ລ້ຽງສັດໃນເຮືອນແນວໃດບໍ່ໃຫ້ເປັນອັນຕະລາຍຕໍ່ເດັກນ້ອຍ

ລ້ຽງສັດໃນເຮືອນແນວໃດບໍ່ໃຫ້ເປັນອັນຕະລາຍຕໍ່ເດັກນ້ອຍ - 031712 2020 - ລ້ຽງສັດໃນເຮືອນແນວໃດບໍ່ໃຫ້ເປັນອັນຕະລາຍຕໍ່ເດັກນ້ອຍ
ລ້ຽງສັດໃນເຮືອນແນວໃດບໍ່ໃຫ້ເປັນອັນຕະລາຍຕໍ່ເດັກນ້ອຍ - Untitled design - ລ້ຽງສັດໃນເຮືອນແນວໃດບໍ່ໃຫ້ເປັນອັນຕະລາຍຕໍ່ເດັກນ້ອຍ

ເຊື່ອວ່າຫລາຍຄອບຄົວຈະຕ້ອງມີສັດລ້ຽງຢູ່ໃນເຮືອນ ໂດຍສະເພາະພໍ່ແມ່ທີ່ຮັກສັດ ອາດຈະລ້ຽງໄວ້ເພື່ອເປັນໝູ່, ແຕ່ເມື່ອໃດທີ່ຄອບຄົວເລີ່ມມີສະມາຊິກໃໝ່ ຄື ລູກນ້ອຍໜ້າຮັກເພີ່ມເຂົ້າມາ ການລ້ຽງສັດໄວ້ໃນເຮືອນພ້ອມກັບລູກນ້ອຍ ຈຶ່ງຈຳເປັນຕ້ອງມີຂໍ້ຄວນປະຕິບັດທີ່ພໍ່ແມ່ຈະຕ້ອງເອົາໃຈໃສ່ຫລາຍຂຶ້ນ ໂດຍສະເພາະໃນເລື່ອງຂອງພະຍາດພູມແພ້ ຖືເປັນສິ່ງທີ່ຖືເບົາບໍ່ໄດ້ເລີຍ. ມື້ນີ້ພວກເຮົາຈຶ່ງຂໍເອົາຂໍ້ຄວນປະຕິບັດໃນການລ້ຽງລູກນ້ອຍພ້ອມກັບສັດລ້ຽງໃນເຮືອນມາແນະນຳບັນດາທ່ານ.

ລ້ຽງສັດໃນເຮືອນແນວໃດບໍ່ໃຫ້ເປັນອັນຕະລາຍຕໍ່ເດັກນ້ອຍ - 021712 2020 300x200 - ລ້ຽງສັດໃນເຮືອນແນວໃດບໍ່ໃຫ້ເປັນອັນຕະລາຍຕໍ່ເດັກນ້ອຍ

  • ການລ້ຽງລູກນ້ອຍພ້ອມສັດລ້ຽງໃນເຮືອນ : ພໍ່ແມ່ຫລາຍຄົນທີ່ລ້ຽງສັດໄວ້ໃນເຮືອນມາດົນ ເມື່ອມີລູກນ້ອຍເຂົ້າມາເປັນສະມາຊິກໃໝ່ໃນເຮືອນ ເລີ່ມມີຄຳຖາມຂຶ້ນມາໃນໃຈແດ່ແລ້ວວ່າສາມາດລ້ຽງລູກພ້ອມກັບສັດລ້ຽງໄດ້ຫລືບໍ່ ? ແນ່ນອນວ່າຄຳຖາມນີ້ຈະໄດ້ຄຳຕອບທີ່ໜ້າພໍໃຈນັ້ນກໍຄື ສາມາດລ້ຽງໄດ້ ເນື່ອງຈາກເດັກນ້ອຍຫລາຍຄົນທີ່ເຕີບໃຫຍ່ມາກັບການຫລິ້ນ ຫລື ຢູ່ກັບສັດລ້ຽງໃນເຮືອນຈະມີສານຕໍ່ຕ້ານເຊື້ອພະຍາດໃນຮ່າງກາຍ ເຊັ່ນ : ສານແອນຕີບໍດີ. ນອກຈາກນີ້, ຍັງຊ່ວຍສົ່ງເສີມພັດທະນາການທີ່ວ່ອງໄວໃນໂຕເດັກ ພ້ອມທັງສ້າງຄວາມອ່ອນໂຍນ ແລະ ຄວາມເອື້ອເຟື້ອເຜື່ອແຜ່ໃຫ້ແກ່ເດັກໄດ້ຢ່າງອັດຕະໂນມັດ.
  • ລູກນ້ອຍກັບອາການແພ້ຂົນສັດລ້ຽງ : ອາການແພ້ຂົນສັດລ້ຽງທີ່ເກີດກັບລູກນ້ອຍເປັນໄປໄດ້ສູງວ່າສະມາຊິກໃນຄອບຄົວອາດເຄີຍມີປະຫວັດແພ້ຢູ່ແລ້ວ. ດັ່ງນັ້ນ ຈຶ່ງມີໂອກາດຖ່າຍທອດໄປຍັງລູກນ້ອຍໄດ້ສະເໝີ ເຊິ່ງອາການແພ້ໂດຍສ່ວນຫລາຍບໍ່ໄດ້ມາຈາກຂົນສັດລ້ຽງ ເຊັ່ນ : ຂົນຂອງໝາ ຫລື ແມວ, ແຕ່ເປັນອາການແພ້ໂປຣຕິນ ເຊິ່ງຕິດຢູ່ໃນເສດຂີ້ໄຄ, ນຳ້ລາຍ, ຂົນ ແລະ ຍ່ຽວຂອງສັດລ້ຽງນັ້ນເອງ. ດັ່ງນັ້ນ, ຫາກພໍ່ແມ່ສັງເກດເຫັນອາການແພ້ ບໍ່ວ່າຈະເປັນອາການໄອ, ຕັນດັງ, ນຳ້ມູກໄຫລ, ຄັນຕາ, ນຳ້ຕາໄຫລ, ຫອບຫືດ, ຫາຍໃຈລຳບາກ ຫລື ເກີດຕຸ່ມຜື່ນຕາມຮ່າງກາຍຫລັງຈາກທີ່ລູກນ້ອຍສຳຜັດສັດລ້ຽງປະມານ 30 – 60 ນາທີ ຈຳເປັນທີ່ຈະຕ້ອງວາງແຜນກັນໃໝ່ໃນເລື່ອງການລ້ຽງລູກນ້ອຍ ແລະ ສັດລ້ຽງໄວ້ໃນເຮືອນ.

ລ້ຽງສັດໃນເຮືອນແນວໃດບໍ່ໃຫ້ເປັນອັນຕະລາຍຕໍ່ເດັກນ້ອຍ - 031712 2020 300x204 - ລ້ຽງສັດໃນເຮືອນແນວໃດບໍ່ໃຫ້ເປັນອັນຕະລາຍຕໍ່ເດັກນ້ອຍ

ລ້ຽງສັດໃນເຮືອນແນວໃດບໍ່ໃຫ້ເປັນອັນຕະລາຍຕໍ່ເດັກນ້ອຍ - Wave100S AD to Website 2020 0 - ລ້ຽງສັດໃນເຮືອນແນວໃດບໍ່ໃຫ້ເປັນອັນຕະລາຍຕໍ່ເດັກນ້ອຍ
  • ຈັດບໍລິເວນໃຫ້ສັດລ້ຽງເມື່ອລູກນ້ອຍມີອາການພູມແພ້ : ເມື່ອລູກນ້ອຍມີອາການແພ້ ຫລື ບໍ່ສາມາດຢູ່ຮ່ວມກັບສັດລ້ຽງໄດ້ ພໍ່ແມ່ຈຶ່ງຈຳເປັນຕ້ອງຈັດບໍລິເວນສຳລັບການລ້ຽງລູກ ແລະ ສັດລ້ຽງໃຫ້ດີ, ຄວນຈັດເປັນພາກສ່ວນໃຜລາວທີ່ຈະແຈ້ງ ເພື່ອຫລຸດໂອກາດຟົ້ງກະຈາຍຂອງຂົນສັດທີ່ອາດໄປໄດ້ໃນທຸກບໍລິເວນຂອງເຮືອນ, ຄວນເອົາໃຈໃສ່ໃນເລື່ອງຄວາມສະອາດໃຫ້ຫລາຍໆ, ໝັ່ນດູດຝຸ່ນຕາມພື້ນທຸກພາກສ່ວນຂອງເຮືອນ ຫາກຈະໃຫ້ໝັ້ນໃຈໃນເລື່ອງຄວາມສະອາດຫລາຍຂຶ້ນ ແນະນຳໃຫ້ຖືພື້ນດ້ວຍນຳ້ຢາທີ່ປະສົມຢາຂ້າເຊື້ອທຸກອາທິດ ໂດຍເນັ້ນການຖູບໍລິເວນແຈໃຫ້ສະອາດ. ສຳຄັນກ່ວານັ້ນກໍຄື ໝັ່ນອາບນຳ້ ແລະ ຫວີຂົນສັດລ້ຽງເພື່ອກຳຈັດສິ່ງເປິເປື້ອນໃຫ້ຫລຸດອອກໄປໄດ້ຫລາຍທີ່ສຸດ.
  • ແນ່ນອນວ່າການລ້ຽງລູກນ້ອຍພ້ອມກັບສັດລ້ຽງທັງໝາ ແລະ ແມວໄວ້ໃນເຮືອນພ້ອມກັນ ຍ່ອມໃຫ້ທັງຂໍ້ດີ ແລະ ຂໍ້ເສຍ. ດັ່ງນັ້ນ, ພໍ່ແມ່ຈຳເປັນຕ້ອງພິຈາລະນາ ແລະ ຊັ່ງຊາໃຫ້ດີ ເພາະອາການແພ້ຍ່ອມເກີດກັບເດັກນ້ອຍໄດ້ງ່າຍຫລາຍ, ແຕ່ຫາກບໍ່ສາມາດເຊົາລ້ຽງສັດໄດ້ ກໍຄວນແຍກບໍລິເວນໃຫ້ຈະແຈ້ງ ແລະ ໝັ່ນຮັກສາຄວາມສະອາດຂອງສັດລ້ຽງ ລວມທັງພື້ນທີ່ພາຍໃນເຮືອນໃຫ້ດີ ແລະ ສິ່ງສຳຄັນບໍ່ແນະນຳໃຫ້ລູກນ້ອຍຕັ້ງແຕ່ເກີດໃໝ່ ຈົນເຖິງອາຍຸ 3 ເດືອນ ຢູ່ໃກ້ຊິດກັບສັດລ້ຽງທຸກຊະນິດ ເພາະເດັກນ້ອຍໃນໄວນີ້ຍັງມີພູມຕ້ານທານຮ່າງກາຍທີ່ບໍ່ແຂງແຮງພຽງພໍ.
ລ້ຽງສັດໃນເຮືອນແນວໃດບໍ່ໃຫ້ເປັນອັນຕະລາຍຕໍ່ເດັກນ້ອຍ - WhatsApp Image 2020 05 27 at 5 - ລ້ຽງສັດໃນເຮືອນແນວໃດບໍ່ໃຫ້ເປັນອັນຕະລາຍຕໍ່ເດັກນ້ອຍ
ລ້ຽງສັດໃນເຮືອນແນວໃດບໍ່ໃຫ້ເປັນອັນຕະລາຍຕໍ່ເດັກນ້ອຍ - WhatsApp Image 2020 05 27 at 5 - ລ້ຽງສັດໃນເຮືອນແນວໃດບໍ່ໃຫ້ເປັນອັນຕະລາຍຕໍ່ເດັກນ້ອຍ
error: Alert: ເນື້ອຫາຂ່າວມີລິຂະສິດ !!