10 ປີສຶນາມິຢູ່ຍີ່ປຸ່ນ ພໍ່ຕູ້ອາຍຸ 64 ປີ ຍັງຄົງດຳນ້ຳຄົ້ນຫາສົບພັນລະຍາ

10 ປີສຶນາມິຢູ່ຍີ່ປຸ່ນ ພໍ່ຕູ້ອາຍຸ 64 ປີ ຍັງຄົງດຳນ້ຳຄົ້ນຫາສົບພັນລະຍາ - UPDATE                                                                                                                                      WEB COVER - 10 ປີສຶນາມິຢູ່ຍີ່ປຸ່ນ ພໍ່ຕູ້ອາຍຸ 64 ປີ ຍັງຄົງດຳນ້ຳຄົ້ນຫາສົບພັນລະຍາ
10 ປີສຶນາມິຢູ່ຍີ່ປຸ່ນ ພໍ່ຕູ້ອາຍຸ 64 ປີ ຍັງຄົງດຳນ້ຳຄົ້ນຫາສົບພັນລະຍາ - Untitled design - 10 ປີສຶນາມິຢູ່ຍີ່ປຸ່ນ ພໍ່ຕູ້ອາຍຸ 64 ປີ ຍັງຄົງດຳນ້ຳຄົ້ນຫາສົບພັນລະຍາ

ວານ​ນີ້ ກົງ​ກັບ​ວັນ​ຄົບຮອບ 10 ປີ ​ເຫດ​ໄພພິບັດຄັ້ງ​ໃຫຍ່​ຄື ​ແຜ່ນດິນ​ໄຫວ​ຮຸນ​ແຮງ​ຂະໜາດ 9,0 ນອກ​ແຄມ​ຝັ່ງ​ຍີ່ປຸ່ນ ​ເຮັດ​ໃຫ້​ເກີດ​ຄື້ນຍັກ​ສຶນາ​ມິ ​ແລະ ​ໄພພິບັດ​ໂຮງ​ໄຟຟ້າ​ນິວ​ເຄຼຍ ຢູ່​ແຂວງ​ຟຸກຸ​ຊິ​ມະລະ​ເບີດ ​ເຫດຄັ້ງນັ້ນມີ​ຜູ້​ເສຍ​ຊີວິດ​ຫລາຍ​ກວ່າ 18.000 ຄົນ.

ຜ່ານ​ໄປ 10 ປີ ພໍ່​ຕູ້​ຍາ​ຊູ​ໂອະ ທາ​ກາ​ມັດ​ສຸ ຜູ້​ສິນ​ເສຍ​ພັນ​ລະ​ຍາ​ຈາກ​ເຫດ​ຮ້າຍ​ຄັ້ງນັ້ນ ຍັງ​ບໍ່​ສິ້ນຫວັງ​ຕໍ່​ການ​ຕາມ​ຫາ​ສົບ​ຂອງ​ຄົນ​ຮັກ.

ພໍ່​ຕູ້​ທາ​ກາ​ມັດ​ສຸ ອາຍຸ 64 ປີ ອາ​ໄສ​ຢູ່​ເມືອງ​ໂອ​ນາ​ກາ​ວະ ​ແຂວງ​ມິ​ຍາ​ງິ ຂະນະ​ເກີດ​ສຶນາ​ມິ ​ແລະ ສູນ​ເສຍ​ພັນ​ລະ​ຍາ ຫລັງ​ຈາກ​ນັ້ນ 2 ປີ ພໍ່​ຕູ້​ເຂົ້າສອບ​​ເສັງ​ເພື່ອ​ໃຫ້​ໄດ້​ໃບ​ອະນຸຍາດ​ດຳນ້ຳ ​ແລະ ຫວັງ​ຈະ​ດຳນ້ຳ​ເພື່ອ​ຈະ​ໄດ້​ພົບ​ສົບ​ພັນ​ລະ​ຍາ.

ທຸກ​ອາທິດ ນັບ​ແຕ່​ໄດ້​ໃບ​ອະນຸຍາດ ພໍ່​ຕູ້​​ໄດ້​ດຳນ້ຳ​ເພື່ອ​ຕາມ​ຫາ​ຄົນ​ຮັກ ​ເປັນ​ເວລາ 7 ປີ​ແລ້ວ ລວມກັນ​ພໍ່​ຕູ້​ດຳນ້ຳສູງ​ເຖິງ 470 ຄັ້ງ ​ແລະ ຈະ​ຍັງ​ເດີນ​ໜ້າ​ດຳນ້ຳຕໍ່​ໄປ.

ນອກ​ເໜືອ​ຈາກ​ການ​ດຳນ້ຳຄົນ​ດຽວ​ອາທິດ​ລະ​ເທື່ອ​ແລ້ວ, ​ເດືອນ​ລະ​ເທື່ອ ພໍ່​ຕູ້​ໄດ້​ເຂົ້າຮ່ວມ​ກັບ​ທີ​ມ​ເຈົ້າໜ້າ​ທີ່​ທ້ອງ​ຖິ່ນ​ປະຕິບັດ​ການຄົ້ນຫາ​ໃຕ້​ນ້ຳ ​ເພື່ອ​ຕາມ​ຫາ​ສົບຜູ້​ສູນຫາຍ​ປະມານ 2.500 ຄົນ ຈາກ​ມະຫັດ​ຕະພັນ​ຄັ້ງນັ້ນ.

10 ປີສຶນາມິຢູ່ຍີ່ປຸ່ນ ພໍ່ຕູ້ອາຍຸ 64 ປີ ຍັງຄົງດຳນ້ຳຄົ້ນຫາສົບພັນລະຍາ - Wave100S AD to Website 2020 0 - 10 ປີສຶນາມິຢູ່ຍີ່ປຸ່ນ ພໍ່ຕູ້ອາຍຸ 64 ປີ ຍັງຄົງດຳນ້ຳຄົ້ນຫາສົບພັນລະຍາ

ພໍ່​ຕູ້​ບອກ​ວ່າ: ຂ້ອຍ​ດຳນ້ຳ ​ເພາະ​ເຊື່ອ​ວ່າ​ຂ້ອຍ​ຈະ​ພົບ​​ເມຍ​ຢູ່​ບ່ອນ​ໃດ​ບ່ອນ​ໜຶ່ງ ​ແລະ ຂ້ອຍ​ຄິດ​ສະ​ເໝີ​ວ່າ ລາວ​ຢູ່​ບໍ່​ໄກ​ຈາກ​ຂ້ອຍ”.

ພໍ່​ຕູ້​ບອກ​ວ່າ: ຂໍ້ຄວາມ​ສຸດ​ທ້າຍ​ທີ່​ພັນ​ລະ​ຍາ​ສົ່ງ​ຫາ​ລາ​ວທາງ​ໂທລະສັບ​ຄື “​ເຈົ້າ​ໂອ​ເຄບໍ່? ຂ້ອຍ​ຢາກ​​ເມືອ​​ເຮືອນ” ​ເຊິ່ງພໍ່​ຕູ້​ໄດ້​ເນັ້ນວ່າ: ຍັງ​ເຊື່ອ​ວ່າ​ພັນ​ລະ​ຍາ​ຍັງ​ຕ້ອງການ​ຈະ​​ເມືອ​ເຮືອນ​ຄື​ເກົ່າ.

ນັບ​ແຕ່​ພໍ່​ຕູ້​ດຳນ້ຳ​ໄດ້​ພົບ​ສິ່ງ​ຂອງ ທັງ​ອາ​ລະບ້ຳຮູບ, ​ເສື້ອຜ້າ ​ແລະ​ ອື່ນໆອີກ​ຫລາຍ​ຢ່າງ, ​ແຕ່​ຍັງ​ບໍ່​ພົບ​ສິ່ງ​ຂອງ​ທີ່​ເປັນ​ຂອງ​ພັນ​ລະ​ຍາ​ຂອງ​ຕົນ​ເລີຍ.

10 ປີສຶນາມິຢູ່ຍີ່ປຸ່ນ ພໍ່ຕູ້ອາຍຸ 64 ປີ ຍັງຄົງດຳນ້ຳຄົ້ນຫາສົບພັນລະຍາ - WhatsApp Image 2020 05 27 at 5 - 10 ປີສຶນາມິຢູ່ຍີ່ປຸ່ນ ພໍ່ຕູ້ອາຍຸ 64 ປີ ຍັງຄົງດຳນ້ຳຄົ້ນຫາສົບພັນລະຍາ
10 ປີສຶນາມິຢູ່ຍີ່ປຸ່ນ ພໍ່ຕູ້ອາຍຸ 64 ປີ ຍັງຄົງດຳນ້ຳຄົ້ນຫາສົບພັນລະຍາ - WhatsApp Image 2020 05 27 at 5 - 10 ປີສຶນາມິຢູ່ຍີ່ປຸ່ນ ພໍ່ຕູ້ອາຍຸ 64 ປີ ຍັງຄົງດຳນ້ຳຄົ້ນຫາສົບພັນລະຍາ
error: Alert: ເນື້ອຫາຂ່າວມີລິຂະສິດ !!