ຜູ້ຕິດເຊື້ອພະຍາດຖອກທ້ອງ ຢູ່ເຢເມນເກີນ 3 ແສນຄົນແລ້ວ

- advert banner 728 90 728x90 - ຜູ້ຕິດເຊື້ອພະຍາດຖອກທ້ອງ ຢູ່ເຢເມນເກີນ 3 ແສນຄົນແລ້ວ

- o2c41msc - ຜູ້ຕິດເຊື້ອພະຍາດຖອກທ້ອງ ຢູ່ເຢເມນເກີນ 3 ແສນຄົນແລ້ວ

- new3 - ຜູ້ຕິດເຊື້ອພະຍາດຖອກທ້ອງ ຢູ່ເຢເມນເກີນ 3 ແສນຄົນແລ້ວ

ຈຳນວນ​ຜູ້​ຕິດ​ເຊື້ອພະຍາດ​ຖອກທ້ອງ​ຢູ່​ເຢ​ເມນ ນັບ​ແຕ່​ທ້າຍ​ເດືອນ​ເມສາ​ຜ່ານ​ມາ​ເພີ່ມ​ຂຶ້ນ​ຫລາຍ​ກວ່າ 3 ​ແສນ​ຄົນ​ແລ້ວ ຕາມ​ການ​ຕີ​ລາຄາ​ຂອງ​ຄະນະ​ກຳມະການ​ກາ​ແດງ​ສາກົນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ຊາ​ນາ ປະ​ເທດ​ເຢ​ເມນ ​ໃນ​ວັນ​ທີ 11 ກໍລະກົດ​ນີ້​ວ່າ: ຄະນະ​ກຳມະການ​ກາ​ແດງ​ສາກົນ (ICRC) ລາຍ​ງານ​ຈຳນວນ​ຜູ້​ຕິດ​ເຊື້ອພະຍາດ​ຖອກທ້ອງ​ຢູ່​ເຢ​ເມນ ນັບ​ແຕ່​ທ້າຍ​ເດືອນ​ເມສາ​ຈົນ​ເຖິງ​ວັນ​ທີ 10 ກໍລະກົດ​ນີ້ ​ຫລາຍ​ກວ່າ 3 ​ແສນ​ຄົນ​ແລ້ວ ຫລື ​ເປ​ັນການ​ພົບ​ຜູ້​ຕິດ​ເຊື້ອລາຍ​ໃໝ່​ເພີ່ມ​ຂຶ້ນສະ​ເລ່ຍ 7 ພັນ​ຄົນ​ຕໍ່​ວັນ, ​ເຖິງ​ວ່າ​ສະຖິຕິ​ຂອງ​ອົງການ​ອະນາ​ໄມ​ໂລກ (WHO) ຍັງ​ລະບຸ​ຈຳນວນ​ຜູ້​ຕິດ​ເຊື້ອສະ​ສົມ​ຈາກ​ພະຍາດ​ຖອກທ້ອງ​ຢູ່​ເຢ​ເມນ​ໄວ້​ຢ່າງ​ໜ້ອຍ 297.438 ຄົນ ຈົນ​ເຖິງ​ວັນ​ທີ 7 ກໍລະກົດ, ​ແຕ່​ມີ​ຄວາມ​ເປັນ​ໄປ​ໄດ້​ສູງ​ວ່າ​ຈະ​ມີ​ການ​ເພີ່ມ​ຂຶ້ນຂອງ​ຕົວ​ເລກ​ກາຍ 3 ​ແສນ​ຄົນ​.

- 96631090 4d01333a 4da7 4bcc 91eb 50b610214ae5 - ຜູ້ຕິດເຊື້ອພະຍາດຖອກທ້ອງ ຢູ່ເຢເມນເກີນ 3 ແສນຄົນແລ້ວ

- lattana 1 - ຜູ້ຕິດເຊື້ອພະຍາດຖອກທ້ອງ ຢູ່ເຢເມນເກີນ 3 ແສນຄົນແລ້ວ

ຂະນະ​ທີ່​ຈຳນວນ​ຜູ້​ເສຍ​ຊີວິດ​ຈາກ​ພະຍາດ​ຖອກທ້ອງ​ຢູ່​ເຢ​ເມນ​ຕາມ​ສະຖິຕິ​ຂອງ WHO ມີ​ຢ່າງ​ໜ້ອຍ 1.614 ຄົນ ທ່າມກາງ​ຄວາມ​ກັງວົນ​ກ່ຽວ​ກັບ​ລະບົບ​ການ​ບໍລິຫານ​ຈັດການ​ສະຖານະ​ການ ​ເນື່ອງ​ຈາກ​ເສດຖະກິດ​ຂອງ​ເຢ​ເມນ​ຢູ່​ໃນ​ສະພາບ​ລົ້ມລະລາຍ ສົ່ງ​ຜົນ​ໃຫ້​ໜ່ວຍ​ງານ​ລັດ​ບໍ່​ມີ​ງົບປະມານ​ພຽງພໍ​ໃນ​ການຈັດ​ຊື້​ເຄື່ອງມື​ການ​ແພດ ​ແລະ ​ເປັນ​ຄ່າ​ຕອບ​ແທນ​ສຳລັບ​ເຈົ້າໜ້າ​ທີ່​ສາທາລະນະ​ສຸກ​ປະມານ 30 ພັນ​ຄົນ ທີ່​ບໍ່​ເຄີຍ​ໄດ້​ຮັບ​ຄ່າ​ແຮງ​ງານ​ມາ 1 ປີ​ແລ້ວ ​ເຊິ່ງສະຫະ​ປະຊາ​ຊາດ (UN) ​ໄດ້​ແກ້​ໄຂ​ສະຖານະ​ການ​ດ້ວຍ​ການ​ຈ່າຍ​ຄ່າ​ຕອບ​ແທນ​ເພື່ອ​ການ​ຈູງ​ໃຈ​ໃຫ້​ແກ່​ເຈົ້າໜ້າ​ທີ່​ທຸກ​ຄົນ ​ເພື່ອ​ກະ​ຕຸ້ນ​ການ​ມີ​ສ່ວນ​ຮ່ວມ​ໃນ​ພາລະກິດ​ຈົນ​ກວ່າ​ຈະ​ສຳ​ເລັດ.

ທັງ​ນີ້, ICRC ​ແລະ WHO ຍັງ​ໃຫ້​ນ້ຳໜັກ​​ໄປ​ທີ່​ສະຖານະ​ການ​ສົງຄາມ​ກາງ​ເມືອງ​ຢູ່​ເຢ​ເມນ​ທີ່​ທະວີ​ຄວາ​ມຮຸນ​ແຮງ​ນັບ​ແຕ່​ອາຣັບບີ​ ຊາ​ອຸ​ດິດ ​ແລະ ພັນທະ​ມິດ​ເຂົ້າມາ​ມີ​ສ່ວນ​ຮ່ວມ​ແຕ່​ປີ 2015 ຄື​ປັດ​ໄຈ​ສຳຄັນ​ທີ່​ເຮັດ​ໃຫ້​ສະຖານະ​ການ​ແຜ່​ລະບາດ​ຂອງ​ພະຍາດ​ຖອກທ້ອງ​ລຸກລາມ​ຂະຫຍາຍ​ວົງ​ກວ້າງ ​ເນື່ອງ​ຈາກ​ການ​ສູ້​ຮົບ​ໄດ້​ທຳລາຍ​ລະບົບ​ສາທາລະນະ​ສຸກ​ທັງ​ໝົດ.

error: Content is protected !!