ແຈັກ ໝ່າ ຕົກອັນດັບ ເສຍແຊ້ມຊາວຈີນລວຍທີ່ສຸດ

ແຈັກ ໝ່າ ຕົກອັນດັບ ເສຍແຊ້ມຊາວຈີນລວຍທີ່ສຸດ - e - ແຈັກ ໝ່າ ຕົກອັນດັບ ເສຍແຊ້ມຊາວຈີນລວຍທີ່ສຸດ
ແຈັກ ໝ່າ ຕົກອັນດັບ ເສຍແຊ້ມຊາວຈີນລວຍທີ່ສຸດ - Untitled design - ແຈັກ ໝ່າ ຕົກອັນດັບ ເສຍແຊ້ມຊາວຈີນລວຍທີ່ສຸດ

​ແຈັກ ໝ່າ ມະຫາ​ເສດຖີ​ຊາວ​ຈີນ ຜູ້​ສ້າງຕັ້ງບໍລິສັດ​ອາລີ​ບາ​ບາ ​ແລະ ​ແອນ ກຣຸບ ​ເສຍ​ຕຳ​ແໜ່​ງຊາວ​ຈີນ​ລວຍ​ທີ່​ສຸດ ຈາກ​ການຈັດ​ອັນ​ດັບ​ຂອງ Hurun Global Rich List ປີ 2021 ​ເຊິ່ງຜົນ​ການຈັດ​ອັນ​ດັບ​ຫາ​ກໍ​​ເຜີຍ​ແຜ່​ອອກ​ໃນ​ວັນ​ທີ 2 ມີນາ 2021.

ຜ່ານ​ມາ, ​ແຈັກ ໝ່າ ຄອງ​ຕຳ​ແໜ່ງຊາວ​ຈີນ​ລວຍ​ທີ່​ສຸດ​ໃນ​ໂລກ​ປີ 2019 ​ແລະ ປີ 2020, ​ແຕ່​ປີ​ນີ້ ລາວ​ຕົກ​​ໄປ​ເປັນອັນ​ດັບ​ທີ 4 ​ໂດຍ​ອັນ​ດັບ​ທີ 1 ຄື ຈົງ ຊານ​ຊານ ​ເຈົ້າຂອງ​ບໍລິສັດ​ໜົງຟູ ຜູ້​ຜະລິດ​ເຄື່ອງ​ດື່ມ, ອັນ​ດັບ 2 ຄື ​ໂພ​ນີ ໝ່າ ​ເຈົ້າຂອງ​ບໍລິສັດ​ເທັນ​ເຊັນ, ອັນ​ດັບ 3 ຄື ຄໍ​ລິນ ຫວາງ ​ເຈົ້າຂອງ​ບໍລິສັດ​ອີ​ຄອມ​ເມີດ​ພິງ​ຕົວ​ຕົວ.

ລາຍ​ງານ​ການຈັດ​ອັນ​ດັບ ລະບຸ​ວ່າ: ການ​ຕົກ​ຕຳ​ແໜ່​ງ 1 ​ໃນ 3 ມະຫາ​ເສດຖີ​ຈີນ​ລວຍ​ທີ່​ສຸດ​ຂອງ ​ແຈັກ ໝ່າ ​ເກີດ​ຂຶ້ນຫລັງ​ຈາກ​ລັດຖະບານ​ຈີນ​ເຂົ້າກວດ​ສອບ​ກຸ່ມ​ບໍລິສັດ​ຂອງ​ລາວ​ຢ່າງ​ໜັກ.

ແຈັກ ໝ່າ ຕົກອັນດັບ ເສຍແຊ້ມຊາວຈີນລວຍທີ່ສຸດ - Wave100S AD to Website 2020 0 - ແຈັກ ໝ່າ ຕົກອັນດັບ ເສຍແຊ້ມຊາວຈີນລວຍທີ່ສຸດ

ກ່ອນ​ໜ້າ​ນີ້ ​ໃນ​ເດືອນ​ຕຸລາ 2020 ​ແຈັກ ໝ່າ ​ໄດ້​ກ່າວ​ສູນ​ທອນ​ພົດ​ຕຳ​ໜິລະບົບ​ລັດຖະບານ​ຈີນ, ຫລັງ​ຈາກ​ນັ້ນ ບໍລິສັດ​ແອນ ກຣຸບ ຂອງ​ລາວ​ຖືກ​ລະງັບ​ການ​ເຮັດ​ໄອ​ພີ​ໂອ ຫລື ການ​ນຳ​ຫຸ້ນ​ອອກ​ຂາຍ​ໃຫ້​ປະຊາຊົນ​ທົ່ວ​ໄປ​ຄັ້ງທຳ​ອິດ ​ເຊິ່ງມີ​ມູນ​ຄ່າ​ສູງ​ເຖິງ 37.000 ລ້ານ​ໂດ​ລາ​ສະຫະລັດ ​ແລະ ກຸ່ມ​ບໍລິສັດ​ຂອງ​ລາວ​ຖືກ​ກວດ​ສອບ​ຢ່າງ​ໜັກຈາກ​ລັດຖະບານ ລວມທັງ ​ແຈັກ ໝ່າ ​ເອງ​ກໍ​ບໍ່​ປາກົດ​ຕົວ​ໃນສາທາລະນະ​ເປັນ​ເວລາ​ປະມານ 3 ​ເດືອນ ຈົນ​ເຄີຍ​ມີ​ຂ່າວ​ວ່າ​ລາວ​ຖືກ​ລັດຖະບານ​ຈີນ​ຄວບ​ຄຸມ​ຕົວ ກ່ອນ​ທີ່​ລາວ​ຈະ​ປາກົດ​ຕົວ​ຜ່ານ​ວິ​ດີ​ໂອ​ຄວາມ​ຍາວ 50 ວິນາທີ ​ເພື່ອ​ຮ່ວມ​ງານ​ໂຄງການ​ການ​ກຸສົນ​ກ່ຽວ​ກັບ​ການ​ສຶກສາ​ຂອງ​ບໍລິສັດ​ຕົນ​ເອງ.

ແຈັກ ໝ່າ ຕົກອັນດັບ ເສຍແຊ້ມຊາວຈີນລວຍທີ່ສຸດ - WhatsApp Image 2020 05 27 at 5 - ແຈັກ ໝ່າ ຕົກອັນດັບ ເສຍແຊ້ມຊາວຈີນລວຍທີ່ສຸດ
ແຈັກ ໝ່າ ຕົກອັນດັບ ເສຍແຊ້ມຊາວຈີນລວຍທີ່ສຸດ - WhatsApp Image 2020 05 27 at 5 - ແຈັກ ໝ່າ ຕົກອັນດັບ ເສຍແຊ້ມຊາວຈີນລວຍທີ່ສຸດ
error: Alert: ເນື້ອຫາຂ່າວມີລິຂະສິດ !!