ອົດສະຕຣາລີຕັ້ງ “ໜ່ວຍງານປາບຂ່າວລື” ກວາດລ້າງຂ່າວປອມລະບາດ

ອົດສະຕຣາລີຕັ້ງ “ໜ່ວຍງານປາບຂ່າວລື” ກວາດລ້າງຂ່າວປອມລະບາດ - 55361415 401 - ອົດສະຕຣາລີຕັ້ງ “ໜ່ວຍງານປາບຂ່າວລື” ກວາດລ້າງຂ່າວປອມລະບາດ
ອົດສະຕຣາລີຕັ້ງ “ໜ່ວຍງານປາບຂ່າວລື” ກວາດລ້າງຂ່າວປອມລະບາດ - Untitled design - ອົດສະຕຣາລີຕັ້ງ “ໜ່ວຍງານປາບຂ່າວລື” ກວາດລ້າງຂ່າວປອມລະບາດ

ອົດ​ສະຕຣາລີ​ຕັ້ງໜ່ວຍ​ງານ​ປາບ​ຂ່າວ​ລືກວາດ​ລ້າງ​ຂ່າວ​ປອມ​ກ່ຽວ​ກັບ​ວັກ​ຊີ​ນ​ໂຄ​ວິດ-19 ທີ່​ແຜ່​ກະຈາຍ​ຢ່າງ​ວ່ອງ​ໄວ​ໃນ​ໂລກ​ອອນ​ລາຍ.

ຫລາຍ​ປະ​ເທດ​ກຳລັງ​ກັງວົນ​ກ່ຽວ​ກັບ Anti-vaxxer ຫລື ກຸ່ມ​ຕໍ່ຕ້ານ​ວັກ​ຊີ​ນ ​ເນື່ອງ​ຈາກ​ຈະ​ເປັນ​ອັນຕະລາຍ ​ແລະ​ ຂັດ​ຂວາງ​ຄວາມ​ພະຍາຍາມ​ສັກ​ວັກ​ຊີ​ນຂອງ​ລັດຖະບານ​ທ່າມກາງ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ທີ່​ຫລ້າ​ສຸດ​ຕົວ​ເລກ​ຜູ້​ຕິດ​ເຊື້ອ​ໃໝ່​ທົ່ວ​ໂລກ​ກັບ​ມາ​ເພີ່ມ​ຂຶ້ນອີກ.

​ເຊິ່ງອົດ​ສະຕຣາລີ​ເປັນ​ໜຶ່ງ​ໃນ​ນັ້ນ ​ໂດຍ​ສະ​ເພາະ​ໃນ​ເດືອນ​ກຸມພາ​ຜ່ານ​ມາ ອົດ​ສະຕຣາລີ​ປະສົບ​ບັນຫາ​ຖືກ​ລະງັບ​ຂ່າວສານ​ຈາກ​ເຟສບຸກ ​ເຮັດ​ໃຫ້​ເກີດ​ຄວາມ​ກັງວົນ​ວ່າ​ຈະ​ມີ​ການ​ແຊຣ໌ຂ່າວສານ​ທີ່​ບໍ່​ມີ​ມູນ​ຄວາມ​ຈິງ ຫລື ທິດ​ສະ​ດີ​ສົມຄົບ​ຄິດ​ທີ່​ບໍ່​ຖືກຕ້ອງ​ ​ໃນ​ຂະນະ​ທີ່​ແຫ​ລ່ງຂ່າວ​ທີ່​ໜ້າ​ເຊື່ອ​ຖືຖືກ​ລະງັບ​ການ​ເຂົ້າ​ເຖິງ.

​ເຊິ່ງ​ເປັນ​ອັນຕະລາຍ​ຢ່າງ​ຍິ່ງ​ໃນ​ໄລຍະ​ເກີດ​ວິ​ກິດ​ພະຍາດ​ລະບາດ​ໂຄ​ວິດ-19 ​ໂດຍ​ການ​ໂຈະ​ການ​ເຂົ້າ​ເຖິງ​ຂອງ​ເຟສບຸກ​ເກີດຂຶ້ນພຽງ​ບໍ່​ເທົ່າ​ໃດ​ມື້ກ່ອນ​ການ​ເປີດ​ຕົວ​ວັກ​ຊີ​ນ​ໃນ​ອົດ​ສະຕຣາລີ​ທ່າມກາງ​ຄວາມ​ກັງວົນ​ວ່າຂໍ້​ມູນ​ຂ່າວສານ​ຈາກ​ທາງ​ການ​ອາດ​ຖືກ​ລຶບ​ດ້ວຍ​ຂ່າວ​ປອມ​ຈາກ​ກຸ່ມ Anti-vaxxer.

​ໃນ​ວັນ​ທີ 1 ມີນາ, ສຳນັກ​ຂ່າວ​ຊິນ​ຮົວລາຍ​ງານ​ວ່າ: ​ເກຣັກ ຮັນ ລັດຖະມົນຕີ​ກະຊວງ​ສາທາລະນະ​ສຸກ​ຂອງ​ອົດ​ສະຕຣາລີ ​ເປີດ​ເຜີຍ​ວ່າ: ກະຊວງ​ສາທາລະນະ​ສຸກ ​ແລະ ກະຊວງ​ກິດຈະ​ການ​ພາຍ​ໃນ​ຂອງ​ອົດ​ສະຕຣາລີ​ຮ່ວມ​ສ້າງຕັ້ງ “ໜ່ວຍ​ງານ​ປາບ​ຂ່າວ​ລື” ​ແບບ “ງຽບໆ” ​ໃນ​ປີ 2020 ​ເພື່ອ​ກວາດ​ລ້າງ​ຂໍ້​ມູນ​ປອມ​ກ່ຽວ​ກັບ​ວັກ​ຊີ​ນປ້ອງ​ກັນ​ພະຍາດ​ຕິດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ (​ໂຄ​ວິດ-19) ທີ່​ແຜ່​ກະຈາຍ​ຢ່າງ​ວ່ອງ​ໄວ​ໃນ​ໂລກ​ອອນ​ລາຍ.

ອົດສະຕຣາລີຕັ້ງ “ໜ່ວຍງານປາບຂ່າວລື” ກວາດລ້າງຂ່າວປອມລະບາດ - Wave100S AD to Website 2020 0 - ອົດສະຕຣາລີຕັ້ງ “ໜ່ວຍງານປາບຂ່າວລື” ກວາດລ້າງຂ່າວປອມລະບາດ

ຜົນສຳ​ຫລວດ​ໂດຍ​ຄະນະ​ນັກວິ​ໄຈ​ຂອງ​ມະຫາວິທະຍາ​ໄລ​ແຫ່ງ​ຊາດ​ອົດ​ສະຕຣາລີ (ANU) ​ໃນ​ເດືອນ​ກຸມພາ ພົບ​ລະດັບ​ຄວາມ​ສົງ​ໄສ​ກ່ຽວ​ກັບ​ວັກ​ຊີ​ນຂອງ​ປະຊາຊົນ​ໃນ​ອົດ​ສະຕຣາລີ​ເພີ່ມ​ຂຶ້ນ ​ໂດຍ​ຜູ້​ຕອບ​ແບບ​ສອບ​ຖາມ​ຫລາຍ​ກວ່າ 20% ລະບຸ​ວ່າ: ພວກ​ເຂົາ “ອາດ​ປະຕິ​ເສດ” ຫລື “ປະຕິ​ເສດ​ຢ່າງ​ເດັດຂາດ” ​ໃນ​ການ​ເປັນ​ອາສາ​ສະໝັກ​ຮັບ​ວັກ​ຊີ​ນຟຣີ ​ເຊິ່ງ​ເພີ່ມ​ຂຶ້ນຈາກ 12,7% ​ໃນ​ເດືອນ​ສິງຫາ 2020. ຂະນະ​ທີ່​ກຸ່ມ​ຜູ້​ຕອບ​ແບບ​ສອບ​ຖາມ​ທີ່​ລະບຸ​ວ່າ:​ ພວກ​ເຂົາ​ຈະ​ຕອບ​ຮັບ​ການ​ເປັນ​ອາສາ​ສະໝັກ “ຢ່າງ​ແນ່ນອນ” ​ມີ 43,7% ຫລຸດ​ລົງ​ຈາກ 58,5%.

ທ່ານ ຮັນ ​ເປີດ​ເຜີຍ​ການ​ມີ​ຢູ່​ຂອງ​ໜ່ວຍ​ງານ​ປາບ​ຂ່າວ​ລື ຂະນະ​ຖະ​ແຫລ​ງຂ່າວ​ໃນ​ວັນ​ທີ 28 ກຸມພາ​ວ່າ: ອົດ​ສະຕຣາລີ​ໄດ້​ຮັບ​ວັກ​ຊີ​ນຂອງ AstraZeneca ຊຸດ​ທຳ​ອິດ​ຈຳນວນ 300.000 ​ໂດ​ສ ​ໂດຍ​ຈະ​ເລີ່​ມສັກ​ວັກ​ຊີ​ນ​ໂດ​ສທຳ​ອິດ​ພາຍ​ໃນ​ວັນ​ທີ 8 ມີນາ ຫລັງ​ຜ່ານ​ການ​ທົດ​ລອງ​ຈາກ​ສຳນັກ​ບໍລິຫານ​ສິນຄ້າ​ຮັກສາ​ພະຍາດ (TGA) ຂອງ​ອົດ​ສະຕຣາລີ​ແລ້ວ.

ທ່ານ ສະກ໊ອດ ມໍຣິສັນ ນາຍົກລັດຖະມົນຕີອົດສະຕຣາລີ ກ່າວ​ວ່າ: ການ​ໄດ້​ຮັບ​ວັກ​ຊີ​ນ​ໝາຍ​ຄວາມ​ວ່າ: ບັດ​ນີ້​ພວກ​ເຮົາ​ສາມາດ​ດຳ​ເນີນ​ການ​ສັກ​ວັກ​ຊີ​ນ​ໃຫ້​ຄົນ​ກຸ່ມ​ຕ່າງໆ​ທີ່​ຈຳ​ເປັນ​ຕ້ອງ​ໄດ້​ຮັບ​ວັກ​ຊີ​ນ ນັບ​ແຕ່​ຊາວ​ອົດ​ສະຕຣາລີ​ທີ່​ສ່ຽງ​ຕິດ​ເຊື້ອສູງ​ສຸດ​ຈົນ​ເຖິງ​ກຸ່ມ​ເຈົ້າໜ້າ​ທີ່​ແນວ​ໜ້າ​ຊາຍ​ແດນ ​ແລະ ກຸ່ມ​ເຈົ້າໜ້າ​ທີ່​ສາທາລະນະ​ສຸກ.

ອົດສະຕຣາລີຕັ້ງ “ໜ່ວຍງານປາບຂ່າວລື” ກວາດລ້າງຂ່າວປອມລະບາດ - WhatsApp Image 2020 05 27 at 5 - ອົດສະຕຣາລີຕັ້ງ “ໜ່ວຍງານປາບຂ່າວລື” ກວາດລ້າງຂ່າວປອມລະບາດ
ອົດສະຕຣາລີຕັ້ງ “ໜ່ວຍງານປາບຂ່າວລື” ກວາດລ້າງຂ່າວປອມລະບາດ - WhatsApp Image 2020 05 27 at 5 - ອົດສະຕຣາລີຕັ້ງ “ໜ່ວຍງານປາບຂ່າວລື” ກວາດລ້າງຂ່າວປອມລະບາດ
error: Alert: ເນື້ອຫາຂ່າວມີລິຂະສິດ !!