ລາວຈະປ່ອຍປາ 40 ລ້ານໂຕເນື່ອງໃນວັນປ່ອຍປາ ແລະ ອານຸລັກສັດນ້ຳ-ສັດປ່າແຫ່ງຊາດ

- advert banner 728 90 728x90 - ລາວຈະປ່ອຍປາ 40 ລ້ານໂຕເນື່ອງໃນວັນປ່ອຍປາ ແລະ ອານຸລັກສັດນ້ຳ-ສັດປ່າແຫ່ງຊາດ

ວັນທີ 11 ກໍລະກົດນີ້, ທ່ານ ບຸນຂວາງ ຄຳບຸນເຮືອງ ຮອງລັດຖະມົນຕີກະຊວງກະສິກຳ ແລະ ປ່າໄມ້ໄດ້ຖະແຫລງກ່ຽວກັບການກະກຽມສະເຫລີມສະຫລອງວັນປ່ອຍປາ ແລະ ອະນຸລັກສັດນ້ຳ-ສັດປ່າແຫ່ງຊາດວັນທີ 13 ກໍລະກົດນີ້ວ່າ: ກະຊວງກະສິກຳ ແລະ ປ່າໄມ້ ກໍຄືລັດຖະບານໄດ້ວາງຄາດໝາຍໃຫ້ແຕ່ລະທ້ອງຖິ່ນໃນທົ່ວປະເທດພ້ອມກັນຈັດຂະບວນການປ່ອຍປາເນື່ອງໃນໂອກາດວັນດັ່ງກ່າວປີນີ້ບໍ່ໃຫ້ຫລຸດ 40 ລ້ານໂຕລົງສູ່ແຫລ່ງນ້ຳທຳມະຊາດຕ່າງໆເຊັ່ນ: ແມ່ນ້ຳຂອງ ແລະ ແມ່ນ້ຳສາຂາ, ອ່າງເກັບນ້ຳເຂື່ອນໄຟຟ້າ, ອ່າງເກັບນ້ຳຊົນລະປະທານ, ໜອງ ແລະ ບຶງທຳມະຊາດ, ໜອງປາຊຸມຊົນ ແລະ ດິນບໍລິເວນນ້ຳປະເພດຕ່າງໆໃຫ້ເປັນຂະບວນຟົດຟື້ນ, ສໍາລັບກະຊວງກະສິກຳ ແລະ ປ່າໄມ້ ກໍຄືນະຄອນຫລວງວຽງຈັນແມ່ນຈະຈັດຂຶ້ນໃນວັນທີ 13 ກໍລະກົດນີ້ຢູ່ທີ່ທ່າເຮືອຫລັກ 4, ເມືອງສີສັດຕະນາກ, ນະຄອນຫລວງວຽງຈັນ.

ຮອງລັດຖະມົນຕີກະຊວງກະສິກຳ ແລະ ປ່າໄມ້ ໃຫ້ຮູ້ວ່າ: ມາຮອດປັດຈຸບັນ ວຽກງານດັ່ງກ່າວໄດ້ກາຍເປັນຂະບວນການຂອງທົ່ວປວງຊົນ ແລະ ເຫັນວ່າມີ ຫລາຍພາກສ່ວນໃນສັງຄົມກໍມີການເຂົ້າຮ່ວມເປັນຢ່າງດີ, ອັນເປັນການປະກອບສ່ວນສຳຄັນເຂົ້າໃນການສ້າງຂະບວນການປູກຈິດສຳນຶກໃຫ້ທົ່ວສັງຄົມ, ໂດຍສະເພາະອຳນາດການປົກຄອງທ້ອງຖິ່ນ ແລະ ປະຊາຊົນໄດ້ມີຄວາມເຂົ້າໃຈກ່ຽວກັບຄວາມໝາຍສຳຄັນຂອງການຄຸ້ມຄອງຊັບພະຍາກອນປາ ແລະ ສັດນ້ຳໃຫ້ມີຄວາມຍືນຍົງ ແລະ ຜ່ານການສຳຫລວດຂອງຂະແໜງການປະມົງໃນປີນີ້ເຫັນວ່າ: ທົ່ວປະເທດມີວັງສະຫງວນຫລາຍກວ່າ 1.300 ວັງ, ໃນນີ້ຂຶ້ນທະບຽນແລ້ວ 397 ວັງຄື: ຢູ່ແຂວງຫລວງນ້ຳທາ, ບໍ່ແກ້ວ, ຫລວງພະບາງ, ຊຽງຂວາງ, ຫົວພັນ, ວຽງຈັນ, ນະຄອນຫລວງວຽງຈັນ, ບໍລິຄຳໄຊ, ຄຳມ່ວນ, ສະຫວັນນະເຂດ, ຈຳປາສັກ, ເຊກອງ ແລະ ອັດຕະປື.

- 1 1 - ລາວຈະປ່ອຍປາ 40 ລ້ານໂຕເນື່ອງໃນວັນປ່ອຍປາ ແລະ ອານຸລັກສັດນ້ຳ-ສັດປ່າແຫ່ງຊາດ
- Tiger Head 728x90 - ລາວຈະປ່ອຍປາ 40 ລ້ານໂຕເນື່ອງໃນວັນປ່ອຍປາ ແລະ ອານຸລັກສັດນ້ຳ-ສັດປ່າແຫ່ງຊາດ
error: Content is protected !!