VinFast ລົດຫວຽດນາມ ວາງແຜນເປີດໂຮງງານຢູ່ອາເມລິກາ ລຸຍຕະຫລາດລົດໄຟຟ້າລະດັບໂລກ

vinfast ລົດຫວຽດນາມ ວາງແຜນເປີດໂຮງງານຢູ່ອາເມລິກາ ລຸຍຕະຫລາດລົດໄຟຟ້າລະດັບໂລກ - 6349BBF6 8F07 4028 94A1 4E16C0E13BF7 e1560521698663 - VinFast ລົດຫວຽດນາມ ວາງແຜນເປີດໂຮງງານຢູ່ອາເມລິກາ ລຸຍຕະຫລາດລົດໄຟຟ້າລະດັບໂລກ
vinfast ລົດຫວຽດນາມ ວາງແຜນເປີດໂຮງງານຢູ່ອາເມລິກາ ລຸຍຕະຫລາດລົດໄຟຟ້າລະດັບໂລກ - Untitled design - VinFast ລົດຫວຽດນາມ ວາງແຜນເປີດໂຮງງານຢູ່ອາເມລິກາ ລຸຍຕະຫລາດລົດໄຟຟ້າລະດັບໂລກ

ຄ້າຍ​ລົດ​ຫວຽດນາມ VinFast ວາງ​ແຜນ​ເປີດ​ໂຮງງານ​ຢູ່​ອາ​ເມ​ລິ​ກາ ລຸຍ​ຕະຫລາດ​ລົດຍົນ​ໄຟຟ້າ ຫວັງ​ຄອງ​ສ່ວນ​ແບ່ງ​ລົດຍົນ​ໄຟຟ້າ​ລະດັບ​ໂລກ ພ້ອມ​ພັດທະນາ​ຍານພາຫະນະ​ພະລັງງານ​ໄຟຟ້າ​ໃຫ້​ເຂົ້າ​ເຖິງ​ທຸກ​ກຸ່ມ ທັງ​ຢູ່​ຫວຽດນາມ ​ແລະ ຕະຫລາດ​ຕ່າງປະ​ເທດ.

ວັນ​ທີ 2 ມີນາ 2021, ​ເວັບ​ໄຊ Bloomberg ລາຍ​ງານ​ວ່າ: ບໍລິສັດ VinFast ຜູ້ຜະລິດ​ລົດຍົນ​ໄຟຟ້າ​ສັນຊາດ​ຫວຽດນາມ ວາງ​ແຜນ​ເປີດ​ໂຮງງານ​ຜະລິດ​ລົດຍົນ​ໄຟຟ້າ​ຢູ່​ອາ​ເມ​ລິ​ກາ ຫລັງ​ເລີ່​ມວ່າ​ຈ້າງ​ພະນັກງານ 50 ຄົນ ​ແລະ ຕັ້ງສຳນັກງານ​ວິ​ໄຈ​ໃນ​ນະຄອນ​ຊານ​ຟຣານຊິ​ສ​ໂກ​ຂອງ​ອາ​ເມ​ລິ​ກາ​ແລ້ວ.

ລາຍ​ງານ​ລະບຸ​ວ່າ: “VinFast” ຍັງ​ຢູ່​ໃນ​ໄລຍະ​ເລີ່​ມຕົ້ນຫາ​ພື້ນທີ່​ທີ່​ເໝາະ​ສົມ​ສຳລັບ​ການຈັດຕັ້ງ​ໂຮງງານ​ຢູ່​ອາ​ເມ​ລິ​ກາ ​ແລະ ຍັງ​ບໍ່​ມີ​ຂອບ​ເວລາ​ໃນ​ການ​ສ້າງ​ໂຮງງານ​ທີ່​ຈະ​ແຈ້ງ. ​ເຖິງ​ຢ່າງ​ໃດ​ກໍ​ຕາມ, ຄ້າຍ​ລົດຍົນ​ສັນຊາດ​ຫວຽດນາມ​ນີ້​ມີ​ແຜນ​ສົ່ງ​ລົດຍົນ​ໄຟຟ້າ​ເຂົ້າ​ໄປ​ຈຳໜ່າຍ​ຢູ່​ອາ​ເມ​ລິ​ກາ, ກາ​ນາ​ດາ ​ແລະ ​ເອີຣົບ ພາຍ​ໃນ​ປີໜ້າ ​ເຊິ່ງ​ໃນ​ປີ​ນີ້ VinFast ປະກາດ​ເປີດ​ຮ້ານ​ວາງສະ​ແດງ ​ແລະ ສູນ​ບໍລິການ 35 ​ແຫ່ງ​ໃນ​ລັດ​ແຄ​ລິ​ຟໍ​ເນຍ ​ເພື່ອ​ກຽມພ້ອມ​ແຂ່ງຂັນ​ໃນ​ຕະຫລາດ​ອາ​ເມ​ລິ​ກາ.

​ໃນຕົ້ນ​ເດືອນ​ກຸມພາ​ຜ່ານ​ມາ, VinFast ຫາ​ກໍ​ໄດ້​ສິດ​ໃນ​ການ​ທົດ​ລອງ​ລົດຍົນ​ຂັບ​ເຄື່ອນ​ອັດຕະ​ໂນ​ມັດ​ໃນ​ຖະໜົນ​ຢູ່​ລັດ​ແຄ​ລິ​ຟໍ​ເນຍ ​ເຮັດ​ໃຫ້​ຄ້າຍ​ລົດຍົນ​ສັນຊາດ​ຫວຽດນາມ​ຄ້າຍ​ນີ້​ຖືກ​ຕິດຕາມ​ຫລາຍ​ຂຶ້ນວ່າ: ອາ​ດ​ເປັນ​ອີກ​ໜຶ່ງ​ຕົວ​ເລືອກ​ຂອງ​ລົດຍົນ​ໄຟຟ້າ​ໃນ​ຜູ້​ຊົມ​ໃຊ້​ຊາວ​ອາ​ເມ​ລິ​ກາ.

vinfast ລົດຫວຽດນາມ ວາງແຜນເປີດໂຮງງານຢູ່ອາເມລິກາ ລຸຍຕະຫລາດລົດໄຟຟ້າລະດັບໂລກ - Wave100S AD to Website 2020 0 - VinFast ລົດຫວຽດນາມ ວາງແຜນເປີດໂຮງງານຢູ່ອາເມລິກາ ລຸຍຕະຫລາດລົດໄຟຟ້າລະດັບໂລກ

ສຳລັບ​ຄ້າຍ​ລົດຍົນ VinFast ​ເປັນ​ສ່ວນ​ໜຶ່ງ​ຂອງ VinGroup ບໍລິສັດ​ເອກະ​ຊົນ​ຍັກ​ໃຫຍ່​ສັນຊາດ​ຫວຽດນາມ ສ້າງຕັ້ງ​ໂດຍ​ Pham Nhat Vuong ​ເຊິ່ງຖືກ​ລະບຸ​ວ່າ​ເປັນ​ມະຫາ​ເສດຖີ​ອັນ​ດັບ 1 ຂອງ​ປະ​ເທດ ​ເຊິ່ງ​ໃນ​ປີຜ່ານມາ ສາມາດ​ຂາຍ​ລົດຍົນ​ໄດ້ 30.000 ຄັນ, ສ່ວນ​ປີ​ນີ້​ຄາດ​ວ່າ​ຈະ​ຂະຫຍາຍ​ຍອດ​ຂາຍ​ລົດ​ຍົນ VinFast ​ໃຫ້​ເພີ່ມ​ຂຶ້ນ​ເປັນ 45.000 ກວ່າ​ຄັນ.

ບໍລິສັດ VinFast ມີ​ແຜນ​ເດີນ​ໜ້າ​ລົດຍົນ​ໄຟຟ້າ​ຢ່າງ​ຈິງ​ຈັງ​ໃນ​ປີ​ນີ້ ດ້ວຍ​ການ​ສ້າງ​ໂຮງງານ​ໃນ​ປະ​ເທດ​ຫວຽດນາມ ຜະລິດ​ລົດຍົນ​ໄຟຟ້າ ລວມທັງ​ລົດ​ເມ​ໄຟຟ້າ ​ແລະ ລົດຈັກ​ໄຟຟ້າ ​ເພື່ອ​ຄວບ​ຄຸມ​ຄວາມ​ຕ້ອງການ​ໃນ​ຕະຫລາດ​ຕ່າງປະ​ເທດ ​ແລະ ຕະຫລາດ​ຫວຽດນາມ​ທີ່​ຄົນ​ນິຍົມ​ໃຊ້​ລົດຈັກ​ໃນ​ການ​ເດີນທາງ.

vinfast ລົດຫວຽດນາມ ວາງແຜນເປີດໂຮງງານຢູ່ອາເມລິກາ ລຸຍຕະຫລາດລົດໄຟຟ້າລະດັບໂລກ - WhatsApp Image 2020 05 27 at 5 - VinFast ລົດຫວຽດນາມ ວາງແຜນເປີດໂຮງງານຢູ່ອາເມລິກາ ລຸຍຕະຫລາດລົດໄຟຟ້າລະດັບໂລກ
vinfast ລົດຫວຽດນາມ ວາງແຜນເປີດໂຮງງານຢູ່ອາເມລິກາ ລຸຍຕະຫລາດລົດໄຟຟ້າລະດັບໂລກ - WhatsApp Image 2020 05 27 at 5 - VinFast ລົດຫວຽດນາມ ວາງແຜນເປີດໂຮງງານຢູ່ອາເມລິກາ ລຸຍຕະຫລາດລົດໄຟຟ້າລະດັບໂລກ

Comment

    anxiety
    02/03/2021 - 2:35 pm

    Hi, I do believe this is an excellent site. I stumbledupon it 😉 I am going to come back
    yet again since I book marked it. Money and freedom is the best
    way to change, may you be rich and continue to
    help other people.

Comments are closed.

error: Alert: ເນື້ອຫາຂ່າວມີລິຂະສິດ !!