ເດັກນ້ອຍໄດ້ຫລິ້ນກາງແຈ້ງສາຍຕາສັ້ນໜ້ອຍລົງ

- advert banner 728 90 728x90 - ເດັກນ້ອຍໄດ້ຫລິ້ນກາງແຈ້ງສາຍຕາສັ້ນໜ້ອຍລົງ

ຜົນການສຶກສາໃໝ່ 2 ເທື່ອທີ່ໄດ້ຮັບການຕີພິມໃນວາລະສານດ້ານສາຍຕາວິທະຍາຂອງສະຫະລັດອາເມລິກາສະແດງໃຫ້ເຫັນວ່າການຫລິ້ນກາງແຈ້ງສາມາດຊ່ວຍປ້ອງກັນບັນຫາຕາສັ້ນໃນເດັກໄດ້.

ຄວາມຈິງແລ້ວຍັງບໍ່ມີໃຜຮູ້ວ່າເປັນຫຍັງແສງສະຫ່ວາງໃນຕອນກາງເວັນຈຶ່ງມີຄວາມສຳຄັນ, ແຕ່ຜູ້ຊ່ຽວຊານບາງພາກສ່ວນເຊື່ອວ່າ  ໂດພາມີນ ມີບົດບາດຫລາຍ ຍິ່ງມີ ປະລິມານໂດພາມີນໃນໜ່ວຍຕາຫລາຍຍິ່ງສ່ຽງສາຍຕາສັ້ນຫລາຍ.

ບັນຫາສາຍຕາສັ້ນ ຫລື ໄມໂອເປຍ ແມ່ນສະພາບດວງຕາທີ່ເຮັດໃຫ້ເບິ່ງສິ່ງທີ່ຢູ່ໃກ້ເຫັນແຈ້ງ, ແຕ່ເບິ່ງໄກໄດ້ລຳບາກ ອາການນີ້ສາມາດແກ້ໄຂໄດ້ໃນໄລຍະໄວເດັກ, ແຕ່ແນວໃດກໍຕາມ ບັນຫາອາການສາຍຕາສັ້ນອາດນຳໄປສູ່ຄວາມຜິດປົກກະຕິທາງສາຍຕາອື່ນໆໄດ້ເມື່ອໃຫຍ່ແລ້ວ.

- Tiger Head 728x90 - ເດັກນ້ອຍໄດ້ຫລິ້ນກາງແຈ້ງສາຍຕາສັ້ນໜ້ອຍລົງ
- 1 1 - ເດັກນ້ອຍໄດ້ຫລິ້ນກາງແຈ້ງສາຍຕາສັ້ນໜ້ອຍລົງ

ການວິໄຈກ່ຽວກັບເລື່ອງສາຍຕາສັ້ນເລີ່ມຫລາຍຂຶ້ນຫລັງຈາກພົບວ່າມີຄົນສາຍຕາສັ້ນຫລາຍຂຶ້ນເລື້ອຍໆ ຄ້າຍຄືຈະເປັນພະຍາດລະບາດໃນອາຊີ ແລະ ພູມີພາກອື່ນໆ ໂດຍສະເພາະແມ່ນໃນປະເທດພັດທະນາແລ້ວ. ສິ່ງທີ່ໜ້າຕົກໃຈກ່ວານັ້ນ ມີຄົນສາຍຕາສັ້ນເພີ່ມຂຶ້ນກ່ວາ 65% ນັບແຕ່ປີ 1970 ໃນສະຫະລັດອາເມລິກາ ເຖິງວ່າບັນຫາສາຍຕາສັ້ນມັກເກີດຈາກກຳມະພັນ ນັກວິໄຈກຳລັງປະເມີນປັດໄຈແວດລ້ອມເພື່ອອະທິບາຍວ່າເປັນຫຍັງອັດຕາການເພີ່ມຂຶ້ນຂອງຄົນສາຍຕາສັ້ນຈຶ່ງສູງຂຶ້ນໃນປະຊາກອນບາງກຸ່ມ.

ໃນການສຶກສາໂດຍຄົນໄຕ້ຫວັນ ນັກວິໄຈໄດ້ເຝົ້າສັງເກດນັກຮຽນ 333 ຄົນ ໃນໄລຍະພັກລະຫ່ວາງຮຽນໃນສະໜາມເດັກຫລິ້ນເດັກນ້ອຍເຫລົ່ານີ້ຫລາຍໆຄົນແຕ່ກ່ອນໃຊ້ເວລາພັກຜ່ອນໃນອາຄານ  ແຕ່ຖືກບັງຄັບໃຫ້ໃຊ້ເວລາລວມ 80 ນາທີໄປຫລິ້ນຢູ່ຂ້າງນອກອາຄານແທນ. ສ່ວນໂຮງຮຽນອີກແຫ່ງໜຶ່ງໃກ້ໆກັນບໍ່ມີການບັງຄັບໃຫ້ເດັກນ້ອຍອອກໄປຫລິ້ນຂ້າງນອກ. ນັກວິໄຈໄດ້ກວດສຸຂະພາບສາຍຕາຂອງນັກຮຽນທັງ 2 ແຫ່ງ ຕອນເລີ່ມຕົ້ນການສຶກສາ ແລະ 1 ປີຫລັງຈາກນັ້ນ ຜົນຂອງການສຶກສາພົບວ່າເດັກນ້ອຍໃນໂຮງຮຽນທີ່ບັງຄັບໃຫ້ອອກໄປຫລິ້ນຂ້າງນອກມີອັດຕາການມີບັນຫາສາຍຕາສັ້ນໜ້ອຍກ່ວາຫລາຍເມື່ອປຽບທຽບກັບເດັກນ້ອຍໃນອີກໂຮງຮຽນໜຶ່ງ. ນັກວິໄຈແນະນຳວ່າໂຮງຮຽນປະຖົມຄວນຈັດໃຫ້ເວລາພັກຜ່ອນເລື້ອຍໆ ແລະ ໃຫ້ນັກຮຽນມີກິດຈະກຳນອກຫ້ອງຮຽນໃນແຕ່ລະມື້ເພື່ອຊ່ວຍປ້ອງກັນພັດທະນາການທາງສາຍຕາ ແລະ ສາຍຕາຂອງເດັກນ້ອຍ. ໃນການ ສຶກສາອີກໜຶ່ງເທື່ອກ່ຽວກັບຜົນກະທົບຂອງແສງສະຫ່ວາງຕອນກາງເວັນຕໍ່ພັດທະນາການທາງສາຍຕາ ນັກວິໄຈວິເຄາະຂໍ້ມູນທີ່ລວບລວມໄວ້ໃນການທົດລອງທາງຄລີນິກກັບເດັກນ້ອຍປະເທດດານມາກ 235 ຄົນ ທີ່ມີບັນຫາສາຍຕາສັ້ນ. ໃນຕອນກາງເວັນທີ່ປະເທດດານມາກມີຄວາມແຕກຕ່າງກັນຫລາຍໃນແຕ່ລະດູການ ນັບແຕ່ 7 ໂມງໃນຍາມໜາວ ຈົນເກືອບ 18 ໂມງໃນຍາມຮ້ອນ ເດັກນ້ອຍຖືກແບ່ງອອກເປັນ 7 ກຸ່ມ ແຕ່ລະກຸ່ມຈະໄດ້ຮັບອະນຸຍາດໃຫ້ໄດ້ຮັບແສງແດດໃນຕອນກາງເວັນເປັນເວລາແຕກຕ່າງກັນ, ເດັກນ້ອຍແຕ່ລະກຸ່ມໄດ້ຮັບການທົດລອງສາຍຕາ ແລະ ຄວາມຍາວໜ່ວຍຕາ ເຊິ່ງໝາຍເຖິງໄລຍະທາງນັບແຕ່ທາງໜ້າ ເຖິງທາງຫລັງຂອງດວງຕາທັງໃນຕອນເລີ່ມຕົ້ນ ແລະ ຫລັງການທົດລອງ ຄວາມຍາວໜ່ວຍຕານີ້ເປັນມາດຕາວັດແທກສຳຄັນເນື່ອງຈາກຄວາມຍາວທີ່ຢືດອອກສະແດງໃຫ້ເຫັນວ່າສາຍຕາສັ້ນລົງ. ສຳລັບເດັກນ້ອຍກຸ່ມທີ່ໄດ້ຮັບແສງສະຫ່ວາງໃນຕອນກາງເວັນໜ້ອຍທີ່ສຸດມີຄວາມຍາວໜ່ວຍຕາເພີ່ມຂຶ້ນ 0,19 ມິນລີແມັດ, ແຕ່ເດັກນ້ອຍກຸ່ມທີ່ໄດ້ຮັບແສງແດດຫລາຍມີຄວາມຍາວໜ່ວຍຕາເພີ່ມຂຶ້ນແຕ່ 0,12 ມິນລີແມັດ. ການທົດລອງສະແດງໃຫ້ເຫັນວ່າການໄດ້ຮັບແສງສະຫ່ວາງຕອນກາງເວັນຈະຊ່ວຍປົກປ້ອງເດັກນ້ອຍຈາກອາການສາຍຕາສັ້ນ ແລະ ພໍ່ແມ່ຄວນສົ່ງເສີມໃຫ້ລູກອອກໄປຫລິ້ນກາງແຈ້ງທຸກໆມື້. ນອກຈາກນີ້, ການໃຫ້ລູກໄດ້ແລ່ນຫລິ້ນນອກເຮືອນຍັງຊ່ວຍຫລຸດບັນຫາການຕິດເກມໄດ້ນຳ.

error: Content is protected !!