 947e abf726d75cca - ແຂວງຫຼວງພະບາງໄດ້ເປັນຜູ້ບຸກເບີກ ໃນການຫັນເປັນດີຈີຕອນແຫ່ງຊາດ
ແຂວງຫຼວງພະບາງໄດ້ເປັນຜູ້ບຸກເບີກ ໃນການຫັນເປັນດີຈີຕອນແຫ່ງຊາດ - Untitled design - ແຂວງຫຼວງພະບາງໄດ້ເປັນຜູ້ບຸກເບີກ ໃນການຫັນເປັນດີຈີຕອນແຫ່ງຊາດ

ການພັດທະນາຕົວເມືອງທີ່ທັນສະໄໝ (Smart City) ໄດ້ກາຍເປັນທ່າອ່ຽງທີ່ບໍ່ສາມາດຫຼີກລ່ຽງໄດ້, ເປັນການປະຕິວັດໃນການຄຸ້ມຄອງຕົວເມືອງໂດຍຜ່ານການນຳໃຊ້ເຕັກໂນໂລຊີດີຈີຕອນ ແລະ ເຄືອຂ່າຍໂທລະຄົມມະນາຄົມເພື່ອຍົກສູງຄຸນນະພາບຊີວິດຂອງຄົນໃນຫຼາຍປະເທດທົ່ວໂລກ ໃນນັ້ນແມ່ນລວມທັງລາວ. ດ້ວຍຂໍ້ດີທີ່ໂດດເດັ່ນຄືການປະຢັດຕົ້ນທຶນ, ປະຢັດເວລາໃນການຂົນສົ່ງ, ຍົກສູງຊີວິດການເປັນຢູ່ຂອງປະຊາຊົນ ແລະ ຫຼຸດຜ່ອນການປ່ອຍມົນລະພິດສິ່ງແວດລ້ອມ, ປະເທດສ່ວນໃຫຍ່ໃນໂລກມີຄວາມມຸ້ງຫວັງທີ່ຈະສ້າງ ຕົວເມືອງທີ່ທັນສະໄໝ ໃນປະເທດຂອງຕົນເອງ. ໃນມູມມອງ ແລະ ທິດທາງການກໍ່ສ້າງລັດຖະບານເອເລັກໂທຣນິກຕ້ອງຄຽງຄູ່ຂະໜານໄປກັບຕົວເມືອງທີ່ທັນສະໄໝ ແຂວງຫຼວງພະບາງໄດ້ຈັດຕັ້ງຜັນຂະຫຍາຍເອົາບາດກ້າວເບື້ອງຕົ້ນເພື່ອພັດທະນາຕົວເມືອງທີ່ທັນສະໄໝ.

 

ດ້ວຍເຫດນັ້ນ, ແຂວງຫຼວງພະບາງໄດ້ໃຫ້ທິດທາງໃນການສ້າງລັດຖະບານເອເລັກໂທຣນິກ, ເປັນແນວທາງນຳໄປສູ່ລັດຖະບານດີຈີຕອນ, ເມືອງທີ່ທັນສະໄໝໃຫ້ກັບແຂວງຫຼວງພະບາງ ໃນໄລຍະປີ 2021-2025. ເພື່ອແນໃສ່ຍົກສູງຄຸນນະພາບຊີວິດການເປັນຢູ່ຂອງປະຊາຊົນ ແລະ ການເຄື່ອນໄຫວ ຂອງຫົວໜ່ວຍທຸລະກິດໂດຍຜ່ານການນຳໃຊ້ໄອທີ ແລະ ການສື່ສານເພື່ອສະໜັບສະໜູນການແກ້ໄຂບັນຫາໃຫ້ທັນເວລາ ມີປະສິດທິຜົນສູງສຸດ ກັບບັນຫາທີ່ປະຊາຊົນ ແລະ ຫົວໜ່ວຍທຸລະກິດສົນໃຈ.

ເພື່ອປະຕິບັດໃຫ້ໄດ້ເຊັ່ນນັ້ນ, ໃນເບື້ອງຕົ້ນ ຜູ້ນຳແຂວງ LUP ໄດ້ນຳໃຊ້ບໍລິການ u-money ເພື່ອຈ່າຍເງິນເດືອນໃຫ້ພະນັກງານລັດຖະກອນ 3/12 ເມືອງ: ເມືອງໂພນທອງ,ເມືອງພູຄູນ,ເມືອງວຽງຄຳ ລວມມີພະນັກງານທັງໝົດແມ່ນ 1,565 ຄົນ ລວມເປັນເງິນ 3.204.000.000 ກີບ/ເດືອນ ແລະໄດ້ຈ່າຍເງິນອຸດໜູນໃຫ້ນາຍບ້ານຜ່ານລະບົບ ຢູມັນນີ ທັງໝົດ 12/12 ເມືອງ,ຈຳນວນ 279 ບ້ານລວມຈຳນວນຄົນທັງໝົດ 1.337 ຄົນລວມເປັນເງິນປະມານ 387.7802.000ກີບ/ເດືອນ; ສືບຕໍ່ເຊັນສັນຍາຈ່າຍເງິນນ້ຳມັນໃຫ້ພະນັກງານບໍລິຫານ ແລະ ພະນັກງານຄູ ທົ່ວຂົງເຂດສຶກສາເມືອງ; ຈ່າຍເງິນເດືອນໃຫ້ສະມາຄົມນັກຮົບເກົ່າຢູ່ບັນດາເມືອງ ແລະ ປະຕິບັດການຈ່າຍຄ່າຮຽນ 673 ຄ່າຮຽນຜ່ານ Umoney …. ນອກຈາກນັ້ນ, ພວກເຂົາຍັງສືບຕໍ່ສຶບເຊັນສັນຍາຈ່າຍເງິນຍາມ ແລະ ເງິນອຸດໜູນ ສ່ວນບຸກຄົນໃຫ້ກັບຫ້ອງການສາທາທົ່ວຂົງເຂດຕົວເມືອງ.

ການນຳໃຊ້ໄອທີຖືກກຳນົດວ່າເປັນຈຸດແຂງ ແມ່ນວິທີການແກ້ໄຂທີ່ສຳຄັນເພື່ອຍົກສູງຄວາມສາມາດໃນການແຂ່ງຂັນ. ເປົ້າໝາຍຂອງແຂວງແມ່ນກໍ່ສ້າງ ໂຄສະນາຂະແໜງການບໍລິຫານຂອງລັດ ເພື່ອຮັບໃຊ້ປະຊາຊົນຢ່າງເປັນມິດ ແລະ ທັນສະໄໝ, ພ້ອມດ້ວຍພະນັກງານລັດຖະກອນ, ເຈົ້າໜ້າທີ່ວິຊາສະເພາະ ທີ່ມີຄຸນນະພາບ, ຄວາມສາມາດ ແລະ ຄຸນນະວຸດທິທີ່ພຽງພໍເພື່ອຕອບສະໜອງ ຄວາມຮຽກຮ້ອງຕ້ອງການດ້ານການພັດທະນາ. ຈາກນັ້ນ ສ້າງສະພາບແວດລ້ອມແຫ່ງ ການດຳເນີນທຸລະກິດສາທາລະນະ ແລະ ໂປ່ງໃສ, ຍົກສູງຄວາມສາມາດແຂ່ງຂັນ, ດຶງດູດການລົງທຶນ. ສະນັ້ນ ແຂວງຫຼວງພະບາງໄດ້ເປັນຜູ້ນຳໜ້າໃນການຄົ້ນຄວ້າ ພັດທະນາການກໍ່ສ້າງຕົວເມືອງທີ່ທັນສະໄໝ, ລັດຖະບານເອເລັກໂທນິກ ໂດຍນຳໃຊ້ໂຊລູຊັ້ນການປະຊຸມຜ່ານວິດີໂອຄອນເຟິເລັນ ໃຫ້ກັບ 4 ໜ່ວຍງານ ແລະ ນຳໃຊ້ວິທີແກ້ໄຂການຄຸ້ມຄອງເອກະສານເອເລັກໂຕຣນິກ Uoffice ສຳລັບ 6 ໜ່ວຍງານທີ່ຂຶ້ນກັບແຂວງ ເພື່ອນຳໃຊ້ເຂົ້າໃນວຽກງານປົກກະຕິ ຊ່ວຍປະຢັດເງິນ, ເວລາ …

ແຂວງຫຼວງພະບາງໄດ້ເປັນຜູ້ບຸກເບີກ ໃນການຫັນເປັນດີຈີຕອນແຫ່ງຊາດ - 8794fd0e 2cb8 4b64 8490 ce2156588f8c 1024x460 - ແຂວງຫຼວງພະບາງໄດ້ເປັນຜູ້ບຸກເບີກ ໃນການຫັນເປັນດີຈີຕອນແຫ່ງຊາດ

ແຂວງຫຼວງພະບາງໄດ້ເປັນຜູ້ບຸກເບີກ ໃນການຫັນເປັນດີຈີຕອນແຫ່ງຊາດ - Wave100S AD to Website 2020 0 - ແຂວງຫຼວງພະບາງໄດ້ເປັນຜູ້ບຸກເບີກ ໃນການຫັນເປັນດີຈີຕອນແຫ່ງຊາດ

ທ່ານ ພູມີ ອໍເພັດສານ ຫົວໜ້າພະແນກໄປສະນີ ໂທລຄົມມະນາຄົມ ແລະ ການສື່ສານ ໄດ້ມີຄຳເຫັນຕໍ່ກັບ ວຽກງານເຕັກໂນໂລຊີ ຂໍ້ມູຂ່າວສານ ແລະ ດີຈີຕອນ ດັ່ງນີ້: ບັນດາທ່ານໄດ້ຮູ້ກັນແລ້ວວ່າໃນ ຍຸກປະຈຸບັນນີ້ແມ່ນຍຸກ 4.0 ສະນັ້ນ ຜະລິດຕະພັນ ເຕັກໂນໂລຊີຂໍ້ ຂ່າວສານ ແລະ ດີຈີຕອນ ມີ ຄວາມສຳຄັນຕໍ່ການປະຕິບັດວຽກງານຫລາຍຂຶ້ນໃນປະຈຸບັນ ດັ່ງນັ້ນ ທຸກໆ ພະແນກການ,ຂະແໜງການ ທາງພັກລັດ ແລະ ເອກຊົນ ມີຄວາມຈຳເປັນຕ້ອງໄດ້ໝູນໃຊ້ ເຕັກໂນໂລຊີຂໍ້ ຂ່າວສານ ແລະ ດີຈີຕອນ ເຂົ້້າມາຮັບໃຊ້ໃນວຽກງານບໍລິຫານ ອົງກອນຂອງຕົນເພື່ອໃຫ້ມີປະຫຍັດເວລາ,ມີຖານຂໍ້ມູນຖືກຕ້ອງ,ວ່ອງໄວ ແລະ ເວລາຄວາມທັນສະໄໝຂຶ້ນ,ໂດຍສະເພາະ ນະຄອນຫຼວງພະບາງ ແມ່ນຈຳເປັນຕ້ອງໄດ້ຫັນປ່ຽນເອົາເຕັກໂນໂລຊີຂໍ້ ຂ່າວສານ ແລະ ດີຈີຕອນເຂົ້າມາບໍລິຫານລັດ ເພື່ອໃຫ້ເປັນ ໂຕເມືອງ ທີ່ທັນສະໄໝ Smart City ຕາມທິດທາງແລະແຜ່ນການພັດທະນາເສດຖະກິດ ຂອງພັກລັດ.

ແຂວງຫຼວງພະບາງໄດ້ເປັນຜູ້ບຸກເບີກ ໃນການຫັນເປັນດີຈີຕອນແຫ່ງຊາດ - 60fd4ca7 7016 4b90 a966 5ac95a6c8c31 1024x460 - ແຂວງຫຼວງພະບາງໄດ້ເປັນຜູ້ບຸກເບີກ ໃນການຫັນເປັນດີຈີຕອນແຫ່ງຊາດ

ກ່ອນໜ້ານີ້, ໃນວັນທີ 3 ທັນວາ 2020, Unitel ໄດ້ລົງນາມຂໍ້ຕົກລົງການຮ່ວມມືກໍ່ສ້າງລັດຖະບານເອເລັກໂທຣນິກ ແລະ ເມືອງທີ່ທັນສະໄໝ ໃຫ້ກັບແຂວງຫຼວງພະບາງ ວ່າດ້ວຍການເຕົ້າໂຮມຄວາມເປັນເອກະພາບໃນການຮ່ວມມືເພື່ອສ້າງລັດຖະບານອີເລັກໂທຣນິກ, ມຸ່ງໄປສູ່ລັດຖະບານດີຈີຕອນ, ເມືອງທີ່ທັນສະໄໝ ຂອງແຂວງຫຼວງພະບາງ, ໃນໄລຍະປີ 2021-2025. ໃນນັ້ນ, ຈຸດປະສົງສະເພາະປະກອບມີ: ຄົ້ນຄ້ວາຈັດຕັ້ງປະຕິບັດທົດລອງລະບົບສູນປະຕິບັດການເມືອງທັນສະໄໝ: ກ້ອງຖ່າຍຮູບເຝົ້າລະວັງຕິດຕາມ, ລະບົບຕິດຕາມກວດກາ ແລະ ຄຸ້ມຄອງພາຫະນະ; ຈັດຕັ້ງປະຕິບັດໃຫ້ກັບລັດຖະບານອີເລັກໂທຣນິກ ປະກອບມີ: ລະບົບການຄຸ້ມຄອງເອກະສານເອເລັກໂຕຣນິກ, ລະບົບການປະຊຸມທາງວິດີໂອ; ການຈັດຕັ້ງປະຕິບັດທາງການແພດປະກອບມີ: ລະບົບການຄຸ້ມຄອງໂຮງໝໍ, ບັນທຶກການແພດເອເລັກໂທຣນິກ; ຈັດຕັ້ງປະຕິບັດໃຫ້ກັບການສຶກສາປະກອບມີ: ລະບົບຄຸ້ມຄອງໂຮງຮຽນທີ່ທັນສະໄໝ, ປື້ມຕິດຕໍ່ເອເລັກໂທຣນິກ, SMS edu ແລະການຕິດຕາມນັກສຶກສາ, ການຄົ້ນຄວ້າ ແລະ ຈັດຕັ້ງປະຕິບັດໂຊລູຊັ້ນເຕັກໂນໂລຢີອື່ນໆ ໃຫ້ກັບພະແນກ ແລະ ແຂວງ.

 

ແຂວງຫຼວງພະບາງໄດ້ເປັນຜູ້ບຸກເບີກ ໃນການຫັນເປັນດີຈີຕອນແຫ່ງຊາດ - WhatsApp Image 2020 05 27 at 5 - ແຂວງຫຼວງພະບາງໄດ້ເປັນຜູ້ບຸກເບີກ ໃນການຫັນເປັນດີຈີຕອນແຫ່ງຊາດ
ແຂວງຫຼວງພະບາງໄດ້ເປັນຜູ້ບຸກເບີກ ໃນການຫັນເປັນດີຈີຕອນແຫ່ງຊາດ - WhatsApp Image 2020 05 27 at 5 - ແຂວງຫຼວງພະບາງໄດ້ເປັນຜູ້ບຸກເບີກ ໃນການຫັນເປັນດີຈີຕອນແຫ່ງຊາດ
error: Alert: ເນື້ອຫາຂ່າວມີລິຂະສິດ !!