2 ໃນ 3 ຂອງປະເທດລາຍໄດ້ຕໍ່າຕ້ອງຫລຸດງົບການສຶກສາເພາະໂຄວິດ-19

2 ໃນ 3 ຂອງປະເທດລາຍໄດ້ຕໍ່າຕ້ອງຫລຸດງົບການສຶກສາເພາະໂຄວິດ-19 - UPDATE two thirds of low income countries cut their education budget 600x600 1 - 2 ໃນ 3 ຂອງປະເທດລາຍໄດ້ຕໍ່າຕ້ອງຫລຸດງົບການສຶກສາເພາະໂຄວິດ-19
2 ໃນ 3 ຂອງປະເທດລາຍໄດ້ຕໍ່າຕ້ອງຫລຸດງົບການສຶກສາເພາະໂຄວິດ-19 - Untitled design - 2 ໃນ 3 ຂອງປະເທດລາຍໄດ້ຕໍ່າຕ້ອງຫລຸດງົບການສຶກສາເພາະໂຄວິດ-19

ວັນ​ທີ 23 ກຸມພາ 2021, ລາຍ​ງານ​ສະບັບ​ໃໝ່​ທີ່​ເຜີຍ​ແຜ່​ອອກ​ມາ​ເມື່ອ​ວັນ​ທີ 22 ກຸມພາ​ຜ່ານ​ມາ ລະບຸ​ວ່າ: ນັບ​ແຕ່​ເລີ່​ມ​ເກີດ​ການລະບາດ​ຂອງ​ພະຍາດ​ໂຄ​ວິດ-19 ນັ້ນ 2 ​ໃນ 3 ຂອງ​ປະ​ເທດ​ທີ່​ມີ​ລາຍ​ໄດ້​ຕໍ່າ ​ແລະ ລາຍ​ໄດ້​ປານ​ກາງ​ລະດັບ​ຕໍ່າ (Lower Middle-Income) ​ໄດ້​ຫລຸດ​ງົບປະມານ​ດ້ານ​ການ​ສຶກສາ ​ເຖິງ​ວ່າ​ຈະ​ມີ​ຄວາມ​ຕ້ອງການ​ເງິນ​ທຶນ​ເພີ່ມ​ຂຶ້ນກໍ​ຕາມ.

Education Finance Watch ລາຍ​ງານ​ທີ່​ຮວບ​ຮວມ ​ແລະ ສະຫລຸບ​ຂໍ້​ມູນ​ການຈັດ​ຫາ​ເງິນ​ທຶນ​ເພື່ອ​ການ​ສຶກສາ​ຂອງ​ບັນດາ​ປະ​ເທດ​ທົ່ວ​ໂລກ ​ເຊິ່ງຮ່ວມ​ກັນ​ໂດຍ​ທະນາຄານ​ໂລກ ​ແລະ ອົງການ​ການ​ສຶກສາ, ວິທະຍາສາດ ​ແລະ ວັດທະນະທຳ​ແຫ່ງ​ສະຫະ​ປະຊາ​ຊາດ (UNESCO) ​ໂດຍ​ລາຍ​ງານ​ສະບັບ​ປີ 2021 ລະບຸ​ວ່າ: ປະ​ເທດ​ຕ່າງໆ ​ບໍ່​ໄດ້​ມີ​ການ​ປັບ​ງົບປະມານ​ດ້ານ​ການ​ສຶກສາ​ໃຫ້​ສອດຄ່ອງ​ກັບ​ຄວາ​ມທ້າ​ທາຍ​ຕ່າງໆ ອັນ​ເກີດ​ຈາກ​ພະຍາດ​ໂຄ​ວິດ-19 ​ໂດຍ​ສະ​ເພາະ​ກຸ່ມ​ປະ​ເທດ​ທຸກ​ຍາກ​ກວ່າ.

​ເມື່ອ​ທຽບ​ໃສ່​ກຸ່ມ​ປະ​ເທດ​ທີ່​ມີ​ລາຍ​ໄດ້​ປານ​ກາງ​ລະດັບ​ເທິງ ​ແລະ ກຸ່ມ​ປະ​ເທດ​ທີ່​ມີ​ລາຍ​​ໄດ້​ສູງ ພົບ​ວ່າ​ມີ​ພຽງ 1 ​ໃນ 3 ​ເທົ່າ​ນັ້ນທີ່​ຫລຸດ​ງົບປະມານ​ໃນ​ສ່ວນ​ນີ້​ລົງ ທັງ​ຍັງ​ເປັນ​ການ​ຫລຸດ​ງົບ​ທີ່ “ຖື​ວ່າ​ຂ້ອນ​ຂ້າງ​ໜ້ອຍ” ​ແຕ່​ມີ​ຄວາມ​ເປັນ​ໄປ​ໄດ້​ວ່າ​ຈະ​ມີ​ການ​ຫລຸດ​ງົບ​ເພີ່ມ​ຂຶ້ນ​ໃນ​ອະນາຄົດ ​ເນື່ອງ​ຈາກ​ການລະບາດ​ໃຫຍ່​ຍັງ​ສົ່ງ​ຜົນ​ກະທົບ​ຕໍ່​ເສດຖະກິດ ​ແລະ ສະຖານະ​ທາງ​ການ​ເງິນ​ຂອງ​ຫລາຍ​ປະ​ເທດ.

ລາຍ​ງານ​ປະຈຳ​ປີ​ສະບັບ​ນີ້​ລະບຸ​ວ່າ: ທ່າ​ອ່ຽງດ້ານ​ການ​ໃຊ້​ຈ່າຍ​ທີ່​ແຕກ​ຕ່າງ​ກັນ​ເຫລົ່າ​ນີ້​ບົ່ງ​ບອກ​ເຖິງ​ບັນຫາ​ຄວາມ​ບໍ່​ສົມ​ດູ​ນທີ່​ໜັກໜ່ວງ​ຂຶ້ນລະຫວ່າງ​ກຸ່ມ​ປະ​ເທດ​ທີ່​ມີ​ລາຍ​ໄດ້​ຕໍ່າ ​ແລະ ກຸ່ມ​ປະ​ເທດ​ທີ່​ມີ​ລາຍ​ໄດ້​ສູງ.

ທ່ານ ​ແມ​ມຕາ ​ເມີ​ທີ ຮອງ​ປະທານ​ທະນາຄານ​ໂລກ ຝ່າຍ​ການ​ພັດທະນາ​ມະນຸດ ລະບຸ​ໃນ​ຖະ​ແຫລ​ງການ​ວ່າ: ວິ​ກິດ​ການ​ຂາດ​ເຂີນ​ເງິນ​ທຶນ​ສຳລັບ​ການ​ສຶກສາ​ຍິ່ງ​ທະວີ​ຄວາມ​ຮຸນ​ແຮງ​ຂຶ້ນ ຫລັງ​ເກີດ​ພະຍາດ​ໂຄ​ວິດ-19 ​ແລະ ພວກ​ເຮົາ​ຍັງ​ກັງວົນ​ວ່າ​ມັນ​ຈະ​ສົ່ງ​ຜົນ​ກະທົບ​ຕໍ່​ແຕ່​ລະ​ກຸ່ມ​ປະ​ເທດ​ແບບ​ບໍ່​ເທົ່າ​ທຽມ​ກັນ.

2 ໃນ 3 ຂອງປະເທດລາຍໄດ້ຕໍ່າຕ້ອງຫລຸດງົບການສຶກສາເພາະໂຄວິດ-19 - Wave100S AD to Website 2020 0 - 2 ໃນ 3 ຂອງປະເທດລາຍໄດ້ຕໍ່າຕ້ອງຫລຸດງົບການສຶກສາເພາະໂຄວິດ-19

ດ້ວຍ​ເຫດ​ນີ້, ທ່ານ ສະ​ເຕຟາ​ເນຍ ຈານ​ນິນີ ຜູ້​ຊ່ວຍ​ຜູ້ອຳນວຍການ​ຝ່າຍ​ການ​ສຶກສາ​ຂອງ UNESCO ຈຶ່ງ​ສະ​ແດງ​ຄວາມ​ເຫັນ​ວ່າ: ການຈັດ​ຫາ​ເງິນ​ທຶນ​ຈາກ​ພາຍ​ນອກ​ເປັນ​ກຸນ​ແຈ​ສຳຄັນ​ໃນ​ການ​ສະໜັບສະໜູນ​ໂອກາດ​ທາງ​ການ​ສຶກສາ​ແກ່​ກຸ່ມ​ປະ​ເທດ​ທີ່​ທຸກ​ຍາກ​ທີ່​ສຸດ​ໃນ​ໂລກ.

ທ່ານ ຈາ​ນິນີ ກ່າວ​ອີກ​ວ່າ: ພວກ​ເຮົາ​ຫລິ່ງ​ເຫັນ​ວ່າ​ບັນດາ​ປະ​ເທດທີ່​ຈຳ​ເປັນ​ຕ້ອງ​ໄດ້​ຮັບ​ການ​ຊ່ວຍ​ເຫລືອ​ດ້ານ​ການ​ສຶກສາ​ຈະ​ຜະ​ເຊີນ​ອຸປະສັກ​ທີ່​ໜັກໜ່ວງ​ຍິ່ງ​ຂຶ້ນ​ໃນ​ອະນາຄົດ.

ທັງ​ນີ້, UNESCO ປະ​ເມີ​ນວ່າ: ການ​ຊ່ວຍ​ເຫລືອ​ດ້ານ​ການ​ສຶກສາ​ອາດ​ຫລຸດ​ລົງ 2 ພັນ​ລ້ານ​ໂດ​ລາ​ສະຫະລັດ ຈາກ​ຈຸດ​ສູງ​ສຸດ​ໃນ​ປີ 2020 ​ແລະ ຈະ​ບໍ່​ອາດ​ກັບ​ໄປ​ສູ່​ລະດັບ​ການ​ຊ່ວຍ​ເຫລືອ​ໃນ​ປີ 2018 ​ໄດ້​ພາຍ​ໃນ 6 ປີ​ນີ້.

2 ໃນ 3 ຂອງປະເທດລາຍໄດ້ຕໍ່າຕ້ອງຫລຸດງົບການສຶກສາເພາະໂຄວິດ-19 - WhatsApp Image 2020 05 27 at 5 - 2 ໃນ 3 ຂອງປະເທດລາຍໄດ້ຕໍ່າຕ້ອງຫລຸດງົບການສຶກສາເພາະໂຄວິດ-19
2 ໃນ 3 ຂອງປະເທດລາຍໄດ້ຕໍ່າຕ້ອງຫລຸດງົບການສຶກສາເພາະໂຄວິດ-19 - WhatsApp Image 2020 05 27 at 5 - 2 ໃນ 3 ຂອງປະເທດລາຍໄດ້ຕໍ່າຕ້ອງຫລຸດງົບການສຶກສາເພາະໂຄວິດ-19
error: Alert: ເນື້ອຫາຂ່າວມີລິຂະສິດ !!