ຕື່ມປະສິດທິພາບໃຫ້ເຊົ້າມື້ໃໝ່ກິບສິ່ງທີ່ຄວນເຮັດກ່ອນເຂົ້ານອນ

- advert banner 728 90 728x90 - ຕື່ມປະສິດທິພາບໃຫ້ເຊົ້າມື້ໃໝ່ກິບສິ່ງທີ່ຄວນເຮັດກ່ອນເຂົ້ານອນ

ຊີວິດການເຮັດວຽກທີ່ສຸດຈະອິດເມື່ອຍກ່ວາຈະຜ່ານພົ້ນໄປແຕ່ລະມື້ ເມື່ອກັບຮອດເຮືອນບາງຄົນຈຶ່ງເກືອບຢາກລົ້ມໂຕລອງໄປ ນອນທັນທີ ໂດຍກິດຈະວັດປະຈຳວັນທີ່ເກົ່າໆຊຳ້ໆອາດເຮັດໃຫ້ຮູ້ສຶກເບື່ອໜ່າຍ ເມື່ອຕື່ນຂຶ້ນມາຟ້າວຟັ່ງທີ່ຈະອອກຈາກເຮືອນ, ແຕ່ກໍບໍ່ໄດ້ມີອຸປະສັກໃນການເຮັດວຽກແຕ່ຢ່າງໃດ ແຕ່ນັ້ນອາດບໍ່ແມ່ນວິຖີຊີວິດທີ່ຈະເຮັດໃຫ້ເຮົາເຮັດວຽກເກັ່ງຂຶ້ນ ແລະ ບໍ່ໄດ້ເຮັດໃຫ້ເຮົາເຮັດວຽກຫລຸດປະສິດທິພາບລົງ.

ແຕ່ນີ້ແມ່ນວິທີທີ່ຈະເຮັດໃຫ້ທ່ານກາຍເປັນຄົນເຮັດວຽກທີ່ມີປະສິດທິພາບໃນການເຮັດວຽກໄດ້ຫລາຍຍິ່ງຂຶ້ນ ພຽງແຕ່ການ ກຽມໂຕນ້ອຍໆກ່ອນນອນດັ່ງນີ້ :

– ວາງແຜນວຽກໃຫ້ເປັນລະບຽບ : ເຮົາຮູ້ວ່າມື້ອື່ນຈະມີວຽກຫຍັງລໍຖ້າເຮົາຢູ່ແດ່ ແລະ ຍິ່ງເຮົາຮູ້ວ່າມີວຽກຫລາຍປານໃດ ເຮົາກໍຈະວາງແຜນການເຮັດວຽກໄດ້ດີຂຶ້ນເທົ່ານັ້ນ ທົບທວນ ແລະ ຈັດກຽມຄວາມພ້ອມ ເພື່ອບໍ່ໃຫ້ຕ້ອງພົບກັບຄວາມວຸ້ນວາຍ ລອງຄິດເບິ່ງວ່າຫາກເຮົາຕື່ນສວາຍແລ້ວບໍ່ໄດ້ກຽມຫຍັງໄວ້ເລີຍ ເຮົາຈະຕ້ອງປະສົບກັບບັນຫາຫຍັງແດ່, ແຕ່ຖ້າເຮົາກຽມໄວ້ແລ້ວກ່ອນຈະເຂົ້ານອນ ເຖິງວ່າເຮົາຈະຕື່ນສວາຍ, ແຕ່ຢ່າງໜ້ອຍເຮົາກໍມີຂໍ້ມູນໄວ້ຄົບຖ້ວນແລ້ວ.

– ກຽມຊຸດເຮັດວຽກ : ການກຽມຊຸດເຮັດວຽກສຳລັບມື້ອື່ນນີ້ໄວ້ລ່ວງໜ້າ ເປັນການຕັດບັນຫາວ່າເຮົາຈະນຸ່ງຊຸດໃດໄປເຮັດວຽກ ເພາະເຮົາບໍ່ຕ້ອງຟ້າວຟັ່ງ ແລ້ວຕັດສິນໃຈເລືອກຊຸດເຮັດວຽກຢ່າງຈຳຍອມ ທັງຍັງຊ່ວຍໃຫ້ເຮົາມີເວລາພິຖີພິຖັນໃນການເລືອກຊຸດເຮັດວຽກ, ມີເວລາຄິດ ແລະ ຕັດສິນໃຈວ່າຊຸດໃດຈະເໝາະສົມ ເພາະຊຸດເຮັດວຽກນັ້ນບົ່ງບອກຄວາມເປັນໂຕເຮົາ ແລະ ຍັງລວມເຖິງເຄື່ອງມືໃນການເຮັດວຽກອື່ນໆນຳ ເຊັ່ນ ກະເປົ໋າ, ເກີບ, ໂມງ, ໂທລະສັບມືຖື, ອຸປະກອນຄອມພິວເຕີ ຫລື ແທັບເລັດ ຫລື ສິ່ງອື່ນໆທີ່ເຮົາມັກຈະເອົາໄປບ່ອນເຮັດວຽກນຳສະເໝີ ເພື່ອແກ້ບັນຫາເວລາຟ້າວຟັ່ງແລ້ວມັກລືມອັນນັ້ນລືມອັນນີ້.

- Tiger Head 728x90 - ຕື່ມປະສິດທິພາບໃຫ້ເຊົ້າມື້ໃໝ່ກິບສິ່ງທີ່ຄວນເຮັດກ່ອນເຂົ້ານອນ
- 1 1 - ຕື່ມປະສິດທິພາບໃຫ້ເຊົ້າມື້ໃໝ່ກິບສິ່ງທີ່ຄວນເຮັດກ່ອນເຂົ້ານອນ

– ເລືອກເຮັດກິດຈະກຳກ່ອນນອນ : ການເບິ່ງໂທລະພາບ, ຟັງເພງເບົາໆ, ການອ່ານໜັງສື ຫລື ຫລິ້ນເກມເພື່ອຊ່ວຍໃຫ້ສະໝອງຜ່ອນຄາຍຫລັງຈາກທີ່ຕ້ອງເຮັດວຽກໜັກມາໝົດມື້ເປັນສິ່ງທີ່ດີ, ແຕ່ຕ້ອງບໍ່ເປັນກິດຈະກຳທີ່ໜັກຈົນເກີນໄປ ເພາະອາດຈະເຮັດໃຫ້ເຮົານອນບໍ່ຫລັບໄດ້ເຊັ່ນດຽວກັນກັບ ການຫລິ້ນສະມາດໂຟນ ຫລື ແທັບເລັດກ່ອນນອນ ກໍມີຜົນກັບການນອນ ແລະ ສາຍຕາ ສົ່ງຜົນໃຫ້ການຕື່ນນອນໃນຕອນເຊົ້າບໍ່ສົດຊື່ນ.

ການກຽມຄວາມພ້ອມເພື່ອຕື່ມປະສິດທິພາບໃນການເຮັດວຽກຂຶ້ນຢູ່ກັບເວລາ ແລະ ຄວາມເໝາະສົມ ຄົນເຮັດວຽກແຕ່ລະຄົນຈະຈັດສັນເວລາໄດ້ບໍ່ຄືກັນ ການໄດ້ເຮັດສິ່ງທີ່ມັກຈະເຮັດໃຫ້ມີຄວາມສຸກ.

error: Content is protected !!