ຕິດຕັ້ງລະບົບໄຟຟ້າແສງຕາເວັນ ໃຫ້ແກ່ປະຊາຊົນ ທີ່ນອນໃນເຂດອຸທິຍານແຫ່ງຊາດ ນາກາຍ-ນໍ້າເທີນ

ຕິດຕັ້ງລະບົບໄຟຟ້າແສງຕາເວັນ ໃຫ້ແກ່ປະຊາຊົນ  ທີ່ນອນໃນເຂດອຸທິຍານແຫ່ງຊາດ ນາກາຍ-ນໍ້າເທີນ - 004 - ຕິດຕັ້ງລະບົບໄຟຟ້າແສງຕາເວັນ ໃຫ້ແກ່ປະຊາຊົນ  ທີ່ນອນໃນເຂດອຸທິຍານແຫ່ງຊາດ ນາກາຍ-ນໍ້າເທີນ
ຕິດຕັ້ງລະບົບໄຟຟ້າແສງຕາເວັນ ໃຫ້ແກ່ປະຊາຊົນ  ທີ່ນອນໃນເຂດອຸທິຍານແຫ່ງຊາດ ນາກາຍ-ນໍ້າເທີນ - Untitled design - ຕິດຕັ້ງລະບົບໄຟຟ້າແສງຕາເວັນ ໃຫ້ແກ່ປະຊາຊົນ  ທີ່ນອນໃນເຂດອຸທິຍານແຫ່ງຊາດ ນາກາຍ-ນໍ້າເທີນ

ເມື່ອບໍ່ດົນມານີ້ ສະຖາບັນສົ່ງເສີມພະລັງງານທົດແທນ, ກະຊວງພະລັງງານ ແລະ ບໍ່ແຮ່ ແລະ ອົງການສະຫະປະຊາຊາດ ເພື່ອການພັດທະນາ ຮ່ວມກັບບໍລິສັດ ພາວເວີບຣອກ ຈາກປະ ເທດສະວິດເຊີແລນ ແລະ ບໍລິສັດ ຊັນລະບົບ ໃນ ສປປ ລາວ ໄດ້ຕິດຕັ້ງລະບົບໄຟຟ້າແສງຕາເວັນ ທີ່ມີຄວາມທັນສະໄໝ ໃຫ້ແກ່ສອງບ້ານ 147 ຫລັງຄາເຮືອນ ທີ່ນອນໃນເຂດອຸທິຍານແຫ່ງຊາດ ນາກາຍ-ນໍ້າເທີນ ແຂວງຄຳມ່ວນ ດ້ວຍກຳລັງຕິດຕັ້ງ 7.2 ກິໂລວັດ ພາຍໃຕ້ໂຄງການ ການປະກອບ ສ່ວນໃນການຫລຸດຜ່ອນອາຍພິດເຮືອນແກ້ວ. ໂຄງການດັ່ງກ່າວ, ແມ່ນໄດ້ຮັບທຶນການຊ່ວຍເຫລືອ ຈາກລັດຖະບານເຢຍລະມັນ ໃນມູນຄ່າ 374.500 ໂດລາສະຫະລັດ. ຕາງໜ້າເຂົ້າຮ່ວມພິທີການເປີດນຳໃຊ້ລະບົບໄຟຟ້າແສງຕາເວັນດັ່ງກ່າວ, ໂດຍທ່ານ ເສີມຄຳ ທຸມມະວົງສາ ຮອງຫົວໜ້າສະຖາບັນ ສົ່ງເສີມພະລັງງານທົດແທນ, ທ່ານ ແສງຈັນ ພະຄຸນທອງ ຮອງເຈົ້າເມືອງ ເມືອງນາກາຍ, ພ້ອມດ້ວຍ ຕົວແທນຈາກອົງການສະຫະປະຊາຊາດ ເພື່ອການພັດທະນາ, ອຳນາດການປົກຄອງບ້ານ ແລະ ປະ ຊາຊົນຂອງບ້ານ ເຂົ້າຮ່ວມ.

ຕິດຕັ້ງລະບົບໄຟຟ້າແສງຕາເວັນ ໃຫ້ແກ່ປະຊາຊົນ  ທີ່ນອນໃນເຂດອຸທິຍານແຫ່ງຊາດ ນາກາຍ-ນໍ້າເທີນ - 005 300x200 - ຕິດຕັ້ງລະບົບໄຟຟ້າແສງຕາເວັນ ໃຫ້ແກ່ປະຊາຊົນ  ທີ່ນອນໃນເຂດອຸທິຍານແຫ່ງຊາດ ນາກາຍ-ນໍ້າເທີນ

ທ່ານ ເສີມຄຳ ກ່າວວ່າ: ກິດຈະກຳຂອງໂຄງການ ແມ່ນສອດຄ່ອງກັບບູລິມະສິດຂອງລັດຖະ ບານ ໃນການພັດທະນາລະບົບໄຟຟ້າຊົນນະບົດ ແລະ ທັງປະກອບສ່ວນສຳຄັນ ໃນການຫລຸດຜ່ອນອາຍພິດເຮືອນແກ້ວ ຂອງລັດຖະບານ ທີ່ມີເປົ້າໝາຍໃນການຫລຸດຜ່ອນ ການປ່ອຍອາຍພິດເຮືອນແກ້ວ ໃຫ້ຍັງເຫລືອສູນພາຍໃນປີ 2050 ພາຍໃຕ້ສັນຍາປາຣີ ວ່າດ້ວຍການປ່ຽນແປງດິນຟ້າອາກາດ. ນີ້ແມ່ນສິ່ງທີ່ປະຊາຊົນຂອງພວກເຮົາຕ້ອງການທີ່ສຸດ ເພາະການເຂົ້າເຖິງ ພະລັງງານທີ່ສະອາດດ້ວຍລາຄາທີ່ສົມເຫດສົມຜົນນັ້ນ ເປັນສິ່ງສຳຄັນໃນການຍົກສູງຊີວິດການເປັນຢູ່ຂອງເຂົາເຈົ້າ ແລະ ຍັງເປັນສິ່ງຢັ້ງຢືນວ່າ ພວກເຮົາຈະນຳໃຊ້ຂໍ້ໄດ້ປຽບຂອງຄວາມອຸດົມສົມບູນ ທາງທຳມະຊາດຕື່ມອີກ.

ຕິດຕັ້ງລະບົບໄຟຟ້າແສງຕາເວັນ ໃຫ້ແກ່ປະຊາຊົນ  ທີ່ນອນໃນເຂດອຸທິຍານແຫ່ງຊາດ ນາກາຍ-ນໍ້າເທີນ - Wave100S AD to Website 2020 0 - ຕິດຕັ້ງລະບົບໄຟຟ້າແສງຕາເວັນ ໃຫ້ແກ່ປະຊາຊົນ  ທີ່ນອນໃນເຂດອຸທິຍານແຫ່ງຊາດ ນາກາຍ-ນໍ້າເທີນ

ທ່ານ ນາງ ອ້ອຍລານ ປະຊາຊົນ ບ້ານກໍບົງ ອາຍຸ 40 ປີ ກ່າວວ່າ: ການໄດ້ຊົມໃຊ້ໄຟຟ້ານີ້ ໄດ້ປ່ຽນແປງຊີວິດ, ການເປັນຢູ່ຂອງປະຊາຊົນ ທີ່ສືບທອດກັນມາຫລາຍເຊັ່ນຄົນ, ແຕ່ກ່ອນບໍ່ມີໄຟຟ້ານັ້ນ ພວກເຮົາບໍ່ຄ່ອຍໄດ້ເຮັດວຽກຍາມກາງຄືນ, ແຕ່ດຽວນີ້ຍ້ອນມີແສງສະຫວ່າງ ຈຶ່ງໄດ້ສານກະຕ່າກະບຸງ ພາຍຫລັງກິນເຂົ້າແລງແລ້ວ ໂດຍສາມາດຂາຍກະຕ່ານ້ອຍນີ້ ໄດ້ໜ່ວຍລະ 10 ພັນກີບ, ເຖິງແນວໃດກໍຕາມ, ລະບົບໄຟຟ້າດັ່ງກ່າວ ແມ່ນສາມາດສະໜອງແສງສະຫວ່າງພຽງພໍ ໃຫ້ປະຊາຊົນໃນທຸກຄົວເຮືອນ ແລະ ດ້ວຍກຳລັງຕິດຕັ້ງປັດຈຸບັນ ຍັງບໍ່ສາມາດອະນຸຍາດໃຫ້ປະຊາຊົນ ນຳໃຊ້ເຄື່ອງໄຟຟ້າທີ່ກິນໄຟສູງ. ທາງໂຄງການໄດ້ສະໜອງດອກໄຟປະຢັດສອງດອກ, ພ້ອມດ້ວຍໜຶ່ງປະສຽບ ໃຫ້ແຕ່ຫລັງຄາເຮືອນ ແລະ ໄດ້ນຳໃຊ້ມາດຕະການ ແຫ່ງຊາດ ການເກັບເງິນຄ່າໄຟຟ້າຊົນນະບົດ ແລະ ຍັງໄດ້ຝຶກອົບຮົມ ແກ່ໄຟຟ້າບ້ານ ເພື່ອຕິດຕາມການນຳໃຊ້ ແລະ ບຳລຸງຮັກສາເບື້ອງຕົ້ນ ຂອງລະບົບໄຟຟ້າດັ່ງກ່າວ. ພ້ອມນັ້ນ, ໃນສອງໝູ່ບ້ານດັ່ງກ່າວຍັງໄດ້ມີກິດຈະກຳ ກ່ຽວກັບການປັບປຸງຊີວິດການເປັນຢູ່ຂອງປະຊາຊົນຕື່ມອີກ. ສະໜອງໂດຍ ກອງທຶນສິ່ງແວດລ້ອມແຜນງານຂະໜາດນ້ອຍ.

ຕິດຕັ້ງລະບົບໄຟຟ້າແສງຕາເວັນ ໃຫ້ແກ່ປະຊາຊົນ  ທີ່ນອນໃນເຂດອຸທິຍານແຫ່ງຊາດ ນາກາຍ-ນໍ້າເທີນ - WhatsApp Image 2020 05 27 at 5 - ຕິດຕັ້ງລະບົບໄຟຟ້າແສງຕາເວັນ ໃຫ້ແກ່ປະຊາຊົນ  ທີ່ນອນໃນເຂດອຸທິຍານແຫ່ງຊາດ ນາກາຍ-ນໍ້າເທີນ
ຕິດຕັ້ງລະບົບໄຟຟ້າແສງຕາເວັນ ໃຫ້ແກ່ປະຊາຊົນ  ທີ່ນອນໃນເຂດອຸທິຍານແຫ່ງຊາດ ນາກາຍ-ນໍ້າເທີນ - WhatsApp Image 2020 05 27 at 5 - ຕິດຕັ້ງລະບົບໄຟຟ້າແສງຕາເວັນ ໃຫ້ແກ່ປະຊາຊົນ  ທີ່ນອນໃນເຂດອຸທິຍານແຫ່ງຊາດ ນາກາຍ-ນໍ້າເທີນ
error: Alert: ເນື້ອຫາຂ່າວມີລິຂະສິດ !!