ອັດຕາການນຳໃຊ້ແຮງງານເດັກຢູ່ລາວເຮົາມີສູງ

ອັດຕາການນຳໃຊ້ແຮງງານເດັກຢູ່ລາວເຮົາມີສູງ - 458406 481137578566603 17517258 o - ອັດຕາການນຳໃຊ້ແຮງງານເດັກຢູ່ລາວເຮົາມີສູງ
ອັດຕາການນຳໃຊ້ແຮງງານເດັກຢູ່ລາວເຮົາມີສູງ - Untitled design - ອັດຕາການນຳໃຊ້ແຮງງານເດັກຢູ່ລາວເຮົາມີສູງ

ຜົນການສຳຫລວດດັດຊະນີໝາຍສັງຄົມເມື່ອປີ 2017 ໃຫ້ເຫັນວ່າ: ລາວເຮົາຍັງມີການນໍາໃຊ້ແຮງງານເດັກສູງ ຊຶ່ງກວມເຖິງ 42% (ລວມທັງເຮັດວຽກເຮືອນຫລາຍຊົ່ວໂມງໃນແຕ່ລະມື້). ຂໍ້ມູນດັ່ງກ່າວ ໄດ້ເປີດເຜີຍໃນກອງປະຊຸມສ້າງຄວາມເຂັ້ມແຂງໃຫ້ແກ່ການຈັດຕັ້ງປະຕິບັດແຜນງານແຫ່ງຊາດ ເພື່ອປ້ອງກັນ ແລະ ລຶບລ້າງການນຳໃຊ້ແຮງງານ ແລະ ສົ່ງເສີມວຽກທີ່ມີຄຸນຄ່າສໍາລັບໄວໜຸ່ມລາວ ໄລຍະປີ 2021-2025 ທີ່ໄດ້ຈັດຂຶ້ນໃນວັນທີ 24 ກຸມພານີ້ ທີ່ນະຄອນຫລວງວຽງຈັນ.

ທ່ານ ປະເດີມພອນ ສົນທະນີ ຮອງລັດຖະມົນຕີກະຊວງແຮງງານສະຫວັດດີການສັງຄົມ ໄດ້ກ່າວໃນກອງປະຊຸມວ່າ: ໄລຍະຜ່ານມາ ກະຊວງຂອງຕົນກໍໄດ້ໃຫ້ຄວາມສໍາຄັນໃນການຕິດຕາມ, ຊີ້ນໍາ, ຊອກຫາ ແລະ ອໍານວຍຄວາມສະດວກດ້ານຕ່າງໆ ໃນການຈັດຕັ້ງປະຕິບັດແຜນງານແຫ່ງຊາດວ່າດ້ວຍການປ້ອງກັນ ແລະ ລຶບລ້າງການນໍາໃຊ້ແຮງງານເດັກ ເພື່ອສ້າງຄວາມຮັບຮູ້ ແລະ ຄວາມເຂົ້າໃຈດ້ານແຮງງານເດັກໃຫ້ແກ່ຜູ້ມີສ່ວນຮ່ວມ ແລະ ສ້າງຄວາມອາດສາມາດໃນການຈັດຕັ້ງປະຕິບັດແຜນງານດັ່ງກ່າວໃຫ້ແກ່ເຈົ້າໜ້າທີ່ຂອງລັດໄດ້ຢ່າງກວ້າງຂວາງ, ພ້ອມໄດ້ເອົາໃຈໃສ່ປັບປຸງ ແລະ ສ້າງນິຕິກຳຂຶ້ນໃໝ່ຈຳນວນໜຶ່ງ ໂດຍສະເພາະແມ່ນໄດ້ປັບປຸງລະບົບການສຶກສາພາກບັງຄັບຈາກປະຖົມສຶກສາ ມາເປັນມັດທະຍົມຕອນຕົ້ນ, ພ້ອມໄດ້ກໍານົດບັນດາກິດຈະກໍາຂອງບັນດາຂະແໜງການກ່ຽວຂ້ອງອື່ນໆ ເພື່ອຊຸກຍູ້ໃຫ້ແຜນງານແຫ່ງຊາດສະບັບທີສອງໄດ້ຮັບການຈັດຕັ້ງປະຕິບັດຕາມຈຸດປະສົງ ແລະ ເປົ້າໝາຍໃນຕໍ່ໜ້າ.

ອັດຕາການນຳໃຊ້ແຮງງານເດັກຢູ່ລາວເຮົາມີສູງ - Wave100S AD to Website 2020 0 - ອັດຕາການນຳໃຊ້ແຮງງານເດັກຢູ່ລາວເຮົາມີສູງ

ທ່ານຮອງລັດຖະມົນຕີ ໃຫ້ຮູ້ຕື່ມວ່າ: ໃນຜ່ານມານີ້ ເຖິງແນວໃດພວກເຮົາກໍຍັງບໍ່ສາມາດບັນລຸໄດ້ຫລາຍຈຸດປະສົງ ແລະ ກິດຈະກໍາຕ່າງໆຂອງແຜນ ໂດຍສະເພາະແມ່ນການສ້າງກົນໄກ ແລະ ລະບົບການຕິດຕາມ, ປະເມີນຜົນສໍາເລັດຍັງບໍ່ສາມາດເຮັດໄດ້, ຕົວເລກແຮງງານເດັກຈາກການສຳຫລວດໃນຜ່ານມານັ້ນ, ມາຮອດປັດຈຸບັນໄດ້ເພີ່ມຂຶ້ນ ຫລື ຫລຸດລົງແນວໃດກໍຍັງບໍ່ສາມາດເກັບກໍາໄດ້ລະອຽດ, ການຂຶ້ນທະບຽນຜູ້ອອກແຮງງານທີ່ມີອາຍຸຕໍ່າກວ່າ 18 ປີ ຂອງບັນດາອຸດສາຫະກໍາຕ່າງໆ ກໍຍັງບໍ່ສາມາດເກັບກໍາໄດ້ ແລະ ອື່ນໆ ທີ່ພວກເຮົາຈະຕ້ອງໄດ້ຊອກຫາວິທີ ແລະ ກຳນົດແຜນສືບຕໍ່ໃຫ້ລະອຽດຕື່ມອີກ.

ອັດຕາການນຳໃຊ້ແຮງງານເດັກຢູ່ລາວເຮົາມີສູງ - WhatsApp Image 2020 05 27 at 5 - ອັດຕາການນຳໃຊ້ແຮງງານເດັກຢູ່ລາວເຮົາມີສູງ
ອັດຕາການນຳໃຊ້ແຮງງານເດັກຢູ່ລາວເຮົາມີສູງ - WhatsApp Image 2020 05 27 at 5 - ອັດຕາການນຳໃຊ້ແຮງງານເດັກຢູ່ລາວເຮົາມີສູງ
error: Alert: ເນື້ອຫາຂ່າວມີລິຂະສິດ !!