ໝໍໃຫ້ວັກຊີນໂຄວິດຜູ້ອາຍຸສູງຜິດ ໄດ້ຮັບສູງເຖິງ 4 ໂດສ

ໝໍໃຫ້ວັກຊີນໂຄວິດຜູ້ອາຍຸສູງຜິດ ໄດ້ຮັບສູງເຖິງ 4 ໂດສ - 1614142590510 fd62f8a1d3c557fac09678ecd3ea7499 - ໝໍໃຫ້ວັກຊີນໂຄວິດຜູ້ອາຍຸສູງຜິດ ໄດ້ຮັບສູງເຖິງ 4 ໂດສ
ໝໍໃຫ້ວັກຊີນໂຄວິດຜູ້ອາຍຸສູງຜິດ ໄດ້ຮັບສູງເຖິງ 4 ໂດສ - Untitled design - ໝໍໃຫ້ວັກຊີນໂຄວິດຜູ້ອາຍຸສູງຜິດ ໄດ້ຮັບສູງເຖິງ 4 ໂດສ

ສະຖານີ​ໂທລະພາບ ABC ​ໃນ​ອົດ​ສະຕຣາລີ ລາຍ​ງານ​ວ່າ: ​ແພດ​ໄດ້​ສັ່ງ​ໃຫ້​ວັກ​ຊີ​ນຜູ້​ອາຍຸ​ສູງ 2 ຄົນ ​ຢູ່​ເຮືອນ​ພັກ​ຜູ້​ເຖົ້າ ລັດ​ຄວີນສະ​ແລນ​ຜິດພາດ ​ໂດຍ​ມີ​ຄວາມ​ເປັນ​ໄປ​ໄດ້​ວ່າ​ຜູ້​ອາຍຸ​ສູງ​ທັງ​ສອງ​ໄດ້​ຮັບ​ວັກ​ຊີ​ນສູງ​ເຖິງ 4 ​ໂດ​ສ.

ຜູ້​ອາຍຸ​ສູງ​ທັງ 2 ຄົນ ​ເປັນ​ຜູ້​ຊາຍ​ອາຍຸ 88 ປີ ​ແລະ ​ເປັນ​ຜູ້ຍິງ​ອາຍຸ 94 ປີ ອາ​ໄສ​ຢູ່​ເຮືອນ​ພັກ​ຜູ້​ເຖົ້າ​ໂຮ​ລີ່ ສະປິຣິດ ​ເມືອງ​ຄາ​ເຊ​ລດີ​ນ ​ໂດຍ​ທັງ​ສອງ​ໄດ້​ຮັບ​ວັກ​ຊີ​ນ​ໃນ​ວັນ​ທີ 23 ກຸມພາ. ຫລ້າ​ສຸດ ຍັງ​ບໍ່​ພົບ​ສັນຍານ​ຂອງ​ອາການ​ແພ້​ໃດໆ ​ແລະ ທັງ​ສອງ​ຢູ່​ໃນ​ການ​ເບິ່ງ​ແຍງ ​ແລະ ສັງ​ເກດ​ອາການ​ຢູ່.

ຫລ້າ​ສຸດ, ​ແພດ​ຄົນ​ດັ່ງກ່າວ​ຢຸດ​ການ​ເຮັດ​ວຽກ​ໃນ​ໂຄງການ​ໃຫ້​ວັກ​ຊີ​ນ​ໂຄ​ວິດ​ແລ້ວ ​ແລະ ຈາກ​ນີ້ ຈະ​ມີ​ການ​ລາຍ​ງານ​ໃຫ້​ໜ່ວຍ​ງານ​ທີ່​ເບິ່ງ​ແຍງ​ການ​ເຮັດ​ວຽກ​ຂອງ​ແພດ​ຮູ້​ວ່າ: ​ແພດ​ມີ​ຂໍ້​ຜິດພາດ ຄື​ໃຫ້​ວັກ​ຊີ​ນ​ໂຄ​ວິດ​ໃນ​ປະລິມານ​ສູງ​ກວ່າ​ທີ່​ກຳນົດ.

ທ່ານ ​ເກຣັກ ຮັນ ລັດຖະມົນຕີ​ສາທາລະນະ​ສຸກ​ອົດ​ສະຕຣາລີ ກ່າວ​ວ່າ: ກໍລະນີ​ນີ້​ຢູ່​ລະຫວ່າງ​ການ​ສອບ​ສວນ​ໃຫ້​ແນ່ນອນ​ວ່າ: ວັກ​ຊີ​ນທີ່​ຜູ້​ອາຍຸ​ສູງ​ທັງ​ສອງ​ຄົນ​ໄດ້​ຮັບ​ການ​ສັກ ​ເປັນ​ວັກ​ຊີ​ນຫຍັງ ​ແລະ ບໍ່​ວ່າການ​ສອບ​ສວນ​ຈະ​ພົບ​ວ່າ ​ແພດ​ບໍ່​ເຂົ້າ​ໃຈ ຫລື ​ເຮັດ​ວຽກ​ບໍ່​ສົມບູນ ຖື​ວ່າ​ເປັນ​ການລະ​ເມີດ​ຂັ້ນຕອນ​ການ​​ໃຫ້​ວັກ​ຊີ​ນ​ໂຄ​ວິດ​ທີ່​ຮຸນ​ແຮງ.

ໝໍໃຫ້ວັກຊີນໂຄວິດຜູ້ອາຍຸສູງຜິດ ໄດ້ຮັບສູງເຖິງ 4 ໂດສ - Wave100S AD to Website 2020 0 - ໝໍໃຫ້ວັກຊີນໂຄວິດຜູ້ອາຍຸສູງຜິດ ໄດ້ຮັບສູງເຖິງ 4 ໂດສ

ສ່ວນ​ທ່ານ ລິນ​ຄອນ ຮອບ​ເປີ ຜູ້ອຳນວຍການ​ເຮືອນ​ພັກ​ຜູ້​ເຖົ້າ​ໂຮ​ລີ່ ສະປິຣິດ ບອກ​ວ່າ: ​ເຫດການ​ນີ້​ເຮັດ​ໃຫ້​ພວກ​ເຮົາ​ເຈັບ​ປວດ ທັງ​ຕໍ່​ຜູ້​ຢູ່​ອາ​ໄສ ​ແລະ ຄອບຄົວ​ຂອງ​ພວກ​ເຂົາ ​ເຊິ່ງ​ແນ່ນອນ​ວ່າ ​ເຈົ້າໜ້າ​ທີ່​ສາທາລະນະ​ສຸກ ​ແລະ ຜູ້​ມີໜ້າ​ທີ່​ກ່ຽວຂ້ອງ​ກັບ​ການ​ໃຫ້​ວັກ​ຊີ​ນຄວນ​ທົບ​ທວນ​ການ​ເຮັດ​ວຽກ​ຂອງ​ທີ​ມ ​ເພື່ອ​ເບິ່ງ​ແຍງ​ໃຫ້​ທົ່ວ​ເຖິງ ​ແລະ ບໍ່​ໃຫ້​ເກີດ​ເຫດການ​ແບບ​ນີ້​ອີກ.

ໝໍໃຫ້ວັກຊີນໂຄວິດຜູ້ອາຍຸສູງຜິດ ໄດ້ຮັບສູງເຖິງ 4 ໂດສ - WhatsApp Image 2020 05 27 at 5 - ໝໍໃຫ້ວັກຊີນໂຄວິດຜູ້ອາຍຸສູງຜິດ ໄດ້ຮັບສູງເຖິງ 4 ໂດສ
ໝໍໃຫ້ວັກຊີນໂຄວິດຜູ້ອາຍຸສູງຜິດ ໄດ້ຮັບສູງເຖິງ 4 ໂດສ - WhatsApp Image 2020 05 27 at 5 - ໝໍໃຫ້ວັກຊີນໂຄວິດຜູ້ອາຍຸສູງຜິດ ໄດ້ຮັບສູງເຖິງ 4 ໂດສ
error: Alert: ເນື້ອຫາຂ່າວມີລິຂະສິດ !!