5 ປີຜ່ານມາ ໄພພິບັດສ້າງຄວາມເສຍຫາຍຫລາຍກວ່າ 5.538 ຕື້ກີບ

5 ປີຜ່ານມາ ໄພພິບັດສ້າງຄວາມເສຍຫາຍຫລາຍກວ່າ 5.538 ຕື້ກີບ - 06082019094257304tichcuctaptrunglucluongphuongtienkhacphuchauquabaolu fqtj - 5 ປີຜ່ານມາ ໄພພິບັດສ້າງຄວາມເສຍຫາຍຫລາຍກວ່າ 5.538 ຕື້ກີບ
5 ປີຜ່ານມາ ໄພພິບັດສ້າງຄວາມເສຍຫາຍຫລາຍກວ່າ 5.538 ຕື້ກີບ - Untitled design - 5 ປີຜ່ານມາ ໄພພິບັດສ້າງຄວາມເສຍຫາຍຫລາຍກວ່າ 5.538 ຕື້ກີບ

ສະພາບການເກີດໄພພິບັດ ແລະ ຜົນເສຍຫາຍ ໃນຂອບເຂດທົ່ວປະເທດ ໃນໄລຍະ 5 ປີຜ່ານມາ (2016-2020) ໄດ້ເກີດມີໄພພິບັດຂຶ້ນຈໍານວນທັງໝົດ 235 ຄັ້ງ, ສົ່ງຜົນກະທົບໂດຍກົງຕໍ່ປະຊາຊົນ ຈໍານວນ 1.860.165 ຄົນ, ເສຍຊີວິດ 121 ຄົນ, ສູນຫາຍ 45 ຄົນ, ສ້າງຄວາມເສຍຫາຍຕໍ່ຂະແໜງການສັງຄົມ (ທີ່ຢູ່ອາໃສ, ການສຶກສາ, ສາທາລະນະສຸກ ແລະ ໂພຊະນາການ, ວັດ ທະນາທໍາ), ການຜະລິດ (ກະສິກໍາ, ອຸດສະຫະກໍາ ແລະ ການຄ້າ, ທ່ອງທ່ຽວ), ໂຄງລ່າງພື້ນຖານ (ຂົນສົ່ງ, ໄຟຟ້າ, ນໍ້າໃຊ້ ແລະ ສຸຂາພິບານ, ທາງນໍ້າ) ຄິດເປັນມູນຄ່າເສຍຫາຍທັງໝົດປະມານ  5.538.247.383.912 ກີບ, ຂໍ້ມູນດັ່ງກ່າວ, ໄດ້ຖືກລາຍງານໃນກອງປະຊຸມວຽກງານຄຸ້ມຄອງໄພພິບັດທົ່ວປະເທດ ປະຈໍາ ປີ 2020, ເຊິ່ງໄດ້ຈັດຂຶ້ນໃນວັນທີ 10 ມີນາ 2021 ທີ່ເຮືອນັບແຂກ ກະຊວງແຮງງານ ແລະ ສະຫວັດດີການສັງຄົມ, ນະຄອນຫລວງວຽງຈັນ.

ທ່ານ ວິໄລພົງ ສີສົມຫວັງ ຫົວໜ້າກົມສັງຄົມສົງເຄາະ ທັງເປັນຫົວໜ້າກອງເລຂາ ຄະນະກຳ ມະການຄຸ້ມຄອງໄພພິບັດຂັ້ນສູນກາງ ແຈ້ງໃຫ້ຮູ້ວ່າ: ເຫດການໄພພິບັດທີ່ພົ້ນເດັ່ນເກີດຂຶ້ນໃນຊ່ວງໄລຍະປີ 2016-2020 ແມ່ນເຫດການໄພພິບັດນໍ້າຖ້ວມທີ່ເກີດຈາກພາຍຸຊັນຕິນ ແລະ ຄູກັນນໍ້າເຂື່ອນໄຟຟ້າເຊປ່ຽນ-ເຊນໍ້ານ້ອຍແຕກ ຢູ່ແຂວງອັດຕະປື ປີ 2018, ພາຍຸເບບິນກາ ແລະ ໄພນໍ້າຖ້ວມຢ່າງໜັກໜ່ວງ ໃນປີ 2019 ໄດ້ສົ່ງຜົນກະທົບຕໍ່ການພັດທະນາເສດຖະກິດ-ສັງຄົມ ຢ່າງຫລວງຫລາຍ. ໃນນີ້, ສະເພາະແຕ່ ປີ 2018 ມູນຄ່າຄວາມເສຍຫາຍລວມຈາກໄພນໍ້າຖ້ວມ ຄາດຄະເນແມ່ນ 3.166,9 ຕື້ກີບ (ປະມານ 371 ລ້ານໂດລາສະຫະລັດ) ຫລື ປະມານ 2,1% ຂອງການຄາດຄະເນລວມຍອດຜະລິດຕະພັນພາຍໃນ. ນອກຈາກນັ້ນ, ໄດ້ເກີດການລະບາດຂອງພະຍາດສັດ ແລະ ສັດຕູພືດຢູ່ຫລາຍແຂວງ ເປັນຕົ້ນ ການລະບາດຂອງພະຍາດອະຫິວາໝູອາຟຣິກກາ ໃນປີ 2019 ເຊິ່ງໄດ້ສ້າງຄວາມເສຍຫາຍຕໍ່ການຜະລິດ ແລະ ຊັບສິນຂອງປະຊາຊົນຫລາຍສົມຄວນ. ບັນຫາຜົນກະທົບຈາກການລະບາດຂອງພະຍາດໂຄວິດ-19 ກໍ່ເຮັດໃຫ້ລັດຖະບານ ຈໍາເປັນຕ້ອງດັດປັບຕົວເລກການຂະຫຍາຍຂອງເສດຖະກິດ ປີ 2020 ລົງຈາກ 6,5% ມາເປັນ 3,3%-3,6% ພ້ອມດ້ວຍຄາດໝາຍທາງດ້ານມະຫາພາກຈໍານວນໜຶ່ງ, ເຊິ່ງມັນໄດ້ສົ່ງຜົນກະທົບຕໍ່ຂະແໜງການຕ່າງໆ ໂດຍສະເພາະ ການກະສິກໍາລວມມີທັງພືດລົ້ມລຸກ, ການປະມົງ, ລ້ຽງສັດ, ປ່າໄມ້ ແລະ ຊົນລະປະທານ ແມ່ນໄດ້ຮັບຜົນເສຍຫາຍຢ່າງຮຸນແຮງສູງເຖິງ 57% ຂອງການສູນເສຍລວມທັງໝົດ; ຂະແໜງການຂົນສົ່ງ ມີ: ເສັ້ນທາງ, ຂົວ, ບໍລິການຂົນສົ່ງ ແລະ ອາຄານຂອງລັດຖະບານກວມ 66% ຂອງຄວາມເສຍຫາຍທັງໝົດ. ນອກຈາກນີ້, ຂະແໜງການຂອງລັດ ກໍໄດ້ຮັບຜົນກະທົບຮຸນແຮງເຊັ່ນກັນ ເປັນຕົ້ນ ຂະແໜງການຜະລິດ ແລະ ໂຄງລ່າງພື້ນຖານ; ສ່ວນຄວາມເສຍຫາຍຂອງຂະແໜງການເອກະຊົນ ແມ່ນເກີດຈາກລາຍຮັບທີ່ຫລຸດລົງສໍາລັບຊາວກະສິກອນ, ບຸກຄົນທີ່ເຮັດວິສາຫະກິດຂະໜາດນ້ອຍ ແລະ ຂະໜາດກາງ, ແລະ ພວກທີ່ໃຫ້ການບໍລິການໃນຂະແໜງການວັດທະນາທໍາ ແລະ ທ່ອງທ່ຽວ. ກະສິກອນຂະໜາດນ້ອຍ, ກໍາມະ ກອນ ແລະ ເຈົ້າຂອງວິສາຫະກິດຂະໜາດນ້ອຍ ແລະ ຂະໜາດກາງ ແມ່ນມີພາລະເພີ່ມຂຶ້ນໂດຍກົງ ຈາກໄພພິບັດຕ່າງໆນີ້.

5 ປີຜ່ານມາ ໄພພິບັດສ້າງຄວາມເສຍຫາຍຫລາຍກວ່າ 5.538 ຕື້ກີບ - Wave100S AD to Website 2020 0 - 5 ປີຜ່ານມາ ໄພພິບັດສ້າງຄວາມເສຍຫາຍຫລາຍກວ່າ 5.538 ຕື້ກີບ

ໂດຍອີງໃສ່ບົດລາຍງານການປະເມີນຄວາມເສຍຫາຍ ແລະ ຄວາມຕ້ອງການ ເພື່ອຟື້ນຟູຫລັງໄພພິບັດນໍ້າຖ້ວມ ໃນປີ 2018, 2019 ແລະ 2020 ໄດ້ສະແດງໃຫ້ເຫັນວ່າ, ຄວາມຕ້ອງການແຫລ່ງຊັບພະຍາກອນ ເພື່ອການຟື້ນຟູຫລັງໄພພິບັດນໍ້າຖ້ວມໃນໄລຍະສັ້ນ, ໄລຍະກາງ ແລະ ໄລຍະຍາວນັ້ນແມ່ນມີຫລາຍ ລວມ 3 ປີທັງໝົດມີມູນຄ່າປະມານ 5,774.2 ຕື້ກີບ, ປີທີ່ມີຄວາມຕ້ອງການຫລາຍກວ່າໝູ່ ແມ່ນຈາກເຫດການໄພພິບັດນໍ້າຖ້ວມໃນປີ 2018 ມີມູນຄ່າຄວາມຕ້ອງການເຖິງ 4,423 ຕື້ກີບ.

5 ປີຜ່ານມາ ໄພພິບັດສ້າງຄວາມເສຍຫາຍຫລາຍກວ່າ 5.538 ຕື້ກີບ - WhatsApp Image 2020 05 27 at 5 - 5 ປີຜ່ານມາ ໄພພິບັດສ້າງຄວາມເສຍຫາຍຫລາຍກວ່າ 5.538 ຕື້ກີບ
5 ປີຜ່ານມາ ໄພພິບັດສ້າງຄວາມເສຍຫາຍຫລາຍກວ່າ 5.538 ຕື້ກີບ - WhatsApp Image 2020 05 27 at 5 - 5 ປີຜ່ານມາ ໄພພິບັດສ້າງຄວາມເສຍຫາຍຫລາຍກວ່າ 5.538 ຕື້ກີບ
error: Alert: ເນື້ອຫາຂ່າວມີລິຂະສິດ !!