ຜົນຮ້າຍຈາກການກິນຊີ້ນສັດ ແລະ ການກິນເຈທີ່ທ່ານອາດຍັງບໍ່ຮູ້

ຜົນຮ້າຍຈາກການກິນຊີ້ນສັດ ແລະ ການກິນເຈທີ່ທ່ານອາດຍັງບໍ່ຮູ້ - 020801 2021 - ຜົນຮ້າຍຈາກການກິນຊີ້ນສັດ ແລະ ການກິນເຈທີ່ທ່ານອາດຍັງບໍ່ຮູ້
ຜົນຮ້າຍຈາກການກິນຊີ້ນສັດ ແລະ ການກິນເຈທີ່ທ່ານອາດຍັງບໍ່ຮູ້ - Untitled design - ຜົນຮ້າຍຈາກການກິນຊີ້ນສັດ ແລະ ການກິນເຈທີ່ທ່ານອາດຍັງບໍ່ຮູ້

ການກິນອາຫານປະເພດໃດໆກໍຕາມ ລ້ວນແຕ່ສົ່ງຜົນຕໍ່ສຸຂະພາບຮ່າງກາຍສະເໝີ ບໍ່ວ່າຈະອາຫານທີ່ກິນເຂົ້າໄປຈະເນັ້ນໃນເລື່ອງການກິນຊີ້ນສັດ ຫລື ການກິນເຈ ກໍຍ່ອມໃຫ້ຜົນດີ ແລະ ຜົນຮ້າຍຕໍ່ຮ່າງກາຍທີ່ແຕກຕ່າງກັນໄປ. ມື້ນີ້ພວກເຮົາຈະມາບອກເຖິງຜົນຮ້າຍທີ່ຮ່າງກາຍໄດ້ຮັບຈາກການກິນຊີ້ນສັດ ແລະ ການກິນເຈ ເພື່ອໃຫ້ທ່ານຮູ້ຂໍ້ປຽບທຽບລະຫ່ວາງການກິນອາຫານທັງສອງປະເພດນີ້ໄປພ້ອມໆກັນເລີຍ.

ຜົນຮ້າຍຈາກການກິນຊີ້ນສັດ ແລະ ການກິນເຈທີ່ທ່ານອາດຍັງບໍ່ຮູ້ - 010801 2021 300x180 - ຜົນຮ້າຍຈາກການກິນຊີ້ນສັດ ແລະ ການກິນເຈທີ່ທ່ານອາດຍັງບໍ່ຮູ້

ຜົນຮ້າຍຈາກການກິນຊີ້ນສັດ ແລະ ການກິນເຈທີ່ທ່ານອາດຍັງບໍ່ຮູ້ - Wave100S AD to Website 2020 0 - ຜົນຮ້າຍຈາກການກິນຊີ້ນສັດ ແລະ ການກິນເຈທີ່ທ່ານອາດຍັງບໍ່ຮູ້
  • ຜົນຮ້າຍທີ່ເກີດຈາກການກິນຊີ້ນສັດ : ສຳລັບທ່ານໃດທີ່ມັກການກິນຊີ້ນສັດ ໂດຍສະເພາະໃນກຸ່ມຂອງຊີ້ນແດງ ແລະ ຊີ້ນສັດໃຫຍ່ໃນອັດຕາສ່ວນທີ່ຫລາຍກ່ວາ 5 ຈາກປະລິມານຂອງອາຫານທີ່ກິນເຂົ້າໄປຕໍ່ອາທິດ ມີຄວາມສ່ຽງທີ່ອາດກໍ່ໃຫ້ເກີດພະຍາດຕ່າງໆ ດັ່ງນີ້ :
  1. ພະຍາດຂໍ້ອັກເສບ ຫລື ປະດົງຂໍ້ : ເນື່ອງຈາກໂປຣຕິນ ແລະ ຄໍລາເຈັນໃນຊີ້ນມີສ່ວນໄປກະຕຸ້ນລະບົບພູມຕ້ານທານໃນຮ່າງກາຍ ສ່ຽງເຮັດໃຫ້ຂໍ້ຕໍ່ເກີດອາການອັກເສບໄດ້ ສິ່ງສຳຄັນຊີ້ນທີ່ມີປະລິມານຂອງທາດເຫລັກຫລາຍ ແລະ ອາດໄປສະສົມຢູ່ໃນຂໍ້ຕໍ່ ເຮັດໃຫ້ອະນຸມູນອິດສະລະເພີ່ມຂຶ້ນໄດ້.
  2. ພະຍາດໜິ້ວໃນຖົງນຳ້ : ທ່ານອາດເຄີຍຮູ້ມາກ່ອນວ່າຊີ້ນມີປະລິມານຂອງໄຂມັນອີ່ມໂຕຫລາຍ ແລະ ມີສ່ວນເພີ່ມຄໍເລສເຕີໂຣນໃນເລືອດ ຈຶ່ງມີໂອກາດເຮັດໃຫ້ເປັນພະຍາດໜິ້ວໃນຖົງນຳ້ໄດ້.
  3. ກະດູກຜ່ອຍ : ພະຍາດກະດູກຜ່ອຍ-ກະດູກບາງ ທີ່ເກີດຈາກການທີ່ຮ່າງກາຍໄດ້ຮັບໂປຣຕິນ ເນື່ອງຈາກການກິນຊີ້ນແດງທີ່ຫລາຍເກີນໄປນັ້ນ ເກີດຂຶ້ນຍ້ອນການຍ່ອຍໂປຣຕິນເຮັດໃຫ້ເກີດສະພາບກົດທີ່ຫລາຍເກີນໄປຈົນຕ້ອງໄລ່ອອກທາງໝາກໄຂ່ຫລັງ ເຊິ່ງກ່ອນຈະໄລ່ອອກນັ້ນ ຮ່າງກາຍມີການດຶງດ່າງ ແລະ ທາດການຊຽມຈາກກະດູກໄປຊ່ວຍໄລ່ກົດອອກ ຈຶ່ງເຮັດໃຫ້ຮ່າງກາຍສູນເສຍທາດການຊຽມ.
  4. ສະໝອງເສື່ອມ : ພະຍາດນີ້ເກີດຂຶ້ນຍ້ອນຮ່າງກາຍສ້າງໂປຣຕິນໃນສະໝອງຜິດປົກກະຕິ ຈຶ່ງເຮັດໃຫ້ເກີດບັນຫາໃນເລື່ອງຄວາມຈື່ຈຳ ເຊິ່ງແນະນຳໃຫ້ກິນຜັກ ພ້ອມທັງກິນຊີ້ນ ເພາະວິຕາມິນຈາກພືດຜັກຕ່າງໆ ລວມທັງສານຕ້ານອະນຸມູນອິດສະລະ ເຊັ່ນ : ໂພລີຟີນັລ ມີສ່ວນຊ່ວຍປ້ອງກັນການສ້າງໂປຣຕິນໃນສະໝອງຜິດປົກກະຕິໄດ້.
  • ຜົນຮ້າຍຈາກການກິນອາຫານເຈ : ໃນພາກສ່ວນຂອງການກິນອາຫານເຈ ຫລື ຄົນກິນເຈນັ້ນ ຮ່າງກາຍສູນເສຍວິຕາມິນ B12 ແລະ ໂປຣຕິນ ເຊິ່ງລ້ວນສົ່ງຜົນຮ້າຍຕໍ່ຮ່າງກາຍ ເຮັດໃຫ້ພະເຊີນກັບພະຍາດຕ່າງໆ ດັ່ງນີ້ :
  1. ກ້າມຊີ້ນຫົດຫ່ຽວ : ການກິນເຈນັ້ນມັກສ່ຽງຕໍ່ການຂາດໂປຣຕິນ ຈຶ່ງເຮັດໃຫ້ຮ່າງກາຍສູນເສຍມວນກ້າມຊີ້ນ ຈຶ່ງເຮັດໃຫ້ກ້າມຊີ້ນຫົດຫ່ຽວ ດັ່ງນັ້ນຈຶ່ງແນະນຳໃຫ້ປ່ຽນຈາກການກິນເຂົ້າທຳມະດາໄປເປັນເຂົ້າເໝົ້າ, ເຂົ້າກໍ່າ, ເຂົ້າເບລ ແລະ ເພີ່ມໂປຣຕິນໃນຮ່າງກາຍໂດຍການດື່ມນຳ້ເຕົ້າຫູ້, ໝາກງາ ແລະ ຜັກຫລາຍຊະນິດ ພ້ອມທັງອອກກຳລັງກາຍ ແລະ ພັກຜ່ອນໃຫ້ພຽງພໍກໍຊ່ວຍປ້ອງກັນກ້າມຊີ້ນຫົດຫ່ຽວໄດ້.
  2. ມີລູກຍາກ : ການມີລູກຍາກເປັນໜຶ່ງໃນຜົນຮ້າຍທີ່ເກີດຈາກການກິນເຈ ເນື່ອງຈາກກິນຖົ່ວເຫລືອງຫລາຍຈົນເກີນໄປ ເພາະສານເຈນິສທິນໃນຖົ່ວເຫລືອງສົ່ງຜົນໃຫ້ຄວາມສາມາດຂອງອະສຸຈິ ຫລື ສະເປີມໃນການດຳນຳ້ຂຶ້ນໄປປະສົມກັບໄຂ່ຫລຸດໜ້ອຍລົງ.
  3. ຊຶມເສົ້າ : ອາການຊຶມເສົ້າທີ່ເກີດຈາກການກິນອາຫານເຈເປັນເວລາດົນໆ ເຮັດໃຫ້ຮ່າງກາຍສ່ຽງຂາດວິຕາມິນ B12 ເຊິ່ງວິຕາມິນຊະນິດນີ້ມີສ່ວນຊ່ວຍໃນການສ້າງການຈະເລີນເຕີບໃຫຍ່ຂອງແຊນປະສາດ ຫາກຂາດວິຕາມິນຊະນິດນີ້ເປັນເວລາດົນ ຍ່ອມເຮັດໃຫ້ຮ່າງກາຍພະເຊີນກັບອາການລະບົບປະສາດອ່ອນໆ ເຊັ່ນ : ອ່ອນເພຍ, ອາລົມຂຶ້ນໆລົງໆ ຫລື ຊຶມເສົ້າ ຈຶ່ງຂໍແນະນຳໃຫ້ກິນວິຕາມິນ B ຫລື ວິຕາມິນລວມເສີມ ລວມທັງກິນຊີ້ນແດ່ໃນບາງເທື່ອ ຈະຊ່ວຍໃຫ້ຫ່າງໄກຈາກອາການຊຶມເສົ້າໄດ້.
  • ຈະເຫັນໄດ້ວ່າການກິນອາຫານບໍ່ວ່າຈະໃນຮູບແບບໃດ ກໍລ້ວນສົ່ງຜົນຕໍ່ຮ່າງກາຍຄືກັນໝົດ ເຊິ່ງການກິນໃນຮູບແບບໃດທີ່ຫລາຍເກີນໄປກໍຍ່ອມເຮັດໃຫ້ຮ່າງກາຍໄດ້ຮັບຜົນຮ້າຍໄດ້ຄືກັນ ເນື່ອງຈາກຮ່າງກາຍສູນເສຍສານອາຫານຊະນິດໃດໜຶ່ງໄປນັ້ນເອງ. ດັ່ງນັ້ນ, ເພື່ອໃຫ້ເກີດຜົນດີຕໍ່ຮ່າງກາຍ ແລະ ບໍ່ສ່ຽງຕໍ່ການສົ່ງຜົນຮ້າຍໃດໆ ຈຶ່ງຈຳເປັນຕ້ອງປັບການກິນອາຫານໃຫ້ດຸ່ນດ່ຽງ ແລະ ຄົບທັງ 5 ໝວດ ຈະດີທີ່ສຸດ.
ຜົນຮ້າຍຈາກການກິນຊີ້ນສັດ ແລະ ການກິນເຈທີ່ທ່ານອາດຍັງບໍ່ຮູ້ - WhatsApp Image 2020 05 27 at 5 - ຜົນຮ້າຍຈາກການກິນຊີ້ນສັດ ແລະ ການກິນເຈທີ່ທ່ານອາດຍັງບໍ່ຮູ້
ຜົນຮ້າຍຈາກການກິນຊີ້ນສັດ ແລະ ການກິນເຈທີ່ທ່ານອາດຍັງບໍ່ຮູ້ - WhatsApp Image 2020 05 27 at 5 - ຜົນຮ້າຍຈາກການກິນຊີ້ນສັດ ແລະ ການກິນເຈທີ່ທ່ານອາດຍັງບໍ່ຮູ້
error: Alert: ເນື້ອຫາຂ່າວມີລິຂະສິດ !!