ລະບົບສາທາລະນະສຸກຂອງບຣາຊິລໃນຫລາຍເມືອງໃຫຍ່ໃກ້ລົ້ມ ຈາກຈຳນວນຜູ້ຕິດເຊື້ອໂຄວິດ-19

ລະບົບສາທາລະນະສຸກຂອງບຣາຊິລໃນຫລາຍເມືອງໃຫຍ່ໃກ້ລົ້ມ ຈາກຈຳນວນຜູ້ຕິດເຊື້ອໂຄວິດ-19 - coronavirustreatment1 wide e5c5c03066a91715b4f0726b6236ed46076a1701 - ລະບົບສາທາລະນະສຸກຂອງບຣາຊິລໃນຫລາຍເມືອງໃຫຍ່ໃກ້ລົ້ມ ຈາກຈຳນວນຜູ້ຕິດເຊື້ອໂຄວິດ-19
ລະບົບສາທາລະນະສຸກຂອງບຣາຊິລໃນຫລາຍເມືອງໃຫຍ່ໃກ້ລົ້ມ ຈາກຈຳນວນຜູ້ຕິດເຊື້ອໂຄວິດ-19 - Untitled design - ລະບົບສາທາລະນະສຸກຂອງບຣາຊິລໃນຫລາຍເມືອງໃຫຍ່ໃກ້ລົ້ມ ຈາກຈຳນວນຜູ້ຕິດເຊື້ອໂຄວິດ-19

ສຳນັກ​ຂ່າວ BBC ລາຍ​ງານ​ວ່າ: ຟິ​ໂອກຣຸດ ສະ​ຖາ​ບັນ​ດ້ານ​ສາທາລະນະ​ສຸກ​ຊັ້ນນຳ​ຂອງ​ບຣາຊິ​ລອອກ​ມາ​ເຕືອນ​ວ່າ: ລະບົບ​ສາທາລະນະ​ສຸກ​ຕາມ​ເມືອງ​ໃຫຍ່ໆ​ສ່ວນ​ຫລາຍ​ຂອງ​ບຣາຊິ​ລ​ໃກ້​ຈະລົ້ມ​ແລ້ວ ​ເນື່ອງ​ຈາກ​ຈຳນວນ​ຜູ້​ຕິດ​ເຊື້ອ​ໂຄ​ວິດ-19 ​ເພີ່ມ​ສູງ​ຂຶ້ນ, ສະ​ເພາະ​ວັນ​ທີ 9 ມີນາ​ຜ່ານ​ມາ ມີຜູ້​ເສຍ​ຊີວິດ​ຈາກ​ໂຄ​ວິດ-19 ​ເຖິງ 1.972 ຄົນ ​ເຊິ່ງຖື​ເປັນ​ສະຖິຕິ​ຜູ້​ເສຍ​ຊີວິດ​ແຕ່​ລະ​ວັນ​ສູງ​ສຸດ. ນອກຈາກ​ນີ້ ຕຽງ​ໃນ​ຫ້ອງ ICU ​ໃນ​ເມືອງ​ຫລວງ​ຂອງ 15 ລັດ​ໃນ​ບຣາຊິ​ລຮັບ​ຜູ້​ຕິດ​ເຊື້ອ​ແລ້ວ​ຫລາຍ​ກວ່າ 90% ຂອງ​ກຳລັງ​ທີ່​ຮັບ​ໄດ້, ສ່ວນ​ຢູ່​ເມືອງ​ປໍ​ໂຕ ອາ​ເລ​ເກຣ ​ແລະ ຄາມ​ໂປ ກຣານ​ເດ ມີ​ຜູ້​ຕິດ​ເຊື້ອ​ເກີນ​ປະລິມານ​ທີ່​ຫ້ອງ ICU ຈະ​ຮັບ​ໄດ້​ແລ້ວ.

ລາຍ​ງານ​ຂອງ​ຟິ​ໂອກຣຸດ​ເຕືອນ​ວ່າ: ຕົວ​ເລກ​ດັ່ງກ່າວ​ຊີ້​ໃຫ້​ເຫັນ​ເຖິງ “ລະບົບ​ສຸຂະພາບ​ທີ່​ລົ້ນ​ເກີນ ​ແລະ ​ເຖິງ​ຂັ້ນລົ້ມສະ​ຫລາຍ”.

ສື່​ທ້ອງ​ຖິ່ນ​ລາຍ​ງານ​ວ່າ: ​ໃນ​ວັນ​ທີ 9 ມີນາ​ຜ່ານ​ມາ, ບຣາຊິ​ລມີ​ລາຍ​ງານ​ຜູ້​ຕິດ​ເຊື້ອ​ໃໝ່ 70.000 ກວ່າ​ຄົນ ​ເພີ່ມ​ຂຶ້ນຈາກ​ອາທິດ​ກ່ອນ 38%. ການ​ເພີ່ມ​ຂຶ້ນດັ່ງກ່າວ​ມີ​ສາ​ເຫດ​ມາ​ຈາກ​ການລະບາດ​ຂອງ​ໄວຣັສ​ໂຄ​ວິດ-19 ສາຍ​ພັນ​ທີ່​ຖືກຕັ້ງຊື່ວ່າ: P1 ​ເຊິ່ງຄາດ​ວ່າ​ມີຕົ້ນກຳ​ເນີ​ດຢູ່​ເມືອງ​ມ​າ​ເນົາ​ຂອງ​ລັດ​ອາມາ​ໂຊ​ນັສ ​ໂດຍ​ຂໍ້​ມູນ​ເບື້ອງຕົ້ນຈາກ​ມະຫາວິທະຍາ​ໄລ​ເຊົາ​ເປົາ​ໂລ, ວິທະຍາ​ໄລ​ອິມພີຣຽວ​ໃນ​ນະຄອນຫລວງ​ລອນ​ດອນ ​ແລະ ມະຫາວິທະຍາ​ໄລ​ອອກ​ຟອດຂອງ​ອັງກິດ ລະບຸ​ວ່າ: ​ໄວຣັສສາຍ​ພັນ P1 ສາມາດ​ແຜ່​ເຊື້ອ​ໄດ້​ເພີ່ມ​ຂຶ້ນ​ເປັນ​ສອງ​ເທົ່າ​ຂອງ​ເຊື້ອ​ໄວຣັສດັ້ງ​ເດີມ ​ແລະ ຍັງ​ສາມາດຫລົບ​ຫລີກ​ພູມ​ຄຸ້ມ​ກັນ​ທີ່​ສ້າງ​ຂຶ້ນຈາກ​ການ​ຕິດ​ເຊື້ອ​ໄວຣັສຊະນິດ​ດັ້ງ​ເດີມ​ໄດ້ ​ໂດຍ​ໂອກາດ​ຂອງ​ການ​ຕິດ​ເຊື້ອຊ້ຳມີ​ປະມານ 25-60%, ​ແຕ່​ອາທິດ​ກ່ອນ ຟິ​ໂອກຣຸດກ່າວ​ໄວ້​ວ່າ: ​ໄວຣັສສາຍ​ພັນ P1 ນີ້​ເປັນ​ພຽງ​ໜຶ່ງ​ໃນ​ສາຍ​ພັນ​ທີ່​ກັງວົນ ​ເຊິ່ງ​ໄດ້​ກາຍ​ມາ​ເປັນ​ສາຍ​ພັນ​ຫລັກ​ໃນ 6 ຈາກ 8 ລັດ​ທີ່​ຟິ​ໂອກຣຸດມີ​ການ​ສຶກສາ.

ລະບົບສາທາລະນະສຸກຂອງບຣາຊິລໃນຫລາຍເມືອງໃຫຍ່ໃກ້ລົ້ມ ຈາກຈຳນວນຜູ້ຕິດເຊື້ອໂຄວິດ-19 - Wave100S AD to Website 2020 0 - ລະບົບສາທາລະນະສຸກຂອງບຣາຊິລໃນຫລາຍເມືອງໃຫຍ່ໃກ້ລົ້ມ ຈາກຈຳນວນຜູ້ຕິດເຊື້ອໂຄວິດ-19

ບຣາຊິ​ລຖື​ເປັນ​ປະ​ເທດ​ທີ່​ມີ​ຜູ້​ເສຍ​ຊີວິດ​ສະ​ສົມ​ຈາກ​ໂຄ​ວິດ-19 ສູງ​ເປັນອັນ​ດັບ 2 ຂອງ​ໂລກ ຮອງ​ຈາກ​ອາ​ເມ​ລິ​ກາ ​ແລະ ຜູ້​ຕິດ​ເຊື້ອສະ​ສົມ​ສູງ​ເປັນອັນ​ດັບ 3 ຂອງ​ໂລກ.

ລະບົບສາທາລະນະສຸກຂອງບຣາຊິລໃນຫລາຍເມືອງໃຫຍ່ໃກ້ລົ້ມ ຈາກຈຳນວນຜູ້ຕິດເຊື້ອໂຄວິດ-19 - WhatsApp Image 2020 05 27 at 5 - ລະບົບສາທາລະນະສຸກຂອງບຣາຊິລໃນຫລາຍເມືອງໃຫຍ່ໃກ້ລົ້ມ ຈາກຈຳນວນຜູ້ຕິດເຊື້ອໂຄວິດ-19
ລະບົບສາທາລະນະສຸກຂອງບຣາຊິລໃນຫລາຍເມືອງໃຫຍ່ໃກ້ລົ້ມ ຈາກຈຳນວນຜູ້ຕິດເຊື້ອໂຄວິດ-19 - WhatsApp Image 2020 05 27 at 5 - ລະບົບສາທາລະນະສຸກຂອງບຣາຊິລໃນຫລາຍເມືອງໃຫຍ່ໃກ້ລົ້ມ ຈາກຈຳນວນຜູ້ຕິດເຊື້ອໂຄວິດ-19
error: Alert: ເນື້ອຫາຂ່າວມີລິຂະສິດ !!