ນະຄອນຫລວງເປີດຂະບວນການ ສັກວັກຊີນກັນໂຄວິດ-19 ເຂັມທຳອິດ

ນະຄອນຫລວງເປີດຂະບວນການ ສັກວັກຊີນກັນໂຄວິດ-19 ເຂັມທຳອິດ - KLS 0649 01 - ນະຄອນຫລວງເປີດຂະບວນການ ສັກວັກຊີນກັນໂຄວິດ-19 ເຂັມທຳອິດ
ນະຄອນຫລວງເປີດຂະບວນການ ສັກວັກຊີນກັນໂຄວິດ-19 ເຂັມທຳອິດ - Untitled design - ນະຄອນຫລວງເປີດຂະບວນການ ສັກວັກຊີນກັນໂຄວິດ-19 ເຂັມທຳອິດ

ໃນ​ວັນ​ທີ 12 ມີນາ 2021 ພະ​ແນ​ກສາ​ທາ​ລະນະ​ສຸກ ນະຄອນຫລວງ​ວຽງ​ຈັນ ​ໄດ້​ເປີດ​ຂະ​ບວນການ​ສັກ​ວັກ​ຊີນກັນ​ພະຍາດ​ໂຄ​ວິດ-19 ​ເຂັມ​ທຳ​ອິດໃຫ້ບຸກຄົນທົ່ວໄປ ແລະ ບຸກຄົນທີ່ມີຄວາມສ່ຽງສູງ ທົ່ວນະຄອນຫລວງວຽງຈັນຢ່າງ​ເປັນ​ທາງ​ການ ຢູ່​ໂຮງໝໍ​ຊຸມ​ຊົນ ​ເມືອງ​ຈັນທະ​ບູລີ ນະຄອນ ຫລວງ​ວຽງ​ຈັນ.

ນະຄອນຫລວງເປີດຂະບວນການ ສັກວັກຊີນກັນໂຄວິດ-19 ເຂັມທຳອິດ - KLS 0658 01 300x200 - ນະຄອນຫລວງເປີດຂະບວນການ ສັກວັກຊີນກັນໂຄວິດ-19 ເຂັມທຳອິດ

ທ່ານ ​ນາງ ​ໄຊ​ພອນ ນັນທະ​ພອນ ຫົວໜ້າພະ​ແນ​ກສາ​ທາ​ລະນະ​ສຸກ ນະຄອນຫລວງ​ວຽງ​ຈັນ ລາຍ​ງານ​ໃຫ້​ຮູ້​ວ່າ: ການສັກວັກ​ຊີນໃນຄັ້ງນີ້, ທົ່ວນະຄອນຫລວງວຽງຈັນ ໄດ້ເລີມຈັດຕັ້ງປະຕິບັດແຕ່ວັນທີ 9 ມີນາ 2021 ເປັນຕົ້ນມາ ຢູ່ບັນດາເມືອງຕ່າງໆ ແລະ ຄາດວ່າ ຈະໃຫ້ສຳເລັດສັກວັກຊີນ ເຂັມທຳອິດ ໃນວັນທີ 20 ມີນາ 2021, ສ່ວນເຂັມທີ່ສອງ ແມ່ນຫ່າງຈາກເຂັມທຳອິດ 28 ມື້ (ທຸກຄົນຕ້ອງໄດ້ກັບມາສັກອີກ) ເຊິ່ງກຸ່ມເປົ້າໝາຍແມ່ນບຸກຄົນທົ່ວໄປທີ່ມີອາແຕ່ 18-60 ປີ, ລວມເຖິງ ບຸກຄົນ ທີ່ມີຄວາມສ່ຽງສູງ ກໍຄື ພະນັກງານແພດໝໍ, ຜູ້ທີ່ເຮັດວຽກຢູ່ສູນກັກກັນ ແລະ ເຮັດວຽກຢູ່ຕາມຊາຍແດນ, ຕາມດ່ານເຂົ້າ-ອອກຕ່າງໆ ໃນຂອບເຂດທົ່ວປະເທດ ຕະຫລອດຮອດພະນັກງານ ທະຫານ, ຕຳຫລວດ, ພະນັກງານ-ລັດຖະກອນ.

ສຳລັບເງື່ອນໄຂຂອງຜູ້ທີ່ຈະໄດ້ຮັບວັກຊີນ ຕ້ອງເປັນຜູ້ທີ່ມີຄວາມສະໝັກໃຈ, ມີສຸຂະພາບແຂງ ແຮງ, ບໍ່ມີພະຍາດ ຫລື ໂລກປະຈຳຕົວ ແລະ ອື່ນໆ. ພາຍຫລັງໄດ້ຮັບວັກຊີນແລ້ວ ແມ່ນບໍ່ໃຫ້ດື່ມສິ່ງຂອງມືນເມົາ (ເຫລົ້າ, ເບຍ) ແລະ ອາຫານທີ່ມີລົດຊາດເຜັດເຄັມ.

ນະຄອນຫລວງເປີດຂະບວນການ ສັກວັກຊີນກັນໂຄວິດ-19 ເຂັມທຳອິດ - Wave100S AD to Website 2020 0 - ນະຄອນຫລວງເປີດຂະບວນການ ສັກວັກຊີນກັນໂຄວິດ-19 ເຂັມທຳອິດ

ທ່ານ​ນາງ ​ໄຊ​ພອນ ນັນທະ​ພອນ ໃຫ້ຮູ້ອີກວ່າ: ວັກແຊງທີ່ນຳມາສັກໃນຄັ້ງນີ້, ແມ່ນໄດ້ຮັບການຊ່ວຍເຫລືອ ຈາກ ສປ ຈີນ ຈຳນວ​ນ 3 ​ແສນ​ໂດ​ສ໌ໃນ​ທົ່ວ​ປະ​ເທດ​, ​ໃນ​ນັ້ນນະຄອນຫລວງ​ວຽງ​ຈັນ ​ໄດ້​ຮັບ 58 ພັນ​ກວ່າ​ໂດ​ສ໌.

ນະຄອນຫລວງເປີດຂະບວນການ ສັກວັກຊີນກັນໂຄວິດ-19 ເຂັມທຳອິດ - WhatsApp Image 2020 05 27 at 5 - ນະຄອນຫລວງເປີດຂະບວນການ ສັກວັກຊີນກັນໂຄວິດ-19 ເຂັມທຳອິດ
ນະຄອນຫລວງເປີດຂະບວນການ ສັກວັກຊີນກັນໂຄວິດ-19 ເຂັມທຳອິດ - WhatsApp Image 2020 05 27 at 5 - ນະຄອນຫລວງເປີດຂະບວນການ ສັກວັກຊີນກັນໂຄວິດ-19 ເຂັມທຳອິດ
error: Alert: ເນື້ອຫາຂ່າວມີລິຂະສິດ !!