ຂ່າວດີລາວ  ຈາກບັນຊີສີເທົາ ມາຢູ່ບັນຊີປົກກະຕິຂອງອົງການຕ້ານການຟອກເງິນສາກົນ

- advert banner 728 90 728x90 -     ຂ່າວດີລາວ  ຈາກບັນຊີສີເທົາ ມາຢູ່ບັນຊີປົກກະຕິຂອງອົງການຕ້ານການຟອກເງິນສາກົນ

ສປປ ລາວ ໄດ້ຖືກຖອນອອກຈາກບັນຊີຕິດຕາມ ( ບັນຊີສີເທົາ ) ຂອງອົງການຕ້ານການຟອກເງິນ ສາກົນ (Financial Action Task Force “FATF”) ມາຢູ່ບັນຊີປົກກະຕິ ໄດ້ສຳເລັດໃນກອງປະຊຸມຄົບຄະນະ (FATF Plenary meeting) ປະຈໍາເດືອນ ມິຖຸນາ 2017 ທີ່ ປະເທດແອັດສະປາຍ ໃນວັນທີ 23 ມິຖຸນາຜ່ານມາ ເຊິ່ງຖືເປັນຄວາມພະຍາຍາມຢ່າງຕັ້ງໜ້າຂອງລັດຖະບານລາວ ໃນການແກ້ໄຂບັນຫາຕ່າງໆຕາມຂໍ້ແນະນໍາຂອງອົງການຕ້ານການຟອກເງິນສາກົນ ແລະ ໃນວັນທີ 11 ກໍລະກົດນີ້ ຄະນະກຳມະການແຫ່ງຊາດ ເພື່ອຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ (ຄຕຟງ) ໄດ້ຈັດກອງປະຊຸມສະໄໝສາມັນຄັ້ງທີ II ປະຈໍາປີ 2017  ຂຶ້ນທີ່ທະນາຄານແຫ່ງ ສປປ ລາວ   ໂດຍການເປັນປະທານ ຂອງ ທ່ານ ສົມດີ ດວງດີ ຮອງນາຍົກລັດຖະມົນຕີ,  ລັດ ຖະມົນຕີກະຊວງ ການເງິນ,  ປະທານ ຄຕຟງເພື່ອລາຍງານໃຫ້ບັນດາສະມາຊິກ ຄຕຟງ ຮັບຊາບເຖິງຄວາມຄືບໜ້າໃນການຈັດຕັ້ງປະຕິບັດວຽກງານທີ່ຜ່ານມາກໍຄືມະຕິຂອງກອງປະຊຸມສະໄໝສາມັນ ຄັ້ງທີ I ແລະປຶກສາຫາລືບາງບັນຫາທີ່ຍັງຄົງຄ້າງ ພ້ອມທັງແຜນໃນຕໍ່ໜ້າຂອງ ສປປ ລາວ ກ່ຽວກັບວຽກງານການຕ້ານຟອກເງິນ ແລະ ສະໜອງທຶນໃຫ້ແກ່ການກໍ່ການຮ້າຍ (AML/CFT).

- new3 -     ຂ່າວດີລາວ  ຈາກບັນຊີສີເທົາ ມາຢູ່ບັນຊີປົກກະຕິຂອງອົງການຕ້ານການຟອກເງິນສາກົນ

ບັນຫາທີ່ພົ້ນເດັ່ນ ກໍແມ່ນຜົນສຳເລັດຂອງ ສປປ ລາວ ທີ່ໄດ້ຖືກຖອນອອກຈາກບັນຊີຕິດຕາມ (ບັນຊີສີເທົາ) ຂອງອົງ ການຕ້ານການຟອກເງິນສາກົນ (Financial Action Task Force “FATF”) ມາຢູ່ບັນຊີປົກກະຕິໄດ້ນອກນີ້ຍັງມີການປຶກສາຫາລືກ່ຽວກັບການຈັດຕັ້ງປະຕິບັດການປະເມີນຄວາມສ່ຽງລະດັບຊາດກ່ຽວກັບການຟອກເງິນ ແລະການສະໜອງທຶນໃຫ້ແກ່ການກໍ່ການຮ້າຍ (NRA); ການຮ່ວມມືສາກົນ; ການສ້າງຍຸດທະສາດວຽກງານ AML/CFT ແລະອື່ນໆ.

ສປປ ລາວ ພາຍຫຼັງທີ່ໄດ້ຖືກຖອນອອກຈາກບັນຊີຕິດຕາມ ( ບັນຊີສີເທົາ ) ຂອງອົງການ FATF ແລ້ວຍັງຈະສືບຕໍ່ຈັດຕັ້ງປະຕິບັດ NRA ໂດຍໄດ້ຮັບການຮ່ວມມື ແລະຊ່ວຍເຫຼືອດ້ານວິຊາການຈາກທະນາຄານໂລກ ຊຶ່ງໄດ້ດຳເນີນສຳເລັດໄລຍະທີ 1 ແລະພວມກ້າວເຂົ້າສູ່ໄລຍະທີ 2 ຄາດວ່າການປະເມີນດັ່ງກ່າວ ຈະສຳເລັດໃນທ້າຍປີ 2018;  ຜົນການປະເມີນຄວາມສ່ຽງຈະເປັນຂໍ້ມູນສຳຄັນໃນການສ້າງຍຸດທະສາດກ່ຽວກັບວຽກງານ AML/CFT ຂອງ ສປປ ລາວ, ທັງໝົດນັ້ນ ເພື່ອຮັບປະກັນບໍ່ໃຫ້ ສປປ ລາວ ຕົກຢູ່ໃນການຕິດຕາມຂອງສາກົນກ່ຽວກັບວຽກງານ AML/CFT ແລະກະກຽມໃຫ້ແກ່ການປະເມີນ ສປປ ລາວ ຮອບດ້ານກ່ຽວກັບວຽກງານ AML/CFT (Mutual Evaluation “ME”) ໃນປີ 2020.

- lattana 1 -     ຂ່າວດີລາວ  ຈາກບັນຊີສີເທົາ ມາຢູ່ບັນຊີປົກກະຕິຂອງອົງການຕ້ານການຟອກເງິນສາກົນ

ເພື່ອເຮັດໃຫ້ລະບົບເສດຖະກິດ-ການເງິນ ມີຄວາມເປັນລະບຽບຮຽບຮ້ອຍ, ມີຄວາມເຂັ້ມແຂງ, ໝັ້ນຄົງ ແລະເຊື່ອມໂຍງກັບພາກພື້ນ ແລະສາກົນ ໄດ້ເປັນຢ່າງດີ.

 

error: Content is protected !!