ຫລາຍປະເທດເລັ່ງກວດສອບ ກໍລະນີມີຜູ້ເສຍຊີວິດ ຫລັງສັກວັກຊີນໂຄວິດ

ຫລາຍປະເທດເລັ່ງກວດສອບ ກໍລະນີມີຜູ້ເສຍຊີວິດ ຫລັງສັກວັກຊີນໂຄວິດ - covid 19 vaccine 360x347 1 - ຫລາຍປະເທດເລັ່ງກວດສອບ ກໍລະນີມີຜູ້ເສຍຊີວິດ ຫລັງສັກວັກຊີນໂຄວິດ
ຫລາຍປະເທດເລັ່ງກວດສອບ ກໍລະນີມີຜູ້ເສຍຊີວິດ ຫລັງສັກວັກຊີນໂຄວິດ - Untitled design - ຫລາຍປະເທດເລັ່ງກວດສອບ ກໍລະນີມີຜູ້ເສຍຊີວິດ ຫລັງສັກວັກຊີນໂຄວິດ

ມີ​ລາຍ​ງານ​ຜູ້​ເສຍ​ຊີວິດ​ຫລັງ​ສັກ​ວັກ​ຊີ​ນ​ໂຄ​ວິດ-19 ​ໃນ​ຫລາຍ​ປະ​ເທດ, ​ແຕ່​ຍັງ​ບໍ່​ຢືນຢັນ​ວ່າ​ກ່ຽວຂ້ອງ​ກັບ​ວັກ​ຊີ​ນ​ແຕ່​ຢ່າງ​ໃດ ​ເຊິ່ງທາງ​ການ​ກຳລັງ​ເລັ່ງກວດ​ສອບ ​ເພື່ອ​ຫາ​ຄຳ​ຕອບ​ຕໍ່​ໄປ.

ວັນ​ທີ 3 ມີນາ 2021, ສຳນັກ​ຂ່າວ​ທ້ອງ​ຖິ່ນ ສ.​ເກົາຫລີ ລາຍ​ງານ​ວ່າ: ທາງ​ການ ສ.​ເກົາຫລີ ກຳລັງ​ກວດ​ສອບ​ສາ​ເຫດການ​ເສຍ​ຊີວິດ​ຂອງ​ຊາວ ສ.​ເກົາຫລີ 2 ຄົນ ​ເຊິ່ງ​ເສຍ​ຊີວິດ​ພຽງ​ບໍ່​ເທົ່າ​ໃດ​ມື້ ຫລັງ​ເຂົ້າຮັບ​ການ​ສັກ​ວັກ​ຊີ​ນຕ້ານ​ພະຍາດ​ໂຄ​ວິດ-19 ຂອງ AstraZeneca.

​ໂດຍ​ຜູ້​ເສຍ​ຊີວິດ​ຄົນ​ທຳ​ອິດ​ອາຍຸ 63 ປີ ມີ​ໄຂ້​ສູງຫລັງ​ໄດ້​ຮັບ​ວັກ​ຊີ​ນດັ່ງກ່າວ ​ແລະ ​ເສຍ​ຊີວິດ​ຈາກ​ອາການປອດ​ອັກ​ເສບ ​ແລະ ​ເລືອດ​ເປັນ​ພິດ. ສຳລັບ​ຄົນທີ​ສອງ​ອາຍຸ​ປະມານ 50 ປີ ມີ​ພະຍາດ​ປະຈຳ​ຕົວ​ຄື​ພະຍາດຫົວ​ໃຈ ​ແລະ ​ເບົາຫວານ ​ເສຍ​ຊີວິດ​ຈາກ​ອາການ​ຫົວ​ໃຈ​ລົ້ມ​ເຫ​ລວກະທັນຫັນ​ໄດ້​ຮັບ​ວັກ​ຊີ​ນຊະນິດ​ດຽວ​ກັນ.

​ເຊັ່ນດຽວ​ກັບ​ຢູ່​ຮົງ​ກົງ ​ເຊິ່ງມີ​ຜູ້​ຊາຍ​ອາຍຸ 63 ປີ ມີ​ອາການ​ຫາຍ​ໃຈ​ຕິດ​ຂັດ ​ແລະ ​ເສຍ​ຊີວິດ​ຫລັງ​ໄດ້​ຮັບ​ວັກ​ຊີ​ນຕ້ານ​ພະຍາດ​ໂຄ​ວິດ-19 ພຽງ 2 ວັນ ​ເຊິ່ງຄາດ​ວ່າ​ເປັນ​ຂອງ Sinovac ​ເນື່ອງ​ຈາກ​ເປັນ​ວັກ​ຊີ​ນຊະນິດ​ດຽວ​ທີ່​ຮົງ​ກົງ​ອະນຸມັດ​ນຳ​ໃຊ້.

ທັງ​ນີ້, ຜູ້​ເສຍ​ຊີວິດ​ມີ​ອາການ​ປ່ວຍ​ຊ້ຳ​ເຮື້ອ ລວມທັງ​ມີ​ພະຍາດ​ກ່ຽວ​ກັບ​ລະບົບ​ທາງ​ເດີນ​ຫາຍ​ໃຈ​ກ່ອນ​ແລ້ວ. ​ເຖິງ​ຢ່າງ​ໃດ​ກໍ​ຕາມ, ຍັງ​ບໍ່​ມີ​ການ​ຢືນຢັນ​ວ່າ ການ​ເສຍ​ຊີວິດ​ກ່ຽວຂ້ອງ​ກັບ​ການ​ສັກ​ວັກ​ຊີ​ນ.

ຫລາຍປະເທດເລັ່ງກວດສອບ ກໍລະນີມີຜູ້ເສຍຊີວິດ ຫລັງສັກວັກຊີນໂຄວິດ - Wave100S AD to Website 2020 0 - ຫລາຍປະເທດເລັ່ງກວດສອບ ກໍລະນີມີຜູ້ເສຍຊີວິດ ຫລັງສັກວັກຊີນໂຄວິດ

​ໃນ​ວັນ​ທີ 1 ມີນາ​ຜ່ານ​ມາ, ປະ​ເທດ​ຍີ່ປຸ່ນ​ກໍ​ມີ​ລາຍ​ງານ​ຜູ້​ເສຍ​ຊີວິດ​ຫລັງ​ໄດ້​ຮັບ​ວັກ​ຊີ​ນ​ເປັນ​ຄົນ​ທຳ​ອິດ​ຂອງ​ປະ​ເທດ ​ໂດຍ​ຜູ້​ເສຍ​ຊີວິດ​ເປັນ​ຜູ້ຍິງ​ອາຍຸ​ປະມານ 60 ປີ ບໍ່​ມີ​ພະຍາດ​ປະຈຳ​ຕົວ ​ແລະ ປະຫວັດ​ການ​ແພ້​ຢາ ​ເຊິ່ງ​ໄດ້​ຮັບ​ວັກ​ຊີ​ນຂອງ Pfizer ກ່ອນ​ຈະ​ມີ​ອາການ​ເລືອດ​ອອກ​ໃນ​ສະໝອງ ​ແລະ ​ເສຍ​ຊີວິດ.

​ເຖິງ​ຢ່າງ​ໃດ​ກໍ​ຕາມ, ຍັງ​ບໍ່​ສາມາດ​ລະບຸ​ໄດ້​ວ່າ ການ​ເສຍ​ຊີວິດ​ກ່ຽວຂ້ອງ​ກັບ​ວັກ​ຊີ​ນ, ​ແຕ່​ລັດຖະບານ​ຢືນຢັນ​ວ່າ​ຈະ​ຈ່າຍ​ຄ່າ​ຊົດ​ເຊີຍ​ຖ້າ​ພິສູດ​ໄດ້​ວ່າ​ຜູ້ຍິງ​ຄົນ​ດັ່ງກ່າວ​ເສຍ​ຊີວິດ​ເນື່ອງ​ຈາກ​ຜົນ​ຂ້າງຄຽງ​ຂອງ​ວັກ​ຊີ​ນ.

ນອກຈາກ​ນີ້ ​ໃນຕົ້ນປີຜ່ານມາ​ຈົນ​ເຖິງ​ປັດຈຸບັນ ​ໄດ້​ມີ​ລາຍ​ງານ​ຜູ້​ເສຍ​ຊີວິດ​ໃນ​ອີກ​ຫລາຍ​ປະ​ເທດ​ເຊັ່ນ: ​ໃນ​ເດືອນ​ມັງກອນ, ນໍ​ເວ ​ແລະ ອາ​ເມ​ລິ​ກາ​ມີ​ລາຍ​ງານ​ການ​ເສຍ​ຊີວິດ​ຂອງ​ປະຊາຊົນ​ຫລັງ​ໄດ້​ຮັບ​ວັກ​ຊີ​ນຕ້ານ​​ໂຄ​ວິດ-19 ພ້ອມ​ເຕືອນ​ວ່າການ​ສັກ​ວັກ​ຊີ​ນ​ໃນ​ຜູ້​ສູງ​ອາຍຸ ​ແລະ ຜູ້​ທີ່​ມີ​ປະຫວັດ​ການ​ແພ້​ຮຸນ​ແຮງ​ອາດ​ມີ​ຜົນ​ຂ້າງຄຽງ​ທີ່​ອັນຕະລາຍ.

ຫລາຍປະເທດເລັ່ງກວດສອບ ກໍລະນີມີຜູ້ເສຍຊີວິດ ຫລັງສັກວັກຊີນໂຄວິດ - WhatsApp Image 2020 05 27 at 5 - ຫລາຍປະເທດເລັ່ງກວດສອບ ກໍລະນີມີຜູ້ເສຍຊີວິດ ຫລັງສັກວັກຊີນໂຄວິດ
ຫລາຍປະເທດເລັ່ງກວດສອບ ກໍລະນີມີຜູ້ເສຍຊີວິດ ຫລັງສັກວັກຊີນໂຄວິດ - WhatsApp Image 2020 05 27 at 5 - ຫລາຍປະເທດເລັ່ງກວດສອບ ກໍລະນີມີຜູ້ເສຍຊີວິດ ຫລັງສັກວັກຊີນໂຄວິດ
error: Alert: ເນື້ອຫາຂ່າວມີລິຂະສິດ !!