ທາງ​ລົດ​ໄຟ​ຄວາມ​ໄວ​ສູງ ລາວ-ຈີນ ຂໍ​ຢ່າ​ໃຫ້​ເປັນ​ຄື​ທາງ​ດ່ວນ

ທາງ​ລົດ​ໄຟ​ຄວາມ​ໄວ​ສູງ ລາວ-ຈີນ ຂໍ​ຢ່າ​ໃຫ້​ເປັນ​ຄື​ທາງ​ດ່ວນ - 555 1 - ທາງ​ລົດ​ໄຟ​ຄວາມ​ໄວ​ສູງ ລາວ-ຈີນ ຂໍ​ຢ່າ​ໃຫ້​ເປັນ​ຄື​ທາງ​ດ່ວນ
ທາງ​ລົດ​ໄຟ​ຄວາມ​ໄວ​ສູງ ລາວ-ຈີນ ຂໍ​ຢ່າ​ໃຫ້​ເປັນ​ຄື​ທາງ​ດ່ວນ - Untitled design - ທາງ​ລົດ​ໄຟ​ຄວາມ​ໄວ​ສູງ ລາວ-ຈີນ ຂໍ​ຢ່າ​ໃຫ້​ເປັນ​ຄື​ທາງ​ດ່ວນ

ໂດຍ: ທິດ​ກໍ່າ

​ໃນ​ອາທິດ​ຜ່ານ​ ເພຈ​ສື່​ອອນ​ລາຍ (​ແອ​ໂຣລາວ Aero Laos) ໄດ້ໃຫ້ຮູ້ວ່າ: ​ເສັ້ນທາງ​ລົດ​ໄຟ ລາວ-ຈີນ ຍັງ​ພົບ​ບັນຫາ​ຄວາມ​ຫຍຸ້ງຍາກ​ດ້ານ​ຄວາມ​ປອດ​ໄພ​ໃນ​ໄລຍະ​ການ​ກໍ່ສ້າງ ຍ້ອນ​ກຸ່ມ​ຄົນ​ບໍ່​ດີ​ໄປ​ລັກ​ຫັນ​ເອົາ​ຫົວນ໊ອດລາງ​ລົດ​ໄຟ ​ແລະ ລັກ​ເຮັດ​ທາງ​ລັດ​ຂ້າມ​ຕາມ​ລຳພັງ​ໃຈ. ນອກຈາກ​ນັ້ນ ຍັງ​ມີ​ສັດລ້ຽງ​ຂອງ​ປະຊາຊົນ​ເຂົ້າມາ​ໃນ​ຂອບ​ເຂດ​ເສັ້ນທາງ​ລົດ​ໄຟ​ເລື້ອຍໆ. ປາກົດການ​ທີ່​ອັນຕະລາຍ​ດັ່ງກ່າວ​ຖື​ວ່າ​ເປັນ​ບັນຫາ​ພື້ນຖານ​ຕໍ່​ຄວາມ​ປອດ​ໄພ​ທາງ​ດ້ານ​ຊີວິດ ​ແລະ ຊັບ​ສິນ​ຂອງ​ຊາດ ກໍ​ຄື​ຂອງ​ລວມໝູ່​ຢ່າງ​ໃຫຍ່​ຫລວງ.

ສະນັ້ນ, ບໍ່​ວ່າ​ໃນ​ປັດຈຸບັນ ກໍ​ຄື​ສະ​ເພາະ​ໜ້າ ​ແລະ ຍາວ​ນານ, ຖ້າ​ຫາກ​ເປັນ​ລັກສະນະ​ແບບ​ນີ້​ຈົນ​ຮອດ​ເວລາ​ເປີດ​ນຳ​ໃຊ້​ເສັ້ນທາງ​ດັ່ງກ່າວ ​ແນ່ນອນ​ຕ້ອງ​ມີ​ບັນຫາ​ນຳ​ໄປ​ສູ່​ຄວາມ​ຫາ​ຍະ​ນະ​ຢ່າງ​ມະຫາສານ​ຕໍ່​ເສດຖະກິດ-ສັງຄົມ​ຂອງ​ປະ​ເທດ ​ແລະ ຂອງ​ລວມໝູ່​ຢ່າງ​ໃຫຍ່​ຫລວງ. ​ເພາະສະນັ້ນ ຈຶ່ງ​ຖື​ໄດ້​ວ່າ ບັນຫາ​ຄວາມ​ບໍ່​ປອດ​ໄພ​ຕາມ​ເສັ້ນທາງ​ລົດ​ໄຟ ລາວ-ຈີນ ​ໃນ​ອະນາຄົດ​ອັນ​ຈະ​ມາ​ເຖິງ​ນີ້ ຖື​ວ່າ​ເປັນ​ສິ່ງ​ທ້າ​ທາຍ​ທີ່​ສຸດ​ຕໍ່​ປະ​ເທດ​ຊາດ ກໍ​ຄື​ຄວາມ​ເສຍ​ຫາຍ​ໂດຍ​ກົງ​ຕໍ່​ຜູ້​ລົງທຶນ. ອີກ​ປະການ​ໜຶ່ງ ​ໃນ​ເມື່ອ​ມີ​ປາກົດການຫຍໍ້​ທໍ້​ຄື​ດັ່ງກ່າວ​ມາ​ຂ້າງ​ເທິງ​ນັ້ນ ມັນ​ກໍ​ບໍ່​ຕ່າງ​ຫຍັງ​ກັບ​ເສັ້ນທາງ​ດ່ວນ​ວຽງ​ຈັນ-ວັງ​ວຽງ​ທີ່​ຫາ​ກໍ​ເປີດ​ນຳ​ໃຊ້​ໃນຕົ້ນປີ 2021 ​ເຊິ່ງມາ​ຮອດ​ປັດຈຸບັນ ລັດຖະບານ ກໍ​ຄື​ຂະ​ແໜງ​ການ​ກ່ຽວຂ້ອງ​ຕ້ອງ​ໃຫ້​ເລັ່ງ​ແກ້​ໄຂ​ສິ່ງ​ຫຍໍ້​ທໍ້​ຕ່າງໆ​ໃຫ້​ສຳ​ເລັດ​ພາຍ​ໃນ 120 ວັນ ​ໂດຍ​ສະ​ເພາະ​ປາກົດການ​ທີ່​ເກີດ​ຂຶ້ນ​ໃນ​ສາຍ​ທາງ​ດ່ວນ ກໍ​ຄື​ການ​ເກັບ​ຄ່າ​ທາງ​ບໍ່​ໄປ​ຕາມ​ສັນຍາ​ສຳ​ປະທານ, ບັນຫາ​ການ​ເກີດ​ອຸປະຕິ​ເຫດຢ່າງ​ຕໍ່​ເນື່ອງ ​ແລະ ຍັງ​ມີ​ສັດສາ​ວາ​ສິ່ງ​ງົວ​ຄວາຍ​ເຂົ້າ​ໄປ​ໃນ​ບໍລິ​ເວນ​​ເສັ້ນທາງ ຈົນ​ມາ​ຮອດ​ປັດຈຸບັນ​ກໍ​ຍັງ​ແກ້​ໄຂ​ບໍ່​ທັນ​ສຳ​ເລັດ​ໂດຍຊິ້ນ​ເຊີງ.

ຈາກ​ສະພາບ​ດັ່ງກ່າວ, ​ເມື່ອ​ເຮົາ​ມາ​ປຽບທຽບ​ໃສ່​ຄວາມ​ເສຍ​ຫາຍ​ລະຫວ່າງ​ທາງ​ດ່ວນ​ກັບ​ທາງ​ລົດ​ໄຟ​ຄວາມ​ໄວ​ສູງ ມັນ​ກໍ​ມີ​ໜ້ອຍ​ຫລາຍ ​ແລະ ຫລຸດ​ລື່ນ​ກັນ​ຕັ້ງຫລາຍ​ເທົ່າ ​ເປັນຕົ້ນຄວາມ​ເສຍ​ຫາຍ​ໃນ​ສາຍ​ທາງ​ດ່ວນ ນັບ​ແຕ່​ເປີດ​ນຳ​ໃຊ້​ບໍລິການ​ຜ່ານ​ມາ​ກໍ​ມີ​ເຖິງ 30 ກວ່າ​ກໍລະນີ​ເຊັ່ນ: ມີ​ຄົນ​ຕາຍ​ຫລາຍ​ສິບ​ສົບ​ມາ​ແລ້ວ, ລົດ​ເກັງ, ກະບະ​ເປ່​ເພ​ເສຍ​ຫາຍ​ໃຊ້​ການ​ບໍ່​ໄດ້​ຫລາຍ 10 ຄັນ. ນອກຈາກ​ນັ້ນ ກໍ​ຕຳ​ໝາ, ຕຳ​ງົວ​ຕາຍ​ຫລາຍ​ສິບ​ໂຕ ຍ້ອນ​ເສັ້ນທາງ​ບາງ​ຈຸດ​ບາງ​ບ່ອນ​ບໍ່​ໄດ້​ມາດຕະຖານ, ຮົ້ວກັ້ນບາງ​ຈຸດ​ບາງ​ບ່ອນ​ບໍ່​ທັນ​ຮັບປະກັນ ຍັງ​ມີ​ບັນຫາ​ການລະ​ເມີດ​ກົດ​ຈະລາຈອນ ​ແລະ ອື່ນໆ.

ທາງ​ລົດ​ໄຟ​ຄວາມ​ໄວ​ສູງ ລາວ-ຈີນ ຂໍ​ຢ່າ​ໃຫ້​ເປັນ​ຄື​ທາງ​ດ່ວນ - Wave100S AD to Website 2020 0 - ທາງ​ລົດ​ໄຟ​ຄວາມ​ໄວ​ສູງ ລາວ-ຈີນ ຂໍ​ຢ່າ​ໃຫ້​ເປັນ​ຄື​ທາງ​ດ່ວນ

​ແຕ່​ແນວ​ໃດ​ກໍ​ຕາມ, ​ເມື່ອ​ມາ​ປຽບທຽບ​ໃສ່​ຄວາມ​ເສຍ​ຫາຍ​ຈາກ​ທາງ​ລົດ​ໄຟ​ຄວາມ​ໄວ​ສູງ ຖ້າ​ຫາກ​ມີ​ກໍລະນີ​ຫາກ​ເກີດ​ຂຶ້ນອີ່ຫລີ ມັນ​ຈະ​ມີ​ຜົນ​ກະທົບ​ໜັກ​ກວ່າ​ທາງ​ສາຍ​ດ່ວນ ຍ້ອນ​ວ່າ​ລົດ​ໄຟ​ມັນ​ບັນຈຸ​ຄົນ​ເປັນ​ຫລາຍ​ເປັນ​ຮ້ອຍສອງ​ຮ້ອຍ​ຄົນ ​ແລະ ຖ້າ​ບັນຈຸ​ສິນຄ້າ​ກໍ​ຫລາຍ​ຮ້ອຍ​ຫລາຍ​ພັນ​ໂຕນ ກໍລະນີ​ເກີດ​ອຸປະຕິ​ເຫດ​ກໍ​ເສຍ​ຫາຍ​ຮາບ​ກ້ຽງ​ມຸ່ນ​ທະລາ​ຍທັງ​ລົດ, ທັງ​ຊີວິດ​ຄົນ ​ແລະ ວັດຖຸ​ຊັບ​ສິນ​ອື່ນໆ ຍ້ອນ​ວ່າ​ລົດ​ໄຟ​ມັນ​ແລ່ນ​ດ້ວຍ​ຄວາມ​ໄວ​ເຖິງ 160 ກວ່າ​ກິ​ໂລ​ແມັດ​ຕໍ່​ຊົ່ວ​ໂມງ. ​ເມື່ອ​ເປັນ​ເຊັ່ນ​ນີ້ ​ເພື່ອ​ຫາ​ວິທີ​ປ້ອງ​ກັນ​ສະກັດ​ກັ້ນ​ໂຊກ​ນາດຕະກຳ​ທີ່​ຈະ​ມາ​ເຖິງ​ໃນ​ເບື້ອງໜ້າ ພວກ​ເຮົາ​ຕ້ອງ​ໄດ້​ເລີ່​ມຕົ້ນມີ​ແຜນ​ປັບປຸງ​ລະບົບ​ການ​ຮັກສາ​ຄວາມ​ປອດ​ໄພ​ຕັ້ງ​ແຕ່​ເວລາ​ນີ້​ໃຫ້​ດີ ​ເພື່ອ​ຫລີກ​ລ່ຽງຄວາມ​ຫາ​ຍະ​ນະ​ທີ່​ຈະ​ຕາມ​ມາ​ໃນ​ອະນາຄົດ​ຕໍ່ໜ້າ.

​ເຖິງ​ຢ່າງ​ໃດ​ກໍ​ດີ, ພວກ​ເຮົາ​ກໍ​ມີ​ຄວາມ​ເຊື່ອ​ໝັ້ນຢ່າງ​ແນ່​ວ​ແນ່​ວ່າ ​ເສັ້ນທາງ​ລົດ​ໄຟ​ຄວາມ​ໄວ​ສູງ ລາວ-ຈີນ ອາດ​ຈະ​ບໍ່​ເປັນ​ຄື​ສາຍ​ທາງ​ດ່ວນ​ວຽງ​ຈັນ-ວັງ​ວຽງ​ຢ່າງ​ແນ່ນອນ ​ເພາະ​ເສັ້ນທາງ​ລົດ​ໄຟ​ຄວາມ​ໄວ​ສູງ​ນັ້ນມີ​ລະບົບ​ຄຸ້ມ​ຄອງ​ທີ່​ດີ, ມີ​ສັນຍານ​ເຕືອນ​ໄພ​ທີ່​ທັນ​ສະ​ໄໝ ນັບ​ທັງ​ລະບົບ​ການ​ຮັກສາ​ຄວາມ​ປອດ​ໄພ​ໃຫ້​ຜູ້​ໃຊ້​ບໍລິການ​ກໍ​ເປັນ​ໄປ​ຕາມ​ມາດຕະຖານ​ສາກົນ ​ແຕ່​ພວກ​ເຮົາ​ກໍ​ບໍ່​ຄວນ​ປະໝາດ ​ເພາະ​ມັດຈຸລາດ​ມັນ​ເບິ່ງ​ບໍ່​ເຫັນ​ໂຕ​ຍ່າງ​ມາ​ຢົ້ງຄື​ຄົນ ​ແລະ ວັດຖຸ​ສິ່ງ​ຂອງ.

ທາງ​ລົດ​ໄຟ​ຄວາມ​ໄວ​ສູງ ລາວ-ຈີນ ຂໍ​ຢ່າ​ໃຫ້​ເປັນ​ຄື​ທາງ​ດ່ວນ - WhatsApp Image 2020 05 27 at 5 - ທາງ​ລົດ​ໄຟ​ຄວາມ​ໄວ​ສູງ ລາວ-ຈີນ ຂໍ​ຢ່າ​ໃຫ້​ເປັນ​ຄື​ທາງ​ດ່ວນ
ທາງ​ລົດ​ໄຟ​ຄວາມ​ໄວ​ສູງ ລາວ-ຈີນ ຂໍ​ຢ່າ​ໃຫ້​ເປັນ​ຄື​ທາງ​ດ່ວນ - WhatsApp Image 2020 05 27 at 5 - ທາງ​ລົດ​ໄຟ​ຄວາມ​ໄວ​ສູງ ລາວ-ຈີນ ຂໍ​ຢ່າ​ໃຫ້​ເປັນ​ຄື​ທາງ​ດ່ວນ

Comment

    Anonymous
    28/02/2021 - 8:41 am

    ຢາກໃຫ້ທາງໜັງສືພິມເອົາຂໍ້ມູນທີ່ລັດຖະບານເກັບລາຍໄດ້ຈາກການສຳປະທານທາງດ່ວນລາວ-ຈີນ ແລະ ທາງລົດໄຟລາວ-ຈີນ ມານຳສະເໝີໃຫ້ປະຊາຊົນໄດ້ຮັບຮູ້ນຳກັນແດ່ໄດ້ບໍ່ທ່ານ..

Comments are closed.

error: Alert: ເນື້ອຫາຂ່າວມີລິຂະສິດ !!