ມະຫາວິທະຍາໄລແຫ່ງຊາດຮ່ວມກັບຜູ້ປະກອບການຈັດເທດສະການປຶ້ນອ່ານປະຈຳປີ 2021

ມະຫາວິທະຍາໄລແຫ່ງຊາດຮ່ວມກັບຜູ້ປະກອບການຈັດເທດສະການປຶ້ນອ່ານປະຈຳປີ 2021 - 155477970 1571502343053540 6716418311393373434 o - ມະຫາວິທະຍາໄລແຫ່ງຊາດຮ່ວມກັບຜູ້ປະກອບການຈັດເທດສະການປຶ້ນອ່ານປະຈຳປີ 2021
ມະຫາວິທະຍາໄລແຫ່ງຊາດຮ່ວມກັບຜູ້ປະກອບການຈັດເທດສະການປຶ້ນອ່ານປະຈຳປີ 2021 - Untitled design - ມະຫາວິທະຍາໄລແຫ່ງຊາດຮ່ວມກັບຜູ້ປະກອບການຈັດເທດສະການປຶ້ນອ່ານປະຈຳປີ 2021

ເທດສະການປຶ້ມອ່ານ (Feastival 2021) ໄດ້ຈັດຂຶ້ນໃນວັນທີ 4 ມີນານີ້ ທີ່ມະຫາວິທະຍາໄລແຫ່ງຊາດ ນະຄອນຫລວງວຽງຈັນ ໂດຍຄະນະອັກສອນສາດ ມະຫາວິທະຍາໄລດັ່ງກ່າວ ຮ່ວມກັບ ບໍລິສັດ ໂມນິວເມັນ ຈຳກັດ ແລະ  ຮ້ານປຶ້ມດີບຸກ ເພື່ອແນໃສ່ສົ່ງເສີມການອ່ານຂອງໄວໜຸ່ມໃຫ້ກວ້າງຂວາງໃນການພັດທະນາຕົນເອງ ແລະ ຈະເປັນສ່ວນໜຶ່ງໃນການປູກຝັງນິໄສມັກການອ່ານການຂຽນໃຫ້ແກ່ໄວໜຸ່ມລາວ ເພື່ອພວກເຂົາມີຄວາມສາມາດທຽບເທົ່າກັບພາກພື້ນ ແລະ ສາກົນ. ພ້ອມເປັນການສະເຫລີມສະຫລອງວັນອ່ານໂລກ (4 ມີນາ) ແລະ ສ້າງຂະບວນການສະເຫລີມສະຫລອງວັນແມ່ຍິງສາກົນ (8 ມີນາ) ຄົບຮອບ 111 ປີໃຫ້ມີຄວາມຫມາຍ.

ທ່ານ ນາງ ທອງມາລາ ໂພສີຄຳ ຮອງຄະນະບໍດີຄະນະອັກສອນສາດ ໄດ້ກ່າວວ່າ: ໃນສັງຄົມເຮົາ ມັກຈະໄດ້ຍິນເລື້ອຍໆຕໍ່ຄຳເວົ້າທີ່ວ່າ “ຄົນລາວບໍ່ມັກອ່ານໜັງສື” ເຊິ່ງເປັນອຸປະສັກຢ່າງໜຶ່ງທີ່ຂວາງທາງປາຍປາກກາ ແລະ ເປັນສິ່ງຫຍໍ້ທໍ້ທາງຈິດໃຈຂອງບັນດານັກຂຽນລາວບໍ່ໜ້ອຍ. ແຕ່ເຖິງຢ່າງໃດກໍຕາມ, ນັກຂຽນຫລາຍທ່ານຍັງຄົງຝົນປາຍປາກກາ ແລະ ທຸ້ມເທສະຕິປັນຍາຂຽນປຶ້ມຕ່າງໆທີ່ດີມີຄຸນຄ່າ ເພື່ອໃຫ້ຄົນລາວຫັນມາອ່ານໜັງສືໃຫ້ຫລາຍຂຶ້ນ. ສະນັ້ນ, ພວກເຮົາຈຶ່ງໄດ້ຈັດເທດສະການນີ້ຂຶ້ນມາແລ້ວ 3 ຄັ້ງໃນປີທີ່ຜ່ານມາ ແລະ ໄດ້ຢຸດສະງັກໄປ 1 ປີ ເນື່ອງຈາກການລະບາດຂອງພະຍາດໂຄວິດ-19. ດັ່ງນັ້ນ ມາຮອດມື້ນີ້ຈຶ່ງເປັນອີກຄັ້ງຫນຶ່ງເພື່ອມີໂອກາດໄດ້ເຜີຍແຜ່ຜົນງານສື່ສິ່ງພິມຕ່າງໆ ເພື່ອຊ່ວຍກະຕຸ້ນການອ່ານ-ການຂຽນ ແລະ ການສ້າງສັນຜົນງານດ້ານນີ້ໃຫ້ນັບມື້ຫລາຍຂຶ້ນ ແລະ ທັງເປັນການພັດທະນາການຂຽນຂອງລາວ ເພື່ອເຮັດໃຫ້ “ຄົນລາວເປັນຄົນຮັກການອ່ານ” ໃຫ້ນັບມື້ເປັນຂະບວນກວ້າງຂວາງ ເພາະການອ່ານຄືຮາກຖານສຳຄັນຂອງຊີວິດ.

ມະຫາວິທະຍາໄລແຫ່ງຊາດຮ່ວມກັບຜູ້ປະກອບການຈັດເທດສະການປຶ້ນອ່ານປະຈຳປີ 2021 - Wave100S AD to Website 2020 0 - ມະຫາວິທະຍາໄລແຫ່ງຊາດຮ່ວມກັບຜູ້ປະກອບການຈັດເທດສະການປຶ້ນອ່ານປະຈຳປີ 2021

ຄະນະຈັດງານເທດສະການປື້ມອ່ານປະຈໍາປີນີ້ ໃຫ້ຮູ້ວ່າ: ງານຄັ້ງນີ້ ນອກຈາກເປັນການສົ່ງເສີມການອ່ານໃຫ້ກວ້າງຂວາງແລ້ວ ຍັງເປັນເວທີສະແດງຜົນງານດ້ານການປະດິດຄິດແຕ່ງ ແລະ ການຂີດຂຽນຂອງລາວໄດ້ເປີດໂອກາດໃຫ້ພາກສ່ວນຕ່າງໆຮັບຮູ້ ໂດຍສະເພາະແມ່ນຮ້ານປຶ້ມ, ສຳນັກພິມ, ວາລະສານຕ່າງໆ ເຊິ່ງມີຫລາຍກວ່າ 30 ບູດ ໄດ້ເຂົ້າມາຮ່ວມເທດສະການປຶ້ນອ່ານຄັ້ງນີ້ ແລະ ໃນງານຍັງຈະໄດ້ຮັບຟັງການບັນຍາຍ-ເສວະນາໃຫ້ຄວາມຮູ້ແກ່ນັກສຶກສາເຊັ່ນ: ການອ່ານ, ການຂຽນ, ການຮຽນຮູ້ສູ່ຜົນສໍາເລັດ, ຮຽນແນວໃດຈົບໄປຈຶ່ງໄດ້ວຽກ, ປະສົບການ 40 ປີໃນການຂຽນກະວີ, ເລື່ອງສັ້ນ ແລະ ການເສວະນາປະຫວັດຊົນຊາດລາວ 5.000 ປີ ແລະ ອື່ນໆອີກ. ນອກນີ້, ຍັງມີການເປີດໂຕປຶ້ມວັດຈະນານຸກົມສຳນວນລາວນຳອີກ ເຊິ່ງງານດັ່ງກ່າວຈະດຳເນີໄປຮອດວັນທີ 6 ມີນາ 2021 ໃຜໆກໍສາມາດເຂົ້າຮ່ວມໄດ້ໂດຍບໍ່ໄດ້ເສຍຄ່າຜ່ານປະຕູແຕ່ຢ່າງໃດ.

ມະຫາວິທະຍາໄລແຫ່ງຊາດຮ່ວມກັບຜູ້ປະກອບການຈັດເທດສະການປຶ້ນອ່ານປະຈຳປີ 2021 - WhatsApp Image 2020 05 27 at 5 - ມະຫາວິທະຍາໄລແຫ່ງຊາດຮ່ວມກັບຜູ້ປະກອບການຈັດເທດສະການປຶ້ນອ່ານປະຈຳປີ 2021
ມະຫາວິທະຍາໄລແຫ່ງຊາດຮ່ວມກັບຜູ້ປະກອບການຈັດເທດສະການປຶ້ນອ່ານປະຈຳປີ 2021 - WhatsApp Image 2020 05 27 at 5 - ມະຫາວິທະຍາໄລແຫ່ງຊາດຮ່ວມກັບຜູ້ປະກອບການຈັດເທດສະການປຶ້ນອ່ານປະຈຳປີ 2021
error: Alert: ເນື້ອຫາຂ່າວມີລິຂະສິດ !!