ສົກປີໜ້າລາວຕັ້ງເປົ້າເກັບລາຍຮັບໃຫ້ບັນລຸ 26.600 ກວ່າຕື້ກີບ.

- advert banner 728 90 728x90 - ສົກປີໜ້າລາວຕັ້ງເປົ້າເກັບລາຍຮັບໃຫ້ບັນລຸ 26.600 ກວ່າຕື້ກີບ.

ທ່ານຮອງລັດຖະມົນຕີກິຊວງການເງິນ ອາດສະພັງທອງ ສີພັນດອນ ໃຫ້ຮູ້ໃນກອງປະຊຸມເຜີຍແຜ່ການສ້າງແຜນງົບປະມານແຫ່ງລັດປະຈໍາປີ 2018 ເມື່ອບໍ່ດົນມານີ້ວ່າ: ເພື່ອຕອບສະໜອງຍຸດທະສາດແຜນພັດທະນາເສດຖະກິດ-ສັງຄົມແຫ່ງຊາດມີການຂະຫຍາຍຕົວຕໍ່ເນື່ອງ ແລະ ມີຄຸນນະພາບ, ພ້ອມທັງສ້າງພື້ນຖານການເງິນແຫ່ງຊາດໃຫ້ເຂັ້ມແຂງ, ຮັບປະກັນການສະໜອງທຶນໃຫ້ແກ່ການພັດທະນາປະເທດຊາດໃຫ້ຫລຸດພົ້ນອອກຈາກສະຖານະພາບດ້ອຍພັດທະນາໃນປີ 2020, ສະນັ້ນໃນສົກປີ 2018 ການຈັດເກັບລາຍຮັບເຂົ້າງົບປະມານຕ້ອງໃຫ້ບັນລຸ 26.618 ຕື້ກີບເທົ່າກັບ 18,72% ຂອງລວມຍອດຜະລິດຕະພັນພາຍໃນ GDP. ໃນນັ້ນລາຍຮັບພາຍໃນບໍ່ໃຫ້ຫລຸດ 23.000 ກວ່າຕື້ກີບເທົ່າກັບ 16% ຂອງ GDP. ດ້ານລາຍຈ່າຍຕ້ອງນອນໃນແຜນງົບປະມານໄລຍະ 4 ປີທີ່ສະພາແຫ່ງຊາດໄດ້ຮັບຮອງຈໍານວນ 33.320 ຕື້ກີບເທົ່າກັບ 23,43% ຂອງ GDP. ສະນັ້ນການສ້າງແຜນລາຍຈ່າຍໃນປີ 2018 ຕ້ອງໄດ້ປະຕິບັດຕາມຄໍາສັ່ງຂອງນາຍົກລັດຖະມົນຕີວ່າດ້ວຍການປະຢັດລາຍຈ່າຍງົບປະມານຂອງລັດເປັນພື້ນຖານໃນການຫັນສູ່ໜ້າວຽກຂອງແຕ່ລະກະຊວງ, ຂະແໜງການຕ່າງໆຢ່າງເຂັ້ມງວດ, ເພື່ອຮັບປະກັນໃຫ້ມີການປະຢັດມັດທະຍັດຫລາຍຂຶ້ນ, ສ່ວນລາຍຈ່າຍທີ່ເປັນບູລິມະສິດ ເປັນຕົ້ນ: ເງິນເດືອນ, ເງິນອຸດໜູນຕ່າງໆ ຕ້ອງຢູ່ບົນພື້ນຖານຈໍານວນພົນທີ່ມີຕົວຈິງ, ພ້ອມທັງມີການກວດກາບັນດາຫົວໜ່ວຍຕ່າງໆໃຫ້ມີປະສິດທິຜົນ ເພື່ອຫລີກລ່ຽງການຂຶ້ນແຜນເພື່ອໄວ້ ແລະ ມີການຂຶ້ນແຜນແບບຊໍ້າຊ້ອນຕາມມາ.

- new3 - ສົກປີໜ້າລາວຕັ້ງເປົ້າເກັບລາຍຮັບໃຫ້ບັນລຸ 26.600 ກວ່າຕື້ກີບ.

ທ່ານຮອງລັດຖະມົນຕີກະຊວງການເງິນ ກ່າວວ່າ: ສໍາລັບຄາດໝາຍລວມຂອງແຜນງົບປະມານປີນີ້, ຍັງໄດ້້ເນັ້ນໃສ່ການຮັກສາສະຖຽນລະພາບຂອງເສດ ຖະກິດມະຫາພາກ, ຮັບປະກັນໃຫ້ງົບປະມານແຫ່ງລັດມີຄວາມໝັ້ນທ່ຽງ, ຈໍາກັດການສ້າງໜີ້ສິນໃໝ່ ແລະ ແກ້ໄຂໜີ້ສິນຄຸມເຄືອໃຫ້ຫລຸດລົງເທື່ອລະກ້າວ, ເພື່ອຮັບປະກັນໃຫ້ເສດຖະກິດຂະຫຍາຍຕົວບໍ່ໃຫ້ຫລຸດ 7%, ການຂາດດຸນບໍ່ໃຫ້ເກີນ 5% ຂອງ GDP, ອັດຕາເງິນເຟີ້ໃຫ້້ຢູ່ໃນລະດັບບໍ່ເກີນ 5% ແລະ ອັດຕາແລກປ່ຽນໃຫ້ຢູ່ໃນກອບທີ່ສາມາດຄຸ້ມຄອງໄດ້, ກໍານົດອັດຕາແລກປ່ຽນ 8.300 ກີບຕໍ່ໂດລາສະຫະລັດສໍາລັບການຄິດໄລ່ໃນການສ້າງແຜນງົບປະມານແຫ່ງລັດ.

- lattana 1 - ສົກປີໜ້າລາວຕັ້ງເປົ້າເກັບລາຍຮັບໃຫ້ບັນລຸ 26.600 ກວ່າຕື້ກີບ.
error: Content is protected !!