ຫາລືປັບປຸງກົນໄກ ສ້າງຄວາມປອດໄພ ແລະ ຄວາມໝັ້ນຄົງຊາຍແດນລາວແຂວງພາກເໜືອ

ຫາລືປັບປຸງກົນໄກ ສ້າງຄວາມປອດໄພ ແລະ ຄວາມໝັ້ນຄົງຊາຍແດນລາວແຂວງພາກເໜືອ - Untitled design - ຫາລືປັບປຸງກົນໄກ ສ້າງຄວາມປອດໄພ ແລະ ຄວາມໝັ້ນຄົງຊາຍແດນລາວແຂວງພາກເໜືອ

ໃນວັນທີ 2-3 ມີນາ 2021 ນີ້, ກອງບັນຊາການທະຫານແຂວງຫຼວງນໍ້າທາໄດ້ຈັດກອງປະຊຸມການຮ່ວມມືເຮັດໃຫ້ສະພາບຊາຍແດນລະຫວ່າງ ແຂວງຫຼວງນໍ້າທາ ແລະ ແຂວງບໍ່ແກ້ວກັບບັນດາ ປະເທດໃກ້ຄຽງໃຫ້ມີຄວາມສະຫງົບໂດຍການເປັນປະທານຂອງສະຫາຍ ພົນຈັດຕະວາ ສີພັນ ພຸດທະວົງ ຫົວໜ້າກົມທະຫານຊາຍແດນ ກົມໃຫຍ່ເສນາທິການກອງທັບ, ມີສະຫາຍ ພັນເອກ ຫຸມພັນ ແກ້ວວັງລາດ ຫົວໜ້າການເມືອງກອງບັນຊາການທະຫານແຂວງຫຼວງນໍ້າທາ, ມີຄະນະພັກ-ຄະນະບັນຊາກອງບັນຊາການທະຫານແຂວງຫຼວງນໍ້າທາ, ແຂວງບໍ່ແກ້ວ, ປກສ ແຂວງ ແລະ ຂະແໜງການທີ່ກ່ຽວຂ້ອງທັງ 2 ແຂວງເຂົ້າຮ່ວມ.

ສະຫາຍ ພົນຈັດຕະວາ ສີພັນ ພຸດທະວົງ ໃຫ້ຮູ້ວ່າ: ໃນໄລຍະຜ່ານມາເຖິງຈະໄດ້ຮັບຜົນກະທົບຈາກສະພາບ ການແຜ່ລະບາດຂອງພະ ຍາດໂຄວິດ-19, ແຕ່ພວກເຮົາກໍຍັງຈະໄດ້ເອົາໃຈໃສ່ສືບຕໍ່ປະຕິບັດຕາມການປັບປຸງກົນໄກຂອງຄະນະກໍາມະການຊາຍແດນລາວ-ມຽນມາ ຂັ້ນແຂວງ, ເຂດ, ເຫັນໄດ້ວ່າອະນຸກຳມະການທີ່ແຕ່ລະຂັ້ນໄດ້ປະສົບຜົນສໍາເລັດໃນການປະຕິບັດໜ້າທີ່ປົກປັກຮັກສາຄວາມສະຫງົບ-ປອດໄພ ແລະ ຄວາມໝັ້ນຄົງພາຍໃນຂົງເຂດຊາຍແດນຢ່າງມີປະສິດທິຜົນ, ເຫັນວ່າສະພາບຢູ່ຕາມບໍລິເວນຊາຍແດນແຂວງຫຼວງນໍ້າທາກັບ ສປ ຈີນ ແລະ ສສ ມຽນມາ, ສະພາບຊາຍແດນ ແຂວງ ບໍ່ແກ້ວ ກັບ ສສ ມຽນມາ ແລະ ຣາຊະອານາຈັກໄທ ຍັງມີບັນຫາຈໍານວນໜຶ່ງເປັນຕົ້ນການ ເຂົ້າ-ອອກ ຊາຍແດນບໍ່ທັນຖືກຕ້ອງຕາມລະບຽບກົດໝາຍທີ່ຈະນໍາມາສູ່ການແຜ່ລະບາດຂອງເຊື້ອພະຍາດໂຄວິດ-19, ການຄ້າຂາຍເຖື່ອນ, ການຄ້າຂາຍສິ່ງເສບຕິດ ແລະ ດ້ານອື່ນໆບັນຫາທັງໝົດນັ້ນມັນເປັນສິ່ງທ້າທາຍໃຫ້ຄະນະອະນຸກຳມະການພວກເຮົາຈະໄດ້ເອົາໃຈໃສ່ເພີ່ມທະວີການຮ່ວມມືກັນໃນການຄວບຄຸມ ແລະ ປ້ອງກັນການແຜ່ລະບາດຂອງພະຍາດ ໂຄວິດ-19, ຍົກສູງກົນໄກການຮ່ວມມືໃຫ້ຄວາມສໍາຄັນ ແລະ ພັດທະນາຂີດ

ໝາຍຄວາມອາດສາມາດໃນການຈັດຕັ້ງປະຕິບັດ ຕ້ານ ແລະ ແກ້ໄຂບັນດາອາຊະຍາກໍາ ແລະ ການເຄື່ອນໄຫວຜິດກົດໝາຍຕ່າງໆໃນຂົງເຂດຊາຍແດນ, ເພີ່ມທະວີການຮ່ວມມືໃຫ້ມີຄວາມເຂັ້ມແຂງຮັດກຸມ ແລະ ເລິກເຊິ່ງກວ່າເກົ່າ, ຈັດຕັ້ງປະຕິບັດວຽກງານຕາມຄວາມຮຽກຮ້ອງຕ້ອງການ, ຕອບສະໜອງລະບົບກົນໄກການແລກປ່ຽນຂໍ້ມູນຂ່າວສານ ແລະ ສະຖານະການດ້ານຄວາມໝັ້ນຄົງໃນຂົງເຂດຊາຍແດນ (ລາວ-ຈີນ-ມຽນມາ-ໄທ), ໃຫ້ນັບມື້ເຂັ້ມແຂງ ແລະ ມີຄວາມສະຫງົບ, ກອງປະຊຸມໄດ້ເຫັນດີເປັນເອກະພາບໃນ ການຮ່ວມມືຕາມການປັບປຸງກົນໄກຂອງຄະນະກໍາມະການຊາຍແດນລາວ-ມຽນມາຂັ້ນແຂວງ, ເຂດ, ເພື່ອເຮັດໃຫ້ບໍລິເວັນຊາຍແດນມີຄວາມສະຫງົບ ແລະ ປອດໄພ, ສ້າງໃຫ້ບໍລິເວນນີ້ ແລະ ພາກພື້ນມີສັນຕິພາບ, ມີສະຖຽນລະພາບ, ປະຊາຊົນບັນດາເຜົ່າໄດ້ມີການພັດທະນາບ້ານຊ່ອງຂອງຕົນ, ການໄປມາຫາສູ່, ການຄ້າຂາຍ, ໃຫ້ເປັນປົກກະຕິ ແລະ ຖືກຕ້ອງຕາມລະບຽບກົດໜາຍ, ເປັນແຮງຍູ້ດັນໃນການພັດທະນາສັງຄົມ ແລະ ຮັບປະກັນຊີວິດການເປັນຢູ່ຂອງປະຊາຊົນດີຂຶ້ນເປັນກ້າວໆ.

ຫາລືປັບປຸງກົນໄກ ສ້າງຄວາມປອດໄພ ແລະ ຄວາມໝັ້ນຄົງຊາຍແດນລາວແຂວງພາກເໜືອ - Wave100S AD to Website 2020 0 - ຫາລືປັບປຸງກົນໄກ ສ້າງຄວາມປອດໄພ ແລະ ຄວາມໝັ້ນຄົງຊາຍແດນລາວແຂວງພາກເໜືອ

 

ຫາລືປັບປຸງກົນໄກ ສ້າງຄວາມປອດໄພ ແລະ ຄວາມໝັ້ນຄົງຊາຍແດນລາວແຂວງພາກເໜືອ - WhatsApp Image 2020 05 27 at 5 - ຫາລືປັບປຸງກົນໄກ ສ້າງຄວາມປອດໄພ ແລະ ຄວາມໝັ້ນຄົງຊາຍແດນລາວແຂວງພາກເໜືອ
ຫາລືປັບປຸງກົນໄກ ສ້າງຄວາມປອດໄພ ແລະ ຄວາມໝັ້ນຄົງຊາຍແດນລາວແຂວງພາກເໜືອ - WhatsApp Image 2020 05 27 at 5 - ຫາລືປັບປຸງກົນໄກ ສ້າງຄວາມປອດໄພ ແລະ ຄວາມໝັ້ນຄົງຊາຍແດນລາວແຂວງພາກເໜືອ
error: Alert: ເນື້ອຫາຂ່າວມີລິຂະສິດ !!