ເພີ່ມບົດບາດຍິງ-ຊາຍຕໍ່ການປ່ຽນແປງດິນຟ້າອາກາດ ແລະ ການຄຸ້ມຄອງຄວາມສ່ຽງຈາກໄພພິບັດ

ເພີ່ມບົດບາດຍິງ-ຊາຍຕໍ່ການປ່ຽນແປງດິນຟ້າອາກາດ ແລະ ການຄຸ້ມຄອງຄວາມສ່ຽງຈາກໄພພິບັດ - XAY 0008 - ເພີ່ມບົດບາດຍິງ-ຊາຍຕໍ່ການປ່ຽນແປງດິນຟ້າອາກາດ ແລະ ການຄຸ້ມຄອງຄວາມສ່ຽງຈາກໄພພິບັດ
ເພີ່ມບົດບາດຍິງ-ຊາຍຕໍ່ການປ່ຽນແປງດິນຟ້າອາກາດ ແລະ ການຄຸ້ມຄອງຄວາມສ່ຽງຈາກໄພພິບັດ - Untitled design - ເພີ່ມບົດບາດຍິງ-ຊາຍຕໍ່ການປ່ຽນແປງດິນຟ້າອາກາດ ແລະ ການຄຸ້ມຄອງຄວາມສ່ຽງຈາກໄພພິບັດ

ໃນວັນທີ 11 ມີນາ 2021, ທີ່ນະຄອນຫລວງວຽງຈັນ ທະນາຄານພັດທະນາອາຊີ ປະຈຳ ສປປ ລາວ ຫລື (ADB) ຮ່ວມມືກັບ ສູນກາງສະຫະພັນແມ່ຍິງລາວ ໄດ້ຈັດພິທີສະເຫລີມສະຫລອງວັນແມ່ຍິງສາກົນ 8 ມີນາ ຄົບຮອບ 111 ປີ ແລະ ກອງປະຊຸມເພື່ອຍົກສູງຄວາມຮັບຮູ້ ແລະ ຄວາມສາມາດຂອງສະຫະພັນແມ່ຍິງ ແລະ ບັນດາຜູ້ວາງນະໂຍບາຍ ໃນບັນດາຂະແໜງການຂອງທີ່ກ່ຽວຂ້ອງຕ່າງໆ ກ່ຽວກັບການນຳໃຊ້ກົດໝາຍ, ນະໂຍບາຍ, ແລະ ການບໍລິຫານປົກຄອງຂອງ ສປປ ລາວ ເພື່ອສະໜັບສະໜູນຄວາມພ້ອມ ຂອງແມ່ຍິງຕໍ່ການປ່ຽນແປງດິນຟ້າອາກາດ ແລະ ຄວາມສ່ຽງ ຈາກໄພພິບັດ.  ໂດຍການເຂົ້າຮ່ວມ ຂອງທ່ານ ນາງ ບັນດິດ ປະທຸມວັນ ຮອງປະທານສູນກາງສະຫະພັນແມ່ນຍິງລາວ, ມີທ່ານ ນາງ ໂຊໂນມິ ທະນາກະ ຜູ້ຕາງໜ້າທະນາຄານພັດທະນາອາຊີ ປະຈຳ ສປປ ລາວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ເພີ່ມບົດບາດຍິງ-ຊາຍຕໍ່ການປ່ຽນແປງດິນຟ້າອາກາດ ແລະ ການຄຸ້ມຄອງຄວາມສ່ຽງຈາກໄພພິບັດ - XAY 0002 300x200 - ເພີ່ມບົດບາດຍິງ-ຊາຍຕໍ່ການປ່ຽນແປງດິນຟ້າອາກາດ ແລະ ການຄຸ້ມຄອງຄວາມສ່ຽງຈາກໄພພິບັດ

ໃນໂອກາດດັ່ງກ່າວ, ທ່ານນາງ ໂຊໂນມິ ທະນາກະ ໄດ້ໃຫ້ຮູ້ວ່າ: ການສົ່ງເສີມການມີສ່ວນຮ່ວມຂອງແມ່ຍິງໃນການຕັດສິນໃຈ ແລະ ການເຂົ້າເຖິງການຈ້າງງານ ແລະ ຊັບພະຍາກອນຢ່າງເທົ່າທຽມກັນ ແມ່ນສິ່ງສຳຄັນອັນຕົ້ນຕໍໃນການດຳເນີນງານຂອງ ADB ຢູ່ ສປປ ລາວ ຊຶ່ງຈຸດປະສົງຂອງພວກເຮົາແມ່ນເພື່ອຮ່ວມກັນກ້າວໄປຂ້າງໜ້າ ແລະ ສ້າງຄວາມເຂັ້ມແຂງໃຫ້ແກ່ວິທີການຂອງພວກເຮົາ ເນື່ອງຈາກວ່າ ການປ່ຽນແປງດິນຟ້າອາກາດ ແລະ ມາດຕະການ ຄວບຄຸມຄວາມສ່ຽງຈາກໄພພິບັດ ສາມາດປະສົບຜົນ ສຳເລັດ ແລະ ຍືນຍົງໄດ້ ຖ້າການປ່ຽນແປງດິນຟ້າອາກາດ ແລະ ບັນດາມາດ ຕະການຄວບຄຸມດັ່ງກ່າວໄດ້ຮັບການແກ້ໄຂ, ລວມທັງບັນດາອຸປະສັກທາງດ້ານເສດຖະກິດ ແລະ ສັງຄົມ ທີ່ແມ່ຍິງປະເຊີນ ໄດ້ຢ່າງເໝາະສົມ. ຍ້ອນວ່າຄວາມບໍ່ສະເໝີພາບລະຫວ່າງຍິງ-ຊາຍ ຍັງມີຢູ່, ແຕ່ແມ່ຍິງ ແລະ ຜູ້ຊາຍ ປະ ສົບກັບຜົນສະທ້ອນຈາກການປ່ຽນແປງດິນຟ້າອາກາດ ແລະ ໄພພິບັດແຕກຕ່າງກັນ, ອັນໄດ້ສົ່ງຜົນກະທົບຕໍ່ຄວາມສາມາດຂອງບຸກຄົນ ແລະ ຊຸມຊົນໃນການປັບຕົວ. ໂດຍຮັບຮູ້ເຖິງບົດບາດສຳຄັນຂອງແມ່ຍິງ ແລະ ການສ້າງຄວາມເຂັ້ມແຂງໃຫ້ພວກເຂົາ ເພື່ອເປັນຕົວແທນຂອງການປ່ຽນແປງ, ແທນທີ່ຈະເປັນຜູ້ເຄາະຮ້າຍ, ໃນການວາງນະໂຍບາຍ ແລະ ການຕັດສິນໃຈ ແຕ່ເປັນຂໍ້ກຳນົດພື້ນຖານໃນການແກ້ໄຂບັນ ຫາທີ່ປະສົບຜົນສຳເລັດໃນໄລຍະຍາວ ຕໍ່ກັບຄວາມສ່ຽງດ້ານສະພາບອາກາດ ແລະ ຄວາມສ່ຽງຈາກໄພພິບັດ.

ທ່ານ ນາງ ບັນດິດ ປະທຸມວັນ ກໍໄດ້ໃຫ້ຮູ້ວ່າ: ພາຍຫລັງພິທີສະເຫລີມສະຫລອງ ແລະ ກອງປະ ຊຸມສຳເລັດແລ້ວ, ຜູ້ເຂົ້າຮ່ວມສຳມະນາຈະໄດ້ຮັບຄວາມຮູ້ເພີ່ມເຕີມກ່ຽວກັບ ການເຊື່ອມສານຄວາມສະເໝີພາບຍິງ-ຊາຍ ແລະ ການບໍ່ຈຳແນກ ເຂົ້າໃນການວາງແຜນ ແລະ ການຈັດຕັ້ງປະຕິບັດກົດໝາຍ, ນະ ໂຍບາຍກ່ຽວກັບການປ່ຽນແປງດິນຟ້າອາກາດ ແລະ ການຄຸ້ມຄອງ ຄວາມສ່ຽງຈາກໄພພິບັດ ໃນ ສປປ ລາວ, ທັງເປັນການຜັນຂະຫຍາຍຖະແຫລງການວຽງຈັນ ວ່າດ້ວຍການສົ່ງເສີມບົດບາດຍິງຊາຍ ແລະ ການເປັນຄູ່ຮ່ວມຂອງແມ່ຍິງອາຊຽນ ເພື່ອສິ່ງແວດລ້ອມແບບຍືນຍົງ ທີ່ໄດ້ຮັບຮອງເອົາໃນກອງປະຊຸມລັດ ຖະມົນຕີແມ່ຍິງອາຊຽນຄັ້ງທີ 1 ທີ່ສປປ ລາວເປັນເຈົ້າພາບໃນປີ 2012.

ເພີ່ມບົດບາດຍິງ-ຊາຍຕໍ່ການປ່ຽນແປງດິນຟ້າອາກາດ ແລະ ການຄຸ້ມຄອງຄວາມສ່ຽງຈາກໄພພິບັດ - Wave100S AD to Website 2020 0 - ເພີ່ມບົດບາດຍິງ-ຊາຍຕໍ່ການປ່ຽນແປງດິນຟ້າອາກາດ ແລະ ການຄຸ້ມຄອງຄວາມສ່ຽງຈາກໄພພິບັດ

ກອງປະຊຸມດັ່ງກ່າວແມ່ນສ່ວນໜຶ່ງ ຂອງໂຄງການຊ່ວຍເຫລືອທາງດ້ານວິຊາການ ທີ່ໄດ້ຮັບການສະໜັບສະໜູນຈາກ ADB ຊຶ່ງມີຈຸດປະສົງເພື່ອ ຍົກສູງຄວາມອາດສາມາດຂອງສາມປະເທດສະມາຊິກທີ່ກຳລັງພັດທະນາ ເຊັ່ນ: ຟີຈີ, ມົງໂກນ ແລະ ສປປ ລາວ ເພື່ອສ້າງຄວາມເຂັ້ມແຂງໃຫ້ແກ່ການຄວາມພ້ອມຮັບການປ່ຽນແປງຂອງແມ່ຍິງ ຕໍ່ກັບການປ່ຽນແປງດິນຟ້າອາກາດ ແລະ ຄວາມສ່ຽງ ຈາກໄພພິບັດຕໍ່ແມ່ຍິງ. ໂຄງການດັ່ງກ່າວມີສາມອົງປະກອບຫລັກ ຄື: ສະແດງໃຫ້ເຫັນທ່າແຮງສຳລັບການສ້າງວຽກເຮັດງານທຳຕາມທິດສີຂຽວ ສຳລັບແມ່ຍິງ, ການພັດທະນາ ແລະ ຄວາມກ້າວໜ້າດ້ານນະໂຍບາຍຂອງຂະແໜງການ ທີ່ຕອບສະໜອງຕໍ່ບົດບາດຍິງ-ຊາຍ ແລະ ການປະຕິບັດງານກ່ຽວກັບການປ່ຽນແປງດິນຟ້າອາກາດ ແລະ ການຄຸ້ມຄອງຄວາມສ່ຽງຈາກໄພພິບັດ, ນັບທັງການສ້າງຄວາມເຂັ້ມແຂງໃນຂອບນິຕິກຳ ສຳລັບການປັບຕົວເຂົ້າກັບວຽກງານດັ່ງກ່າວ.

ເພີ່ມບົດບາດຍິງ-ຊາຍຕໍ່ການປ່ຽນແປງດິນຟ້າອາກາດ ແລະ ການຄຸ້ມຄອງຄວາມສ່ຽງຈາກໄພພິບັດ - WhatsApp Image 2020 05 27 at 5 - ເພີ່ມບົດບາດຍິງ-ຊາຍຕໍ່ການປ່ຽນແປງດິນຟ້າອາກາດ ແລະ ການຄຸ້ມຄອງຄວາມສ່ຽງຈາກໄພພິບັດ
ເພີ່ມບົດບາດຍິງ-ຊາຍຕໍ່ການປ່ຽນແປງດິນຟ້າອາກາດ ແລະ ການຄຸ້ມຄອງຄວາມສ່ຽງຈາກໄພພິບັດ - WhatsApp Image 2020 05 27 at 5 - ເພີ່ມບົດບາດຍິງ-ຊາຍຕໍ່ການປ່ຽນແປງດິນຟ້າອາກາດ ແລະ ການຄຸ້ມຄອງຄວາມສ່ຽງຈາກໄພພິບັດ
error: Alert: ເນື້ອຫາຂ່າວມີລິຂະສິດ !!