ຮອງນາຍົກລັດຖະມົນຕີ ເນັ້ນເພີ່ມທະວີວຽກງານປ້ອງກັນ ການຫລຸດຜ່ອນຄວາມສ່ຽງ ແລະ ກຽມພ້ອມຮັບມືກັບໄພພິບັດ

ຮອງນາຍົກລັດຖະມົນຕີ ເນັ້ນເພີ່ມທະວີວຽກງານປ້ອງກັນ ການຫລຸດຜ່ອນຄວາມສ່ຽງ ແລະ ກຽມພ້ອມຮັບມືກັບໄພພິບັດ - 157909767 1576804145856693 8720003945623287527 o - ຮອງນາຍົກລັດຖະມົນຕີ ເນັ້ນເພີ່ມທະວີວຽກງານປ້ອງກັນ ການຫລຸດຜ່ອນຄວາມສ່ຽງ ແລະ ກຽມພ້ອມຮັບມືກັບໄພພິບັດ
ຮອງນາຍົກລັດຖະມົນຕີ ເນັ້ນເພີ່ມທະວີວຽກງານປ້ອງກັນ ການຫລຸດຜ່ອນຄວາມສ່ຽງ ແລະ ກຽມພ້ອມຮັບມືກັບໄພພິບັດ - Untitled design - ຮອງນາຍົກລັດຖະມົນຕີ ເນັ້ນເພີ່ມທະວີວຽກງານປ້ອງກັນ ການຫລຸດຜ່ອນຄວາມສ່ຽງ ແລະ ກຽມພ້ອມຮັບມືກັບໄພພິບັດ

ໃນວັນທີ 11 ມີນາ 2021 ທີ່ເຮືອນຮັບແຂກກະຊວງແຮງງານ ແລະ ສະຫວັດດີການສັງຄົມ, ນະຄອນຫລວງວຽງຈັນ, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີ ກະຊວງ ແຜນການ ແລະ ການລົງທຶນ ທັງເປັນປະທານຄະນະກໍາມະການຄຸ້ມຄອງໄພພິບັດ ຂັ້ນສູນກາງ ໄດ້ໃຫ້ກຽດໂອ້ລົມ ຕໍ່ກອງປະຊຸມຖອດຖອນບົດຮຽນການຈັດຕັ້ງວຽກງານ ການຄຸ້ມຄອງໄພພິບັດທົ່ວປະເທດ ປະຈໍາປີ 2020 ໂດຍທ່ານກ່າວວ່າ: ດັ່ງທີ່ພວກເຮົາໄດ້ຮັບຮູ້ ແລະ ແລກປ່ຽນບົດຮຽນຮ່ວມກັນ, ບັນຫາໄພພິ ບັດທີ່ເກີດຂຶ້ນໃນ 5 ປີ ຜ່ານມານີ້ ເຫັນໄດ້ວ່າຍັງສືບຕໍ່ເກີດຂຶ້ນ, ມີຄວາມຖີ່ ແລະ ຄວາມຮຸນແຮງເພີ່ມຂຶ້ນເລື້ອຍໆ, ເປັນການເຕືອນສະຕິໃຫ້ແກ່ພວກເຮົາ ຕ້ອງໄດ້ເພີ່ມທະວີຄວາມເອົາໃຈໃສ່ຊີ້ນໍາ-ນໍາພາ ໃນການ ຈັດຕັ້ງປະຕິບັດວຽກງານດັ່ງກ່າວ ເປັນຕົ້ນ ການປ້ອງກັນ, ການຫລຸດຜ່ອນຄວາມສ່ຽງ, ການກຽມພ້ອມຕອບໂຕ້ສຸກເສີນ ແລະ ການຟື້ນຟູຄືນຫລັງໄພພິບັດ ໃຫ້ມີປະສິດທິຜົນຍິ່ງຂຶ້ນ ໂດຍສະເພາະ ວຽກງານທີ່ພວກເຮົາຈະໄດ້ພ້ອມກັນສືບຕໍ່ຈັດຕັ້ງປະຕິບັດໃນ 5 ປີ ຂ້າງໜ້າ ແລະ ວຽກງານຈຸດຈຸມ ປີ 2021 ໃຫ້ສໍາເລັດ.

ສະນັ້ນ, ເພື່ອເຮັດໃຫ້ການເຄື່ອນໄຫວວຽກງານຄຸ້ມຄອງໄພພິບັດ ມີປະສິດທິຜົນສູງ ໃນ 5 ປີຕໍ່ໜ້າ ທ່ານ ຮອງນາຍົກລັດຖະມົນຕີ ໄດ້ເນັ້ນໃຫ້ບັນດາຄະນະກໍາມະການຄຸ້ມຄອງໄພພິບັດ ຂັ້ນສູນກາງ ແລະ ແຂວງ ຕ້ອງສຸມໃສ່ບາງບັນຫາ ດັ່ງນີ້໋: ຜັນຂະຫຍາຍ ທິດທາງແຜນການ 5 ປີ 2021-2025 ຂອງຄະນະກໍາມະການຄຸ້ມຄອງໄພພິບັດ ໃຫ້ເປັນແຜນວຽກລະອຽດຂອງຕົນ ຈັດຕັ້ງປະຕິບັດແຕ່ລະປີ ຕາມພາລະບົດ ບາດຂອງຕົນໃຫ້ມີປະສິດທິຜົນ; ປັບປຸງ ແລະ ສ້າງຕັ້ງຄະນະກໍາມະການຄຸ້ມຄອງໄພພິບັດ ຂັ້ນແຂວງ, ເມືອງ ແລະ ບ້ານ ທີ່ມີຄວາມສ່ຽງສູງຕໍ່ໄພພິບັດ ພ້ອມທັງສ້າງຄວາມເຂັ້ມແຂງໃຫ້ຄະນະກໍາມະການດັ່ງ ກ່າວ ເພື່ອຊ່ວຍຊຸກຍູ້ຈັດຕັ້ງປະຕິບັດວຽກງານຕ່າງໆ; ເພີ່ມທະວີວຽກງານປ້ອງກັນ, ການຫລຸດຜ່ອນຄວາມສ່ຽງ ແລະ ກຽມພ້ອມຮັບມືກັບໄພພິບັດ ໂດຍໃຫ້ຄະນະກໍາມະການຄຸ້ມຄອງໄພພິບັດ ແຕ່ລະຂັ້ນ ໄດ້ສ້າງແຜນຫລຸດຜ່ອນຄວາມສ່ຽງໄພພິບັດ ແລະ ແຜນກຽມພ້ອມຕອບໂຕ້ໄພພິບັດສຸກເສີນ ໃນຂັ້ນຂອງຕົນ ພ້ອມທັງ ໃຫ້ມີການຈັດຝຶກຊ້ອມແຜນຕອບໂຕ້ສຸກເສີນ ເປັນແຕ່ລະໄລຍະ; ສືບຕໍ່ປັບປຸງ ແລະ ເພີ່ມທະວີຄວາມເຂັ້ມແຂງໃຫ້ແກ່ລະບົບການພະຍາກອນ ແລະ ການແຈ້ງຂ່າວເຕືອນໄພ ເພື່ອຮັບປະກັນໃຫ້ປະຊາ ຊົນໃນເຂດທີ່ມີຄວາມສ່ຽງສູງ ແລະ ເຂດຫ່າງໄກສອກຫລີກ ໄດ້ຮັບຊາບຂໍ້ມູນຂ່າວສານເຕືອນໄພລ່ວງໜ້າ ຢ່າງວ່ອງໄວ ແລະ ທັນການ; ເພີ່ມທະວີສ້າງຄວາມເຂັ້ມແຂງໃຫ້ແກ່ລະບົບ ແລະ ກົນໄກດ້ານການເງິນໄພ ພິບັດ ໂດຍສະເພາະ ໃຫ້ຮີບຮ້ອນສ້າງຕັ້ງກອງທຶນຄຸ້ມຄອງໄພພິບັດ ຂັ້ນສູນກາງ, ແຂວງ ແລະ ເມືອງ ຕາມທີ່ໄດ້ກໍານົດໃນກົດໝາຍວ່າດ້ວຍ ການຄຸ້ມຄອງໄພພິບັດ; ໃຫ້ກອງເລຂາຄະນະກໍາມະການຄຸ້ມຄອງໄພພິບັດຂັ້ນສູນກາງ ສືບຕໍ່ປັບປຸງຮ່າງຍຸດທະສາດແຫ່ງຊາດ ວ່າດ້ວຍການຫລຸດຜ່ອນຄວາມສ່ຽງໄພພິບັດ ເພື່ອນໍາສະເໜີຜ່ານກອງປະຊຸມລັດຖະບານພິຈາລະນາ ໃນເດືອນ ມີນາ 2021 ນີ້;

ຮອງນາຍົກລັດຖະມົນຕີ ເນັ້ນເພີ່ມທະວີວຽກງານປ້ອງກັນ ການຫລຸດຜ່ອນຄວາມສ່ຽງ ແລະ ກຽມພ້ອມຮັບມືກັບໄພພິບັດ - Wave100S AD to Website 2020 0 - ຮອງນາຍົກລັດຖະມົນຕີ ເນັ້ນເພີ່ມທະວີວຽກງານປ້ອງກັນ ການຫລຸດຜ່ອນຄວາມສ່ຽງ ແລະ ກຽມພ້ອມຮັບມືກັບໄພພິບັດ

ນອກຈາກນີ້, ຕ້ອງເພີ່ມທະວີວຽກງານໂຄສະນາປູກຈິດສໍານຶກ ກ່ຽວກັບຄວາມສໍາຄັນ ແລະ ຜົນຮ້າຍຂອງໄພພິບັດ ຢ່າງເລິກເຊິ່ງໃຫ້ທົ່ວສັງຄົມ ເຮັດໃຫ້ວຽກງານດັ່ງກ່າວ ກາຍເປັນຄວາມຮັບຜິດຊອບຂອງທົ່ວສັງຄົມ, ທຸກຊັ້ນຄົນ ແລະ ທຸກອົງການຈັດຕັ້ງຢ່າງຕັ້ງໜ້າ ຜ່ານສື່ສັງຄົມອອນລາຍ, ສື່ພິມໂຄສະ ນາຕ່າງໆ ໃຫ້ມີປະສິດທິຜົນດີຂຶ້ນກວ່າເກົ່າ; ເພີ່ມທະວີຂອດການປະສານງານ ແລະ ປະສານສົມທົບໃຫ້ແໜ້ນແຟ້ນ ລະຫວ່າງ ບັນດາກະຊວງທີ່ກ່ຽວຂ້ອງຂັ້ນສູນກາງ, ລະຫວ່າງ ຄະນະກໍາມະການຄຸ້ມຄອງໄພພິບັດຂັ້ນສູນກາງ ແລະ ທ້ອງຖິ່ນ ໃນການຈັດຕັ້ງປະຕິບັດວຽກງານຄຸ້ມຄອງໄພພິບັດ ໂດຍສະເພາະ ປະຕິບັດລະບອບສ່ອງແສງ ແລະ ລາຍງານ ກ່ຽວກັບ ການເຄື່ອນໄຫວວຽກງານຄຸ້ມຄອງໄພພິບັດ ທັງໄລຍະປົກກະຕິ, ສຸກເສີນ ແລະ ການແກ້ໄຂຟຶ້ນຟູຫລັງໄພພິບັດ; ຈັດຕັ້ງເຜີຍແຜ່ບັນດານິຕິກໍາທີ່ກ່ຽວຂ້ອງ ໂດຍສະເພາະ ກົດໝາຍວ່າດ້ວຍການຄຸ້ມຄອງໄພພິບັດ ໃຫ້ທຸກພາກສ່ວນ ທັງອົງການຈັດຕັ້ງຂອງລັດ, ຊຸມຊົນ ແລະ ອົງການຈັດຕັ້ງ ທາງສັງຄົມ ໄດ້ຮັບຮູ້ ແລະ ເຂົ້າໃຈ ຕໍ່ກັບຜົນຮ້າຍຂອງໄພພິບັດ ແລະ ຄວາມສໍາຄັນຂອງວຽກງານຄຸ້ມຄອງໄພພິບັດ, ຮູ້ໄດ້ພັນທະ ແລະ ຄວາມຮັບຜິດຊອບຂອງເຂົາເຈົ້າ ໃນວຽກງານດັ່ງກ່າວ.

ຮອງນາຍົກລັດຖະມົນຕີ ເນັ້ນເພີ່ມທະວີວຽກງານປ້ອງກັນ ການຫລຸດຜ່ອນຄວາມສ່ຽງ ແລະ ກຽມພ້ອມຮັບມືກັບໄພພິບັດ - WhatsApp Image 2020 05 27 at 5 - ຮອງນາຍົກລັດຖະມົນຕີ ເນັ້ນເພີ່ມທະວີວຽກງານປ້ອງກັນ ການຫລຸດຜ່ອນຄວາມສ່ຽງ ແລະ ກຽມພ້ອມຮັບມືກັບໄພພິບັດ
ຮອງນາຍົກລັດຖະມົນຕີ ເນັ້ນເພີ່ມທະວີວຽກງານປ້ອງກັນ ການຫລຸດຜ່ອນຄວາມສ່ຽງ ແລະ ກຽມພ້ອມຮັບມືກັບໄພພິບັດ - WhatsApp Image 2020 05 27 at 5 - ຮອງນາຍົກລັດຖະມົນຕີ ເນັ້ນເພີ່ມທະວີວຽກງານປ້ອງກັນ ການຫລຸດຜ່ອນຄວາມສ່ຽງ ແລະ ກຽມພ້ອມຮັບມືກັບໄພພິບັດ
error: Alert: ເນື້ອຫາຂ່າວມີລິຂະສິດ !!