ແຂວງສະຫວັນນະເຂດເລັ່ງແກ້ໄຂບັນຫາຫຍໍ້ທໍ້ ແລະ ໄພສັງຄົມ

ແຂວງສະຫວັນນະເຂດເລັ່ງແກ້ໄຂບັນຫາຫຍໍ້ທໍ້ ແລະ ໄພສັງຄົມ - 472959 247916315347720 817319670 o - ແຂວງສະຫວັນນະເຂດເລັ່ງແກ້ໄຂບັນຫາຫຍໍ້ທໍ້ ແລະ ໄພສັງຄົມ
ແຂວງສະຫວັນນະເຂດເລັ່ງແກ້ໄຂບັນຫາຫຍໍ້ທໍ້ ແລະ ໄພສັງຄົມ - Untitled design - ແຂວງສະຫວັນນະເຂດເລັ່ງແກ້ໄຂບັນຫາຫຍໍ້ທໍ້ ແລະ ໄພສັງຄົມ

ເມື່ອມໍ່ມານີ້ ທ່ານເຈົ້າແຂວງສະຫວັນນະເຂດ ສັນຕິພາບ ພົມວິຫານ ໄດ້ເນັ້ນໃຫ້ພະແນກການຕ່າງໆເພີ່ມທະວີແກ້ໄຂປະກົດການຫຍໍ້ທໍ້ຕ່າງໆຢູ່ໃນແຂວງຂອງຕົນໃຫ້ສະງົບລົງ ເປັນຕົ້ນປະກົດການປຸ້ນຈີ້ຊິງຊັບ, ລັກຊັບ, ຂີ້ລັກງັດແງະ, ກຸ່ມແກ້ງນັກເລງອັນຕະພານ, ພວກຄ້າຂາຍເຖື່ອນ, ລັກລອບຕັດໄມ້, ຂຸດຄົ້ນແຮ່ທາດຊະຊາຍ, ພວກຕົວະຕົ້ມຫລອກລວງ, ສໍ້ລາດບັງຫລວງ ແລະ ທ່ານເຈົ້າແຂວງຢໍ້າວ່າ: ບັນຫາເກີດຂຶ້ນຢູ່ບ່ອນໃດ ແມ່ນໃຫ້ບ່ອນນັ້ນເປັນເຈົ້າການແກ້ໄຂຕາມລະບຽບກົດຫມາຍຢ່າງເຂັ້ມງວດ ແລະ ເດັດຂາດ ໂດຍໃຫ້ເຈົ້າໜ້າທີ່ ປກສ ເປັນເຈົ້າການປະສານສົມທົບກັບຂະແຫນງການ, ອົງການປົກຄອງທ້ອງຖິ່ນ ແລະ ພາກສ່ວນກ່ຽວຂ້ອງຕ່າງໆ ຊຶ່ງບັນຫາສະເພາະຫນ້າ ແລະ ຮີບດ່ວນນີ້ແມ່ນໃຫ້ສຸມໃສ່ແກ້ໄຂສະຖານທີ່ມົ້ວສຸມຢາເສບຕິດ ແລະ ໄພສັງຄົມໃຫ້ເດັດຂາດ ໂດຍໃຫ້ເລີ່ມກວດກາເຮືອນພັກ, ຫ້ອງເຊົ່າ,ໂຮງແຮມ, ຮ້ານອາຫານ, ຮ້ານບັນເທີງ ແລະ ສະຖານທີ່ບໍລິການຫລິ້ນການພະນັນທີ່ຕ້ອງຫ້າມ, ອິນເຕີເນັດ, ຕູ້ເກມ ແລະ ອື່ນໆ ທີ່ເປັນຕົ້ນເຫດເຮັດໃຫ້ເກີດການມົ້ວສຸມຂອງໄວໜຸ່ມໃຫ້ເຂົ້າສູ່ລະບຽບການ ແລະ ຄວາມເປັນລະບຽບຮຽບຮ້ອຍຂອງສັງຄົມ, ພ້ອມນີ້ກໍໃຫ້ຮີບຮ້ອນຄົ້ນຄວ້າສ້າງ ແລະ ປັບປຸງລະບຽບການຄຸ້ມຄອງການບໍລິການ ແລະ ຜູ້ປະກອບການດ້ານວັດທະນະທໍາທີ່ມີແລ້ວໃຫ້ຮັດກຸມ ແລະ ເຂັ້ມງວດ.

ທ່ານເຈົ້າແຂວງແນະນຳຕື່ມວ່າ: ຖັດລົງມາແມ່ນໃຫ້ເອົາໃຈໃສ່ຕ້ານການຄ້າມະນຸດ ແລະ ຄ້າໂສເພນີ ໂດຍສະພາະແມ່ນການຕົວະຍົວະຫລອກລວງເອົາແມ່ຍິງໄປເປັນໂສເພນີຢູ່ຕ່າງປະເທດ ແລະ ເຂດຊຸມຊົນໃຫ້ຫລຸດລົງ ດ້ວຍການໃຊ້ມາດຕະການເດັດຂາດຕໍ່ຜູ້ເປັນຫົວໂປ່ໂຕການທີ່ກໍ່ໃຫ້ມີໄພສັງຄົມນີ້ ໂດຍມອບຄວາມຮັບຜິດຊອບໃຫ້ກຳລັງ ປກສ, ສະຫະພັນແມ່ຍິງ, ຊາວຫນຸ່ມ, ຂະແຫນງການສຶກສາ ແລະ ອົງການປົກຄອງຂັ້ນຕ່າງໆ.

ສ່ວນເລື່ອງແຮງງານຕ່າງປະເທດທີ່ເຂົ້າມາບໍ່ຖືກຕ້ອງ ແມ່ນໃຫ້ເອົາໃຈໃສ່ແກ້ໄຂດ້ວຍມາດຕະການທີ່ມີໄຫວພິກຕາມລະບຽບກົດໝາຍ ແລະ ສັນຍາລະຫວ່າງປະເທດທີ່ມີໄວ້. ຕໍ່ບັນຫາຄົນຂໍທານ ກໍໃຫ້ເຂັ້ມງວດໃຊ້ມາດຕະການຕ່າງໆ ເປັນຕົ້ນໃຫ້ຈັດຕັ້ງການຊ່ວຍເຫລືອສົງເຄາະສໍາລັບຜູ້ເສຍອົງຄະເປັນບ້າໄບ້ເສຍຈິດ, ເດັກຂ້າງຖະໜົນ ແລະ ຜູ້ທຸກຍາກຂາດແຂນຍ້ອນເຫດສຸດວິໃສ,  ພ້ອມນີ້ກໍໃຫ້ຈັດຝຶກອົບຮົມວິຊາຊີບ ແລະ ສ້າງວຽກເຮັດງານທໍາສໍາລັບຜູ້ມີແຮງງານປົກກະຕິ, ສໍາລັບຜູ້ດື້ດ້ານແມ່ນໃຫ້ປະຕິບັດມາດຕະການບັງຄັບຢ່າງເໝາະສົມ ໂດຍມອບໃຫ້ພະແນກແຮງງານສະຫວັດດີການ-ສັງຄົມ,ຂະແຫນງປ້ອງກັນຄວາມສະຫງົບ ເປັນເຈົ້າການປະສານສົມທົບກັບພາກສ່ວນທີ່ກ່ຽວຂ້ອງອື່ນໆດໍາເນີນການຢ່າງຈິງຈັງ ເພື່ອເຮັດໃຫ້ສັງຄົມພາຍໃນແຂວງມີບັນຍາກາດທີ່ດີມີຄວາມເປັນລະບຽບຮຽບຮ້ອຍ ແລະ ສະຫງົບປອດໄພດີ.

ແຂວງສະຫວັນນະເຂດເລັ່ງແກ້ໄຂບັນຫາຫຍໍ້ທໍ້ ແລະ ໄພສັງຄົມ - Wave100S AD to Website 2020 0 - ແຂວງສະຫວັນນະເຂດເລັ່ງແກ້ໄຂບັນຫາຫຍໍ້ທໍ້ ແລະ ໄພສັງຄົມ
ແຂວງສະຫວັນນະເຂດເລັ່ງແກ້ໄຂບັນຫາຫຍໍ້ທໍ້ ແລະ ໄພສັງຄົມ - WhatsApp Image 2020 05 27 at 5 - ແຂວງສະຫວັນນະເຂດເລັ່ງແກ້ໄຂບັນຫາຫຍໍ້ທໍ້ ແລະ ໄພສັງຄົມ
ແຂວງສະຫວັນນະເຂດເລັ່ງແກ້ໄຂບັນຫາຫຍໍ້ທໍ້ ແລະ ໄພສັງຄົມ - WhatsApp Image 2020 05 27 at 5 - ແຂວງສະຫວັນນະເຂດເລັ່ງແກ້ໄຂບັນຫາຫຍໍ້ທໍ້ ແລະ ໄພສັງຄົມ
error: Alert: ເນື້ອຫາຂ່າວມີລິຂະສິດ !!