ປີຜ່ານມາການລົງທຶນຂອງແຂວງສະຫວັນນະເຂດບັນລຸໄດ້ຫລາຍກວ່າ 93% ຂອງແຜນ

ປີຜ່ານມາການລົງທຶນຂອງແຂວງສະຫວັນນະເຂດບັນລຸໄດ້ຫລາຍກວ່າ 93% ຂອງແຜນ - WhatsApp Image 2021 02 26 at 1 - ປີຜ່ານມາການລົງທຶນຂອງແຂວງສະຫວັນນະເຂດບັນລຸໄດ້ຫລາຍກວ່າ 93% ຂອງແຜນ
ປີຜ່ານມາການລົງທຶນຂອງແຂວງສະຫວັນນະເຂດບັນລຸໄດ້ຫລາຍກວ່າ 93% ຂອງແຜນ - Untitled design - ປີຜ່ານມາການລົງທຶນຂອງແຂວງສະຫວັນນະເຂດບັນລຸໄດ້ຫລາຍກວ່າ 93% ຂອງແຜນ

ຫົວໜ້າພະແນກການເງິນແຂວງສະຫວັນນະເຂດ ລາຍງານຕໍ່ກອງປະຊຸມວຽກງານແຜນການ-ການລົງທຶນ ແລະ ການເງິນປະຈຳປີ ທີ່ໄດ້ຈັດຂຶ້ນເມື່ອມໍ່ໆມານີ້ວ່າ: ໃນປີ 2020 ຜ່ານມາ ເຖິງວ່າມີການລະບາດຮ້າຍແຮງຂອງພະຍາດໂຄວິດ-19 ແຕ່ຕົວເລກການລົງທຶນທັງພາກລັດ ແລະ ເອກະຊົນພາຍໃນແຂວງຂອງຕົນກໍຍັງສາມາດບັນລຸໄດ້ 4.700 ກວ່າຕຶື້ກີບ ເທົ່າກັບ 93,07% ຂອງແຜນວາງໄວ້, ໃນນັ້ນ ການລົງທຶນລັດ ກວມ 1,07%; ທຶນຊ່ວຍເຫຼືອເພື່ອການພັດທະນາ ກວມ 7,86%; ການລົງທຶນຂອງພາກເອກະຊົນພາຍໃນ-ຕ່າງປະເທດ ກວມ 24,17% ແລະ ທຶນສິນເຊື່ອທະນາຄານ ກວມ 66,90% ຂອງການລົງທຶນທັງໝົດ. ສ່ວນລວມຍອດຜະລິດຕະພັນພາຍໃນ (GDP) ຂະຫຍາຍຕົວຢູ່ໃນລະດັບ 3,9%,  ເທົ່າກັບ 99,92% ຂອງແຜນ ໃນນີ້ກະສິກໍາເພີ່ມຂຶ້ນ 1,79%, ອຸດສະຫະກຳເພີ່ມຂຶ້ນ 5,46% ແລະ ຂະແໜງບໍລິການເພີ່ມຂຶ້ນ 3,82%, ລາຍຮັບສະເລ່ຍໃສ່ຫົວຄົນບັນລຸໄດ້ 2.000 ກວ່າໂດລາ ເທົ່າກັບເກືອບ 19 ລ້ານກີບ, ສຳລັບການຜະລິດເຂົ້າປະຕິບັດໄດ້ 740.168 ໂຕນ ລື່ນແຜນ 0,12%, ໃນນັ້ນ: ນາແຊງໄດ້ເກັບກ່ຽວໄດ້ 150.020 ໂຕນ ລື່ນແຜນ 2% ແລະ ນາປີ ໄດ້ 279.178 ໂຕນ, ສ່ວນການປູກພືດສໍາຮອງປະຕິບັດໄດ້ 90,2% ຂອງແຜນການ, ຮັບປະກັນການຕອບສະໜອງຊີ້ນ, ປາ ແລະ ໄຂ່ ໃຫ້ແກ່ສັງຄົມໄດ້ໂດຍພື້ນຖານ.

ສຳລັບການຈັດເກັບລາຍຮັບໃນປີຜ່ານມາ ທົ່ວແຂວງປະຕິບັດໄດ້ຫລາຍກວ່າ 1.363  ຕື້ກີບ, ເທົ່າກັບ 98,74% ຂອງແຜນການດັດແກ້, ໃນນີ້ ລາຍຮັບພູດສູນກາງ ປະຕິບັດໄດ້ 766,77 ຕື້ກີບ ເທົ່າກັບ 95,99%, ສ່ວນພູດຂອງທ້ອງຖິ່ນ ບັນລຸໄດ້ 597,02 ຕື້ກີບ ເທົ່າກັບ 102,50% ຂອງແຜນການດັດແກ້, ໃນນີ້ເມືອງທີ່ປະຕິບັດໄດ້ລື່ນແຜນການມີເມືອງວິລະບູລີ. ຂາດດູນການດຸ່ນດ່ຽງງົບປະມານຈາກສູນກາງ 221,64 ຕື້ກີບ.

ປີຜ່ານມາການລົງທຶນຂອງແຂວງສະຫວັນນະເຂດບັນລຸໄດ້ຫລາຍກວ່າ 93% ຂອງແຜນ - Wave100S AD to Website 2020 0 - ປີຜ່ານມາການລົງທຶນຂອງແຂວງສະຫວັນນະເຂດບັນລຸໄດ້ຫລາຍກວ່າ 93% ຂອງແຜນ
ປີຜ່ານມາການລົງທຶນຂອງແຂວງສະຫວັນນະເຂດບັນລຸໄດ້ຫລາຍກວ່າ 93% ຂອງແຜນ - WhatsApp Image 2020 05 27 at 5 - ປີຜ່ານມາການລົງທຶນຂອງແຂວງສະຫວັນນະເຂດບັນລຸໄດ້ຫລາຍກວ່າ 93% ຂອງແຜນ
ປີຜ່ານມາການລົງທຶນຂອງແຂວງສະຫວັນນະເຂດບັນລຸໄດ້ຫລາຍກວ່າ 93% ຂອງແຜນ - WhatsApp Image 2020 05 27 at 5 - ປີຜ່ານມາການລົງທຶນຂອງແຂວງສະຫວັນນະເຂດບັນລຸໄດ້ຫລາຍກວ່າ 93% ຂອງແຜນ
error: Alert: ເນື້ອຫາຂ່າວມີລິຂະສິດ !!