ກອງປະຊຸມສຳມະນາ ເຜີຍແຜ່ກົດໝາຍວ່າດ້ວຍລາຍເຊັນເອເລັກໂຕຣນິກ ແລະ ການຄຸ້ມຄອງ ແລະ ການບໍລິການລາຍເຊັນເອເລັກໂຕຣນິກ

ກອງປະຊຸມສຳມະນາ ເຜີຍແຜ່ກົດໝາຍວ່າດ້ວຍລາຍເຊັນເອເລັກໂຕຣນິກ ແລະ ການຄຸ້ມຄອງ ແລະ ການບໍລິການລາຍເຊັນເອເລັກໂຕຣນິກ - IMG 7779 scaled - ກອງປະຊຸມສຳມະນາ ເຜີຍແຜ່ກົດໝາຍວ່າດ້ວຍລາຍເຊັນເອເລັກໂຕຣນິກ ແລະ ການຄຸ້ມຄອງ ແລະ ການບໍລິການລາຍເຊັນເອເລັກໂຕຣນິກ
ກອງປະຊຸມສຳມະນາ ເຜີຍແຜ່ກົດໝາຍວ່າດ້ວຍລາຍເຊັນເອເລັກໂຕຣນິກ ແລະ ການຄຸ້ມຄອງ ແລະ ການບໍລິການລາຍເຊັນເອເລັກໂຕຣນິກ - Untitled design - ກອງປະຊຸມສຳມະນາ ເຜີຍແຜ່ກົດໝາຍວ່າດ້ວຍລາຍເຊັນເອເລັກໂຕຣນິກ ແລະ ການຄຸ້ມຄອງ ແລະ ການບໍລິການລາຍເຊັນເອເລັກໂຕຣນິກ

ກອງປະຊຸມສຳມະນາ ເຜີຍແຜ່ກົດໝາຍວ່າດ້ວຍລາຍເຊັນເອເລັກໂຕຣນິກ ແລະ ການຄຸ້ມຄອງ ແລະ ການບໍລິການລາຍເຊັນເອເລັກໂຕຣນິກ ໄດ້ໄຂຂຶ້ນໃນຕອນເຊົ້າ ວັນທີ 02 ມີນາ 2021 , ຢູ່ທີ່ຫ້ອງປະຊຸມໃຫຍ່ຊັ້ນ 01 ຂອງສະຖາບັນເຕັກໂນໂລຊີການສື່ສານຂໍ້ມູນຂ່າວສານ, ໂດຍການເປັນປະທານ ຂອງທ່ານ ພູທອງ ສີສະຫວັດ ຕຳແໜ່ງ ຮັກສາການຫົວໜ້າກົມ ເຕັກໂນໂລຊີ​ການສື່ສານ​ ຂໍ້​ມູນ​ຂ່າວສານ, ເປັນກຽດຮັບເຊີນເຂົ້າຮ່ວມນຳສະ  ເໜີ ການບໍລິການລາຍເຊັນເອເລັກໂຕຣນິກ ໂດຍທ່ານ ຈິງ ວັນ ຊິງ ອຳນວຍການ ສູນສະໜອງເຕັກໂນໂລຊີຂໍ້ມູນຂ່າວສານ, ທ່ານ ຄຳໄໝ ຄຳມະວົງສາ ຮອງອຳນວຍການ ສູນສະໜອງເຕັກໂນໂລຊີຂໍ້ມູນຂ່າວສານມີຄະນະອໍານວຍການ, ແລະ ຕ່າງໜ້າ 18 ກະຊວງ ເຂົ້າຮ່ວມ.

ທ່ານ ພູທອງ ສີສະຫວັດ ຕຳແໜ່ງ ຮັກສາການຫົວໜ້າກົມ ເຕັກໂນໂລຊີ​ການສື່ສານ​ ຂໍ້​ມູນ​ຂ່າວສານ ໄດ້ກ່າວວ່າ: ໃນແຜນພັດທະນາເສດຖະກິດ-ສັງຄົມ ກໍມີຫຼາຍເປົ້າໝາຍທີ່ກຳນົດໃນແຜນການພັດທະນາແຕ່ລະຂະແໜງການ ດ້ວຍເຕັກໂນໂລຊີ ເພື່ອໝູນໃຊ້ເຂົ້າໃນວຽກງານໃຫ້ມີຄວາມສະດວກ, ວ່ອງໄວ, ປອດໄພ ແລະ ຫຼຸດຜ່ອນການນຳໃຊ້ເຈ້ຍ ຫຼື ເອີ້ນວ່າ paper less ເພື່ອຫັນໄປສູ່ດີຈີຕອນໃຫ້ຫຼາຍຂຶ້ນ, ແນ່ນອນແລ້ວວ່າການຫັນໄປສູ່ດີຈິຕອນນັ້ນ ຈຳເປັນຕ້ອງພັດທະນາ ແລະ ນຳໃຊ້ເຕັກໂນໂລຊີທີ່ທັນສະໄໝ, ໜຶ່ງໃນເຕັກໂນໂລຊີທີ່ສໍາຄັນກໍຄື ລາຍເຊັນເອເລັກໂຕຣນິກ ແລະ ນິຕິກຳ ທີ່ມີຜົນບັງຄັບໃຊ້ ໃຫ້ຂໍ້ມູນ, ເອກະສານທາງເອເລັກໂຕຣນິກ ມີຄຸນຄ່າຄືກັບເອກະສານເຈ້ຍ. ຈຸດປະສົງຂອງກອງປະຊຸມມື້ນີ້ ແມ່ນເຜີຍແຜ່ກົດໝາຍ, ການຄຸ້ມຄອງ ແລະ ການບໍລິການລາຍເຊັນເອເລັກໂຕຣນິກ ໃຫ້ບັນດາທ່ານແຕ່ລະຂະແໜງການຮັບຊາບ ແລະ ເຂົ້າໃຈງ່າຍ ເຊິ່ງເນື້ອໃນການບັນຍາຍ ລວມມີ:  ກົດໝາຍລາຍເຊັນເອເລັກໂຕຣນິກ;  ການນຳໃຊ້ລາຍເຊັນເອເລັກໂຕນິກໃນການເຊັນເອກະສານ; ການໃຫ້ບໍລິການລາຍເຊັນເອເລັກໂຕຣນິກ.

ໃນນັ້ນເນື້ອໃນການບັນຍາຍ “ການໃຫ້ບໍລິການລາຍເຊັນເອເລັກໂຕຣນິກ” ໄດ້ຖືເປັນກຽດຂຶ້ນບັນຍາຍໂດຍທ່ານ ຄໍາໄໝ ຄໍາມະວົງສາ ຮອງອຳນວຍການ ສູນສະໜອງເຕັກໂນໂລຊີຂໍ້ມູນຂ່າວສານ ໄດ້ບັນຍາຍດັ່ງນີ້: ບໍລິສັດ ສະຕາ ໂທລະຄົມ ເຊິ່ງມີເຄື່ອງໝາຍການຄ້າຢູນີເທວ, ພາຍຫຼັງ 12 ປີໄດ້ສ້າງຕັ້ງຂຶ້ນ ແລະ ໄດ້ສືບຕໍ່ພັດທະນາພື້ນຖານໂຄງລ່າງລະບົບເຄືອຂ່າຍ ໂທລະຄົມ ໃນຂອບເຂດທົ່ວປະເທດ ກັບເຕັກໂນໂລຊີທີ່ທັນສະໄໝ ທີ່ສຸດຂອງໂລກ, ໄດ້ປະກອບສ່ວນ ໃນການສະໜອງບໍລິການທາງດ້ານໂທລະຄົມມະນາຄົມ ໃຫ້ກັບປະຊາຊົນລາວ, ໄປຍັງເຂດຮ່າງໄກສອກຫຼີກ. ວິໄສທັດຮັບໃຊ້ປະຊາຊົນ, ເຮັດຊີວິດການເປັນຢູ່ຂອງປະຊາຊົນນັບມື້ນັບສະດວກສະບາຍ ແລະ ສົດໃສຂຶ້ນ, ພວກເຮົາຈະບໍ່ຢຸດຢັ້ງໃນການສືບຕໍ່ພັດທະນາ ແລະ ໄດ້ກາຍເປັນບໍລິສັດໂທລະຄົມມະນາຄົມ ທີ່ນອນຢູ່ໃນລະດັບແຖວໜ້າຂອງ ສປປ ລາວ, ກັບພື້ນທີ່ປົກຄຸ້ມສັນຍານກວ້າງຂວາງທີ່ສຸດ, ມີລະບົບເຄືອຂ່າຍໃຫຍ່ສຸດ ແລະ ຮັບໃຊ້ໃຫ້ລູກຄ້າຫຼາຍສຸດ.

ໃນຍຸກປະຕິວັດອຸດສະຫະກໍາ 4.0 ຂອງໂລກ, ພວກເຮົາໄດ້ຢືນຢັນ  ຢູນີເທວຕ້ອງໄດ້ກ້າວເຂົ້າສູ່ໄລຍະໃໝ່ ແລະ ຈະໄດ້ກາຍເປັນບໍລິສັດ ເຕັກໂນໂລຊີ, ນໍາໜ້າໃນການປະຕິວັດ ຫັນເປັນດີຈີຕອ໋ນຂອງປະເທດ, ບໍລິສັດ ສະຕາ ໂທລະຄົມ ໄດ້ມີລະບົບ DC-DR ໃຫຍ່ທີ່ສຸດ ແລະ ທັນສະໄໝທີ່ສຸດໃນ ສປປ ລາວ, ໄດ້ຮັບມາດຕະຖານສາກົນ Uptime Tier III ແລະ TIA-942; ມີຊ່ຽວຊານດ້ານພັດທະນາຊອບແວຫຼາຍກວ່າ 3,000 ຄົນ (coder, programmer) ເພື່ອ Support 10 ປະເທດ; ໄດ້ຮັບລາງວັນ Asia Stevie Awards: U-money ໄດ້ຮັບລາງວັນ Innovation in Consumer Products & Services; ລະບົບຄຸ້ມຄອງພົນລະເມືອງໄດ້ຮັບຍ້ອງຍໍເປັນລະບົບນະວັດ ຕະກໍາໃໝ່ ແລະ ເປັນໜຶ່ງໃນລະບົບຂອງລັດຖະບານເອເລັກໂຕນິກ; ມີປະສົບການໃນການຈັດຕັ້ງຜັນຂະຫຍາຍລະບົບລັດຖະບານເອເລັກໂຕຼນິກ ໃຫ້ຫັນເປັນດີຈີຕອນ ຢູ່ ສປປ ລາວ ແລະ ຍັງໄດ້ຈັດຕັ້ງຜັນຂະຫຍາຍບາງໂຄງການທີ່ຜ່ານມາ ເຊັ່ນ: ລະບົບສອບເສັງອອນໄລ (Lao Lympic) ວິຊາຄະນິດສາດ ແລະ ພາສາອັງກິດ ໃຫ້ກັບກະຊວງສຶກສາທິການ ແລະ ກິລາ (2016); ລະບົບ RTGS ໃຫ້ກັບ ທະນາຄານແຫ່ງ ສ ປປ ລາວ (2017); ລະບົບສາຍສົ່ງໃຫ້ກັບກະຊວງປ້ອງກັນຄວາມສະຫງົບ (2017); ລະບົບຄຸ້ມຄອງພົນລະເມືອງກະຊວງພາຍໃນ (2019); ຕິດຕັ້ງອຸປະກອນເຄື່ອງແມ່ຂ່າຍໃຫ້ກັບ ລັດວິສາຫະກິດນໍ້ປະປາ ນະຄອນຫຼວງ (2019).

ລາຍເຊັນດິຈິຕອນແມ່ນມີຄວາມຈໍາເປັນ ແລະ ຕ້ອງການ ໃນການຫັນເປັນລັດຖະບານເອເລັກໂຕຣນິກ ໃນຍຸກປະຕິວັດອຸສາຫະກໍາ 4.0, ເຊິ່ງສາມາດຊ່ວຍໃນການຈັດການເອກະສານໄດ້ຢ່າງວ່ອງໄວ ແລະ ປະຢັດ, ຊື້ສິນຄ້າ, ຈ່າຍເງິນ ແລະ ໂອນເງິນໂດຍກົງຢ່າງປອດໄພ, ການອອກໃບເກັບເງິນ, ເສຍອາກອນ, ເສຍພາສີນໍາເຂົ້າ ສົ່ງອອກສິນຄ້າ, ຄ່າປະກັນໄພ ແລະ ດ້ານເຮັດທຸລະກໍາຕ່າງໆ. ປະຈຸບັນການນໍາໃຊ້ ລະບົບລາຍເຊັນເອເລັກໂຕຣນິກມີບັນດາກະຊວງ ແລະ ອົງການທຽບເທົ່າ ແລະ ບັນດາຫົວໜ່ວຍທຸລະກິດຈໍານວນໜຶ່ງ, ລະບົບ LCA ສາມາດຮັບຮອງການເຊັນເອກະສານເອເລັກໂຕຣນິກ ເທິງລະບົບ e-office ຂອງທຸກໆກະຊວງ, ເຂົ້າລະຫັດ ເພື່ອເຂົ້າລະບົບ e-license ຂອງກະຊວງປທສ, ໃຊ້ເຊັນອະນຸມັດການອອກວີຊ້າ ໃນລະບົບ e-Visa ຂອງກະຊວງການຕ່າງປະເທດ ແລະ ເຂົ້າລະຫັດ ການເຂົ້າລະບົບ i-office ຂອງກະຊວງການເງິນ. ນອກນັ້ນ, ລະບົບຍັງເຊື່ອມຕໍ່ລະບົບ TaxRIS ເຊື່ອມຕໍ່ລະບົບກົມພາສີ ກະຊວງການເງິນ. ປະຈຸບັນຍັງບໍ່ທັນຈັດຕັ້ງຜັນຂະຫຍາຍ ສົ່ງເສີມໄດ້ຢ່າງແຂງແຮງ ຖ້າທຽບໃສ່ ປະເທດອ້ອມຂ້າງ ຫວຽດນາມ, ໄທ ແລະ ອາຊີຕາເວັນອອກຊ່ຽງໃຕ້.

ກອງປະຊຸມສຳມະນາ ເຜີຍແຜ່ກົດໝາຍວ່າດ້ວຍລາຍເຊັນເອເລັກໂຕຣນິກ ແລະ ການຄຸ້ມຄອງ ແລະ ການບໍລິການລາຍເຊັນເອເລັກໂຕຣນິກ - Wave100S AD to Website 2020 0 - ກອງປະຊຸມສຳມະນາ ເຜີຍແຜ່ກົດໝາຍວ່າດ້ວຍລາຍເຊັນເອເລັກໂຕຣນິກ ແລະ ການຄຸ້ມຄອງ ແລະ ການບໍລິການລາຍເຊັນເອເລັກໂຕຣນິກ

ໂຊລູຊັນລາຍເຊັນເອເລັກໂຕຣນິກແມ່ນເພື່ອແກ້ໄຂບັນຫາ ແລະ ຮັບປະກັນຄວາມຖືກຕ້ອງຕາມທີ່ກົດໝາຍຮອງຮັບຄືກັບການລົງລາຍເຊັນໃນເຈ້ຍ (ເຊັນມື), ແຕ່ງ່າຍໃນການບັນທຶກ ຫຼື ເກັບຮັກສາ, ມີຄວາມປອດໄພສູງແຕ່ຍັງຮັບປະກັນກ່ຽວກັບການນໍາໃຊ້ງ່າຍດາຍ ແລະ ວ່ອງໄວດ້ວຍລາຄາທີ່ເໝາະສົມ.

 

 

ກອງປະຊຸມສຳມະນາ ເຜີຍແຜ່ກົດໝາຍວ່າດ້ວຍລາຍເຊັນເອເລັກໂຕຣນິກ ແລະ ການຄຸ້ມຄອງ ແລະ ການບໍລິການລາຍເຊັນເອເລັກໂຕຣນິກ - WhatsApp Image 2020 05 27 at 5 - ກອງປະຊຸມສຳມະນາ ເຜີຍແຜ່ກົດໝາຍວ່າດ້ວຍລາຍເຊັນເອເລັກໂຕຣນິກ ແລະ ການຄຸ້ມຄອງ ແລະ ການບໍລິການລາຍເຊັນເອເລັກໂຕຣນິກ
ກອງປະຊຸມສຳມະນາ ເຜີຍແຜ່ກົດໝາຍວ່າດ້ວຍລາຍເຊັນເອເລັກໂຕຣນິກ ແລະ ການຄຸ້ມຄອງ ແລະ ການບໍລິການລາຍເຊັນເອເລັກໂຕຣນິກ - WhatsApp Image 2020 05 27 at 5 - ກອງປະຊຸມສຳມະນາ ເຜີຍແຜ່ກົດໝາຍວ່າດ້ວຍລາຍເຊັນເອເລັກໂຕຣນິກ ແລະ ການຄຸ້ມຄອງ ແລະ ການບໍລິການລາຍເຊັນເອເລັກໂຕຣນິກ
error: Alert: ເນື້ອຫາຂ່າວມີລິຂະສິດ !!