ລ້ານຊ້າງ ມິເນໂຣນສ໌ ລິມິເຕັດ ສະໜັບສະໜູນວຽກງານກວດກູ້ລະເບີດ ໃນ ສປປ ລາວ

ລ້ານຊ້າງ ມິເນໂຣນສ໌ ລິມິເຕັດ ສະໜັບສະໜູນວຽກງານກວດກູ້ລະເບີດ ໃນ ສປປ ລາວ - PR Mining Conference Group Photo cropped scaled - ລ້ານຊ້າງ ມິເນໂຣນສ໌ ລິມິເຕັດ ສະໜັບສະໜູນວຽກງານກວດກູ້ລະເບີດ ໃນ ສປປ ລາວ
ລ້ານຊ້າງ ມິເນໂຣນສ໌ ລິມິເຕັດ ສະໜັບສະໜູນວຽກງານກວດກູ້ລະເບີດ ໃນ ສປປ ລາວ - Untitled design - ລ້ານຊ້າງ ມິເນໂຣນສ໌ ລິມິເຕັດ ສະໜັບສະໜູນວຽກງານກວດກູ້ລະເບີດ ໃນ ສປປ ລາວ

ໃນທ້າຍອາທິດທີ່ຜ່ານມາ, ບໍລິສັດ ລ້ານຊ້າງ ມິເນໂຣນສ໌ ລິມິເຕັດ (ລຊມລ) ບໍ່ຄຳ-ທອງເຊໂປນ ໄດ້ລົງນາມບົດບັນທຶກຄວາມເຂົ້າໃຈ ກັບກະຊວງປ້ອງກັນປະເທດ ເພື່ອຮ່ວມມືສະໜັບສະໜູນການເກັບກູ້ລະເບີດທີ່ບໍ່ທັນແຕກຕົກຄ້າງຢູ່ເຂດບໍ່-ຄຳທອງເຊໂປນ ແລະ ຍົກລະດັບຄວາມອາດສາມາດ ດ້ານວິຊາການກວດກູ້ຂອງກະຊວງປ້ອງກັນປະເທດ ເພື່ອຜົນປະໂຫຍດຂອງລູກຫລານຄົນຮຸ່ນໃໝ່ໃນອານາຄົດຂອງ ສປປ ລາວ. ​ໂດຍ​ການ​ຮ່ວມ​ລົງ​ນາມ ລະຫວ່າງ ທ່ານ ພັ.ອ ວຽງໄຊ ໄຊສະໝອນ ຫົວໜ້າກົມຊ່າງແສງ ກົມໃຫຍ່ເສນາທິການກະຊວງປ້ອງກັນປະເທດ ແລະ ທ່ານ ຊົງລິນ ຊາງ ຜູ້ຈັດການພະແນກບໍລິການເຕັກນິກບໍ່ແຮ່ ຂອງ ບໍລິສັດ ລຊມລ ​ໂດຍ​ມີ ທ່ານ ພັ.ທ ປາດຖະໜາ ບຸດຕິຈັກ ຮອງຫົວໜ້າຫ້ອງການກົມໃຫຍ່ເສນາທິການ ກະຊວງປ້ອງກັນປະເທດ ແລະ ທ່ານ ສະໝານ ອະເນກາ ຜູ້ອຳນວຍການໃຫຍ່ ລຊມລ ​ເຂົ້າ​ຮ່ວມ​ເປັນ​ສັກຂີ​ພິຍານ.

ທ່ານ ພັ.ອ ວຽງໄຊ ໄຊສະໝອນ ໄດ້ກ່າວວ່າ: ການຮ່ວມມືນີ້ແມ່ນເພື່ອສະໜັບສະໜູນໃຫ້ວຽກງານເກັບກູ້ລະເບີດບໍ່ທັນແຕກດຳເດີນໄປຢ່າງປອດໄພຖືກຕ້ອງຕາມມາດຕະຖານແຫ່ງຊາດຂອງຄະນະກຳມາການແຫ່ງຊາດ, ພວກເຮົາຈະສານຕໍ່ການຮ່ວມມືກັບ ລຊມລ ທີ່ມີມາເປັນທົດສະວັດ ເພື່ອບັນລຸພາກປະຕິບັດທີ່ດີທີ່ສຸດໃນການເກັບກູ້ ແລະ ການທຳລາຍລະເບີດທີ່ບໍ່ທັນແຕກທີ່ຕົກຄ້າງ. ໃນປີ 2015, ລຊມລ ແລະ ຄະນະກຳມະການຄຸ້ມຄອງແຫ່ງຊາດ ໄດ້ຮ່ວມກັນສ້າງຫລັກສູດຝຶກອົບຮົມກ່ຽວກັບ ການທຳລາຍລະເບີດທີ່ບໍ່ທັນແຕກ ເພື່ອສ້າງຄວາມອາດສາມາດ ໃຫ້ແກ່ນັກວິຊາການລາວ ໃຫ້ໄດ້ຮັບຄຸນວຸທິສູງທີ່ສຸດ ເປັນທີ່ຍອມຮັບໃນລະດັບສາກົນ. ໃນປີ 1996 ລຊມລ ໄດ້ລົງທຶນຫລາຍກວ່າ 51 ລ້ານໂດລາສະຫະລັດ, ໄດ້ເກັບກູ້ລະເບີດທີ່ຍັງບໍ່ທັນແຕກກວມໃນເນື້ອທີ 5.700 ເຮັກຕາ ແລະ ໄດ້ທຳລາຍລະເບີດທີ່ບໍ່ທັນແຕກໄດ້ 58.500 ລູກ.

ທ່ານ ສະໝານ ອະເນກາ ໃຫ້​ຮູ້ວ່າ: ວຽກງານເກັບກູ້ລະເບີດທີ່ບໍ່ທັນແຕກເປັນວຽກງານໜຶ່ງທີ່ສຳຄັນໃນວົງຈອນການຂຸດຄົ້ນ-ປຸງແຕ່ງ-ຜະລິດບໍ່ແຮ່. ສປປ ລາວ ເປັນປະເທດທີ່ຖືກຖິ້ມລະເບີດຕໍ່ຕົວຄົນທີ່ໜັກໜ່ວງທີ່ສຸດໃນໂລກ ແລະ ບໍ່ຄຳ-ທອງເຊໂປນ ກໍຕັ້ງຢູ່ບ່ອນທີ່ຖືກຖິ້ມລະເບີດລົງໃສ່ຫລາຍທີ່ສຸດໃນປະເທດ. ພວກເຮົາສືບຕໍ່ຫລຸດຜ່ອນອຸປະສັກທີ່ມີຜົນກະທົບທ່ວງດຶງ ການພັດທະນາຂອງ ສປປ ລາວ ແລະ ໄດ້ສູ້ຊົນເຮັດໃຫ້ຊຸມຊົນປອດໄພ ດ້ວຍການຍົກລະດັບຄວາມອາດສາມາດ ດ້ວຍການລົງທຶນໃນອຸປະກອນ ແລະ ເຜີຍແຜ່ຄວາມຮູ້ກ່ຽວກັບລະເບີດທີ່ບໍ່ທັນແຕກ ໃຫ້ແກ່ຄູ່ຮ່ວມງານ ແລະ ຊຸມຊົນຂອງພວກເຮົາ.

ລ້ານຊ້າງ ມິເນໂຣນສ໌ ລິມິເຕັດ ສະໜັບສະໜູນວຽກງານກວດກູ້ລະເບີດ ໃນ ສປປ ລາວ - Wave100S AD to Website 2020 0 - ລ້ານຊ້າງ ມິເນໂຣນສ໌ ລິມິເຕັດ ສະໜັບສະໜູນວຽກງານກວດກູ້ລະເບີດ ໃນ ສປປ ລາວ
ລ້ານຊ້າງ ມິເນໂຣນສ໌ ລິມິເຕັດ ສະໜັບສະໜູນວຽກງານກວດກູ້ລະເບີດ ໃນ ສປປ ລາວ - WhatsApp Image 2020 05 27 at 5 - ລ້ານຊ້າງ ມິເນໂຣນສ໌ ລິມິເຕັດ ສະໜັບສະໜູນວຽກງານກວດກູ້ລະເບີດ ໃນ ສປປ ລາວ
ລ້ານຊ້າງ ມິເນໂຣນສ໌ ລິມິເຕັດ ສະໜັບສະໜູນວຽກງານກວດກູ້ລະເບີດ ໃນ ສປປ ລາວ - WhatsApp Image 2020 05 27 at 5 - ລ້ານຊ້າງ ມິເນໂຣນສ໌ ລິມິເຕັດ ສະໜັບສະໜູນວຽກງານກວດກູ້ລະເບີດ ໃນ ສປປ ລາວ
error: Alert: ເນື້ອຫາຂ່າວມີລິຂະສິດ !!