ນາຍົກລັດຖະມົນຕີມາເລເຊຍ ສະຫລອງສັກວັກຊີນຕ້ານໂຄວິດ-19 ຄົນທຳອິດຂອງປະເທດ

ນາຍົກລັດຖະມົນຕີມາເລເຊຍ ສະຫລອງສັກວັກຊີນຕ້ານໂຄວິດ-19 ຄົນທຳອິດຂອງປະເທດ - 2021 02 24T071442Z 1059845059 RC2VYL9ZSPYU RTRMADP 3 HEALTH CORONAVIRUS MALAYSIA - ນາຍົກລັດຖະມົນຕີມາເລເຊຍ ສະຫລອງສັກວັກຊີນຕ້ານໂຄວິດ-19 ຄົນທຳອິດຂອງປະເທດ
ນາຍົກລັດຖະມົນຕີມາເລເຊຍ ສະຫລອງສັກວັກຊີນຕ້ານໂຄວິດ-19 ຄົນທຳອິດຂອງປະເທດ - Untitled design - ນາຍົກລັດຖະມົນຕີມາເລເຊຍ ສະຫລອງສັກວັກຊີນຕ້ານໂຄວິດ-19 ຄົນທຳອິດຂອງປະເທດ

ວັນ​ທີ 24 ກຸມພາ 2021, ມາ​ເລ​ເຊຍ​ເລີ່​ມຕົ້ນ​ໂຄງການ​ສັກ​ວັກ​ຊີ​ນປ້ອງ​ກັນ​ພະຍາດ​ຕິດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ (​ໂຄ​ວິດ-19) ລະດັບ​ປະ​ເທດ ​ໂດຍທ່ານ ມູຍິດດິນ ຍັສຊິນ ນາຍົກລັດຖະມົນຕີມາ​ເລ​ເຊຍ ສັກ​ວັກ​ຊີ​ນ​ເປັນ​ຄົນ​ທຳ​ອິດ​ຂອງ​ປະ​ເທດ.

ການ​ຮັບ​ວັກ​ຊີ​ນຂອງ​ທ່ານ ມູຍິດດິນ ​ໄດ້​ຖ່າຍ​ທອດ​ສົດ​ທາງ​ໂທລະພາບ ​ເພື່ອ​ສ້າງ​ຄວາມ​ໝັ້ນ​ໃຈ​ໃຫ້​ປະຊາຊົນ ​ໂດຍ​ນອກຈາກ​ນາຍົກລັດຖະມົນຕີ​ແລ້ວ, ຍັງ​ມີ​ທ່ານ ນົວ ຮິ​ແຊມ ອັບ​ດຸນ​ລາ ອະທິບໍດີ​ປະຈຳ​ກະຊວງ​ສາທາລະນະ​ສຸກ ​ແລະ ຜູ້​ປະຕິບັດ​ງານ​ແນວ​ໜ້າ​ອີກ 4 ຄົນ​ເຂົ້າຮັບ​ວັກ​ຊີ​ນ.

ການ​ສັກ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ​ເປັນ​ໂຄງການ​ສັກ​ວັກ​ຊີ​ນຂະໜາດ​ໃຫຍ່​ທີ່​ສຸດ​ຂອງ​ມາ​ເລ​ເຊຍ ​ເຊິ່ງຕັ້ງ​ເປົ້າໝາຍ​ສັກ​ວັກ​ຊີ​ນ​ໃຫ້​ປະຊາຊົນ​ຢ່າງ​ໜ້ອຍ 80% ຂອງ​ປະຊາກອນ​ທັງ​ໝົດ ​ເພື່ອ​ບັນລຸ​ການ​ສ້າງ​ພູມ​ຄຸ້ມ​ກັນ​ພະຍາດ​ໂຄ​ວິດ-19 ທີ່​ປັດຈຸບັນ​ເຮັດ​ໃຫ້​ມີ​ຜູ້​ເສຍ​ຊີວິດ​ຢູ່​ມາ​ເລ​ເຊຍ 1.000 ກວ່າ​ຄົນ ​ແລະ ຜູ້​ຕິດ​ເຊື້ອຫລາຍ​ກວ່າ 280.000 ຄົນ.

ມາ​ເລ​ເຊຍ​ແບ່ງ​ການ​ສັກ​ວັກ​ຊີ​ນ​ປ້ອງ​ກັນ​ພະຍາດ​ໂຄ​ວິດ-19 ​ເປັນ 3 ​ໄລຍະ ​ໂດຍ​ໄລຍະ​ທຳ​ອິດ​ຈະ​ສັກ​ໃຫ້​ບຸກຄະລາ​ກອນ​ດ້ານ​ໜ້າ​ປະມານ 5 ​ແສນ​ຄົນ, ​ໄລຍະ​ສອງ​ຈະ​ສັກ​ໃຫ້​ກຸ່ມ​ສ່ຽງ​ສູງ ​ແລະ ​ໄລຍະສາມ​ຈະ​ສັກ​ໃຫ້​ຜູ້​ມີ​ອາຍຸ 18 ປີ​ຂຶ້ນ​ໄປ ​ເຊິ່ງຄາດ​ວ່າ​ຈະ​​ສຳ​ເລັດ​​ພາຍ​ໃນ​ເດືອນ​ກຸມພາ 2022.

ມາ​ເລ​ເຊຍ​ໄດ້​ຮັບ​ວັກ​ຊີ​ນຊຸດ​ທຳ​ອິດ​ເມື່ອ​ວັນ​ທີ 21 ກຸມພາ​ຜ່ານ​ມາ ​ໂດຍ​ເປັນ​ວັກ​ຊີ​ນທີ່​ພັດທະນາ​ໂດຍ Pfizer Inc. ບໍລິສັດ​ຢາ​ສັນຊາດ​ອາ​ເມ​ລິ​ກາ ​ແລະ BioNTech SE. ບໍລິສັດ​ຢາ​ສັນຊາດ​ເຢຍລະ​ມັນ.

ນາຍົກລັດຖະມົນຕີມາເລເຊຍ ສະຫລອງສັກວັກຊີນຕ້ານໂຄວິດ-19 ຄົນທຳອິດຂອງປະເທດ - Wave100S AD to Website 2020 0 - ນາຍົກລັດຖະມົນຕີມາເລເຊຍ ສະຫລອງສັກວັກຊີນຕ້ານໂຄວິດ-19 ຄົນທຳອິດຂອງປະເທດ

ມາ​ເລ​ເຊຍ​ຈັດ​ຊື້ວັກ​ຊີ​ນຈາກ​ຜູ້​ຜະລິດ​ຫລາຍ​ແຫ່ງ ​ໂດຍ ​ໄຄຣີ ຈາ​ມາ​ລຸດດິນ ລັດຖະມົນຕີ​ກະຊວງ​ວິທະຍາສາດ, ​ເຕັກ​ໂນ​ໂລ​ຊີ ​ແລະ ນະ​ວັດຕະ​ກຳ​ຂອງ​ມາ​ເລ​ເຊຍ ກ່າວ​ວ່າ: ວັກ​ຊີ​ນທີ່ພັດທະນາ​ໂດຍ Sinovac ບໍລິສັດ​ຢາ​ສັນຊາດ​ຈີນ ຊຸດ​ທຳ​ອິດ​ມີ​ກຳນົດ​ຂົນ​ສົ່ງ​ເຖິງ​ມາ​ເລ​ເຊຍ​ໃນ​ວັນ​ທີ 27 ກຸມພາ​ນີ້.

ອ້າງອີງ: ສຳນັກຂ່າວຊິນຮົວ

ນາຍົກລັດຖະມົນຕີມາເລເຊຍ ສະຫລອງສັກວັກຊີນຕ້ານໂຄວິດ-19 ຄົນທຳອິດຂອງປະເທດ - WhatsApp Image 2020 05 27 at 5 - ນາຍົກລັດຖະມົນຕີມາເລເຊຍ ສະຫລອງສັກວັກຊີນຕ້ານໂຄວິດ-19 ຄົນທຳອິດຂອງປະເທດ
ນາຍົກລັດຖະມົນຕີມາເລເຊຍ ສະຫລອງສັກວັກຊີນຕ້ານໂຄວິດ-19 ຄົນທຳອິດຂອງປະເທດ - WhatsApp Image 2020 05 27 at 5 - ນາຍົກລັດຖະມົນຕີມາເລເຊຍ ສະຫລອງສັກວັກຊີນຕ້ານໂຄວິດ-19 ຄົນທຳອິດຂອງປະເທດ
error: Alert: ເນື້ອຫາຂ່າວມີລິຂະສິດ !!