7 ວິທີການນຳທາງໄປສູ່ຊີວິດທີ່ມີຄວາມສຸກຍິ່ງຂຶ້ນ

7 ວິທີການນຳທາງໄປສູ່ຊີວິດທີ່ມີຄວາມສຸກຍິ່ງຂຶ້ນ - 9b9fd7 - 7 ວິທີການນຳທາງໄປສູ່ຊີວິດທີ່ມີຄວາມສຸກຍິ່ງຂຶ້ນ
7 ວິທີການນຳທາງໄປສູ່ຊີວິດທີ່ມີຄວາມສຸກຍິ່ງຂຶ້ນ - Untitled design - 7 ວິທີການນຳທາງໄປສູ່ຊີວິດທີ່ມີຄວາມສຸກຍິ່ງຂຶ້ນ

“ເປີດຕາ ເບິ່ງໃຫ້ເລິກເຂົ້າໄປໃນໃຈວ່າທ່ານພໍໃຈກັບການດຳລົງຊີວິດແບບທີ່ເປັນຢູ່ນີ້ແລ້ວຫລືຍັງ?”- ບັອບ ມາເລ (ฺBob Marley).

ການຮູ້ສຶກວ່າຕົນພໍໃຈ ແລະ ໄດ້ຮັບການຕື່ມເຕັມ ແມ່ນຄວາມຮູ້ສຶກທີ່ໃຜໆກໍຫວັງທີ່ຈະຍາດມັນມາໃຫ້ໄດ້ ແລະ ການມີຄວາມສຸກໃນຊີວິດກໍຄືເຫດຜົນທັງໝົດທີ່ຊຸກຍູ້ໃຫ້ເຮົາເຮັດສິ່ງຕ່າງໆ ເພາະສະນັ້ນແລ້ວ ຖາມໂຕທ່ານເອງເບິ່ງວ່າ “ທ່ານພໍໃຈກັບຊີວິດຂອງທ່ານຫລືຍັງ?” ຫາກຄຳຕອບຄື ບໍ່ ມັນກໍເຖິງເວລາແລ້ວທີ່ຈະຕ້ອງລອງທົບທວນສິ່ງຕ່າງໆເບິ່ງໃໝ່ ແລະ ປ່ຽນສິ່ງທີ່ຄວນປ່ຽນ. ລອງຫາເວລາວ່າງພິຈາລະນາໃນສິ່ງຕ່າງໆຕໍ່ໄປນີ້ເບິ່ງ ເພື່ອຊີວິດທີ່ມີຄວາມສຸກຍິ່ງຂຶ້ນ.

7 ວິທີການນຳທາງໄປສູ່ຊີວິດທີ່ມີຄວາມສຸກຍິ່ງຂຶ້ນ - aHR0cH 300x180 - 7 ວິທີການນຳທາງໄປສູ່ຊີວິດທີ່ມີຄວາມສຸກຍິ່ງຂຶ້ນ

7 ວິທີການນຳທາງໄປສູ່ຊີວິດທີ່ມີຄວາມສຸກຍິ່ງຂຶ້ນ - Wave100S AD to Website 2020 0 - 7 ວິທີການນຳທາງໄປສູ່ຊີວິດທີ່ມີຄວາມສຸກຍິ່ງຂຶ້ນ
  1. ເນັ້ນເບິ່ງໃນດ້ານດີ : ມັນເປັນເລື່ອງງ່າຍທີ່ຄົນເຮົາຈະເຜີໄປຕິດກັບດັກຄວາມຄິດດ້ານລົບ ເຊັ່ນ : ກັງວົນເຖິງສິ່ງທີ່ຕ້ອງຮີບເຮັດໃຫ້ສຳເລັດ ຫລື ຄວນເຮັດໃຫ້ແລ້ວໆໄປ, ຄວາມຜິດພາດທີ່ເກີດຂຶ້ນ ແລະ ອື່ນໆອີກຫລວງຫລາຍ ແທນການປ່ອຍໃຫ້ເລື່ອງຮ້າຍໆ ແລະ ຄວາມກັງວົນເຫລົ່ານັ້ນມາຄອບງຳຄວາມຄິດຂອງເຮົາ ລອງປ່ຽນມາຄິດເຖິງເລື່ອງດີໆແດ່ ບໍ່ວ່າຈະມີເລື່ອງຮ້າຍໆຜ່ານເຂົ້າມາຫລາຍໜ້ອຍປານໃດ ລອງບັງຄັບຕົນເອງໃຫ້ພະຍາຍາມຄິດໃນດ້ານດີແດ່ ເພາະມັນຈະຊ່ວຍໃຫ້ເກີດທັດສະນະຄະຕິທີ່ດີຕໍ່ຊີວິດຂຶ້ນໃນໄລຍະຍາວ.
  2. ຫາສິ່ງບັນເທົາຄວາມເຄັ່ງຄຽດ : ລອງຄິດໃຫ້ອອກວ່າອັນໃດຈະຊ່ວຍຫລຸດຜ່ອນ ແລະ ຜ່ອນຄາຍຄວາມເຄັ່ງຄຽດຂອງທ່ານໄດ້ດີທີ່ສຸດ ບໍ່ວ່າຈະເປັນການຫລິ້ນດົນຕີ, ອອກກຳລັງກາຍ ຫລື ເຮັດຫຍັງກໍຕາມ ທ່ານລອງຫາກິດຈະກຳຍາມວ່າງທີ່ຈະຊ່ວຍດຶງຄວາມສົນໃຈຂອງທ່ານ ແລະ ເຮັດໃຫ້ທ່ານຮູ້ສຶກສະຫງົບ, ຈົ່ງຫາເວລາວ່າງໃຫ້ກັບຕົນເອງຈາກຕາຕະລາງວຽກອັນວຸ້ນວາຍ ເພື່ອທີ່ທ່ານຈະໄດ້ລອງຝຶກເຮັດກິດຈະກຳອື່ນໆທີ່ຊ່ວຍຜ່ອນຄາຍຄວາມເຄັ່ງຄຽດເປັນປະຈຳ.
  3. ຢ່າລັງເລທີ່ຈະຫາເວລາວ່າງໃຫ້ກັບຕົນເອງ : ມັນເປັນເລື່ອງທຳມະດາທີ່ຄົນເຮົາຈະຮູ້ສຶກຄືຖືກໂຈມຕີເມື່ອກຳລັງຫຍຸ້ງວຽກຢູ່ ແທນການປ່ອຍໃຫ້ຕົນເອງຮູ້ສຶກວຸ້ນວາຍຈົນຄືຫາທາງອອກບໍ່ໄດ້ຈົນຍອມແພ້ໄປ ປ່ຽນມາເປັນການຮຽນຮູ້ທີ່ຈະສັງເກດວ່າເມື່ອໃດທີ່ກຳລັງຈະໝົດຄວາມອົດທົນ ແລະ ຫາເວລາພັກເບຣກ, ການມີເວລາເປັນຂອງຕົນເອງແດ່ບໍ່ແມ່ນເລື່ອງເສຍຫາຍ ຈົ່ງລະນຶກໄວ້ສະເໝີວ່າສຸຂະພາບຈິດຂອງຄົນເຮົານັ້ນກໍສຳຄັນບໍ່ໜ້ອຍໄປກ່ວາສຸຂະພາບທາງກາຍເລີຍ.
  4. ຮັບຜິດຊອບຕໍ່ການກະທຳຂອງທ່ານ : ເມື່ອທ່ານເຮັດພາດ ແລະ ຕົກຢູ່ໃນສະຖານະການຍາກລຳບາກ ມັນງ່າຍຫລາຍທີ່ຈະຊີ້ນິ້ວຕຳໜິຄົນອື່ນໆ ໂດຍທີ່ເປັນຄວາມຜິດຂອງທ່ານ ທັງຍັງບໍ່ຊ່ວຍໃຫ້ສະຖານະການດີຂຶ້ນເລີຍ ແທນການຈະເມົາຄິດເຖິງສິ່ງທີ່ເຄີຍຄາດຫວັງໄວ້ໂດຍທີ່ມັນຜິດພາດໄປແລ້ວ ທ່ານຄວນຈະຍອມຮັບມັນ ແລະ ວິເຄາະສະຖານະການທີ່ເກີດຂຶ້ນ, ຄວບຄຸມສິ່ງທີ່ຍັງຄວບຄຸມໄດ້, ອັນໃດພາດໄປແລ້ວກໍປ່ອຍມັນໄປ, ແກ້ໄຂສິ່ງທີ່ຍັງແກ້ໄຂໄດ້ໃຫ້ດີຂຶ້ນ, ບໍ່ວ່າຈະເປັນເລື່ອງວຽກ ຫລື ຊີວິດສ່ວນໂຕ ແລະ ຈົ່ງຍອມຮັບໃນສິ່ງທີ່ທ່ານບໍ່ອາດປ່ຽນແປງໄດ້.
  5. ຈົ່ງເຂົ້າໃຈໃນເລື່ອງຕ່າງໆໃຫ້ຫລາຍຂຶ້ນ : ຄວາມເຂົ້າໃຈຜິດແມ່ນໜຶ່ງໃນສຸດຍອດໂຕກະຕຸ້ນຄວາມເຄັ່ງຄຽດທີ່ເກີດຂຶ້ນໄດ້ກັບທຸກຄົນ, ການເຂົ້າໃຈຄວາມຄິດຂອງຄົນອື່ນໄດ້ໂດຍປາສະຈາກອັກຄະຕິ ແມ່ນພອນສະຫວັນທີ່ໜ້ອຍຄົນຈະມີ ທັງຍັງເປັນລັກສະນະນິໄສທີ່ມີຄຸນຄ່າຫລາຍ ເວລາທີ່ທ່ານກຳລັງສົນທະນາກັບໃຜ ທ່ານຄວນເປີດໃຈຮັບຟັງໂດຍບໍ່ຕັດສິນ. ການກະທຳແບບນີ້ຈະນຳມາເຊິ່ງມິດຕະພາບໃໝ່ໆຫລາຍຂຶ້ນ ແລະ ຄວາມສາມາດໃນການເຂົ້າໃຈຄວາມຄິດຂອງຜູ້ອື່ນຍັງຈະຊ່ວຍໃຫ້ເຮົາຄິດ ແລະ ຮຽນຮູ້ໃນເລື່ອງນາມມະທຳຫລາຍຂຶ້ນນຳ.
  6. ທົບທວນຄວາມສຳພັນທີ່ທ່ານມີ : ທ່ານຄວນຈະພິຈາລະນາຄວາມສຳພັນໃນຊີວິດ, ຈັດລຽງໄປເທື່ອລະຢ່າງວ່າຄວາມສຳພັນເຫລົ່ານັ້ນມີຜົນຕໍ່ໂຕທ່ານແນວໃດໃນຊີວິດປະຈຳວັນ, ໃຜທີ່ຢາກເຫັນທ່ານປະສົບຄວາມສຳເລັດ, ໃຜທີ່ໃຫ້ແຮງບັນດານໃຈແກ່ທ່ານ ຫລື ໃຜທີ່ເຮັດໃຫ້ທ່ານມີຄວາມສຸກ ? ແລະ ລອງຄິດໃນທາງກົງກັນຂ້າມກັນນຳ ວ່າໃຜທີ່ກຳລັງດຶງທ່ານໃຫ້ຕົກຕໍ່າລົງ, ໃຜທີ່ກຳລັງເຮັດໃຫ້ທ່ານຮູ້ສຶກບໍ່ດີກັບຕົນເອງ ຫລື ມີອິດທິພົນດ້ານລົບໃນຊີວິດທ່ານ. ຈົ່ງຊື່ສັດຕໍ່ຕົນເອງໃຫ້ຫລາຍທີ່ສຸດ ແລະ ຢູ່ໃຫ້ຫ່າງຈາກຄົນທີ່ທ່ານຮູ້ສຶກວ່າເຂົາກຳລັງບັ່ນທອນກຳລັງຂອງທ່ານຢູ່, ຈົ່ງຢູ່ທ່າມກາງຜູ້ຄົນທີ່ມີອິດທິພົນຕໍ່ທ່ານໃນດ້ານບວກ, ຄົນທີ່ເຮັດໃຫ້ທ່ານມີຄວາມສຸກ ແລະ ສົ່ງເສີມຄຸນນະພາບຊີວິດຂອງທ່ານ.
  7. ໃຊ້ຊີວິດຂອງທ່ານຢ່າງກຸ້ມຄ່າທີ່ສຸດ : ມີພຽງທ່ານຄົນດຽວເທົ່ານັ້ນທີ່ຮູ້ວ່າອັນໃດເຮັດໃຫ້ທ່ານມີຄວາມສຸກ, ຈົ່ງຢ່າໃຫ້ໃຜມາບົງການຊີວິດຂອງທ່ານ, ຍ່າງໄປຕາມທາງທີ່ທ່ານຕ້ອງການໂດຍປາສະຈາກເຊິ່ງຄວາມຢ້ານຖືກຕັດສິນ. ແນ່ນອນວ່າຄອບຄົວຂອງທ່ານ ແລະ ໝູ່ເພື່ອນນັ້ນສຳຄັນ ແລະ ມັນກໍເປັນເລື່ອງດີຫລາຍຫາກທ່ານຈະຂໍຄຳແນະນຳຈາກພວກເຂົາໃນເວລາທີ່ທ່ານຕ້ອງການ, ແຕ່ທ້າຍທີ່ສຸດແລ້ວ ມັນກໍຕົກຢູ່ນຳການຕັດສິນໃຈຂອງທ່ານເອງແລ້ວວ່າຈະເຮັດນຳຫລືບໍ່, ຄົນເຮົາເກີດມາມີພຽງຊີວິດດຽວ. ສະນັ້ນແລ້ວ ຈົ່ງໃຊ້ຊີວິດໃນແບບທີ່ທ່ານປາຖະໜາ.
7 ວິທີການນຳທາງໄປສູ່ຊີວິດທີ່ມີຄວາມສຸກຍິ່ງຂຶ້ນ - WhatsApp Image 2020 05 27 at 5 - 7 ວິທີການນຳທາງໄປສູ່ຊີວິດທີ່ມີຄວາມສຸກຍິ່ງຂຶ້ນ
7 ວິທີການນຳທາງໄປສູ່ຊີວິດທີ່ມີຄວາມສຸກຍິ່ງຂຶ້ນ - WhatsApp Image 2020 05 27 at 5 - 7 ວິທີການນຳທາງໄປສູ່ຊີວິດທີ່ມີຄວາມສຸກຍິ່ງຂຶ້ນ
error: Alert: ເນື້ອຫາຂ່າວມີລິຂະສິດ !!