ຫລາຍປະເທດໃນເອີຣົບຢຸດການສັກ ວັກຊີນຂອງແອສຕຣາເຊເນກາ

ຫລາຍປະເທດໃນເອີຣົບຢຸດການສັກ ວັກຊີນຂອງແອສຕຣາເຊເນກາ - 564000000367401 - ຫລາຍປະເທດໃນເອີຣົບຢຸດການສັກ ວັກຊີນຂອງແອສຕຣາເຊເນກາ
ຫລາຍປະເທດໃນເອີຣົບຢຸດການສັກ ວັກຊີນຂອງແອສຕຣາເຊເນກາ - Untitled design - ຫລາຍປະເທດໃນເອີຣົບຢຸດການສັກ ວັກຊີນຂອງແອສຕຣາເຊເນກາ

ສຳນັກ​ຂ່າວ CNN ລາຍ​ງານ​ວ່າ: ​ເດນ​ມາກ, ​ໄອ​ແລນ ​ແລະ ນໍ​ເວ ​ເປັນ 3 ປະ​ເທດ​ຫລ້າ​ສຸດ ທີ່​ສັ່ງ​ໃຫ້​ຢຸດ​ການ​ສັກ​ວັກ​ຊີ​ນປ້ອງ​ກັນ​ໂຄ​ວິດ-19 ຂອງ​ແອ​ສຕຣາ​ເຊ​ເນ​ກາ ຫລັງ​ຈາກ​ພົບ​ຜູ້​ທີ່​ໄດ້​ຮັບ​ວັກ​ຊີ​ນ​ເກີດ​ອາການ​ລິ່ມ​ເລືອດ​ອຸດ​ຕັນ​ຮຸນ​ແຮງ ​ແລະ ມີ​ລາຍ​ງານ​ຜູ້​ເສຍ​ຊີວິດ​ຈາກ​ຜົນ​ຂ້າງຄຽງ​ດັ່ງກ່າວ.

ທັງ​ນີ້, ກະຊວງ​ສາທາລະນະ​ສຸກ​ເດນ​ມາກ ອອກ​ຄຳ​ສັ່ງ​ໃນ​ວັນ​ທີ 11 ມີນາ ​ໃຫ້​ຢຸດ​ການ​ສັກວັກ​ຊີ​ນດັ່ງກ່າວ​ຊົ່ວຄາວ​ເປັນ​ເວລາ 14 ວັນ ຫລັງ​ຈາກ​ພົບ​ກໍລະນີ​ຜູ້​ໄດ້​ຮັບ​ວັກ​ຊີ​ນຄົນ​ໜຶ່ງ​ເປັນ​ຍິງ​ອາຍຸ 60 ປີ ​ເສຍ​ຊີວິດ​ຈາກ​ອາການ​ລິ່ມ​ເລືອດ​ອຸດ​ຕັນ. ຂະນະ​ທີ່ ​ໄອ​ແລນ ​ແລະ ນໍ​ເວ ອອກ​ປະກາດ​ຕາມ​ມາ ​ແຕ່​ບໍ່​ໄດ້​ລະບຸ​ໄລຍະ​ເວລາ​ວ່າ​ຈະ​ຢຸດ​ການ​ສັກ​ວັກ​ຊີ​ນ​ແອ​ສຕຣາ​ເຊ​​ເນ​ກາ​ໄປ​ຮອດ​ໃສ.

​ເຖິງ​ຢ່າງ​ໃດ​ກໍ​ຕາມ, ກ່ອນ​ໜ້າ​ນີ້ ອອສ​ເຕຼຍ ​ໄດ້​ອອກ​ຄຳ​ສັ່ງ​ໃຫ້​ຢຸດ​ການ​ສັກ​ວັກ​ຊີ​ນ​ແອ​ສຕຣາ​ເຊ​ເນ​ກາ ​ໃຫ້​ປະຊາຊົນ​ຊົ່ວຄາວ ຫລັງ​ຈາກ​ພົບ​ກໍລະນີ​ເກີດ​ຜົນ​ຂ້າງຄຽງ​ກັບ​ພະຍາບານ​ອາຍຸ 49 ປີ ທີ່​ເກີດ​ອາການ​ລິ່ມ​ເລືອດ​ຄັ່ງ​ໃນ​ປອດ​ຂັ້ນຮຸນ​ແຮງ ​ໂດຍ​ວັກ​ຊີ​ນທີ່​ເກີດ​ບັນຫາ​ໃນ​ອອສ​ເຕຼຍ ຍັງ​ເປັນ​ຊຸດ​ດຽວ​ກັນ​ກັບ​ທີ່​ເກີດ​ເຫດ​ໃນ​ເດນ​ມາກ. ທັງ​ນີ້ ຫລັງ​ຈາກ​ອອສ​ເຕຼຍອອກ​ປະກາດ​ດັ່ງກ່າວ ​ໄດ້​ມີ​ອີກ​ຫລາຍ​ປະ​ເທດ​ຢຸດ​ການ​ສັກ​ເຊັ່ນ​ກັນ.

ຫລາຍປະເທດໃນເອີຣົບຢຸດການສັກ ວັກຊີນຂອງແອສຕຣາເຊເນກາ - Wave100S AD to Website 2020 0 - ຫລາຍປະເທດໃນເອີຣົບຢຸດການສັກ ວັກຊີນຂອງແອສຕຣາເຊເນກາ

ຂະນະ​ທີ່​ແອ​ສ​ຕຣາ​ເຊ​ເນ​ກາ ອອກ​ຖະ​ແຫລ​ງການ​ຢືນຢັນ​ວ່າ: ວັກ​ຊີ​ນຂອງ​ຕົນ​ນັ້ນມີ​ປະສິດທິພາບ ​ແລະ ຄວາມ​ປອດ​ໄພ ​ເຊິ່ງຖື​ເປັນ​ເລື່ອງ​ສຳຄັນ​ທີ່​ສຸດ, ສ່ວນ​ສະຫະພາບ​ເອີຣົບສັ່ງ​ໃຫ້​ມີ​ການກວດ​ສອບ​ເລື່ອງ​ດັ່ງກ່າວ​ແລ້ວ.

ຫລາຍປະເທດໃນເອີຣົບຢຸດການສັກ ວັກຊີນຂອງແອສຕຣາເຊເນກາ - WhatsApp Image 2020 05 27 at 5 - ຫລາຍປະເທດໃນເອີຣົບຢຸດການສັກ ວັກຊີນຂອງແອສຕຣາເຊເນກາ
ຫລາຍປະເທດໃນເອີຣົບຢຸດການສັກ ວັກຊີນຂອງແອສຕຣາເຊເນກາ - WhatsApp Image 2020 05 27 at 5 - ຫລາຍປະເທດໃນເອີຣົບຢຸດການສັກ ວັກຊີນຂອງແອສຕຣາເຊເນກາ
error: Alert: ເນື້ອຫາຂ່າວມີລິຂະສິດ !!